ਪੜਚੋਲ ਕਰੋ
ਕਿਤੇ ਨਕਲੀ ਚਾਹ ਪੱਤੀ ਦੀ ਤਾਂ ਨਹੀਂ ਕਰ ਰਹੇ ਵਰਤੋਂ? ਮਿਲਾਵਟੀ ਪੱਤੀ ਦੀ ਚਾਹ ਪੀਣਾ ਨੁਕਸਾਨਦਾਇਕ, ਇੰਝ ਕਰੋ ਅਸਲੀ-ਨਕਲੀ ਦੀ ਪਛਾਣ
ਭਾਰਤ ਦੇ ਵਿੱਚ ਵੱਡੀ ਗਿਣਤੀ ਦੇ ਵਿੱਚ ਲੋਕ ਚਾਹ ਦਾ ਸੇਵਨ ਕਰਦੇ ਹਨ। ਜਿਵੇਂ ਕਿ ਅੱਜ ਕੱਲ ਹਰ ਚੀਜ਼ ਦੇ ਵਿੱਚ ਮਿਲਾਵਟ ਪਾਈ ਜਾਂਦੀ ਹੈ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਚਾਹ ਵਰਗੀ ਚੀਜ਼ ਵੀ ਮਿਲਾਵਟ ਹੋ ਰਹੀ ਹੈ।

( Image Source : Freepik )
1/6

ਜੀ ਹਾਂ, ਇਸ ਵਿਚ ਲੋਹੇ ਦਾ ਪਾਊਡਰ, ਸੁੱਕਾ ਗੋਬਰ, ਲੱਕੜ ਦਾ ਬਰਾ ਅਤੇ ਰੰਗ ਵਰਗੀਆਂ ਚੀਜ਼ਾਂ ਮਿਲਾਈਆਂ ਜਾਂਦੀਆਂ ਹਨ, ਜਿਸ ਨਾਲ ਸਰੀਰ ਹੌਲੀ-ਹੌਲੀ ਬਿਮਾਰੀਆਂ ਦੇ ਨਾਲ ਘਿਰ ਜਾਂਦਾ ਹੈ।
2/6

ਚਾਹ ਪੱਤੀ ਦੀ ਸ਼ੁੱਧਤਾ ਦੀ ਜਾਂਚ ਕਰਨ ਦਾ ਇੱਕ ਆਸਾਨ ਤਰੀਕਾ ਹੈ ਰੰਗ ਟੈਸਟ। ਇਸ ਦੇ ਲਈ ਤੁਹਾਨੂੰ ਇੱਕ ਪਾਰਦਰਸ਼ੀ ਗਲਾਸ ਲੈ ਕੇ ਉਸ ਵਿੱਚ ਨਿੰਬੂ ਦਾ ਰਸ ਅਤੇ ਕੁਝ ਚਾਹ ਪੱਤੀਆਂ ਪਾਓ।
3/6

ਕੁਝ ਸਮੇਂ ਬਾਅਦ ਜੇਕਰ ਨਿੰਬੂ ਦਾ ਰਸ ਪੀਲਾ ਜਾਂ ਹਰਾ ਹੋ ਜਾਵੇ ਤਾਂ ਮੰਨ ਲਓ ਕਿ ਤੁਹਾਡੀ ਚਾਹ ਪੱਤੀ ਅਸਲੀ ਹੈ ਪਰ ਜੇਕਰ ਇਸ ਦਾ ਰੰਗ ਸੰਤਰੀ ਜਾਂ ਹੋਰ ਰੰਗਾਂ 'ਚ ਬਦਲ ਜਾਵੇ ਤਾਂ ਸਮਝੋ ਚਾਹ ਪੱਤੀ ਮਿਲਾਵਟੀ ਹੈ।
4/6

