IPL ਦੇ ਖਤਮ ਹੋਣ ਤੋਂ ਬਾਅਦ ਕ੍ਰਿਕਟ ਜਗਤ ਤੋਂ ਬੁਰੀ ਖਬਰ! ਰੇਲਗੱਡੀ 'ਚ 3 ਘੰਟੇ ਤੜਪਦਾ ਰਿਹਾ ਪੰਜਾਬ ਦਾ ਕ੍ਰਿਕਟਰ, ਇਲਾਜ ਨਾ ਮਿਲਣ ਕਰਕੇ ਹੋਈ ਮੌਤ
ਕ੍ਰਿਕਟਰ ਜਗਤ ਤੋਂ ਮਾੜੀ ਖਬਰ ਨਿਕਲ ਕੇ ਸਾਹਮਣੇ ਆਈ ਹੈ। ਜਿੱਥੇ ਪੰਜਾਬ ਦੇ ਖਿਡਾਰੀ ਵਿਕਰਮ ਸਿੰਘ ਦੀ ਟ੍ਰੇਨ ਦੇ ਵਿੱਚ ਮੌਤ ਹੋ ਗਈ। ਇਸ ਖਿਡਾਰੀ ਨੂੰ ਸਮੇਂ ਸਿਰ ਇਲਾਜ ਨਹੀਂ ਮਿਲਿਆ ਜਿਸ ਕਰਕੇ ਤੜਪਦੇ ਹੋਏ ਇਸ ਸੰਸਾਰ ਤੋਂ ਰੁਖਸਤ ਹੋ ਗਿਆ।
Punjab Cricketer: ਯੂ.ਪੀ. ਦੇ ਮਥੁਰਾ ਵਿੱਚ ਪੰਜਾਬ ਦੇ ਦਿਵਿਆਂਗ ਕ੍ਰਿਕਟਰ ਖਿਡਾਰੀ ਵਿਕਰਮ ਸਿੰਘ (38) ਦੀ ਮੌਤ ਹੋ ਗਈ। ਉਹ ਛੱਤੀਸਗੜ੍ਹ ਐਕਸਪ੍ਰੈਸ ਵਿੱਚ ਸਵਾਰ ਸਨ। ਉਹ 5 ਜੂਨ ਨੂੰ ਗਵਾਲੀਅਰ ਵਿੱਚ ਹੋਣ ਵਾਲੇ ਨੈਸ਼ਨਲ ਵ੍ਹੀਲਚੇਅਰ ਕ੍ਰਿਕਟਰ ਟੂਰਨਾਮੈਂਟ ਵਿੱਚ ਭਾਗ ਲੈਣ ਜਾ ਰਹੇ ਸਨ। ਵਿਕਰਮ ਸਿੰਘ ਬੁੱਧਵਾਰ ਸਵੇਰੇ ਸਾਡੇ 4 ਵਜੇ ਨਿਜ਼ਾਮੁਦਦੀਨ ਸਟੇਸ਼ਨ ਤੋਂ ਟ੍ਰੇਨ ਵਿੱਚ ਸਵਾਰ ਹੋਏ। ਇਸ ਤੋਂ ਬਾਅਦ ਉਨ੍ਹਾਂ ਦੀ ਤਬੀਅਤ ਅਚਾਨਕ ਖਰਾਬ ਹੋ ਗਈ। ਉਨ੍ਹਾਂ ਦੇ ਸਾਥੀ ਖਿਡਾਰੀਆਂ ਨੇ ਰੇਲਵੇ ਹੈਲਪਲਾਈਨ ਤੋਂ ਮਦਦ ਮੰਗੀ, ਪਰ ਮਥੁਰਾ ਪਹੁੰਚਣ ਤੋਂ ਪਹਿਲਾਂ ਟ੍ਰੇਨ ਡੇਢ ਘੰਟਾ ਲੰਬੇ ਸਮੇਂ ਲਈ ਖੜੀ ਰਹੀ। ਅੰਤ ਵਿੱਚ ਉਨ੍ਹਾਂ ਦੀ ਜਾਨ ਚਲੀ ਗਈ।
