Nagpur News : ਗੂਗਲ 'ਤੇ ਨੌਕਰੀ ਸਰਚ ਕਰਨਾ ਤੁਹਾਨੂੰ ਕਰ ਸਕਦੈ ਕੰਗਾਲ ! ਨਾਗਪੁਰ 'ਚ ਨੌਜਵਾਨ ਤੋਂ ਠੱਗੇ 16 ਲੱਖ ਰੁਪਏ

Maharashtra News : ਜੇਕਰ ਤੁਸੀਂ ਕਿਸੇ ਕੰਪਨੀ ਦੀ ਫਰੈਂਚਾਈਜ਼ੀ ਲੈਣ ਲਈ ਗੂਗਲ 'ਤੇ ਉਸ ਦਾ ਨੰਬਰ ਸਰਚ ਕਰਦੇ ਹੋ ਤਾਂ ਤੁਹਾਨੂੰ ਸਾਵਧਾਨ ਰਹਿਣ ਦੀ ਲੋੜ ਹੈ। ਨਹੀਂ ਤਾਂ ਤੁਸੀਂ ਵੀ ਧੋਖਾਧੜੀ ਦਾ ਸ਼ਿਕਾਰ ਹੋ ਸਕਦੇ ਹੋ। ਫਰੈਂਚਾਇਜ਼ੀ ਦੇ ਨਾਂ 'ਤੇ ਤੁਸੀਂ ਸਾਈਬਰ ਠੱਗਾਂ ਦੇ ਜਾਲ 'ਚ ਫਸ ਸਕਦੇ ਹੋ।

Cyber Crime

Maharashtra News : ਜੇਕਰ ਤੁਸੀਂ ਕਿਸੇ ਕੰਪਨੀ ਦੀ ਫਰੈਂਚਾਈਜ਼ੀ ਲੈਣ ਲਈ ਗੂਗਲ 'ਤੇ ਉਸ ਦਾ ਨੰਬਰ ਸਰਚ ਕਰਦੇ ਹੋ ਤਾਂ ਤੁਹਾਨੂੰ ਸਾਵਧਾਨ ਰਹਿਣ ਦੀ ਲੋੜ ਹੈ। ਨਹੀਂ ਤਾਂ ਤੁਸੀਂ ਵੀ ਧੋਖਾਧੜੀ ਦਾ ਸ਼ਿਕਾਰ ਹੋ ਸਕਦੇ ਹੋ। ਫਰੈਂਚਾਇਜ਼ੀ ਦੇ ਨਾਂ 'ਤੇ ਤੁਸੀਂ ਸਾਈਬਰ ਠੱਗਾਂ ਦੇ ਜਾਲ 'ਚ ਫਸ ਸਕਦੇ ਹੋ। ਅਜਿਹਾ ਹੀ ਕੁਝ ਨਾਗਪੁਰ 'ਚ ਹੋਇਆ ਹੈ। ਨੌਜਵਾਨ ਨਾਲ ਫੂਡ ਪ੍ਰੋਡਕਟ ਦੀ ਫਰੈਂਚਾਈਜ਼ੀ ਲੈਣ ਸਬੰਧੀ ਠੱਗੀ ਮਾਰੀ ਗਈ ਹੈ। ਨੌਜਵਾਨ ਫਰੈਂਚਾਈਜ਼ੀ ਦੇ ਚੱਕਰ 'ਚ ਇੰਨਾ ਫਸ ਗਿਆ ਕਿ ਉਸ ਨੂੰ 16 ਲੱਖ ਰੁਪਏ ਦਾ ਨੁਕਸਾਨ ਹੋ ਗਿਆ।

