ਕੋਰੋਨਾ ਦਾ ਕਹਿਰ 'ਚ ਬੈਂਕਾਂ ਵੱਲ਼ੋਂ ਰਾਹਤ, ਘੱਟ ਵਿਆਜ ‘ਤੇ ਮਿਲੇਗਾ 1 ਲੱਖ ਤੱਕ ਦਾ ਲੋਨ

ਦੱਸ ਦਈਏ ਕਿ ਇਹ ਸਕੀਮ 30 ਜੂਨ, 2020 ਤੱਕ ਵੈਲਿਡ ਹੈ। ਇਸ ਤੋਂ ਪਹਿਲਾਂ ਬੈਂਕ ਆਫ਼ ਇੰਡੀਆ ਤੇ ਐਸਬੀਆਈ ਵੀ ਸਪੈਸ਼ਲ ਲੋਨ ਸਕੀਮ ਦੀ ਸ਼ੁਰੂਆਤ ਕਰ ਚੁੱਕੇ ਹਨ।

ਨਵੀਂ ਦਿੱਲੀ: ਕੋਰੋਨਾਵਾਇਰਸ ਕਰਕੇ ਦੇਸ਼ ‘ਚ ਲੌਕਡਾਊਨ ਜਾਰੀ ਹੈ ਜਿਸ ਕਾਰਨ ਬਹੁਤ ਸਾਰੇ ਲੋਕਾਂ ਲਈ ਰੁਜ਼ਗਾਰ ਦਾ ਸੰਕਟ ਪੈਦਾ ਹੋ ਗਿਆ ਹੈ। ਇਸ ਕਾਰਨ ਉਹ ਆਰਥਿਕ ਸੰਕਟ ਦਾ ਸਾਹਮਣਾ ਕਰ ਰਹੇ ਹਨ। ਇਸ ਦੇ ਮੱਦੇਨਜ਼ਰ, ਇੰਡੀਅਨ ਓਵਰਸੀਜ਼ ਬੈਂਕ (ਆਈਓਬੀ) ਨੇ ਸਪੈਸ਼ਲ ਲੋਨ ਸਕੀਮ ਸ਼ੁਰੂ ਕੀਤੀ ਹੈ, ਜਿਸ ਦਾ ਲਾਭ ਕਿਸੇ ਵੀ ਸਵੈ ਸਹਾਇਤਾ ਸਮੂਹ (ਐਸਐਚਜੀ) ਵੱਲੋਂ ਲਿਆ ਜਾ ਸਕਦਾ ਹੈ। ਇਸ ਤਹਿਤ ਐਸਐਚਜੀ ਨੂੰ ਪ੍ਰਤੀ ਸਾਲ 9.4% ‘ਤੇ ਕਰਜ਼ਾ ਮਿਲੇਗਾ ਤੇ ਇਸ ਲਈ ਕੋਈ ਵਧੇਰੇ ਸਿਕਉਰਟੀ ਵੀ ਨਹੀਂ ਲਈ ਜਾਵੇਗੀ। ਕਿੰਨਾ ਮਿਲੇਗਾ ਕਰਜ਼ਾ? ਇਸ ਯੋਜਨਾ ਤਹਿਤ ਕਿਸੇ ਵੀ ਸਵੈ-ਸਹਾਇਤਾ ਸਮੂਹ ਲਈ ਵੱਧ ਤੋਂ ਵੱਧ ਇੱਕ ਲੱਖ ਰੁਪਏ ਦਾ ਲੋਨ ਮਿਲੇਗਾ। ਇਸ ਦੇ ਨਾਲ ਹੀ ਸਮੂਹ ਦਾ ਹਰ ਮੈਂਬਰ 5000 ਰੁਪਏ ਤੱਕ ਦਾ ਕਰਜ਼ਾ ਲੈ ਸਕੇਗਾ। ਕੌਣ ਕਰਜ਼ਾ ਲੈ ਸਕਦਾ ਹੈ? ਬੈਂਕ ਮੁਤਾਬਕ, ਇਸ ਸਕੀਮ ਵਿੱਚ ਸਿਰਫ ਉਨ੍ਹਾਂ ਵਿਅਕਤੀਆਂ ਨੂੰ ਕਰਜ਼ਾ ਮਿਲੇਗਾ ਜਿਸ ਦਾ ਟਰੈਕ ਰਿਕਾਰਡ ਵਧੀਆ ਹੋਵੇਗਾ। ਇਸ ਤੋਂ ਇਲਾਵਾ, ਇਸ ਤੋਂ ਪਹਿਲਾਂ ਘੱਟੋ ਘੱਟ ਦੋ ਵਾਰ ਐਸਐਚਜੀ ਨੇ ਕਿਸੇ ਵੀ ਬੈਂਕ ਤੋਂ ਕਰਜ਼ਾ ਲਿਆ ਹੈ। ਇਸ ਦਾ ਮਤਲਬ ਹੈ ਕਿ ਐਸਐਚਜੀ ਜਿਸ ਨੇ ਸਮੇਂ ਸਿਰ ਕਰਜ਼ਾ ਵਾਪਸ ਕਰ ਦਿੱਤਾ ਹੈ। ਇਹ ਵੀ ਸ਼ਰਤ ਹੈ ਕਿ ਐਸਐਚਜੀ 1 ਮਾਰਚ, 2020 ਨੂੰ ਕਰਜ਼ਾ ਲੈਣ ਦੇ ਯੋਗ ਹੋਣ। ਕਿੱਥੇ ਅਪਲਾਈ ਕਰੀਏ? ਇਹ ਲੋਨ ਲੈਣ ਲਈ ਸਿੱਧੇ ਬੈਂਕ ਸ਼ਾਖਾ ਵਿੱਚ ਅਰਜ਼ੀ ਦੇਣੀ ਹੋਵੇਗੀ। ਜੇ ਆਈਓਬੀ ਬ੍ਰਾਂਚ ਤੁਹਾਡੇ ਤੋਂ ਦੂਰ ਹੈ, ਤਾਂ ਬਿਜ਼ਨੈੱਸ ਕਾਰਪੋਰੇਂਸਡ ਦੁਆਰਾ ਅਰਜ਼ੀ ਵੀ ਜਮ੍ਹਾ ਕੀਤੀ ਜਾ ਸਕਦੀ ਹੈ। 6 ਦਿਨਾਂ ‘ਚ ਮਿਲ ਜਾਵੇਗਾ ਲੋਨ ਐਸਐਚਜੀ ਦੁਆਰਾ ਸ਼ਾਖਾ ਨੂੰ ਲੋੜੀਂਦੇ ਦਸਤਾਵੇਜ਼ਾਂ ਸਣੇ ਸ਼ਾਖਾ ਨੂੰ ਜਮ੍ਹਾ ਕਰਨ ਤੋਂ 6 ਦਿਨਾਂ ਦੇ ਅੰਦਰ ਕਰਜ਼ਾ ਮਿਲ ਜਾਵੇਗਾ। ਇਸ ਯੋਜਨਾ ਦੇ ਤਹਿਤ, ਕਰਜ਼ਾ ਲੈਣ ਤੋਂ ਬਾਅਦ ਛੇ ਮਹੀਨਿਆਂ ਦੀ ਮੁਆਫੀ ਦੀ ਮਿਆਦ ਹੋਵੇਗੀ। ਉਸ ਤੋਂ ਬਾਅਦ 30 ਈਐਮਆਈ ‘ਚ ਕਰਜ਼ਾ ਵਾਪਸ ਕਰਨਾ ਪਏਗਾ। ਬੈਂਕ ਇਸ ਲੋਨ ਲਈ ਕੋਈ ਵਾਧੂ ਫੀਸ ਨਹੀਂ ਲਵੇਗਾ। ਐਸਬੀਆਈ ਨੇ ਐਗਰੀ ਗੋਲਡ ਲੋਨ ਸਕੀਮ ਦੀ ਸ਼ੁਰੂਆਤ ਕੀਤੀ: ਐਸਬੀਆਈ ਨੇ ਐਗਰੀ ਗੋਲਡ ਲੋਨ ਸਕੀਮ ਲਾਂਚ ਕੀਤੀ ਹੈ। ਇਸ ਦੇ ਤਹਿਤ ਕਿਸਾਨ ਸੋਨੇ ਦੇ ਗਹਿਣਿਆਂ ਦੇ ਕੇ ਆਪਣੀ ਜ਼ਰੂਰਤ ਮੁਤਾਬਕ ਲੋਨ ਲੈ ਸਕਦੇ ਹਨ। ਲੌਕਡਾਊਨ ਦੌਰਾਨ 5 ਲੱਖ ਕਿਸਾਨਾਂ ਨੇ ਇਸ ਦਾ ਲਾਭ ਲਿਆ ਹੈ। ਵਧੇਰੇ ਜਾਣਕਾਰੀ ਲਈ, ਇਸ ਵੈਬਸਾਈਟ ‘ਤੇ ਜਾਓ Click here ਬੈਂਕ ਆਫ਼ ਬੜੌਦਾ ਵਿਸ਼ੇਸ਼ ਨਿੱਜੀ ਲੋਨ ਵੀ ਦੇ ਰਿਹਾ ਹੈ: ਬੈਂਕ ਆਫ਼ ਬੜੌਦਾ ਨੇ ਆਪਣੇ ਗਾਹਕਾਂ ਲਈ ਕੋਰੋਨਵਾਇਰਸ ਨਾਲ ਨਜਿੱਠਣ ਲਈ ਇੱਕ ਖਾਸ ਨਿੱਜੀ ਲੋਨ ਦੀ ਸ਼ੁਰੂਆਤ ਕੀਤੀ ਹੈ। ਇਸ ਦੇ ਤਹਿਤ ਵੱਧ ਤੋਂ ਵੱਧ 5 ਲੱਖ ਰੁਪਏ ਦਾ ਕਰਜ਼ਾ ਲਿਆ ਜਾ ਸਕਦਾ ਹੈ। ਲੋਨ ਲਈ ਗਾਹਕਾਂ ਨੂੰ ਉਨ੍ਹਾਂ ਦੀ ਬੈਂਕ ਸ਼ਾਖਾ ‘ਤੇ ਜਾਣਾ ਪਏਗਾ। ਸਕਿਮ 30 ਸਤੰਬਰ, 2020 ਤੱਕ ਯੋਗ ਹੈ। ਬੀਓਬੀ ਵੈਬਸਾਈਟ ਮੁਤਾਬਕ, ਗ੍ਰਾਹਕ ਹੋਮ ਲੋਨ, ਲੋਨ ਅਗੈਂਸਟ ਪ੍ਰੋਪਰਟੀ ਜਾਂ ਆਟੋ ਲੋਨ ਲੈਣ ਵਾਲੇ ਗਾਹਕ ਬੈਂਕ ਦੀ ਇਸ ਸਹੂਲਤ ਦਾ ਲਾਭ ਲੈ ਸਕਦੇ ਹਨ। ਇਸਦੇ ਨਾਲ, ਉਨ੍ਹਾਂ ਦਾ ਕ੍ਰੈਡਿਟ ਸਕੋਰ 650 ਜਾਂ ਇਸ ਤੋਂ ਵੱਧ ਹੋਣਾ ਚਾਹਿਦਾ ਹੈ। ਇਹ ਲੋਨ ਪੰਜ ਸਾਲ ‘ਚ ਵਾਪਸ ਕਰਨਾ ਪਏਗਾ। ਵਧੇਰੇ ਜਾਣਕਾਰੀ ਲਈ  ਵੈਬਸਾਈਟ ‘ਤੇ ਜਾਓ। Click here