Summer Health Tips: ਗਰਮੀਆਂ 'ਚ ਪਿੱਤ ਤੋਂ ਬਚਣ ਲਈ ਅਪਣਾਓ ਇਹ ਨੁਸਖੇ, ਮਿਲੇਗੀ ਰਾਹਤ

Skin Care Tips: ਜਦੋਂ ਗਰਮੀ ਤੇਜ਼ ਹੋ ਜਾਂਦੀ ਹੈ ਤਾਂ ਸਕਿਨ ਉੱਤੇ ਲਾਲ-ਲਾਲ ਦਾਣੇ ਆ ਜਾਂਦੇ ਹਨ। ਜੋ ਕਿ ਕੰਢਿਆਂ ਵਾਂਗ ਸਕਿਨ ਉੱਤੇ ਚੁੰਭਦੇ ਹਨ। ਅੱਜ ਅਸੀਂ ਤੁਹਾਨੂੰ ਕੁੱਝ ਘਰੇਲੂ ਟਿਪਸ ਦੱਸਾਂਗੇ ਜਿਸ ਦੇ ਨਾਲ ਤੁਹਾਨੂੰ ਰਾਹਤ ਮਿਲੇਗੀ।

( Image Source : Freepik )

ਗਰਦਨ ਤੋਂ ਪਿੱਠ ਤੱਕ ਕੰਡਿਆਂ ਦੀ ਤਰ੍ਹਾਂ ਚੁੰਭਣ ਵਾਲੇ ਛੋਟੇ-ਛੋਟੇ ਮੁਹਾਂਸੇ ਹੋ ਜਾਂਦੇ ਹਨ, ਜਿਸ ਵਿੱਚ ਖੁਜਲੀ ਵੀ ਸ਼ੁਰੂ ਹੋ ਜਾਂਦੀ ਹੈ। ਇਸ ਲਈ ਅੱਜ ਅਸੀਂ ਤੁਹਾਨੂੰ ਪਹਿਲਾਂ ਹੀ ਪਿੱਤ ਤੋਂ ਕਿਵੇਂ ਆਪਣਾ ਬਚਾਅ ਕਰਨਾ ਹੈ ਉਸ ਬਾਰੇ ਕੁੱਝ ਅਹਿਮ ਟਿਪਸ ਦੇਵਾਂਗੇ। ਤੁਹਾਡੇ ਲਈ ਕੁਝ ਸ਼ਾਨਦਾਰ ਘਰੇਲੂ ਨੁਸਖੇ ਲੈ ਕੇ ਆਏ ਹਾਂ, ਜੋ ਤੁਹਾਨੂੰ ਧੱਫੜ ਤੇ ਪਿੱਤ ਤੋਂ ਤੁਰੰਤ ਰਾਹਤ ਦਿਵਾਉਣਗੇ।

ਅਸਲ ਵਿੱਚ, ਪਿੱਤ ਨਾਲ ਸਕਿਨ ਉੱਤੇ ਖਾਰਸ਼ ਹੁੰਦੀ ਹੈ। ਇਸ ਨਾਲ ਚਮੜੀ 'ਚ ਜਲਣ ਹੋ ਜਾਂਦੀ ਹੈ। ਇਸ ਤੋਂ ਬਚਣ ਲਈ ਬਾਜ਼ਾਰ 'ਚ ਕਈ ਤਰ੍ਹਾਂ ਦੇ ਪਾਊਡਰ ਮਿਲਦੇ ਹਨ।ਪਰ ਜੇਕਰ ਤੁਸੀਂ ਇਨ੍ਹਾਂ ਘਰੇਲੂ ਤਰੀਕਿਆਂ ਦੀ ਵਰਤੋਂ ਕਰਦੇ ਹੋ ਤਾਂ ਤੁਹਾਨੂੰ ਜਲਦ ਹੀ ਪਿੱਤ ਤੋਂ ਛੁਟਕਾਰਾ ਮਿਲ ਜਾਵੇਗਾ।

ਨਿੰਮ, ਜਿਸ ਵਿਚ ਐਂਟੀ-ਬੈਕਟੀਰੀਅਲ ਗੁਣ ਹੁੰਦੇ ਹਨ, ਨਿੰਮ ਦੇ ਪਾਣੀ ਨਾਲ ਨਹਾਉਣ ਨਾਲ ਪਿੱਤ ਨੂੰ ਦੂਰ ਕਰਨ ਵਿਚ ਪ੍ਰਭਾਵਸ਼ਾਲੀ ਢੰਗ ਨਾਲ ਕੰਮ ਕਰਦਾ ਹੈ। ਇਸ ਦੇ ਪੱਤਿਆਂ ਨੂੰ ਪਿੱਤ 'ਤੇ ਲਗਾਉਣ ਨਾਲ ਵੀ ਆਰਾਮ ਮਿਲਦਾ ਹੈ। ਨਿੰਮ ਦੀਆਂ ਪੱਤੀਆਂ ਨੂੰ ਪੀਸ ਕੇ ਪਿੱਤ 'ਤੇ ਲਗਾਉਣ ਜਾਂ ਨਿੰਮ ਅਤੇ ਕਪੂਰ ਨੂੰ ਪਾਣੀ 'ਚ ਉਬਾਲ ਕੇ ਇਸ਼ਨਾਨ ਕਰਨ ਨਾਲ ਛੋਟੇ ਮੁਹਾਂਸੇ ਦੂਰ ਹੁੰਦੇ ਹਨ।