ਤੁਸੀਂ ਚਾਹ ਦੀਆਂ ਪੱਤੀਆਂ ਦੀ ਸ਼ੁੱਧਤਾ ਦੀ ਜਾਂਚ ਕਰਨ ਲਈ ਟਿਸ਼ੂ ਪੇਪਰ ਦੀ ਜਾਂਚ ਵੀ ਕਰ ਸਕਦੇ ਹੋ। ਇਸ ਦੇ ਲਈ ਟਿਸ਼ੂ ਪੇਪਰ 'ਤੇ ਦੋ ਚੱਮਚ ਚਾਹ ਦੀਆਂ ਪੱਤੀਆਂ ਰੱਖ ਕੇ ਉਸ 'ਤੇ ਥੋੜ੍ਹਾ ਜਿਹਾ ਪਾਣੀ ਛਿੜਕ ਦਿਓ, ਫਿਰ ਇਸ ਟਿਸ਼ੂ ਪੇਪਰ ਨੂੰ ਧੁੱਪ 'ਚ ਸੁਕਾ ਲਓ। ਜੇਕਰ ਟਿਸ਼ੂ ਪੇਪਰ 'ਤੇ ਰੰਗਦਾਰ ਧੱਬੇ ਜਾਂ ਨਿਸ਼ਾਨ ਦਿਖਾਈ ਦੇਣ ਤਾਂ ਸਮਝੋ ਚਾਹ ਪੱਤੀ ਮਿਲਾਵਟੀ ਹੈ। ਟਿਸ਼ੂ ਪੇਪਰ ਅਸਲੀ ਚਾਹ ਪੱਤੀਆਂ ਨਾਲੋਂ ਸਾਫ਼ ਰਹੇਗਾ।
5/6

ਅਸਲੀ ਚਾਹ ਪੱਤੀ ਦੀ ਮਹਿਕ ਤੁਹਾਨੂੰ ਤੁਰੰਤ ਦੱਸ ਦੇਵੇਗੀ ਕਿ ਇਹ ਸ਼ੁੱਧ ਹੈ ਜਾਂ ਨਹੀਂ। ਜਦੋਂ ਤੁਸੀਂ ਚਾਹ ਦੀ ਪੱਤੀ ਨੂੰ ਸੁੰਘਦੇ ਹੋ, ਤਾਂ ਤੁਹਾਨੂੰ ਇੱਕ ਤਾਜ਼ੀ ਅਤੇ ਕੁਦਰਤੀ ਖੁਸ਼ਬੂ ਮਹਿਸੂਸ ਹੋਣੀ ਚਾਹੀਦੀ ਹੈ, ਪਰ ਜੇਕਰ ਤੁਹਾਨੂੰ ਕੋਈ ਨਕਲੀ ਜਾਂ ਰਸਾਇਣਕ ਮਹਿਕ ਆਉਂਦੀ ਹੈ ਤਾਂ ਸਮਝੋ ਕਿ ਚਾਹ ਪੱਤੀ ਵਿੱਚ ਮਿਲਾਵਟ ਹੋ ਸਕਦੀ ਹੈ।
6/6

ਤੁਸੀਂ ਨਕਲੀ ਚਾਹ ਪੱਤੀ ਦੀ ਪਛਾਣ ਕਰਨ ਲਈ ਠੰਡੇ ਪਾਣੀ ਦੀ ਜਾਂਚ ਵੀ ਕਰ ਸਕਦੇ ਹੋ। ਇਸ ਦੇ ਲਈ ਇਕ ਗਲਾਸ ਠੰਡੇ ਪਾਣੀ ਵਿਚ ਦੋ ਚਮਚ ਚਾਹ ਪੱਤੀ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ। ਜੇਕਰ ਚਾਹ ਪੱਤੀ ਅਸਲੀ ਹੈ ਤਾਂ ਇਹ ਹੌਲੀ-ਹੌਲੀ ਪਾਣੀ ਵਿੱਚ ਰੰਗ ਛੱਡ ਦੇਵੇਗੀ ਅਤੇ ਰੰਗ ਨੂੰ ਗਾੜ੍ਹਾ ਹੋਣ ਵਿੱਚ ਕੁਝ ਸਮਾਂ ਲੱਗੇਗਾ ਪਰ ਜੇਕਰ ਚਾਹ ਪੱਤੀ ਨਕਲੀ ਹੈ ਤਾਂ ਪਾਣੀ ਦਾ ਰੰਗ ਇੱਕ ਮਿੰਟ ਵਿੱਚ ਹੀ ਬਦਲ ਜਾਵੇਗਾ। ਇਹ ਇੱਕ ਆਸਾਨ ਤਰੀਕਾ ਹੈ ਜਿਸ ਦੁਆਰਾ ਤੁਸੀਂ ਘਰ ਬੈਠੇ ਹੀ ਆਪਣੀ ਚਾਹ ਪੱਤੀ ਦੀ ਸ਼ੁੱਧਤਾ ਦਾ ਪਤਾ ਲਗਾ ਸਕਦੇ ਹੋ।
Published at : 09 Oct 2024 02:14 PM (IST)
View More
Advertisement
Advertisement
Advertisement
ਟਾਪ ਹੈਡਲਾਈਨ
ਲੁਧਿਆਣਾ
ਪੰਜਾਬ
ਪੰਜਾਬ
ਵਿਸ਼ਵ
Advertisement
ਟ੍ਰੈਂਡਿੰਗ ਟੌਪਿਕ
