IPL 2023: ਲਖਨਊ ਦੇ ਖਿਲਾਫ ਮੈਚ 'ਚ MS Dhoni ਨੇ ਰਚਿਆ ਇਤਿਹਾਸ, IPL 'ਚ ਇਹ ਰਿਕਾਰਡ ਬਨਾਉਣ ਵਾਲੇ ਬਣੇ ਦੂਜੇ ਭਾਰਤੀ
MS Dhoni IPL Recrod: ਆਈਪੀਐਲ ਦੇ 16ਵੇਂ ਸੀਜ਼ਨ ਦਾ ਛੇਵਾਂ ਮੈਚ ਚੇਨਈ ਸੁਪਰ ਕਿੰਗਜ਼ ਅਤੇ ਲਖਨਊ ਸੁਪਰ ਜਾਇੰਟਸ ਵਿਚਾਲੇ ਖੇਡਿਆ ਗਿਆ ਸੀ। ਇਸ ਮੈਚ ਵਿੱਚ ਧੋਨੀ ਨੇ ਇੱਕ ਹੋਰ ਨਵਾਂ ਰਿਕਾਰਡ ਬਣਾ ਲਿਆ ਹੈ।
MS Dhoni IPL Recrod: ਆਈਪੀਐਲ ਦੇ 16ਵੇਂ ਸੀਜ਼ਨ ਦਾ ਛੇਵਾਂ ਮੈਚ ਚੇਨਈ ਸੁਪਰ ਕਿੰਗਜ਼ ਅਤੇ ਲਖਨਊ ਸੁਪਰ ਜਾਇੰਟਸ ਵਿਚਾਲੇ ਖੇਡਿਆ ਗਿਆ ਸੀ। ਇਸ ਹਾਈ ਸਕੋਰਿੰਗ ਮੈਚ ਵਿੱਚ ਚੇਨਈ ਨੇ ਲਖਨਊ ਨੂੰ 12 ਦੌੜਾਂ ਨਾਲ ਹਰਾਇਆ। ਪਹਿਲਾਂ ਖੇਡਦਿਆਂ CSK ਨੇ 7 ਵਿਕਟਾਂ 'ਤੇ 217 ਦੌੜਾਂ ਬਣਾਈਆਂ। ਇਸ ਦੇ ਨਾਲ ਹੀ 218 ਦੌੜਾਂ ਦੇ ਟੀਚੇ ਨੂੰ ਹਾਸਲ ਕਰਨ ਲਈ ਲਖਨਊ ਦੀ ਟੀਮ 7 ਵਿਕਟਾਂ 'ਤੇ 205 ਦੌੜਾਂ ਹੀ ਬਣਾ ਸਕੀ। ਆਈਪੀਐਲ 2023 ਵਿੱਚ ਚੇਨਈ ਸੁਪਰ ਕਿੰਗਜ਼ ਦੀ ਇਹ ਪਹਿਲੀ ਜਿੱਤ ਹੈ। ਸੀਐਸਕੇ ਦੇ ਕਪਤਾਨ ਐਮਐਸ ਧੋਨੀ ਨੇ ਲਖਨਊ ਸੁਪਰ ਜਾਇੰਟਸ ਦੇ ਖਿਲਾਫ ਇਸ ਮੈਚ ਵਿੱਚ ਇੱਕ ਖਾਸ ਉਪਲਬਧੀ ਹਾਸਲ ਕੀਤੀ ਹੈ।
ਧੋਨੀ ਪਹਿਲੇ ਭਾਰਤੀ ਬੱਲੇਬਾਜ਼
ਲਖਨਊ ਦੇ ਖਿਲਾਫ ਮੈਚ 'ਚ ਮਹਿੰਦਰ ਸਿੰਘ ਧੋਨੀ ਨੇ ਆਪਣੇ IPL ਕੈਰੀਅਰ 'ਚ 5000 ਦੌੜਾਂ ਪੂਰੀਆਂ ਕੀਤੀਆਂ। ਜੇਕਰ ਗੇਂਦਾਂ ਦੇ ਮਾਮਲੇ 'ਚ ਦੇਖਿਆ ਜਾਵੇ ਤਾਂ ਧੋਨੀ IPL 'ਚ ਸਭ ਤੋਂ ਤੇਜ਼ 5000 ਦੌੜਾਂ ਬਣਾਉਣ ਵਾਲੇ ਭਾਰਤ ਦੇ ਦੂਜੇ ਬੱਲੇਬਾਜ਼ ਹਨ। ਧੋਨੀ ਨੇ IPL 'ਚ 3691 