 ਫੂਡ ਪ੍ਰੋਡਕਟ ਦਾ ਕਾਰੋਬਾਰ ਕਰਨਾ ਚਾਹੁੰਦਾ ਸੀ ਨੌਜਵਾਨ 

ਧੋਖਾਧੜੀ ਦਾ ਸ਼ਿਕਾਰ ਹੋਏ ਨੌਜਵਾਨ ਨੇ ਮੁਲਜ਼ਮਾਂ ਖ਼ਿਲਾਫ਼ ਥਾਣਾ ਸਦਰ ਵਿੱਚ ਕੇਸ ਦਰਜ ਕਰਵਾਇਆ ਹੈ। ਜਿਸ ਤੋਂ ਬਾਅਦ ਪੁਲਿਸ ਮਾਮਲੇ ਦੀ ਜਾਂਚ ਵਿੱਚ ਜੁਟੀ ਹੋਈ ਹੈ। ਨਾਗਪੁਰ ਜ਼ਿਲ੍ਹੇ ਦੇ ਪਿੰਡ ਯਰਖੇੜਾ ਦਾ ਰਹਿਣ ਵਾਲਾ ਰਾਹੁਲ ਮੁਪੀਡਵਾਰ ਫੂਡ ਪ੍ਰੋਡਕਟ ਦਾ ਕਾਰੋਬਾਰ ਕਰਨਾ ਚਾਹੁੰਦਾ ਸੀ। ਜਿਸ ਲਈ ਉਸ ਨੇ ਫੂਡ ਕੰਪਨੀ ਤੋਂ ਫਰੈਂਚਾਈਜ਼ੀ ਲੈਣ ਦਾ ਮਨ ਬਣਾਇਆ। ਇਸ ਦੇ ਲਈ ਉਸ ਨੇ ਗੂਗਲ ਦੀ ਮਦਦ ਨਾਲ ਫੂਡ ਪ੍ਰੋਡਕਟਸ ਦੀ ਫਰੈਂਚਾਈਜ਼ੀ ਲੈਣ ਬਾਰੇ ਸੁਣਿਆ ਸੀ। ਜਿਸ 'ਤੇ ਰਾਹੁਲ ਨੇ ਗੂਗਲ 'ਤੇ ਕੰਪਨੀ ਦੀ ਫਰੈਂਚਾਈਜ਼ੀ ਲੈਣ ਲਈ ਆਨਲਾਈਨ ਅਪਲਾਈ ਕੀਤਾ। ਉੱਥੋਂ ਫੂਡ ਕੰਪਨੀ ਦੇ ਨੁਮਾਇੰਦੇ ਨੇ ਫੋਨ ਕਰਕੇ ਆਪਣਾ ਨਾਂ ਉਮੇਂਦਰ ਲਹਿਰੇ ਦੱਸਿਆ।

 

 ਇਹ ਵੀ ਪੜ੍ਹੋ : ਪੰਜਾਬ ਸਰਕਾਰ ਵੱਲੋਂ ਅੰਮ੍ਰਿਤਸਰ 'ਚ ਖੋਲ੍ਹੇ ਮਹੱਲਾ ਕਲੀਨਿਕ 'ਚੋਂ ਚੋਰ ਪ੍ਰਿੰਟਰ ਤੇ ਏਸੀ ਲੈ ਕੇ ਹੋਏ ਫਰਾਰ

 ਨੌਜਵਾਨ ਤੋਂ ਠੱਗੇ 16 ਲੱਖ ਰੁਪਏ  

ਫੂਡ ਕੰਪਨੀ ਦੀ ਤਰਫੋਂ ਫੋਨ ਕਰਕੇ ਉਮੇਂਦਰ ਲਹਿਰੇ ਨੇ ਦੱਸਿਆ ਕਿ ਉਹ ਫੂਡ ਕੰਪਨੀ ਦਾ ਮਾਲਕ ਹੈ। ਉਸ ਨੇ ਰਾਹੁਲ ਨੂੰ ਕੰਪਨੀ ਦੀ ਫਰੈਂਚਾਈਜ਼ੀ ਲਈ 15 ਹਜ਼ਾਰ 500 ਰੁਪਏ ਦੇਣ ਲਈ ਕਿਹਾ। ਜਿਸ ਤੋਂ ਬਾਅਦ ਆਪਣੇ ਆਪ ਨੂੰ ਕੰਪਨੀ ਦਾ ਮਾਲਕ ਦੱਸਣ ਵਾਲੇ ਉਮੇਂਦਰ ਲਹਿਰੇ ਨੇ ਕਈ ਕਾਰਨ ਦੱਸ ਕੇ ਰਾਹੁਲ ਤੋਂ 15 ਲੱਖ 71 ਹਜ਼ਾਰ ਰੁਪਏ ਹੋਰ ਵਸੂਲ ਲਏ। ਜਦੋਂ ਰਾਹੁਲ ਨੇ ਕਰੀਬ 16 ਲੱਖ ਰੁਪਏ ਉਸ ਨੂੰ ਟਰਾਂਸਫਰ ਕੀਤੇ ਤਾਂ ਉਸ ਨੂੰ ਪਤਾ ਲੱਗਾ ਕਿ ਉਹ ਧੋਖਾਧੜੀ ਦਾ ਸ਼ਿਕਾਰ ਹੈ। ਜਿਸ ਤੋਂ ਬਾਅਦ ਉਸ ਨੇ ਥਾਣਾ ਕਮਾਠੀ 'ਚ ਮਾਮਲਾ ਦਰਜ ਕਰਵਾਇਆ। ਜਿਸ ਤੋਂ ਬਾਅਦ ਪੁਲਿਸ ਉਮੇਂਦਰ ਲਹਿਰੇ ਨਾਮ ਦੇ ਵਿਅਕਤੀ ਦੀ ਤਲਾਸ਼ ਕਰ ਰਹੀ ਹੈ। ਪੁਲਿਸ ਇਹ ਵੀ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਕਿ ਕੀ ਇਸ ਧੋਖਾਧੜੀ ਪਿੱਛੇ ਕੋਈ ਵੱਡਾ ਰੈਕੇਟ ਕੰਮ ਕਰ ਰਿਹਾ ਹੈ।