World Cup: ਰੋਹਿਤ ਸ਼ਰਮਾ-ਵਿਰਾਟ ਕੋਹਲੀ ਵਰਲਡ ਕੱਪ 2023 'ਚ ਭਾਰਤ ਨੂੰ ਦਿਵਾ ਸਕਣਗੇ ਖਿਤਾਬ? ਇਨ੍ਹਾਂ ਅੰਕੜਿਆਂ ਨੇ ਕੀਤਾ ਸਭ ਸਾਫ
ODI World Cup 2023: ਵਨਡੇ ਵਿਸ਼ਵ ਕੱਪ 2023 ਤੋਂ ਪਹਿਲਾਂ ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਦੀ ਫਾਰਮ ਨੇ ਪ੍ਰਸ਼ੰਸਕਾਂ ਦੀਆਂ ਉਮੀਦਾਂ ਨੂੰ ਹੋਰ ਵਧਾ ਦਿੱਤਾ ਹੈ। ਦੋਵੇਂ ਭਾਰਤੀ ਸੁਪਰਸਟਾਰ ਚੰਗੀ ਫਾਰਮ 'ਚ ਨਜ਼ਰ ਆ ਰਹੇ ਹਨ।
Rohit Sharma and Virat Kohli: ਮੇਜ਼ਬਾਨ ਭਾਰਤ ਨੂੰ ਇਸ ਵਾਰ ਖੇਡੇ ਜਾਣ ਵਾਲੇ ਵਨਡੇ ਵਿਸ਼ਵ ਕੱਪ 2023 ਵਿੱਚ ਮਜ਼ਬੂਤ ਦਾਅਵੇਦਾਰਾਂ ਵਿੱਚੋਂ ਇੱਕ ਮੰਨਿਆ ਜਾ ਰਿਹਾ ਹੈ। ਭਾਰਤ ਨੇ ਵਿਸ਼ਵ ਕੱਪ ਤੋਂ ਠੀਕ ਪਹਿਲਾਂ ਏਸ਼ੀਆ ਕੱਪ ਦਾ ਖਿਤਾਬ ਜਿੱਤ ਕੇ ਆਪਣਾ ਦਾਅਵਾ ਹੋਰ ਮਜ਼ਬੂਤ ਕਰ ਲਿਆ ਸੀ। ਟੀਮ ਦੇ ਕਈ ਖਿਡਾਰੀਆਂ ਦੇ ਫਾਰਮ ਵੀ ਆ ਚੁੱਕੇ ਹਨ। ਵਿਸ਼ਵ ਕੱਪ 'ਚ ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ 'ਤੇ ਬਹੁਤ ਕੁਝ ਨਿਰਭਰ ਕਰੇਗਾ। ਹਾਲਾਂਕਿ ਵਿਸ਼ਵ ਕੱਪ ਤੋਂ ਠੀਕ ਪਹਿਲਾਂ ਦੋਵੇਂ ਬੱਲੇਬਾਜ਼ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਨਜ਼ਰ ਆ ਰਹੇ ਹਨ।
ਰੋਹਿਤ-ਵਿਰਾਟ ਦੇ ਫਾਰਮ ਤੋਂ ਤੋਂ ਵਧੀਆਂ ਉਮੀਦਾਂ
ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਅਤੇ ਸਾਬਕਾ ਕਪਤਾਨ ਵਿਰਾਟ ਕੋਹਲੀ ਦੀ ਫਾਰਮ ਨੇ ਵਿਸ਼ਵ ਕੱਪ ਜਿੱਤਣ ਨੂੰ ਲੈ ਕੇ ਪ੍ਰਸ਼ੰਸਕਾਂ ਦੀਆਂ ਉਮੀਦਾਂ ਨੂੰ ਹੋਰ ਵਧਾ ਦਿੱਤਾ ਹੈ। ਦੋਵੇਂ ਭਾਰਤੀ ਦਿੱਗਜ ਹਾਲ ਹੀ 'ਚ ਖੇਡੇ ਗਏ ਏਸ਼ੀਆ ਕੱਪ 'ਚ ਸ਼ਾਨਦਾਰ ਫਾਰਮ 'ਚ ਨਜ਼ਰ ਆਏ ਸਨ। ਵਿਰਾਟ ਕੋਹਲੀ ਨੇ ਜਿੱਥੇ ਸੈਂਕੜਾ ਜੜਿਆ ਸੀ, ਉਥੇ ਰੋਹਿਤ ਸ਼ਰਮਾ ਨੇ ਵੀ ਲਗਾਤਾਰ ਸ਼ਾਨਦਾਰ ਪਾਰੀ ਖੇਡੀ।
