Poco X5 Pro ਤੋਂ ਵੱਖਰੇ ਹਨ ਇਹ 25,000 ਤੋਂ ਘੱਟ ਕੀਮਤ ਵਾਲੇ ਸਮਾਰਟਫੋਨਜ਼, ਬਣ ਸਕਦੀ ਹੈ ਤੁਹਾਡੀ ਪਸੰਦ

Best Smartphones Under 25,000 : ਇੱਥੇ ਅਸੀਂ 25,000 ਰੁਪਏ ਤੋਂ ਘੱਟ ਕੀਮਤ 'ਚ ਆਉਣ ਵਾਲੇ ਸਮਾਰਟਫੋਨਜ਼ ਬਾਰੇ ਦੱਸਿਆ ਹੈ। ਪੋਕੋ ਤੋਂ ਲੈ ਕੇ ਵਨਪਲੱਸ ਤੱਕ ਦੇ ਸਮਾਰਟਫੋਨ ਇਸ ਸੂਚੀ 'ਚ ਸ਼ਾਮਲ ਹਨ।

ਸਮਾਰਟਫੋਨ

Poco X5 Pro 5G : ਇਸ ਸਮਾਰਟਫੋਨ 'ਚ ਪਹਿਲੀ ਵਾਰ ਕੰਪਨੀ ਨੇ 108MP ਦਾ ਪ੍ਰਾਇਮਰੀ ਰਿਅਰ ਕੈਮਰਾ ਦਿੱਤਾ ਹੈ। ਇਸ ਫੋਨ ਦਾ ਕੈਮਰਾ ਦਿਨ ਦੀ ਰੌਸ਼ਨੀ 'ਚ ਸ਼ਾਨਦਾਰ ਫੋਟੋਆਂ ਕਲਿੱਕ ਕਰਦਾ ਹੈ। ਇਸ ਤੋਂ ਇਲਾਵਾ ਫੋਨ 'ਚ ਸਨੈਪਡ੍ਰੈਗਨ 778ਜੀ ਚਿਪ ਦਿੱਤੀ ਗਈ ਹੈ, ਜੋ ਡਾਇਮੇਂਸਿਟੀ 1080 SoC ਤੋਂ ਬਿਹਤਰ ਹੈ। ਫ਼ੋਨ ਵਿੱਚ ਡੌਲਬੀ ਵਿਜ਼ਨ ਸਪੋਰਟ, HDR 10+ ਡਿਸਪਲੇਅ, ਡੌਲਬੀ ਐਟਮਸ ਦੇ ਨਾਲ ਸਟੀਰੀਓ ਸਪੀਕਰ, IP53 ਰੇਟਿੰਗ, 5,000mAh ਬੈਟਰੀ ਅਤੇ 67W ਫਾਸਟ ਚਾਰਜਿੰਗ ਸਪੋਰਟ ਦੇ ਨਾਲ 120Hz ਰਿਫਰੈਸ਼ ਰੇਟ ਹੈ।

Redmi Note 12 ਦੂਜੇ ਸਮਾਰਟਫੋਨ ਨਾਲੋਂ ਮਹਿੰਗਾ ਲੱਗ ਸਕਦਾ ਹੈ। ਇਹ ਫੋਨ 120Hz ਰਿਫਰੈਸ਼ ਰੇਟ ਅਤੇ AMOLED ਡਿਸਪਲੇ ਨਾਲ ਆਉਂਦਾ ਹੈ। ਫੋਨ 'ਚ 5G ਕਨੈਕਟੀਵਿਟੀ ਅਤੇ 33W ਫਾਸਟ ਚਾਰਜਿੰਗ ਹੈ। ਜੇਕਰ ਤੁਸੀਂ ਇਸ ਫੋਨ ਨੂੰ ਖਰੀਦਣ ਜਾ ਰਹੇ ਹੋ, ਤਾਂ ਸਿਰਫ 4GB ਰੈਮ ਜਾਂ 6GB ਰੈਮ ਵਾਲਾ ਵਰਜਨ ਹੀ ਖਰੀਦੋ।

OnePlus Nord CE 2 5G ਵਿੱਚ 90Hz ਰਿਫਰੈਸ਼ ਰੇਟ ਦੇ ਨਾਲ ਇੱਕ AMOLED ਸਕ੍ਰੀਨ ਹੈ। ਫੋਨ 'ਚ HDR 10+ ਵੀਡੀਓ ਪਲੇਬੈਕ ਲਈ ਸਪੋਰਟ ਹੈ। ਇਸ ਫੋਨ ਦੀ ਪਰਫਾਰਮੈਂਸ ਕੰਪਨੀ ਦੇ ਬਾਕੀ ਫੋਨਾਂ ਵਾਂਗ ਹੀ ਸ਼ਾਨਦਾਰ ਹੈ। ਫੋਨ ਦਾ ਕੈਮਰਾ ਚੰਗੀ ਰੋਸ਼ਨੀ ਵਿੱਚ ਵੀ ਚੰਗੀਆਂ ਤਸਵੀਰਾਂ ਲੈਂਦਾ ਹੈ। ਇਸ ਤੋਂ ਇਲਾਵਾ, ਫ਼ੋਨ 4,500mAh ਦੀ ਬੈਟਰੀ ਤੇ 65W ਫਾਸਟ ਚਾਰਜਰ ਦੇ ਨਾਲ ਆਉਂਦਾ ਹੈ, ਜੋ ਲਗਭਗ 45 ਮਿੰਟਾਂ ਵਿੱਚ ਫ਼ੋਨ ਨੂੰ ਪੂਰੀ ਤਰ੍ਹਾਂ ਚਾਰਜ ਕਰ ਸਕਦਾ ਹੈ।

Realme 10 Pro 5G ਵਿੱਚ ਇੱਕ 108MP ਪ੍ਰਾਇਮਰੀ ਰਿਅਰ ਕੈਮਰਾ ਹੈ। ਇਸਦੀ ਖਾਸ ਗੱਲ ਇਹ ਹੈ ਕਿ ਇਹ ਫੋਨ 20,000 ਰੁਪਏ ਤੋਂ ਵੀ ਘੱਟ ਕੀਮਤ 'ਚ ਉਪਲੱਬਧ ਹੈ। Realme 10 Pro ਵਿੱਚ Snapdragon 695 SoC, ਵੱਡੀ 5,000mAh ਬੈਟਰੀ, 33W ਫਾਸਟ ਚਾਰਜਿੰਗ ਹੈ। ਇਹ ਐਂਡਰਾਇਡ 13 ਸਾਫਟਵੇਅਰ 'ਤੇ ਕੰਮ ਕਰਦਾ ਹੈ। ਫੋਨ ਦਾ ਕੈਮਰਾ ਚੰਗੀ ਰੋਸ਼ਨੀ ਦੀਆਂ ਸਥਿਤੀਆਂ ਵਿੱਚ ਉੱਚ ਗੁਣਵੱਤਾ ਵਾਲੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਨੂੰ ਕੈਪਚਰ ਕਰਦਾ ਹੈ।