ਗੇਂਦਾਂ 'ਤੇ 5 ਹਜ਼ਾਰ ਦੌੜਾਂ ਪੂਰੀਆਂ ਕਰ ਲਈਆਂ ਹਨ। ਵੈਸੇ, ਆਈਪੀਐਲ ਵਿੱਚ ਗੇਂਦਾਂ ਦੇ ਮਾਮਲੇ ਵਿੱਚ ਭਾਰਤ ਲਈ ਸਭ ਤੋਂ ਤੇਜ਼ 5000 ਦੌੜਾਂ ਪੂਰੀਆਂ ਕਰਨ ਦਾ ਰਿਕਾਰਡ ਸੁਰੇਸ਼ ਰੈਨਾ ਦੇ ਨਾਂ ਹੈ। ਮਿਸਟਰ ਆਈਪੀਐਲ ਵਜੋਂ ਜਾਣੇ ਜਾਂਦੇ ਸੀਐਸਕੇ ਦੇ ਸਾਬਕਾ ਬੱਲੇਬਾਜ਼ ਸੁਰੇਸ਼ ਰੈਨਾ ਨੇ 3619 ਗੇਂਦਾਂ ਵਿੱਚ 5 ਹਜ਼ਾਰ ਦੌੜਾਂ ਪੂਰੀਆਂ ਕੀਤੀਆਂ ਸਨ।
ਅਜਿਹਾ ਹੈ ਧੋਨੀ ਦਾ ਆਈ.ਪੀ.ਐੱਲ
ਐੱਮ.ਐੱਸ.ਧੋਨੀ ਆਈਪੀਐੱਲ ਦੇ ਪਹਿਲੇ ਸੀਜ਼ਨ 'ਚ ਚੇਨਈ ਸੁਪਰ ਕਿੰਗਜ਼ ਨਾਲ ਬਤੌਰ ਕਪਤਾਨ ਜੁੜੇ ਹੋਏ ਸਨ। ਜੇਕਰ IPL 2022 ਦੇ ਅੱਧੇ ਸੀਜ਼ਨ ਨੂੰ ਛੱਡ ਦਿੱਤਾ ਜਾਵੇ ਤਾਂ ਸਿਰਫ਼ ਧੋਨੀ ਹੀ CSK ਦੇ ਕਪਤਾਨ ਰਹੇ ਹਨ। ਹਾਲਾਂਕਿ ਸਾਲ 2016 'ਚ ਜਦੋਂ CSK 'ਤੇ 2 ਸਾਲ ਦੀ ਪਾਬੰਦੀ ਲੱਗੀ ਸੀ, ਉਹ ਟੀਮ ਦੇ ਕਪਤਾਨ ਨਹੀਂ ਸਨ।
ਫਿਰ ਧੋਨੀ 2 ਸਾਲ ਰਾਈਜ਼ਿੰਗ ਪੁਣੇ ਸੁਪਰਜਾਇੰਟਸ ਲਈ ਖੇਡੇ। ਧੋਨੀ ਨੇ IPL 'ਚ ਹੁਣ ਤੱਕ 236 ਮੈਚ ਖੇਡੇ ਹਨ। ਇਨ੍ਹਾਂ 236 ਮੈਚਾਂ ਦੀਆਂ 208 ਪਾਰੀਆਂ 'ਚ 5004 ਦੌੜਾਂ ਬਣਾਈਆਂ। ਇਸ ਲੀਗ 'ਚ ਉਸ ਦੇ ਨਾਂ 24 ਅਰਧ ਸੈਂਕੜੇ ਹਨ। IPL 'ਚ ਧੋਨੀ ਦਾ ਸਰਵੋਤਮ ਸਕੋਰ 84 ਦੌੜਾਂ ਨਾਬਾਦ ਹੈ। ਉਸ ਨੇ ਆਈਪੀਐਲ ਵਿੱਚ 347 ਚੌਕੇ ਅਤੇ 232 ਛੱਕੇ ਵੀ ਲਗਾਏ ਹਨ।
ਹੋਰ ਪੜ੍ਹੋ : ਆਲੂ ਕਹਿਣ 'ਤੇ ਇੰਜ਼ਮਾਮ-ਉਲ-ਹੱਕ ਭੜਕਿਆ, ਬੱਲੇ ਨਾਲ ਫੈਨ ਨੂੰ ਮਾਰਨ ਲਈ ਭੱਜਿਆ, 45 ਮਿੰਟ ਲਈ ਖੇਡ ਰੁਕੀ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