ਜੇਕਰ ਦੋਵਾਂ ਦੀਆਂ ਪਿਛਲੀਆਂ ਪੰਜ ਵਨਡੇ ਪਾਰੀਆਂ ਦੀ ਗੱਲ ਕਰੀਏ ਤਾਂ ਰੋਹਿਤ ਸ਼ਰਮਾ ਨੇ 4 ਅਰਧ ਸੈਂਕੜੇ ਲਗਾਏ ਹਨ ਅਤੇ ਇਕ ਪਾਰੀ 'ਚ ਉਹ ਖਾਤਾ ਖੋਲ੍ਹੇ ਬਿਨਾਂ ਹੀ ਪੈਵੇਲੀਅਨ ਪਰਤ ਗਏ ਹਨ। ਪਿਛਲੀਆਂ ਪੰਜ ਪਾਰੀਆਂ ਵਿੱਚ ਰੋਹਿਤ ਸ਼ਰਮਾ ਦੀ ਬੱਲੇਬਾਜ਼ੀ ਔਸਤ 66 ਰਹੀ ਹੈ। ਉਸ ਨੇ ਏਸ਼ੀਆ ਕੱਪ 'ਚ ਪਾਕਿਸਤਾਨ ਖਿਲਾਫ 56 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ ਸੀ। ਰੋਹਿਤ ਨੇ ਪਿਛਲੀਆਂ ਪੰਜ ਵਨਡੇ ਪਾਰੀਆਂ ਵਿੱਚ ਕ੍ਰਮਵਾਰ 74*, 56, 53, 0 ਅਤੇ 81 ਦੌੜਾਂ ਬਣਾਈਆਂ ਹਨ।
ਇਸ ਤੋਂ ਇਲਾਵਾ ਜੇਕਰ ਵਿਰਾਟ ਕੋਹਲੀ ਦੀਆਂ ਪੰਜ ਵਨਡੇ ਪਾਰੀਆਂ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ 59.75 ਦੀ ਔਸਤ ਨਾਲ ਬੱਲੇਬਾਜ਼ੀ ਕੀਤੀ ਹੈ। ਪਿਛਲੀਆਂ ਪੰਜ ਵਨਡੇ ਪਾਰੀਆਂ ਵਿੱਚ, ਕੋਹਲੀ ਨੇ ਇੱਕ ਸੈਂਕੜਾ (122*) ਵੀ ਬਣਾਇਆ ਹੈ, ਜੋ ਉਸਨੇ ਏਸ਼ੀਆ ਕੱਪ ਵਿੱਚ ਪਾਕਿਸਤਾਨ ਵਿਰੁੱਧ ਬਣਾਇਆ ਸੀ। ਕੋਹਲੀ ਨੇ ਪਿਛਲੀਆਂ ਪੰਜ ਵਨਡੇ ਪਾਰੀਆਂ ਵਿੱਚ ਕ੍ਰਮਵਾਰ 54, 4, 122*, 3 ਅਤੇ 56 ਦੌੜਾਂ ਬਣਾਈਆਂ ਹਨ।
ਵਿਸ਼ਵ ਕੱਪ 5 ਅਕਤੂਬਰ ਤੋਂ ਹੋਵੇਗਾ ਸ਼ੁਰੂ
ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ਦੀ ਮੇਜ਼ਬਾਨੀ ਵਿੱਚ ਹੋਣ ਵਾਲਾ ਵਨਡੇ ਵਿਸ਼ਵ ਕੱਪ 5 ਅਕਤੂਬਰ ਤੋਂ ਸ਼ੁਰੂ ਹੋਵੇਗਾ। ਭਾਰਤੀ ਟੀਮ ਵਿਸ਼ਵ ਕੱਪ ਵਿੱਚ ਆਪਣਾ ਪਹਿਲਾ ਮੈਚ 8 ਅਕਤੂਬਰ ਨੂੰ ਚੇਨਈ ਵਿੱਚ ਆਸਟਰੇਲੀਆ ਖ਼ਿਲਾਫ਼ ਖੇਡੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