ਸਾਥੀਆਂ ਨੇ ਦਾਅਵਾ ਕੀਤਾ ਕਿ ਰੇਲਵੇ ਕੰਟਰੋਲ ਰੂਮ ਨੂੰ ਜਾਣਕਾਰੀ ਦੇਣ ਦੇ ਬਾਵਜੂਦ ਤਕਰੀਬਨ ਤਿੰਨ ਘੰਟੇ ਤਕ ਇਲਾਜ ਨਹੀਂ ਮਿਲਿਆ, ਜਿਸ ਕਰਕੇ ਮੌਤ ਹੋਈ। ਪੁਲਿਸ ਨੇ ਲਾਸ਼ ਨੂੰ ਪੋਸਟਮੋਰਟਮ ਹਾਊਸ ਵਿੱਚ ਰੱਖਵਾਇਆ ਹੈ ਅਤੇ ਪਰਿਵਾਰ ਨੂੰ ਸੂਚਿਤ ਕੀਤਾ ਗਿਆ ਹੈ। ਪਰਿਵਾਰ ਦੇ ਆਉਣ ਤੋਂ ਬਾਅਦ ਲਾਸ਼ ਸੌਂਪ ਦਿੱਤੀ ਜਾਵੇਗੀ।
ਸਾਥੀਆਂ ਨੇ ਦੱਸਿਆ ਪੂਰਾ ਮਾਮਲਾ
ਪੰਜਾਬ ਟੀਮ ਦੇ 11 ਖਿਡਾਰੀਆਂ ਦੇ ਨਾਲ ਗਵਾਲੀਅਰ ਜਾ ਰਹੇ ਸਨ ਵਿਕਰਮ ਸਿੰਘ, ਜੋ ਪੰਜਾਬ ਦੇ ਅਹਿਮਦਗੜ੍ਹ ਮੰਡੀ ਦੇ ਪਿਹੜੀ ਪਿੰਡ ਦੇ ਰਹਿਣ ਵਾਲੇ ਸਨ। ਉਨ੍ਹਾਂ ਦੇ ਨਾਲ ਪੰਜਾਬ ਟੀਮ ਤੋਂ ਪਵਨ, ਰਾਜਾ, ਨਿਰਮਲ ਅਤੇ ਪ੍ਰਵੀਨ ਵੀ ਸਨ। ਪਵਨ ਨੇ ਦੱਸਿਆ ਕਿ 5 ਜੂਨ ਤੋਂ ਗਵਾਲੀਅਰ ਵਿੱਚ ਨੈਸ਼ਨਲ ਵ੍ਹੀਲਚੇਅਰ ਕ੍ਰਿਕਟ ਟੂਰਨਾਮੈਂਟ ਹੈ। ਉਹ ਆਪਣੇ ਪੰਜ ਸਾਥੀਆਂ ਦੇ ਨਾਲ ਬੁੱਧਵਾਰ ਸਵੇਰੇ ਸਾਡੇ 4 ਵਜੇ ਦਿੱਲੀ ਦੇ ਨਿਜ਼ਾਮੁਦਦੀਨ ਸਟੇਸ਼ਨ ਤੋਂ ਛੱਤੀਸਗੜ੍ਹ ਐਕਸਪ੍ਰੈਸ ਦੇ ਦਿਵਆਂਗਾਂ ਲਈ ਮਿਆਰਤ ਵਾਲੇ ਕੋਚ ਵਿੱਚ ਬੈਠੇ ਸਨ।
