ਕੋਰੋਨਾ ਦੀ ਦੂਜੀ ਲਹਿਰ: ਦੇਸ਼ 'ਚ 15 ਮਈ ਤਕ ਹੋਰ ਖਤਰਨਾਕ ਹੋਣਗੇ ਹਾਲਾਤ, ਖੋਜੀਆਂ ਦਾ ਵੱਡਾ ਖੁਲਾਸਾ
ਮਾਹਿਰਾਂ ਦਾ ਕਹਿਣਾ ਹੈ ਕਿ ਭਾਰਤ ਚ ਕੋਰੋਨਾ ਵਾਇਰਸ ਮਹਾਂਮਾਰੀ ਦੀ ਸਥਿਤੀ ਆਉਣ ਵਾਲੇ ਹਫਤਿਆਂ 'ਚ ਖਰਾਬ ਹੋਣ ਜਾ ਰਹੀ ਹੈ।
ਨਵੀਂ ਦਿੱਲੀ: ਭਾਰਤ 'ਚ ਕੋਰੋਨਾ ਵਾਇਰਸ ਇਨਫੈਕਸ਼ਨ ਦੀ ਦੂਜੀ ਲਹਿਰ ਮੱਧ ਮਈ ਤਕ ਸਭ ਤੋਂ ਉਚਾਈ 'ਤੇ ਪਹੁੰਚ ਸਕਦੀ ਹੈ। ਅਮਰੀਕੀ ਰਿਸਰਚ 'ਚ ਕੋਵਿਡ-19 ਮੌਤ ਦਾ ਰੋਜ਼ਾਨਾ ਅੰਕੜਾ 5,600 ਰਹਿਣ ਦਾ ਅੰਦਾਜ਼ਾ ਲਾਇਆ ਗਿਆ ਹੈ। ਇਸ ਦਾ ਮਤਲਬ ਹੋਵੇਗਾ ਤਿੰਨ ਲੱਖ ਦੇ ਕਰੀਬ ਲੋਕ ਆਪਣੀ ਜਾਨ ਅਪ੍ਰੈਲ ਤੇ ਅਗਸਤ ਦੇ ਵਿਚ ਦੇਸ਼ 'ਚ ਕੋਵਿਡ-19 ਕਾਰਨ ਗਵਾ ਦੇਣਗੇ।
ਰਿਸਰਚ ਵਾਸ਼ਿੰਗਟਨ ਯੂਨੀਵਰਸਿਟੀ ਦੇ ਇੰਸਟੀਟਿਊਟ ਫੌਰ ਹੈਲਥ ਮੈਟਰਿਕਸ ਐਂਡ ਇਵੈਲੂਏਸ਼ਨ ਵੱਲੋਂ ਕੀਤਾ ਗਿਆ ਹੈ। ਕੋਵਿਡ-19 ਨਾਲ ਮੌਤਾਂ ਦਾ ਅੰਕੜਾ ਮੱਧ ਮਈ ਤੋਂ ਸਿਖਰ 'ਤੇ ਇਸ ਸਾਲ 15 ਅਪ੍ਰੈਲ ਤੋਂ ਪ੍ਰਕਾਸ਼ਤ ਰਿਸਰਚ 'ਚ ਮਹਾਮਾਰੀ ਦੀ ਦੂਜੀ ਲਹਿਰ 'ਤੇ ਕਾਬੂ ਪਾਉਣ ਲਈ ਭਾਰਤ ਦੇ ਰਾਸ਼ਟਰਵਿਆਪੀ ਟੀਕਾਕਰਨ ਅਭਿਆਨ ਤੇ ਉਮੀਦ ਜਾਗੀ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਭਾਰਤ ਚ ਕੋਰੋਨਾ ਵਾਇਰਸ ਮਹਾਂਮਾਰੀ ਦੀ ਸਥਿਤੀ ਆਉਣ ਵਾਲੇ ਹਫਤਿਆਂ 'ਚ ਖਰਾਬ ਹੋਣ ਜਾ ਰਹੀ ਹੈ।
ਰਿਸਰਚ ਲਈ ਉਨ੍ਹਾਂ ਭਾਰਤ 'ਚ ਮੌਤ ਤੇ ਇਨਫੈਕਸ਼ਨ ਦੀ ਵਰਤਮਾਨ ਦਰ ਦਾ ਮੁਲਾਂਕਣ ਕੀਤਾ ਤੇ ਅੰਦਾਜ਼ਾ ਲਾਇਆ ਕਿ ਇਸ ਸਾਲ 10 ਮਈ ਨੂੰ ਕੋਵਿਡ-19 ਦੇ ਚੱਲਦਿਆਂ ਭਾਰਤ ਦਾ ਰੋਜ਼ਾਨਾ ਮੌਤ ਦਾ ਅੰਕੜਾ ਸਭ ਤੋਂ ਉੱਚੀ ਦਰ 'ਤੇ ਪਹੁੰਚ ਕੇ 5,600 ਹੋ ਜਾਵੇਗਾ।
ਵਾਸ਼ਿੰਗਟਨ ਯੂਨੀਵਰਸਿਟੀ ਦੀ ਰਿਸਰਚ 'ਚ ਸਨਸਨੀਖੇਜ ਖੁਲਾਸਾ
