Work in Abroad: 1.50 ਲੱਖ ਤਨਖਾਹ, ਖਾਣਾ ਅਤੇ ਰਿਹਾਇਸ਼ ਵੀ ਮੁਫ਼ਤ...ਇਹ ਦੇਸ਼ ਦੇ ਰਿਹਾ ਭਾਰਤੀਆਂ ਨੂੰ ਕੰਮ ਕਰਨ ਲਈ ਖਾਸ ਆਫਰ

Vacancy:ਇਜ਼ਰਾਈਲ ਵੱਲੋਂ ਭਾਰਤ ਤੋਂ ਮਦਦ ਮੰਗੀ ਗਈ ਹੈ। ਉਨ੍ਹਾਂ ਨੂੰ ਕੰਮ ਕਰਨ ਵਾਲੇ ਮਜ਼ਦੂਰ ਚਾਹੀਦੇ ਹਨ। ਜਿਸ ਕਰਕੇ ਭਾਰਤ ਤੋਂ 60 ਮਜ਼ਦੂਰਾਂ ਦਾ ਸਮੂਹ ਇਜ਼ਰਾਈਲ ਲਈ ਰਵਾਨਾ ਹੋ ਰਿਹਾ ਹੈ। ਦੱਸ ਦਈਏ ਇਨ੍ਹਾਂ ਮਜ਼ਦੂਰਾਂ ਨੂੰ 1.50 ਲੱਖ ਤਨਖਾਹ

( Image Source : Freepik )

Jobs in Israel: ਹਮਾਸ ਦੇ ਹਮਲਿਆਂ ਕਾਰਨ ਇਜ਼ਰਾਈਲ ਨੂੰ ਹੋਏ ਨੁਕਸਾਨ ਦੀ ਭਰਪਾਈ ਲਈ ਇਜ਼ਰਾਈਲ ਨੂੰ ਮਜ਼ਦੂਰਾਂ ਦੀ ਲੋੜ ਹੈ। ਇਸ ਦੇ ਲਈ ਉਸ ਨੇ ਭਾਰਤ ਤੋਂ ਮਦਦ ਮੰਗੀ ਹੈ। ਭਾਰਤ ਨੇ ਮਦਦ ਦਾ ਭਰੋਸਾ ਦਿੱਤਾ ਅਤੇ ਹੁਣ ਮਜ਼ਦੂਰਾਂ ਦਾ ਪਹਿਲਾ ਜੱਥਾ ਇਜ਼ਰਾਈਲ ਲਈ ਰਵਾਨਾ ਹੋ ਰਿਹਾ ਹੈ। ਭਾਰਤ ਤੋਂ 60 ਮਜ਼ਦੂਰਾਂ ਦਾ ਸਮੂਹ ਇਜ਼ਰਾਈਲ ਲਈ ਰਵਾਨਾ ਹੋ ਰਿਹਾ ਹੈ। ਹਰਿਆਣਾ ਤੋਂ ਨੌਜਵਾਨ ਵਰਕਰਾਂ ਦਾ ਪਹਿਲਾ ਜੱਥਾ ਇਜ਼ਰਾਈਲ ਲਈ ਰਵਾਨਾ ਹੋ ਗਿਆ ਹੈ।

ਜੰਗ ਦੇ ਦੌਰਾਨ ਭਾਰਤੀ ਮਜ਼ਦੂਰ ਇਜ਼ਰਾਈਲ ਵਿੱਚ ਕੰਮ ਕਰਨਗੇ (Indian laborers would work in Israel during the war)