ਨਿਜ਼ਾਮੁਦਦੀਨ ਸਟੇਸ਼ਨ ਤੋਂ ਟ੍ਰੇਨ ਅਗਲੇ ਸਟੇਸ਼ਨ 'ਤੇ ਪਹੁੰਚੀ ਸੀ, ਉਸ ਵੇਲੇ ਵਿਕਰਮ ਸਿੰਘ ਦੀ ਤਬੀਅਤ ਖਰਾਬ ਹੋਣ ਲੱਗੀ। ਉਹਨਾਂ ਦੇ ਸਰੀਰ ਤੋਂ ਪਸੀਨਾ ਆਉਣ ਲੱਗਾ। ਘਬਰਾਹਟ ਅਤੇ ਬੇਚੈਨੀ ਹੋਣ ਲੱਗੀ। ਸਾਥੀਆਂ ਨੇ 4:58 ਵਜੇ ਰੇਲਵੇ ਦੇ 139 ਨੰਬਰ 'ਤੇ ਫੋਨ ਕਰਕੇ ਇਲਾਜ ਲਈ ਮਦਦ ਮੰਗੀ। ਰੇਲਵੇ ਵਲੋਂ 5 ਵਜੇ ਫੋਨ ਆਇਆ ਅਤੇ ਦੱਸਿਆ ਕਿ ਤੁਹਾਡੇ ਸਾਥੀ ਨੂੰ ਮਥੁਰਾ ਜੰਕਸ਼ਨ ਤੇ ਇਲਾਜ ਮਿਲੇਗਾ। ਪਰ ਮਥੁਰਾ ਸਟੇਸ਼ਨ ਤੋਂ ਪਹਿਲਾਂ ਅਝਾਈ ਸਟੇਸ਼ਨ 'ਤੇ ਸਿਗਨਲ ਨਾ ਮਿਲਣ ਕਾਰਨ ਟ੍ਰੇਨ ਡੇਢ ਘੰਟੇ ਲਈ ਖੜੀ ਰਹੀ। ਇਸ ਕਾਰਨ ਵਿਕਰਮ ਦੀ ਤਬੀਅਤ ਹੋਰ ਖਰਾਬ ਹੋ ਗਈ।
ਮਥੁਰਾ ਜੰਕਸ਼ਨ 'ਤੇ ਟ੍ਰੇਨ ਸਵੇਰੇ 8:10 ਵਜੇ ਪਹੁੰਚੀ, ਜਦੋਂ ਰੇਲਵੇ ਦੇ ਡਾਕਟਰਾਂ ਨੇ ਵਿਕਰਮ ਦੀ ਜਾਂਚ ਕੀਤੀ। ਪਰ ਉਸ ਸਮੇਂ ਤੱਕ ਵਿਕਰਮ ਦੀ ਮੌਤ ਹੋ ਚੁੱਕੀ ਸੀ। ਇਸ ਤੋਂ ਬਾਅਦ ਵਿਕਰਮ ਦੇ ਸਾਰੇ ਸਾਥੀ ਜੰਕਸ਼ਨ 'ਤੇ ਉਤਰ ਗਏ। ਸਾਥੀ ਕ੍ਰਿਕਟਰਾਂ ਦਾ ਕਹਿਣਾ ਸੀ ਕਿ ਜੇ ਸਮੇਂ ਸਿਰ ਇਲਾਜ ਮਿਲ ਜਾਂਦਾ ਤਾਂ ਉਹ ਬਚਾਇਆ ਜਾ ਸਕਦਾ ਸੀ।
ਵਿਕਰਮ ਦੇ ਜੀਜਾ ਕੁਲਵਿੰਦਰ ਨੇ ਦੱਸਿਆ ਕਿ ਮੌਤ ਦੀ ਖ਼ਬਰ ਉਸਨੂੰ ਖਿਡਾਰੀਆਂ ਨੇ ਫ਼ੋਨ 'ਤੇ ਦਿੱਤੀ। ਫਿਰ ਉਹ ਮਥੁਰਾ ਵੱਲ ਰਵਾਨਾ ਹੋਏ ਹਨ। ਮਥੁਰਾ ਸਟੇਸ਼ਨ 'ਤੇ ਟੀਮ ਦੇ ਸਾਥੀ ਵਿਕਰਮ ਦੇ ਪਰਿਵਾਰ ਦੀ ਉਡੀਕ ਕਰ ਰਹੇ ਹਨ ਤਾਂ ਜੋ ਮੋਰਚਰੀ ਵਿੱਚ ਰੱਖੀ ਲਾਸ਼ ਨੂੰ ਘਰ ਵਾਪਸ ਲਿਆਇਆ ਜਾ ਸਕੇ।
