OnePlus ਦਾ ਵੱਡਾ ਦਾਅਵਾ, ਅਗਲੇ ਦੋ ਸਾਲਾਂ ’ਚ ਵੇਚਣਗੇ Nord ਮਾਡਲ ਦੀਆਂ 2.5 ਕਰੋੜ ਯੂਨਿਟਸ

ਪ੍ਰੀਮੀਅਮ ਸਮਾਰਟਫੋਨ ਕੰਪਨੀ ਵਨਪਲੱਸ (OnePlus) ਨੇ ਆਉਣ ਵਾਲੇ ਦੋ ਸਾਲਾਂ ਵਿੱਚ ਢਾਈ ਕਰੋੜ ਯੂਨਿਟ ਸਮਾਰਟਫੋਨ ਵੇਚਣ ਦਾ ਦਾਅਵਾ ਕੀਤਾ ਹੈ।

OnePlus ਦਾ ਵੱਡਾ ਦਾਅਵਾ, ਅਗਲੇ ਦੋ ਸਾਲਾਂ ’ਚ ਵੇਚਣਗੇ Nord ਮਾਡਲ ਦੀਆਂ 2.5 ਕਰੋੜ ਯੂਨਿਟਸ

ਨਵੀਂ ਦਿੱਲੀ: ਪ੍ਰੀਮੀਅਮ ਸਮਾਰਟਫੋਨ ਕੰਪਨੀ ਵਨਪਲੱਸ (OnePlus) ਨੇ ਆਉਣ ਵਾਲੇ ਦੋ ਸਾਲਾਂ ਵਿੱਚ ਢਾਈ ਕਰੋੜ ਯੂਨਿਟ ਸਮਾਰਟਫੋਨ ਵੇਚਣ ਦਾ ਦਾਅਵਾ ਕੀਤਾ ਹੈ। ਕੰਪਨੀ ਦੇ ਸੀਈਓ ਪੀਟ ਨੇ ਇੱਕ ਇੰਟਰਵਿਊ ’ਚ ਕਿਹਾ ਹੈ ਕਿ ਸਾਡੀ ਕੰਪਨੀ 2023 ਤੱਕ ਵਨਪਲੱਸ ਨੋਰਡ ਦੇ 25 ਮਿਲੀਅਨ ਫੋਨ ਵੇਚਣ ਦੀ ਤਿਆਰੀ ਕਰ ਰਹੀ ਹੈ। ਕੰਪਨੀ ਨੇ ਪਿਛਲੇ ਸਾਲ ਮਾਰਕੀਟ ਵਿਚ ਪਹਿਲਾ ਵਨਪਲੱਸ ਨੋਰਡ ਲਾਂਚ ਕੀਤਾ ਸੀ, ਜਿਸ ਤੋਂ ਬਾਅਦ ਇਸ ਨੂੰ ਚੰਗੀ ਤਰ੍ਹਾਂ ਪਸੰਦ ਕੀਤਾ ਗਿਆ ਹੈ। ਲਾਂਚ ਹੋਣ ਤੋਂ ਬਾਅਦ, ਕੰਪਨੀ ਹੁਣ ਤੱਕ ਇਕ ਮਿਲੀਅਨ ਭਾਵ 10 ਲੱਖ ਨੋਰਡ ਫੋਨ ਵੇਚ ਚੁੱਕੀ ਹੈ।

 

