ਇਸ ਤਰੀਕ ਨੂੰ ਰਿਲੀਜ਼ ਹੋਵੇਗਾ ਫ਼ਰਹਾਨ ਅਖਤਰ ਦੀ 'ਤੂਫ਼ਾਨ' ਦਾ ਟਰੇਲਰ

toofan

ਫਰਹਾਨ ਅਖਤਰ ਅਤੇ ਮ੍ਰਿਣਾਲ ਠਾਕੁਰ ਸਟਾਰਰ ਫਿਲਮ 'ਤੂਫਾਨ' ਦਾ ਫੈਨਜ਼ ਲੰਬੇ ਸਮੇਂ ਤੋਂ ਇੰਤਜ਼ਾਰ ਕਰ ਰਹੇ ਹਨ। ਐਮਾਜ਼ਾਨ ਪ੍ਰਾਈਮ ਵੀਡੀਓ ਨੇ ਹੁਣ 'ਤੂਫਾਨ' ਦੇ ਟ੍ਰੇਲਰ ਦੀ ਰਿਲੀਜ਼ ਡੇਟ ਦਾ ਐਲਾਨ ਕਰ ਦਿੱਤਾ ਹੈ।

ਐਕਸਲ ਐਂਟਰਟੇਨਮੈਂਟ ਅਤੇ ROMP ਪਿਕਚਰ ਦੇ ਸਹਿਯੋਗ ਨਾਲ ਐਮਾਜ਼ਾਨ ਦੁਆਰਾ ਪੇਸ਼ ਕੀਤੀ ਗਈ ਰਾਕੇਸ਼ ਓਮਪ੍ਰਕਾਸ਼ ਮਹਿਰਾ ਦੀ 'ਤੂਫਾਨ' ਫਿਲਹਾਲ ਦੇਸ਼ ਦੀ ਮੋਸਟ ਅਵੇਟੇਡ ਫਿਲਮਾਂ ਵਿੱਚੋਂ ਇੱਕ ਹੈ।

ਐਮਾਜ਼ਾਨ ਪ੍ਰਾਈਮ ਵੀਡਿਓ ਨੇ ਆਪਣੇ ਇਕ ਆਫੀਸ਼ੀਅਲ ਬਿਆਨ ਵਿਚ ਕਿਹਾ, ਕਿ 'ਤੂਫ਼ਾਨ' ਦਾ ਟਰੇਲਰ 30 ਜੂਨ ਨੂੰ ਰਿਲੀਜ਼ ਕੀਤਾ ਜਾਵੇਗਾ।

ਫਰਹਾਨ ਅਖਤਰ ਸਟਾਰਰ ਇਸ ਫਿਲਮ ਨੂੰ ਨਵੀਂ ਰਿਲੀਜ਼ ਡੇਟ ਮਿਲ ਗਈ ਹੈ। ਪਹਿਲਾਂ ਦੇਸ਼ ਕੋਵਿਡ ਦੀ ਦੂਜੀ ਲਹਿਰ ਨਾਲ ਜੂਝ ਰਿਹਾ ਸੀ ਅਤੇ ਜਿਸ ਲਈ ਸਟਾਰਸ ਅਤੇ ਤੂਫਾਨ ਦੀ ਟੀਮ ਨੂੰ ਆਪਣੀ ਫਿਲਮ ਨੂੰ ਰਿਲੀਜ਼ ਕਰਨਾ ਸਹੀ ਨਹੀਂ ਸੀ ਲੱਗ ਰਿਹਾ।

ਤੂਫਾਨ ਨੂੰ ਰਾਕੇਸ਼ ਓਮਪ੍ਰਕਾਸ਼ ਮਹਿਰਾ ਨੇ ਡਾਇਰੈਕਟ ਕੀਤਾ ਹੈ। 'ਤੂਫਾਨ' ਵਰਲਡਵਾਈਡ 16 ਜੁਲਾਈ, 2021 ਤੋਂ ਐਮਾਜ਼ਾਨ ਪ੍ਰਾਈਮ ਵੀਡੀਓ 'ਤੇ ਸਟਰੀਮ ਹੋਵੇਗੀ।

ਫਰਹਾਨ ਅਖਤਰ, ਮ੍ਰਿਣਾਲ ਠਾਕੁਰ, ਪਰੇਸ਼ ਰਾਵਲ ਵਰਗੇ ਅਦਾਕਾਰਾਂ ਦੇ ਨਾਲ, 'ਤੂਫਾਨ' ਇਕ ਯੂਨੀਵਰਸਲ ਕਹਾਣੀ ਹੈ।

ਫਿਲਮ ਬਾਰੇ ਗੱਲ ਕਰਦਿਆਂ ਡਾਇਰੈਕਟਰ ਰਾਕੇਸ਼ ਓਮਪ੍ਰਕਾਸ਼ ਮੇਹਰਾ ਦਾ ਕਹਿਣਾ ਹੈ, “ਤੂਫਾਨ ਇਕ ਅੰਡਰਡੌਗ ਦੀ ਕਹਾਣੀ ਹੈ ਅਤੇ ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਇਹ ਮਤਭੇਦ ਪੈਦਾ ਕਰਨ ਦੀ ਥਾਂ ਪਿਆਰ ਫੈਲਾਉਣ ਦੀ ਕਹਾਣੀ ਹੈ। ਇਸ ਫਿਲਮ ਦਾ ਟਰੇਲਰ 30 ਜੂਨ ਨੂੰ ਰਿਲੀਜ਼ ਕੀਤਾ ਜਾਣ ਵਾਲਾ ਹੈ।