12 ਅਪ੍ਰੈਲ ਤੋਂ ਪਹਿਲੀ ਅਗਸਤ ਤਕ ਵਾਧੂ 3,29,000 ਮੌਤਾਂ ਹੋਣ ਦਾ ਅੰਦਾਜ਼ਾ ਲਾਇਆ ਗਿਆ ਹੈ। ਵਾਸ਼ਿੰਗਟਨ ਯੂਨੀਵਰਸਿਟੀ ਦੀ ਰਿਸਰਚ ਦੇ ਮੁਤਾਬਕ ਸਤੰਬਰ 2020 ਦੇ ਮੱਧ ਫਰਵਰੀ 2021 ਤਕ ਭਾਰਤ 'ਚ ਕੋਵਿਡ-19 ਦੇ ਰੋਜ਼ਾਨਾ ਮਾਮਲਿਆਂ ਦੀ ਸੰਖਿਆਂ 'ਚ ਗਿਰਾਵਟ ਦਾ ਟ੍ਰੈਂਡ ਸੀ।
ਪਰ ਦੇਸ਼ 'ਚ ਇਸ ਪ੍ਰਵਿਰਤੀ ਦਾ ਉਲਟਾ ਅਸਰ ਉਸ ਸਮੇਂ ਦੇਖਿਆ ਗਿਆ ਜਦੋਂ ਅਪ੍ਰੈਲ 'ਚ ਕੋਰੋਨਾ ਵਾਇਰਸ ਦੇ ਪੁਸ਼ਟੀ ਨਵੇਂ ਮਾਮਲਿਆਂ 'ਚ ਅਪ੍ਰਤੱਖ ਵਾਧਾ ਹੋਇਆ। ਕੋਰੋਨਾ ਵਾਇਰਸ ਦੇ ਰੋਜ਼ਾਨਾ ਮਾਮਲੇ ਪਿਛਲੇ ਸਾਲ ਦੇ ਸਤੰਬਰ 'ਚ ਸਿਖਰ 'ਤੇ ਹੋਣ ਦੀ ਤੁਲਨਾ 'ਚ ਦੁੱਗਣੇ ਵਧ ਗਏ।
ਅਪ੍ਰੈਲ ਦੇ ਪਹਿਲੇ ਤੇ ਦੂਜੇ ਹਫਤੇ ਦੇ ਵਿਚ ਨਵੇਂ ਪੁਸ਼ਟੀ ਮਾਮਲਿਆਂ ਦਾ ਰੋਜ਼ਾਨਾ ਅੰਕੜਾ 71 ਫੀਸਦ ਤਕ ਵਧ ਗਿਆ ਤੇ ਕੋਵਿਡ-19 ਨਿਯਮਾਂ ਦਾ ਪਾਲਣ ਨਾ ਕਰਨ ਦੇ ਚੱਲਦਿਆਂ ਰੋਜ਼ਾਨਾ ਮੌਤ 'ਚ 55 ਫੀਸਦ ਤਕ ਦਾ ਵਾਧਾ ਹੋਇਆ। ਵਿਸ਼ਲੇਸ਼ਣ 'ਚ ਸ਼ਾਮਲ ਕੀਤਾ ਗਿਆ ਹੈ ਕਿ ਭਾਰਤ 'ਚ ਅਪ੍ਰੈਲ ਦੇ ਮੱਧ ਤਕ ਕੋਵਿਡ-19 ਮਹਾਮਾਰੀ ਮੌਤ ਦਾ ਪੰਜਵਾਂ ਸਭ ਤੋਂ ਵੱਡਾ ਕਾਰਨ ਹੋਵੇਗਾ। ਖੋਜੀਆਂ ਨੇ ਅੰਦਾਜ਼ਾ ਲਾਇਆ ਹੈ ਕਿ ਭਾਰਤ 'ਚ 24 ਫੀਸਦ ਲੋਕ ਇਸ ਸਾਲ 12 ਅਪ੍ਰੈਲ ਤਕ ਕੋਵਿਡ-19 ਦੇ ਸੰਪਰਕ 'ਚ ਆ ਚੁੱਕੇ ਹਨ।
ਪਰ ਮਾਹਿਰਾਂ ਨੇ ਭਾਰਤ 'ਚ ਐਮਰਜੈਂਸੀ ਇਸਤੇਮਾਲ ਲਈ ਮਨਜੂਰੀ ਕੋਵਿਡ-19 ਵੈਕਸੀਨ ਤੇ ਵੱਡਾ ਵਿਸ਼ਵਾਸ ਜਤਾਇਆ ਹੈ। ਰਿਪੋਰਟ ਦੇ ਮੁਤਾਬਕ ਜੁਲਾਈ ਦੇ ਅੰਤ ਤਕ 85,600 ਲੋਕਾਂ ਦੀ ਜ਼ਿੰਦਗੀ ਇਕੱਲਿਆਂ ਦੇਸ਼ਵਿਆਪੀ ਟੀਕਾਕਰਨ ਦੇ ਚੱਲਦਿਆਂ ਬਚਾ ਲਈ ਜਾਵੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