ਵਨਪਲੱਸ ਨੋਰਡ ਸੀਈ 5ਜੀ (OnePlus Nord CE 5G) ਲਾਂਚ
ਕੰਪਨੀ ਨੇ ਹਾਲ ਹੀ ਵਿੱਚ ਭਾਰਤ ਵਿੱਚ ਵਨਪਲੱਸ ਨੋਰਡ ਸੀਈ 5ਜੀ (OnePlus Nord CE 5G) ਲਾਂਚ ਕੀਤਾ ਹੈ। ਇਸ ਫੋਨ 'ਚ 6.43-ਇੰਚ ਦੀ ਫੁੱਲ HD + AMOLED ਡਿਸਪਲੇਅ ਹੈ, ਜਿਸ ਦਾ ਰੈਜ਼ੋਲਿਊਸ਼ਨ 1080x2400 ਪਿਕਸਲ ਹੈ। ਫੋਨ ਦਾ ਫਰੰਟ ਡਿਸਪਲੇਅ ਪੰਚ-ਹੋਲ ਡਿਜ਼ਾਇਨ ਤੇ 90Hz ਦੀ ਸ਼ਾਨਦਾਰ ਰਿਫਰੈਸ਼ ਰੇਟ ਦੇ ਨਾਲ ਦਿੱਤਾ ਗਿਆ ਹੈ। ਫੋਨ ਕੁਆਲਕਾਮ ਸਨੈਪਡ੍ਰੈਗਨ 750ਜੀ ਐਸਓਸੀ (Qualcomm Snapdragon 750G SoC) ਪ੍ਰੋਸੈਸਰ ਨਾਲ ਲੈਸ ਹੈ। ਇਸ 'ਚ 4500mAh ਦੀ ਬੈਟਰੀ ਹੈ, ਜੋ 30W ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰੇਗੀ। ਫੋਨ ਦੀ 6 ਜੀਬੀ ਰੈਮ ਅਤੇ 128 ਜੀਬੀ ਸਟੋਰੇਜ ਵੇਰੀਐਂਟ ਦੀ ਕੀਮਤ 22,990 ਰੁਪਏ ਹੈ।

 

ਵਨਪਲੱਸ ਨੋਰਡ-2 5ਜੀ 22 ਜੁਲਾਈ ਨੂੰ ਹੋਵੇਗਾ ਲਾਂਚ

ਵਨਪਲੱਸ ਨੇ ਹਾਲ ਹੀ ਵਿੱਚ ਪੁਸ਼ਟੀ ਕੀਤੀ ਹੈ ਕਿ ਵਨਪਲੱਸ ਨੋਰਡ-2 5ਜੀ ਸਮਾਰਟਫੋਨ ਭਾਰਤ ਵਿੱਚ 22 ਜੁਲਾਈ ਨੂੰ ਲਾਂਚ ਕੀਤਾ ਜਾਵੇਗਾ। ਇਹ ਫੋਨ ਕੰਪਨੀ ਇਕ ਈਵੈਂਟ ਦੌਰਾਨ ਲਾਂਚ ਕਰੇਗੀ। ਜੇ ਤੁਸੀਂ ਵੀ ਵਨਪਲੱਸ ਦੇ ਸ਼ੌਕੀਨ ਹੋ, ਤਾਂ ਇਹ ਲਾਈਵ ਇਵੈਂਟਸ ਯੂ–ਟਿਊਬ ਵਰਗੇ ਕੰਪਨੀ ਦੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਵੇਖੇ ਜਾ ਸਕਦੇ ਹਨ।

 

ਵਨਪਲੱਸ ਨੋਰਡ-2 5ਜੀ (OnePlus Nord-2 5G) ਸਮਾਰਟਫੋਨ ਨੂੰ ਮੀਡੀਆਟੈਕ ਡਾਈਮੈਂਸਿਟੀ (Media Tek Dimensity) ਚਿਪਸੈੱਟ ਦੇ ਨਾਲ ਲਾਂਚ ਕੀਤਾ ਜਾਵੇਗਾ। ਵਨਪਲੱਸ ਦਾ ਚਿਪਸੈੱਟ ਨਾਲ ਆਉਣ ਵਾਲਾ ਇਹ ਪਹਿਲਾ ਫੋਨ ਹੋਵੇਗਾ। ਕੰਪਨੀ ਨੇ ਦਾਅਵਾ ਕੀਤਾ ਹੈ ਕਿ ਇਸ ਫੋਨ ਦੀ ਕਾਰਗੁਜ਼ਾਰੀ ਕਾਫ਼ੀ ਨਿਰਵਿਘਨ ਹੋਵੇਗੀ। ਕੰਪਨੀ ਨੇ ਖੁਲਾਸਾ ਕੀਤਾ ਹੈ ਕਿ ਵਨਪਲੱਸ ਨੋਰਡ 2 5 ਜੀ ਫੋਨ ਦੀ ਵਿਕਰੀ ਈ-ਕਾਮਰਸ ਵੈਬਸਾਈਟ ਐਮੇਜ਼ੌਨ 'ਤੇ ਹੋਵੇਗੀ। ਨਾਲ ਹੀ, ਇਸ ਫੋਨ ਨੂੰ ਵਨਪਲੱਸ ਦੀ ਅਧਿਕਾਰਤ ਵੈੱਬਸਾਈਟ ਤੋਂ ਵੀ ਖਰੀਦਿਆ ਜਾ ਸਕੇਗਾ।