PM ਮੋਦੀ ਦਾ ਗਾਣਾ 'ਅਬੰਡੈਂਸ ਇਨ ਮਿਲੇਟ' ਗਰੈਮੀ ਐਵਾਰਡਸ 2024 ਲਈ ਹੋਇਆ ਨਾਮਜ਼ਦ, ਅਨਾਜ ਦਾ ਫਾਇਦਾ ਦੱਸਦਾ ਹੈ ਗਾਣਾ

PM Modi Song Nominated For Grammy 2024: ਪੀਐਮ ਮੋਦੀ ਦਾ 'ਅਬੰਡੈਂਸ ਇਨ ਮਿਲੇਟ' 16 ਜੂਨ ਨੂੰ ਰਿਲੀਜ਼ ਕੀਤੀ ਗਈ ਸੀ। ਗੀਤ ਨੂੰ ਸਰਵੋਤਮ ਵਿਸ਼ਵ ਸੰਗੀਤ ਪ੍ਰਦਰਸ਼ਨ ਸ਼੍ਰੇਣੀ ਦੇ ਤਹਿਤ ਨਾਮਜ਼ਦ ਕੀਤਾ ਗਿਆ ਹੈ।

PM ਮੋਦੀ ਦਾ ਗਾਣਾ 'ਅਬੰਡੈਂਸ ਇਨ ਮਿਲੇਟ' ਗਰੈਮੀ ਐਵਾਰਡਸ 2024 ਲਈ ਹੋਇਆ ਨਾਮਜ਼ਦ, ਅਨਾਜ ਦਾ ਫਾਇਦਾ ਦੱਸਦਾ ਹੈ ਗਾਣਾ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਗਾਣੇ ਅਬਡੈਂਸ ਇਨ ਮਿਲਟਸ ਨੂੰ ਗ੍ਰੈਮੀ ਪੁਰਸਕਾਰ 2024 ਲਈ ਨਾਮਜ਼ਦ ਕੀਤਾ ਗਿਆ ਹੈ। ਇਸ ਗੀਤ ਨੂੰ ਭਾਰਤੀ-ਅਮਰੀਕੀ ਗ੍ਰੈਮੀ ਜੇਤੂ ਗਾਇਕਾ ਫਾਲਗੁਨੀ ਸ਼ਾਹ ਨੇ ਗਾਇਆ ਹੈ।

ਇਹ ਗੀਤ 16 ਜੂਨ ਨੂੰ ਰਿਲੀਜ਼ ਹੋਇਆ ਸੀ, ਜੋ ਸਿਹਤ ਲਾਭਾਂ ਅਤੇ ਪੌਸ਼ਟਿਕ ਅਨਾਜ ਨੂੰ ਉਤਸ਼ਾਹਿਤ ਕਰਨ ਲਈ ਸਰਕਾਰ ਦੇ ਯਤਨਾਂ ਨੂੰ ਦਰਸਾਉਂਦਾ ਹੈ।

ਸੰਯੁਕਤ ਰਾਸ਼ਟਰ ਨੇ ਇਸ ਸਾਲ ਇੰਟਰਨੈਸ਼ਨਲ ਮੀਲਟ ਈਅਰ ਦਾ ਐਲਾਨ ਕੀਤਾ ਸੀ ਅਤੇ ਇਸ ਨੂੰ ਗੀਤ ਵਿੱਚ ਮਨਾਉਂਦੇ ਵੀ ਦਿਖਾਇਆ ਗਿਆ ਹੈ।

ਇਹ ਗੀਤ ਯੂਟਿਊਬ 'ਤੇ ਉਪਲਬਧ ਹੈ। ਗਾਇਕਾ ਫਾਲਗੁਨੀ ਸ਼ਾਹ ਦੇ ਗੀਤ ਨੂੰ ਸਰਵੋਤਮ ਵਿਸ਼ਵ ਸੰਗੀਤ ਪ੍ਰਦਰਸ਼ਨ ਸ਼੍ਰੇਣੀ ਦੇ ਤਹਿਤ ਨਾਮਜ਼ਦ ਕੀਤਾ ਗਿਆ ਹੈ।

ਫਲਹੁਨੀ ਸ਼ਾਹ ਨੇ ਆਪਣੇ ਅਧਿਕਾਰਤ ਐਕਸ ਅਕਾਊਂਟ 'ਤੇ ਪੋਸਟ ਕਰਦੇ ਹੋਏ ਇਹ ਜਾਣਕਾਰੀ ਦਿੱਤੀ ਹੈ। ਉਸ ਨੇ ਲਿਖਿਆ- 'ਸਾਡੇ ਸਿੰਗਲ 'ਐਬਡੈਂਸ ਇਨ ਮਿਲਟਸ' ਦਾ ਵੀਡੀਓ ਹੁਣ ਸਾਹਮਣੇ ਆਇਆ ਹੈ।

ਮਾਣਯੋਗ ਪ੍ਰਧਾਨ ਮੰਤਰੀ ਨਾਲ ਲਿਖਿਆ ਅਤੇ ਪੇਸ਼ ਕੀਤਾ ਗਿਆ ਇੱਕ ਗੀਤ। ਕਿਸਾਨਾਂ ਨੂੰ ਬਾਜਰਾ ਉਗਾਉਣ ਅਤੇ ਵਿਸ਼ਵ ਦੀ ਭੁੱਖ ਨੂੰ ਖਤਮ ਕਰਨ ਵਿੱਚ ਮਦਦ ਕਰਨ ਲਈ ਇਸ ਸਾਲ ਨੂੰ ਬਾਜਰੇ ਦਾ ਅੰਤਰਰਾਸ਼ਟਰੀ ਸਾਲ ਐਲਾਨਿਆ ਗਿਆ ਸੀ।

ਗਾਣੇ ਅਬਡੈਂਸ ਇਨ ਮਿਲਟਸ ਨੂੰ ਫਾਲੂ (ਫਾਲਗੁਨੀ ਸ਼ਾਹ) ਅਤੇ ਗੌਰਵ ਸ਼ਾਹ ਨੇ ਗਾਇਆ ਹੈ। ਇਸ ਨੂੰ ਫਾਲੂ (ਫਾਲਗੁਨੀ ਸ਼ਾਹ) ਅਤੇ ਗੌਰਵ ਸ਼ਾਹ ਨੇ ਕੀਨੀਆ ਆਥੀ, ਗ੍ਰੇਗ ਗੋਂਜਾਲੇਜ਼ ਅਤੇ ਸੌਮਿਆ ਚੈਟਰਜੀ ਦੇ ਨਾਲ ਮਿਲ ਕੇ ਬਣਾਇਆ ਹੈ। ਤੁਹਾਨੂੰ ਦੱਸ ਦਈਏ ਕਿ ਇਸ ਦਾ ਮਿਊਜ਼ਿਕ ਵੀਡੀਓ ਵੀ ਕੀਨੀਆ ਆਥੀ ਨੇ ਬਣਾਇਆ ਹੈ।