Muslim Reservation: 'ਸਾਡਾ ਉਦੇਸ਼ ਮੁਸਲਿਮ ਰਿਜ਼ਰਵੇਸ਼ਨ ਖ਼ਤਮ ਹੋਵੇ', ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਕਿਹਾ- ਇਹ ਸੰਵਿਧਾਨ ਦੇ ਖ਼ਿਲਾਫ਼

Muslim Reservation: ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਨਾਂਦੇੜ ਦੀ ਰੈਲੀ 'ਚ ਕਿਹਾ ਕਿ ਭਾਜਪਾ ਦਾ ਮੰਨਣਾ ਹੈ ਕਿ ਮੁਸਲਿਮ ਰਾਖਵਾਂਕਰਨ ਨਹੀਂ ਹੋਣਾ ਚਾਹੀਦਾ ਕਿਉਂਕਿ ਇਹ ਸੰਵਿਧਾਨ ਦੇ ਖਿਲਾਫ ਹੈ।

Muslim Reservation

Union Home Minister Amit Shah: ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ ਨੂੰ ਲੈ ਕੇ ਸਰਗਰਮ ਹਨ। ਸ਼ਾਹ ਨੇ ਮਹਾਰਾਸ਼ਟਰ ਦੇ ਨਾਂਦੇੜ 'ਚ ਸ਼ਨੀਵਾਰ (10 ਜੂਨ) ਨੂੰ ਮੁਸਲਿਮ ਰਾਖਵੇਂਕਰਨ ਨੂੰ ਲੈ ਕੇ ਵੱਡਾ ਬਿਆਨ ਦਿੱਤਾ। ਉਨ੍ਹਾਂ ਕਿਹਾ ਕਿ ਭਾਜਪਾ ਦਾ ਮੰਨਣਾ ਹੈ ਕਿ ਮੁਸਲਿਮ ਰਾਖਵਾਂਕਰਨ ਨਹੀਂ ਹੋਣਾ ਚਾਹੀਦਾ ਕਿਉਂਕਿ ਇਹ ਸੰਵਿਧਾਨ ਦੇ ਵਿਰੁੱਧ ਹੈ। ਧਰਮ ਅਧਾਰਤ ਰਾਖਵਾਂਕਰਨ ਨਹੀਂ ਹੋਣਾ ਚਾਹੀਦਾ। ਸ਼ਾਹ ਨੇ ਕਿਹਾ ਕਿ ਊਧਵ ਠਾਕਰੇ ਨੂੰ ਇਸ 'ਤੇ ਆਪਣਾ ਪੱਖ ਸਪੱਸ਼ਟ ਕਰਨਾ ਚਾਹੀਦਾ ਹੈ।
ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਮਹਾਰਾਸ਼ਟਰ ਦੇ ਸਾਬਕਾ ਮੁੱਖ ਮੰਤਰੀ ਊਧਵ ਠਾਕਰੇ ਨੂੰ ਸਵਾਲ ਕੀਤਾ, "ਮੈਂ ਊਧਵ ਠਾਕਰੇ ਨੂੰ ਪੁੱਛਦਾ ਹਾਂ ਕਿ ਕਰਨਾਟਕ ਵਿੱਚ ਬਣੀ ਸਰਕਾਰ ਇਤਿਹਾਸ ਦੀਆਂ ਕਿਤਾਬਾਂ ਵਿੱਚੋਂ ਵੀਰ ਸਾਵਰਕਰ ਨੂੰ ਮਿਟਾਉਣਾ ਚਾਹੁੰਦੀ ਹੈ। ਕੀ ਤੁਸੀਂ ਇਸ ਨਾਲ ਸਹਿਮਤ ਹੋ? ਮੈਂ ਨਾਂਦੇੜ ਤੋਂ ਹਾਂ, ਮੈਂ ਜਨਤਾ ਨੂੰ ਪੁੱਛਦਾ ਹਾਂ ਕਿ ਵੀਰ ਸਾਵਰਕਰ ਨੂੰ ਕੀ ਕਰਨਾ ਚਾਹੀਦਾ ਹੈ?, ਮਹਾਨ ਦੇਸ਼ ਭਗਤ, ਕੁਰਬਾਨੀ ਦੇਣ ਵਾਲੇ ਇਨਸਾਨ ਦੀ ਇੱਜ਼ਤ ਹੋਣੀ ਚਾਹੀਦੀ ਹੈ ਜਾਂ ਨਹੀਂ?ਉਧਵ ਜੀ, ਤੁਸੀਂ ਦੋ ਬੇੜੀਆਂ ਵਿੱਚ ਪੈਰ ਨਹੀਂ ਰੱਖ ਸਕਦੇ...ਉਧਵ ਜੀ ਕਹਿੰਦੇ ਹਨ ਕਿ ਅਸੀਂ ਉਨ੍ਹਾਂ ਦੀ ਸਰਕਾਰ ਤੋੜੀ, ਅਸੀਂ ਉਨ੍ਹਾਂ ਦੀ ਸਰਕਾਰ ਨਹੀਂ ਤੋੜੀ। ਸ਼ਿਵ ਸੈਨਿਕਾਂ ਨੇ ਤੁਹਾਡੀ ਪਾਰਟੀ ਛੱਡ ਦਿੱਤੀ ਹੈ। ਤੁਹਾਡੀਆਂ ਨੀਤੀਆਂ ਵਿਰੋਧੀ ਗੱਲਾਂ ਤੋਂ ਤੰਗ ਆ ਕੇ।"

