ਅਮਰੀਕੀ ਵੈਬਸਾਈਟ ਨੇ ਪਹਿਲੇ ਸਿੱਖ ਮੇਅਰ ਦੀ ਤਸਵੀਰ ਨਾਲ ਛੇੜਛਾੜ, ਦੱਸਿਆ ਤਾਨਾਸ਼ਾਹ

ਵੈੱਬਸਾਈਟ ਨੇ ਰਵੀ ਭੱਲਾ ਦੇ ਕੰਮ ਵਿੱਚ ਨੁਕਸ ਕੱਢਦਿਆਂ ਉਨ੍ਹਾਂ ਦੀ ਤਸਵੀਰ ਨੂੰ ਅੰਗ੍ਰੇਜ਼ੀ ਫ਼ਿਲਮ 'ਦ ਡਿਕਟੇਟਰ' ਦੇ ਤਾਨਾਸ਼ਾਹ ਵਾਂਗ ਦਰਸਾਇਆ ਹੈ। ਸਿੱਖ ਭਾਈਚਾਰੇ ਵਿੱਚ ਵੈੱਬਸਾਈਟ ਦੀ ਇਸ ਹਰਕਤ 'ਤੇ ਖਾਸਾ ਰੋਸ ਜਤਾਇਆ ਜਾ ਰਿਹਾ ਹੈ।

ਮੇਅਰ ਰਵੀ ਭੱਲਾ ਦੀ ਛੇੜਛਾੜ ਕੀਤੀ ਗਈ ਤਸਵੀਰ (ਖੱਬੇ) ਤੇ ਅਸਲ ਤਸਵੀਰ (ਸੱਜੇ)

ਵਾਸ਼ਿੰਗਟਨ: ਅਮਰੀਕਾ ਦੇ ਹੋਬੋਕਨ ਸ਼ਹਿਰ ਤੋਂ ਪਹਿਲੇ ਸਿੱਖ ਮੇਅਰ ਚੁਣੇ ਗਏ ਰਵੀ ਭੱਲਾ ਦੀ ਤਸਵੀਰ ਨਾਲ ਛੇੜਛਾੜ ਕੀਤੇ ਜਾਣ ਦੀ ਖ਼ਬਰ ਹੈ। ਵੈੱਬਸਾਈਟ 'ਹਡਸਨ ਮਾਈਲ ਸਕੁਏਅਰ ਵਿਊ' (Hudson Mile Square View) ਨੇ ਰਵੀ ਭੱਲਾ ਦੇ ਕੰਮ ਵਿੱਚ ਨੁਕਸ ਕੱਢਦਿਆਂ ਉਨ੍ਹਾਂ ਦੀ ਤਸਵੀਰ ਨੂੰ ਅੰਗ੍ਰੇਜ਼ੀ ਫ਼ਿਲਮ 'ਦ ਡਿਕਟੇਟਰ' ਦੇ ਤਾਨਾਸ਼ਾਹ ਵਾਂਗ ਦਰਸਾਇਆ ਹੈ। ਸਿੱਖ ਭਾਈਚਾਰੇ ਵਿੱਚ ਵੈੱਬਸਾਈਟ ਦੀ ਇਸ ਹਰਕਤ 'ਤੇ ਖਾਸਾ ਰੋਸ ਜਤਾਇਆ ਜਾ ਰਿਹਾ ਹੈ। ਵੈੱਬਸਾਈਟ ਨੇ ਖ਼ਬਰ ਵਿੱਚ ਲਿਖਿਆ ਹੈ ਕਿ ਰਵੀ ਭੱਲਾ ਨੇ ਟੈਕਸ ਦਰ ਨੂੰ ਤਿੰਨ ਫ਼ੀਸਦ ਵਧਾਉਣ ਦਾ ਪ੍ਰਸਤਾਵ ਰੱਖਿਆ ਪਰ ਕੌਂਸਲ ਨੇ ਇਸ ਨੂੰ ਪ੍ਰਵਾਨ ਨਹੀਂ ਕੀਤਾ। ਫਿਰ ਟੈਕਸ ਨੂੰ ਇੱਕ ਫ਼ੀਸਦੀ ਕਰ ਦਿੱਤਾ ਗਿਆ। ਹਾਲਾਂਕਿ, ਇਹ ਮਾਮਲਾ ਹਾਲੇ ਪ੍ਰਕਿਰਿਆ ਵਿੱਚ ਹੈ, ਪਰ ਪਹਿਲਾਂ ਇਹ ਤਸਵੀਰ ਨਾਲ ਛੇੜਛਾੜ ਕਰ ਦਿੱਤੀ ਗਈ।

Ravi Bhalla is the first-ever turbaned Sikh elected as mayor in US history. He's endured immense racist abuse, from flyers calling him a terrorist to death threats against him and his family.

Now, someone is photoshopping Ravi to depict him as a despot. This is racist and wrong. pic.twitter.com/O5qPfRfXZX — Simran Jeet Singh (@SikhProf) May 14, 2019

ਜ਼ਿਕਰਯੋਗ ਹੈ ਕਿ ਹਡਸਨ ਮਾਈਲ ਹੋਬੋਕਨ ਦੀ ਮਸ਼ਹੂਰ ਵੈੱਬਸਾਈਟ ਹੈ, ਜੋ ਸਿਆਸਤ, ਪ੍ਰਸ਼ਾਸਨਿਕ ਤੇ ਭ੍ਰਿਸ਼ਟਾਚਾਰ ਦੇ ਮਾਮਲਿਆਂ 'ਤੇ ਖ਼ਬਰਾਂ ਪ੍ਰਕਾਸ਼ਿਤ ਕਰਦੀ ਹੈ। ਇਹ ਪਹਿਲੀ ਵਾਰ ਨਹੀਂ ਹੈ ਜਦ ਰਵੀ ਭੱਲਾ ਦੀ ਤਸਵੀਰ ਨਾਲ ਛੇੜਛਾੜ ਕੀਤੀ ਗਈ ਹੋਵੇ। ਇਸ ਤੋਂ ਪਹਿਲਾਂ ਮੇਅਰ ਦੀ ਚੋਣ ਸਮੇਂ ਰਵੀ ਭੱਲਾ ਦੀ ਤਸਵੀਰ ਨਾਲ ਕਈ ਇਤਰਾਜ਼ਯੋਗ ਸ਼ਬਦ ਲਿਖ ਦਿੱਤੇ ਗਏ ਸਨ। ਸਬੰਧਤ ਖ਼ਬਰ- ਅਮਰੀਕੀ ਸਿੱਖ ਮੇਅਰ ਨੂੰ ਮਿਲੀਆਂ ਧਮਕੀਆਂ, ਸੁਰੱਖਿਆ ਵਧੀ