ਬੀਜੇਪੀ ਦਾ MP ਆਜ਼ਾਦ ਫੜੇਗਾ ਕਾਂਗਰਸੀ ਪੰਜਾ

ਚੰਡੀਗੜ੍ਹ: ਬੀਜੇਪੀ ਤੋਂ ਮੁਅੱਤਲ ਕੀਤੇ ਸਾਂਸਦ ਕੀਰਤੀ ਆਜ਼ਾਦ ਨੇ ਸ਼ੁੱਕਰਵਾਰ ਨੂੰ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨਾਲ ਮੁਲਾਕਾਤ ਕੀਤੀ। ਸੂਤਰਾਂ ਮੁਤਾਬਕ ਉਹ 18 ਫਰਵਰੀ ਨੂੰ ਕਾਂਗਰਸ ਵਿੱਚ ਸ਼ਾਮਲ ਹੋ ਸਕਦੇ ਹਨ। ਕਾਂਗਰਸ ਦੇ ਸੂਤਰਾਂ ਮੁਤਾਬਕ ਸ਼ੁੱਕਰਵਾਰ ਨੂੰ ਆਜ਼ਾਦ ਨੂੰ ਅਧਿਕਾਰਿਤ ਰੂਪ ਨਾਲ ਕਾਂਗਰਸ ਵਿੱਚ ਸ਼ਾਮਲ ਹੋਣਾ ਸੀ ਪਰ ਪੁਲਵਾਮਾ ਅੱਤਵਾਦੀ ਹਮਲੇ ਕਰਕੇ ਇਹ ਪ੍ਰੋਗਰਾਮ ਰੱਦ ਕਰ ਦਿੱਤਾ ਗਿਆ। ਰਾਹੁਲ ਨਾਲ ਮੁਤਾਕਾਤ ਤੋਂ ਬਾਅਦ ਆਜ਼ਾਦ ਨੇ ਇਸ ਸਬੰਧੀ ਟਵੀਟ ਕੀਤਾ ਕਿ ਪੁਲਵਾਮਾ ਵਿੱਚ ਹੋਏ ਅੱਤਵਾਦੀ ਹਮਲੇ ਵਿੱਚ ਸ਼ਹੀਦ ਹੋਏ ਜਵਾਨਾਂ ਦੇ ਸਨਮਾਨ ਵਿੱਚ ਉਨ੍ਹਾਂ ਦਾ ਕਾਂਗਰਸ ਵਿੱਚ ਸ਼ਾਲਮ ਹੋਣ ਦਾ ਪ੍ਰੋਗਰਾਮ ਟਾਲ ਕੇ ਹੁਣ 18 ਫਰਵਰੀ ਨੂੰ ਹੋਏਗਾ। ਉਨ੍ਹਾਂ ਕਿਹਾ ਕਿ ਦੇਸ਼ ਵਿੱਚ ਤਿੰਨ ਦਿਨਾਂ ਦਾ ਸੋਗ ਹੈ। ਕੋਈ ਵਿਅਕਤੀ ਜਾਂ ਪਾਰਟੀ ਦੇਸ਼ ਤੋਂ ਵਧ ਕੇ ਨਹੀਂ ਹੋ ਸਕਦੀ। ਜਵਾਨ ਉਨ੍ਹਾਂ ਲਈ ਪੂਜਣਯੋਗ ਹਨ ਤੇ ਉਨ੍ਹਾਂ ਦੇ ਸਨਮਾਨ ਵਿੱਚ ਉਹ ਫੈਸਲਾ ਲਿਆ ਹੈ।

श्री @RahulGandhiजी से भेंट हुई पुलवामा में हुए आतंकी हमले में शहीद हुए हमारे सैनिकों के सम्मान में मेरा @INCIndia में जॉइनिंग अब 18 को होगा 3 दिनों का शोक मनाया जाएगा कोई व्यक्ति या पार्टी देश से बढ़कर नहीं हो सकती और सैनिकों की शहादत पूजनीय है उनके सम्मान में यह निर्णय लिया गया

— Kirti Azad (@KirtiAzadMP) February 15, 2019

ਦੱਸ ਦੇਈਏ ਕਿ ਪਿਛਲੀਆਂ ਲੋਕ ਸਭਾ ਚੋਣਾਂ ਵਿੱਚ ਆਜ਼ਾਦ ਬਿਹਾਰ ਦੇ ਦਰਭੰਗਾ ਤੋਂ ਚੁਣੇ ਗਏ ਸੀ। ਉਹ ਲੰਮੇ ਸਮੇਂ ਤੋਂ ਬੀਜੇਪੀ ਤੋਂ ਮੁਅੱਤਲ ਰਹਿ ਚੁੱਕੇ ਹਨ। ਪਿਛਲੇ ਸਮੇਂ ਤੋਂ ਹੀ ਉਨ੍ਹਾਂ ਦੇ ਕਾਂਗਰਸ ’ਚ ਸ਼ਾਮਲ ਹੋਣ ਦੇ ਕਿਆਸ ਲਾਏ ਜਾ ਰਹੇ ਸੀ।