ਜੀ.ਆਰ.ਪੀ. ਥਾਣਾ ਪ੍ਰਭਾਰੀ ਨਿਰੀਕਸ਼ਕ ਨੇ ਕਿਹਾ ਕਿ ਵਿਕਰਮ ਦੇ ਸਾਥੀਆਂ ਨੇ ਰੇਲਵੇ ਦੇ ਨੰਬਰ 'ਤੇ ਸ਼ਿਕਾਇਤ ਕੀਤੀ ਸੀ, ਪਰ ਰਾਹ ਵਿਚ ਹੀ ਉਨ੍ਹਾਂ ਦੀ ਮੌਤ ਹੋ ਗਈ। ਖਿਡਾਰੀ ਦੇ ਪਰਿਵਾਰ ਵਾਲੇ ਆ ਰਹੇ ਹਨ, ਜਿਸ ਤੋਂ ਬਾਅਦ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜਿਆ ਜਾਵੇਗਾ।
ਬੀਸੀਸੀ ਦੀ ਨਜ਼ਰਅੰਦਾਜ਼ੀ ਨਾਲ ਖਿਡਾਰੀ ਨਿਰਾਸ਼
ਵਿਕਰਮ ਦੀ ਮੌਤ ਸਮੇਂ ਸਿਰ ਇਲਾਜ ਨਾ ਮਿਲਣ ਕਾਰਨ ਹੋਈ, ਪਰ ਦਿਵਿਆਂਗ ਖਿਡਾਰੀ ਇਸ ਗੱਲ ਤੋਂ ਵੀ ਨਿਰਾਸ਼ ਹਨ ਕਿ ਉਨ੍ਹਾਂ ਨੂੰ ਟੀਮ ਇੰਡੀਆ ਵਰਗੇ ਖਿਡਾਰੀਆਂ ਵਾਂਗ ਤਵੱਜੋ ਨਹੀਂ ਮਿਲਦੀ।
ਉਹ ਕਹਿੰਦੇ ਹਨ ਕਿ ਜੇ ਇਹ ਘਟਨਾ ਬੀਸੀਸੀ ਦੀ ਮਾਨਤਾ ਵਾਲੇ ਕਿਸੇ ਘਰੇਲੂ ਖਿਡਾਰੀ ਨਾਲ ਹੁੰਦੀ, ਤਾਂ ਤੁਰੰਤ ਇਲਾਜ ਮਿਲਦਾ ਅਤੇ ਇਸ ਬਾਰੇ ਸ਼ੋਰਾ ਮਚ ਜਾਂਦਾ। ਪਰ ਵਿਕਰਮ ਰੇਲਵੇ ਸਟੇਸ਼ਨ ਦੇ ਪਲੇਟਫਾਰਮ 'ਤੇ ਪਿਆ ਹੈ ਅਤੇ ਉਸ ਵੱਲ ਕੋਈ ਧਿਆਨ ਨਹੀਂ ਦਿੱਤਾ ਜਾ ਰਿਹਾ। ਕਪਤਾਨ ਸੋਮਜੀ ਕਹਿੰਦੇ ਹਨ ਕਿ ਉਨ੍ਹਾਂ ਦੀ ਰਾਜ ਕ੍ਰਿਕਟ ਐਸੋਸੀਏਸ਼ਨ ਵੱਲੋਂ ਵੀ ਕੋਈ ਜਵਾਬ ਜਾਂ ਮਦਦ ਨਹੀਂ ਮਿਲੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