ਅਕਤੂਬਰ 2023 'ਚ ਇਜ਼ਰਾਈਲ 'ਤੇ ਹਮਾਸ ਦੇ ਹਮਲੇ ਤੋਂ ਬਾਅਦ ਹੁਣ ਉੱਥੇ ਕਰਮਚਾਰੀਆਂ ਦੀ ਭਾਰੀ ਕਮੀ ਹੈ। ਇਜ਼ਰਾਈਲ ਨੇ ਇਸ ਦੇ ਲਈ ਭਾਰਤ ਤੋਂ ਮਦਦ ਮੰਗੀ ਸੀ। ਇਸ ਦੇ ਲਈ ਭਾਰਤ ਵਿੱਚ ਮਜ਼ਦੂਰਾਂ ਦੀ ਚੋਣ ਕੀਤੀ ਗਈ ਸੀ। ਮਜ਼ਦੂਰਾਂ ਦੀ ਚੋਣ ਲਈ ਇਜ਼ਰਾਈਲ ਦੀ 15 ਮੈਂਬਰੀ ਟੀਮ ਉੱਤਰ ਪ੍ਰਦੇਸ਼ ਅਤੇ ਹਰਿਆਣਾ ਪਹੁੰਚੀ। ਹੁਣ ਭਾਰਤ ਤੋਂ 60 ਮਜ਼ਦੂਰ ਇਜ਼ਰਾਈਲ ਭੇਜੇ ਗਏ ਹਨ। ਇਹ ਮਿਸਤਰੀ, ਤਰਖਾਣ ਅਤੇ ਹੋਰ ਹੁਨਰਮੰਦ ਉਸਾਰੀ ਕਾਮੇ ਇਜ਼ਰਾਈਲ ਵਿੱਚ ਵੱਖ-ਵੱਖ ਸੈਕਟਰਾਂ ਵਿੱਚ ਕੰਮ ਕਰਨਗੇ। ਯੁੱਧ ਤੋਂ ਪਹਿਲਾਂ ਫਲਸਤੀਨੀ ਕਰਮਚਾਰੀ ਉੱਥੇ ਕੰਮ ਕਰਦੇ ਸਨ ਪਰ ਹਮਾਸ ਦੇ ਹਮਲੇ ਤੋਂ ਬਾਅਦ ਉਨ੍ਹਾਂ ਦੇ ਪਰਮਿਟ ਰੱਦ ਕਰ ਦਿੱਤੇ ਗਏ ਹਨ। ਗਾਜ਼ਾ ਨਾਲ ਲੱਗਦੀਆਂ ਸਰਹੱਦਾਂ ਨੂੰ ਵੀ ਫਲਸਤੀਨੀਆਂ ਲਈ ਬੰਦ ਕਰ ਦਿੱਤਾ ਗਿਆ ਹੈ। ਅਜਿਹੇ 'ਚ ਇਜ਼ਰਾਈਲ ਨੂੰ ਦੂਜੇ ਦੇਸ਼ਾਂ ਤੋਂ ਮਜ਼ਦੂਰ ਮੰਗਵਾਉਣੇ ਪਏ ਹਨ।

ਇਜ਼ਰਾਈਲ ਗਏ ਭਾਰਤੀ ਕਾਮਿਆਂ ਨੂੰ ਕਿੰਨੀ ਤਨਖਾਹ ਮਿਲੇਗੀ? (How much salary will get Indian workers)

ਇਜ਼ਰਾਈਲ ਜਾਣ ਵਾਲੇ ਕਾਮਿਆਂ ਨੂੰ ਠੇਕੇ 'ਤੇ ਭੇਜਿਆ ਜਾ ਰਿਹਾ ਹੈ। ਇਹ ਇਕਰਾਰਨਾਮਾ ਇੱਕ ਸਾਲ ਤੋਂ ਵੱਧ ਸਮੇਂ ਲਈ ਹੋ ਸਕਦਾ ਹੈ। ਨਿਊਜ਼ ਏਜੰਸੀ ਏਪੀ ਮੁਤਾਬਕ ਇਜ਼ਰਾਈਲ ਜਾਣ ਵਾਲੇ ਭਾਰਤੀ ਮਜ਼ਦੂਰਾਂ ਨੂੰ ਹਰ ਮਹੀਨੇ ਤਨਖ਼ਾਹ ਵਜੋਂ 6100 ਇਜ਼ਰਾਈਲੀ ਨਵੀਂ ਸ਼ੇਕੇਲ ਕਰੰਸੀ ਮਿਲੇਗੀ। ਜੇਕਰ ਭਾਰਤੀ ਕਰੰਸੀ 'ਚ ਦੇਖੀਏ ਤਾਂ ਤਨਖਾਹ 1 ਲੱਖ 37 ਹਜ਼ਾਰ 260 ਰੁਪਏ ਹੋਵੇਗੀ। ਤਨਖਾਹ ਤੋਂ ਇਲਾਵਾ 16,515 ਰੁਪਏ ਬੋਨਸ ਵਜੋਂ ਦਿੱਤੇ ਜਾਣਗੇ। ਮਤਲਬ ਕੁੱਲ ਮਿਲਾ ਕੇ ਤੁਹਾਨੂੰ ਤਨਖਾਹ ਵਜੋਂ 1.50 ਲੱਖ ਰੁਪਏ ਮਿਲਣਗੇ। ਇਸ ਤੋਂ ਇਲਾਵਾ ਮਜ਼ਦੂਰਾਂ ਨੂੰ ਇਜ਼ਰਾਈਲ ਸਰਕਾਰ ਤੋਂ ਮੈਡੀਕਲ ਬੀਮਾ, ਖਾਣਾ ਅਤੇ ਰਿਹਾਇਸ਼ ਮਿਲੇਗੀ।

ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।