 

#WATCH | BJP believes that there should not be Muslim reservation as it is against the Constitution. Religion-based reservation should not happen. Uddhav Thackeray should make his stand clear on this: Union Home Minister Amit Shah in Maharashtra's Nanded pic.twitter.com/FPaIjnYKaj

— ANI (@ANI) June 10, 2023

ਰਾਹੁਲ ਵਿਦੇਸ਼ ਜਾ ਕੇ ਦੇਸ਼ ਦਾ ਅਪਮਾਨ ਕਰਦੈ - ਸ਼ਾਹ

ਕਾਂਗਰਸ ਆਗੂ ਰਾਹੁਲ ਗਾਂਧੀ ਨੂੰ ਘੇਰਦਿਆਂ ਉਨ੍ਹਾਂ ਅੱਗੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਜਿੱਥੇ ਵੀ ਜਾਂਦੇ ਹਨ, ਉੱਥੇ 'ਮੋਦੀ...ਮੋਦੀ...ਮੋਦੀ' ਦੇ ਨਾਅਰੇ ਲੱਗਦੇ ਹਨ, ਇੱਕ ਪਾਸੇ ਮੋਦੀ ਜੀ ਨੂੰ ਦੁਨੀਆ 'ਚ ਇੱਜ਼ਤ ਮਿਲ ਰਹੀ ਹੈ। ਦੂਜੇ ਪਾਸੇ ਕਾਂਗਰਸ ਦਾ ਸ਼ਹਿਜ਼ਾਦਾ ਰਾਹੁਲ ਬਾਬਾ ਵਿਦੇਸ਼ ਜਾ ਕੇ ਦੇਸ਼ ਦਾ ਅਪਮਾਨ ਕਰ ਰਿਹਾ ਹੈ।

ਦੇਸ਼ ਵਿੱਚ ਰਾਹੁਲ ਗਾਂਧੀ ਨੂੰ  ਸੁਣਨ ਵਾਲੇ ਬਹੁਤ ਘੱਟ ਲੋਕ

ਸ਼ਾਹ ਨੇ ਨਾਂਦੇੜ 'ਚ ਕਿਹਾ ਰਾਹੁਲ ਬਾਬਾ, ਵਿਦੇਸ਼ 'ਚ ਦੇਸ਼ ਦੀ ਰਾਜਨੀਤੀ ਦੀ ਗੱਲ ਨਹੀਂ ਕਰਦੇ। ਜੇ ਨਹੀਂ ਪਤਾ ਤਾਂ ਕਾਂਗਰਸ ਦੇ ਸੀਨੀਅਰ ਲੀਡਰਾਂ ਤੋਂ ਪੁੱਛ ਲਓ। ਰਾਹੁਲ ਬਾਬਾ ਇੱਥੇ ਨਹੀਂ ਬੋਲਦਾ, ਵਿਦੇਸ਼ਾਂ ਵਿੱਚ ਬੋਲਦਾ ਹੈ ਕਿਉਂਕਿ ਇੱਥੇ ਉਨ੍ਹਾਂ ਨੂੰ ਸੁਣਨ ਵਾਲੇ ਘੱਟ ਹੋ ਗਏ ਹਨ।