ਮੁਲਤਾਨੀ ਮਿੱਟੀ ਚੁੰਭਦੀ ਗਰਮੀ ਨੂੰ ਦੂਰ ਕਰਨ ਵਿੱਚ ਅਦਭੁਤ ਪ੍ਰਭਾਵ ਦਿਖਾ ਸਕਦੀ ਹੈ। ਇਸ ਨੂੰ ਲਗਾਉਣ ਨਾਲ ਚਮੜੀ ਨੂੰ ਠੰਡਕ ਮਿਲਦੀ ਹੈ ਅਤੇ ਜਲਣ ਅਤੇ ਖਾਰਸ਼ ਦੀ ਸਮੱਸਿਆ ਨਹੀਂ ਹੁੰਦੀ ਹੈ। ਮੁਲਤਾਨੀ ਮਿੱਟੀ ਦਾਣਿਆਂ ਨੂੰ ਘਟਾਉਣ ਦਾ ਕੰਮ ਵੀ ਕਰਦੀ ਹੈ ਅਤੇ ਬੈਕਟੀਰੀਆ ਦਾ ਕੰਮ ਵੀ ਖ਼ਤਮ ਕਰਦੀ ਹੈ।

ਗਰਮੀਆਂ ਵਿੱਚ ਤੁਸੀਂ ਆਪਣੀ ਚਮੜੀ ਨੂੰ ਜਿੰਨਾ ਜ਼ਿਆਦਾ ਠੰਡਾ ਰੱਖੋਗੇ, ਗਰਮੀ ਦੇ ਧੱਫੜਾਂ ਦਾ ਖ਼ਤਰਾ ਓਨਾ ਹੀ ਘੱਟ ਹੁੰਦਾ ਹੈ। ਇਸ ਲਈ ਤੁਹਾਨੂੰ ਆਈਸ ਕਿਊਬ ਨੂੰ ਕਿਸੇ ਸੂਤੀ ਕੱਪੜੇ ਵਿੱਚ ਲਪੇਟ ਲੈਣਾ ਹੈ ਅਤੇ ਪ੍ਰਭਾਵਿਤ ਥਾਂ 'ਤੇ ਹੌਲੀ-ਹੌਲੀ ਮਾਲਿਸ਼ ਕਰੋ। ਇਸ ਨਾਲ ਕਾਫੀ ਰਾਹਤ ਮਿਲੇਗੀ।

ਐਲੋਵੇਰਾ ਜੈੱਲ ਪਿੱਤ ਦੇ ਨਿਸ਼ਾਨਾਂ ਨੂੰ ਦੂਰ ਕਰਨ ਲਈ ਵੀ ਬਹੁਤ ਪ੍ਰਭਾਵਸ਼ਾਲੀ ਹੈ। ਇਹ ਚਮੜੀ ਨੂੰ ਠੰਡਾ ਰੱਖਣ ਦਾ ਕੰਮ ਕਰਦਾ ਹੈ ਅਤੇ ਗਰਮੀ ਤੋਂ ਛੁਟਕਾਰਾ ਦਿਵਾਉਂਦਾ ਹੈ। ਇਸ ਨੂੰ ਲਗਾਉਣ ਨਾਲ ਲਾਲ ਧੱਫੜ, ਖਾਰਸ਼ ਅਤੇ ਮੁਹਾਂਸੇ ਵੀ ਦੂਰ ਹੋ ਜਾਂਦੇ ਹਨ।

ਐਂਟੀਬੈਕਟੀਰੀਅਲ ਅਤੇ ਠੰਡਾ ਕਰਨ ਵਾਲੇ ਗੁਣਾਂ ਵਾਲਾ ਚੰਦਨ ਪਿੱਤ ਨੂੰ ਦੂਰ ਕਰਨ ਵਿੱਚ ਬੇਮਿਸਾਲ ਹੈ। ਚੰਦਨ ਪਾਊਡਰ ਅਤੇ ਗੁਲਾਬ ਜਲ ਲੈ ਕੇ ਚਮੜੀ 'ਤੇ ਲਗਾਓ। ਇਸ ਨਾਲ ਪਿੱਤ ਜਲਦੀ ਦੂਰ ਹੋ ਜਾਂਦੀ ਹੈ ਅਤੇ ਚਮੜੀ ਨੂੰ ਠੰਡਕ ਮਿਲਦੀ ਹੈ।