ਸਵੇਰੇ ਕਾਫੀ ਪੀਣ ਦੇ ਚੌਕਾਉਣ ਵਾਲੇ ਫਾਇਦੇ – ਉਮਰ ਲੰਬੀ ਕਰਨ 'ਚ ਕਰ ਸਕਦੀ ਮਦਦ

ਜੇ ਤੁਹਾਨੂੰ ਸਵੇਰੇ ਕਾਫੀ ਪੀਣੀ ਪਸੰਦ ਹੈ ਤਾਂ ਇਹ ਤੁਹਾਡੇ ਲਈ ਲਾਭਕਾਰੀ ਹੋ ਸਕਦੀ ਹੈ। ਅਧਿਐਨ ਦੱਸਦੇ ਹਨ ਕਿ ਕਾਫੀ ਨਾ ਸਿਰਫ ਊਰਜਾ ਦਿੰਦੀ ਹੈ, ਸਗੋਂ ਉਮਰ ਵਧਣ ਦੀ ਪ੍ਰਕਿਰਿਆ ਨੂੰ ਹੌਲੀ ਕਰਕੇ ਲੰਬੀ ਉਮਰ ਵਿੱਚ ਵੀ ਮਦਦ ਕਰ ਸਕਦੀ ਹੈ

( Image Source : Freepik )

ਜੇ ਤੁਹਾਨੂੰ ਸਵੇਰੇ ਕਾਫੀ ਪੀਣੀ ਪਸੰਦ ਹੈ ਤਾਂ ਇਹ ਤੁਹਾਡੇ ਲਈ ਲਾਭਕਾਰੀ ਹੋ ਸਕਦੀ ਹੈ। ਅਧਿਐਨ ਦੱਸਦੇ ਹਨ ਕਿ ਕਾਫੀ ਨਾ ਸਿਰਫ ਊਰਜਾ ਦਿੰਦੀ ਹੈ, ਸਗੋਂ ਉਮਰ ਵਧਣ ਦੀ ਪ੍ਰਕਿਰਿਆ ਨੂੰ ਹੌਲੀ ਕਰਕੇ ਲੰਬੀ ਉਮਰ ਵਿੱਚ ਵੀ ਮਦਦ ਕਰ ਸਕਦੀ ਹੈ। ਕੈਫੀਨ ਦੇ ਸਿਹਤ ਨਾਲ ਜੁੜੇ ਕਈ ਲਾਭ ਹਨ, ਜਿਵੇਂ ਕਿ ਉਮਰ ਨਾਲ ਆਉਣ ਵਾਲੀਆਂ ਬਿਮਾਰੀਆਂ ਦਾ ਖ਼ਤਰਾ ਘੱਟ ਹੋ ਜਾਂਦਾ ਹੈ।

ਬ੍ਰਿਟੇਨ ਦੀ ਕਵੀਨ ਮੈਰੀ ਯੂਨੀਵਰਸਿਟੀ ਆਫ ਲੰਡਨ ਦੇ ਵਿਗਿਆਨੀਆਂ ਵੱਲੋਂ ਕੀਤੇ ਅਧਿਐਨ ਤੋਂ ਇਹ ਸਾਹਮਣੇ ਆਇਆ ਹੈ ਕਿ ਕੈਫ਼ੀਨ ਮਨੁੱਖੀ ਕੋਸ਼ਕਾਂ ਵਿੱਚ ਕਿਵੇਂ ਕੰਮ ਕਰਦੀ ਹੈ। ਇਸ ਅਧਿਐਨ ਵਿੱਚ ਦੱਸਿਆ ਗਿਆ ਕਿ ਕੈਫ਼ੀਨ ਪੋਸ਼ਕ ਤੱਤਾਂ ਅਤੇ ਤਣਾਅ ਸੰਵੇਦਨਸ਼ੀਲ ਜੀਨਾਂ ਅਤੇ ਪ੍ਰੋਟੀਨ ਨੈੱਟਵਰਕ ਨਾਲ ਸਬੰਧਤ ਹੈ। ਖੋਜ ਵਿੱਚ ਇਹ ਵੀ ਪਤਾ ਲੱਗਿਆ ਕਿ ਕੈਫ਼ੀਨ ਇੱਕ ਪੁਰਾਣੀ ਸੈੱਲ ਯੂਰਜਾ ਪ੍ਰਣਾਲੀ ਦੀ ਵਰਤੋਂ ਕਰਕੇ ਉਮਰ ਵਧਣ ਦੀ ਪ੍ਰਕਿਰਿਆ ’ਤੇ ਅਸਰ ਪਾਂਦੀ ਹੈ।