Delhi-NCR AQI: ਦਿੱਲੀ ਦੀ ਹਵਾ ਹੋਈ ਜ਼ਹਿਰੀਲੀ, ਪਾਬੰਦੀਆਂ ਲਾਉਣ ਦੇ ਆਦੇਸ਼
ਦਿੱਲੀ-ਐਨਸੀਆਰ ਵਿੱਚ ਇੱਕ ਵਾਰ ਫਿਰ ਪ੍ਰਦੂਸ਼ਣ ਕਾਰਨ ਹਾਲਾਤ ਖ਼ਤਰਨਾਕ ਹੁੰਦੇ ਨਜ਼ਰ ਆ ਰਹੇ ਹਨ। ਦੀਵਾਲੀ ਤੋਂ ਲੈ ਕੇ ਇੱਥੇ AQI ਲਗਾਤਾਰ ਗੰਭੀਰ ਸ਼੍ਰੇਣੀ ਵਿੱਚ ਪਹੁੰਚ ਰਿਹਾ ਹੈ।
Delhi-NCR Pollution: ਦਿੱਲੀ-ਐਨਸੀਆਰ ਲਈ ਸਭ ਤੋਂ ਵੱਡੀ ਚਿੰਤਾ ਪ੍ਰਦੂਸ਼ਣ ਹੈ। ਦਿੱਲੀ ਦੇ ਕਈ ਇਲਾਕਿਆਂ ਵਿੱਚ ਹਵਾ ਦਾ ਪੱਧਰ ਬਹੁਤ ਖ਼ਰਾਬ ਹਾਲਤ ਤੋਂ ਗੰਭੀਰ ਹਾਲਤ ਤੱਕ ਪਹੁੰਚਣ ਦੇ ਨੇੜੇ ਹੈ। ਅਜਿਹੀ ਸਥਿਤੀ ਵਿੱਚ, ਕੇਂਦਰ ਸਰਕਾਰ ਦੀ ਏਅਰ ਕੁਆਲਿਟੀ ਕਮੇਟੀ ਨੇ ਐਨਸੀਆਰ ਅਧਿਕਾਰੀਆਂ ਨੂੰ ਗ੍ਰੇਡਡ ਰਿਸਪਾਂਸ ਐਕਸ਼ਨ ਪਲਾਨ (ਗ੍ਰੇਪ) ਦੇ ਪੜਾਅ ਤਿੰਨ ਦੇ ਤਹਿਤ ਪਾਬੰਦੀਆਂ ਨੂੰ ਤੁਰੰਤ ਲਾਗੂ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।
CPCB ਦੇ ਅਨੁਸਾਰ, ਅੱਜ (30 ਅਕਤੂਬਰ) ਸਵੇਰੇ ਆਨੰਦ ਵਿਹਾਰ ਦਾ AQI 469, ਵਜ਼ੀਰ ਪੁਰ ਦਾ AQI 419, NSIT ਦਵਾਰਕਾ ਦਾ AQI 425 ਸੀ। ਅਸ਼ੋਕ ਵਿਹਾਰ ਦਾ AQI 400, ਜਹਾਂਗੀਰ ਪੁਰੀ ਦਾ AQI 416, ਵਿਵੇਕ ਵਿਹਾਰ ਦਾ AQI 422 ਹੈ। ਪੰਜਾਬੀ ਬਾਗ ਦਾ AQI 396, ਨਹਿਰੂ ਨਗਰ ਦਾ AQI 390, ਸੋਨੀਆ ਵਿਹਾਰ ਦਾ AQI 392 ਅਤੇ ਮੁੰਡਕਾ ਦਾ AQI 394 ਦਰਜ ਕੀਤਾ ਗਿਆ ਹੈ।
ਐਨਸੀਆਰ ਵਿੱਚ ਹਵਾ ਦੀ ਸਥਿਤੀ
CPCB ਨੇ ਕਿਹਾ ਕਿ ਫਰੀਦਾਬਾਦ ਦਾ AQI 417 (ਗੰਭੀਰ), ਗੁਰੂਗ੍ਰਾਮ ਦਾ AQI 356 (ਬਹੁਤ ਖਰਾਬ), ਨੋਇਡਾ ਦਾ AQI 360 (ਬਹੁਤ ਖਰਾਬ), ਗ੍ਰੇਟਰ ਨੋਇਡਾ ਦਾ AQI 366 (ਬਹੁਤ ਖਰਾਬ) ਗਾਜ਼ੀਆਬਾਦ ਦਾ AQI 362 (ਬਹੁਤ ਖਰਾਬ) ਦਰਜ ਕੀਤਾ ਗਿਆ ਸੀ। ਦੀਵਾਲੀ ਤੋਂ ਬਾਅਦ ਵਧਦੇ ਪ੍ਰਦੂਸ਼ਣ ਦੇ ਮੱਦੇਨਜ਼ਰ ਦਿੱਲੀ ਐਨਸੀਆਰ ਵਿੱਚ ਗ੍ਰੇਡਡ ਰਿਸਪਾਂਸ ਐਕਸ਼ਨ ਪਲਾਨ (ਜੀਆਰਏਪੀ) ਦਾ ਤੀਜਾ ਪੜਾਅ ਲਾਗੂ ਕੀਤਾ ਗਿਆ ਹੈ।
ਉਸਾਰੀ ਗਤੀਵਿਧੀਆਂ 'ਤੇ ਪਾਬੰਦੀ
ਹੁਣ ਐਨਸੀਆਰ ਵਿੱਚ ਜ਼ਰੂਰੀ ਪ੍ਰਾਜੈਕਟਾਂ ਨੂੰ ਛੱਡ ਕੇ ਹਰ ਤਰ੍ਹਾਂ ਦੀਆਂ ਉਸਾਰੀ ਗਤੀਵਿਧੀਆਂ 'ਤੇ ਪਾਬੰਦੀ ਹੋਵੇਗੀ। ਰਾਸ਼ਟਰੀ ਸੁਰੱਖਿਆ, ਰੱਖਿਆ, ਰੇਲਵੇ ਅਤੇ ਮੈਟਰੋ ਸਮੇਤ ਹੋਰ ਜ਼ਰੂਰੀ ਪ੍ਰੋਜੈਕਟਾਂ ਨੂੰ ਇਸ ਤੋਂ ਛੋਟ ਦਿੱਤੀ ਜਾਵੇਗੀ। ਨਾਲ ਹੀ, CAQM ਨੇ ਕਿਹਾ ਕਿ ਦਿੱਲੀ-NCR ਵਿੱਚ, ਰਾਜ ਸਰਕਾਰਾਂ BS-III ਪੈਟਰੋਲ ਅਤੇ BS-IV ਡੀਜ਼ਲ ਵਾਲੇ ਚਾਰ-ਪਹੀਆ ਵਾਹਨਾਂ 'ਤੇ ਪਾਬੰਦੀ ਲਗਾ ਸਕਦੀਆਂ ਹਨ। ਇੰਨਾ ਹੀ ਨਹੀਂ, ਐਨਸੀਆਰ ਵਿੱਚ ਇੱਟਾਂ ਦੇ ਭੱਠੇ, ਸਟੋਨ ਕਰੱਸ਼ਰ, ਮਾਈਨਿੰਗ ਅਤੇ ਸਹਾਇਕ ਗਤੀਵਿਧੀਆਂ ਜੋ ਕਿ ਸਾਫ਼ ਊਰਜਾ 'ਤੇ ਨਹੀਂ ਚੱਲ ਰਹੀਆਂ ਹਨ, 'ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ।
ਨੋਟ- ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
