ਚੱਲਦੀ BIKE 'ਤੇ ਰੀਲ ਬਣਾਉਣ ਦੇ ਚਸਕੇ ਨੇ ਸ਼ਖਸ ਦੀ ਲਈ ਜਾਨ, VIDEO ਹੋਈ ਵਾਇਰਲ
Viral Video: ਵਾਇਰਲ ਹੋ ਰਹੀ ਇਹ ਘਟਨਾ ਮਹਾਰਾਸ਼ਟਰ ਦੇ ਧੂਲੇ-ਸੋਲਾਪੁਰ ਹਾਈਵੇਅ ਦੀ ਹੈ, ਹਾਈਵੇ ‘ਤੇ ਦੋ ਲੋਕ ਬਾਈਕ ‘ਤੇ ਸਫਰ ਕਰਦੇ ਦਿਖਾਈ ਦੇ ਰਹੇ ਹਨ।
ਰੀਲਾਂ ਬਣਾਉਣ ਦਾ ਚਸਕਾ ਅੱਜ ਕੱਲ੍ਹ ਹਰ ਦੂਜੇ ਸ਼ਖਸ ਦੇ ਸਰ ਚੜ੍ਹਕੇ ਬੋਲ ਰਿਹਾ ਹੈ। ਹਾਲਾਤ ਅਜਿਹੇ ਹੋ ਚੁੱਕੇ ਹਨ ਕਿ ਲੋਕ ਇਸ ਲਈ ਆਪਣੀ ਜਾਨ ਦਾਅ ‘ਤੇ ਲਾਉਣ ਲਈ ਤਿਆਰ ਹਨ। ਅਜਿਹਾ ਇਸ ਲਈ ਕਿਉਂਕਿ ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਉਹ ਅਜਿਹੀਆਂ ਹਰਕਤਾਂ ਰਾਹੀਂ ਆਪਣੇ ਆਪ ਨੂੰ ਮਸ਼ਹੂਰ ਕਰ ਸਕਦੇ ਹਨ।
ਹਾਲਾਂਕਿ, ਉਨ੍ਹਾਂ ਨੂੰ ਇਹ ਸਮਝਣਾ ਚਾਹੀਦਾ ਹੈ ਕਿ ਸਟੰਟ ਇੱਕ ਅਜਿਹਾ ਖੇਡ ਹੈ ਜਿਸ ਲਈ ਤੁਹਾਨੂੰ ਬਹੁਤ ਸਾਰਾ ਤਜ਼ਰਬਾ ਹੋਣਾ ਚਾਹੀਦਾ ਹੈ, ਤਾਂ ਹੀ ਕੋਈ ਅਜਿਹਾ ਸਟੰਟ ਕਰਨ ਦੇ ਯੋਗ ਹੁੰਦਾ ਹੈ ਜਿਸ ਨੂੰ ਦੇਖ ਕੇ ਲੋਕ ਪ੍ਰਭਾਵਿਤ ਹੋ ਸਕਦੇ ਹਨ। ਹੁਣ ਲੋਕ ਇਸ ਗੱਲ ਨੂੰ ਨਹੀਂ ਸਮਝਦੇ ਅਤੇ ਕਿਤੇ ਵੀ ਅਤੇ ਕਦੇ ਵੀ ਸਟੰਟ ਕਰਨ ਲੱਗ ਜਾਂਦੇ ਹਨ। ਹੁਣ ਇਹ ਵੀਡੀਓ ਦੇਖੋ ਜੋ ਸਾਹਮਣੇ ਆਈ ਹੈ ਜਿੱਥੇ ਦੋ ਮੁੰਡਿਆਂ ਨੂੰ ਚੱਲਦੀ ਬਾਈਕ ‘ਤੇ ਰੀਲ ਬਣਾਉਣਾ ਭਾਰੀ ਪੈ ਗਿਆ।
ਹੁਣ ਜੇਕਰ ਅੱਜ ਦੇ ਸਮੇਂ ਨੂੰ ਸੋਸ਼ਲ ਮੀਡੀਆ ਦਾ ਜ਼ਮਾਨਾ ਕਿਹਾ ਜਾਵੇ ਤਾਂ ਕੁਝ ਵੀ ਗਲਤ ਨਹੀਂ ਹੋਵੇਗਾ ਕਿਉਂਕਿ ਅੱਜ ਕੱਲ੍ਹ ਹਰ ਕੋਈ ਆਪਣੇ ਆਪ ਨੂੰ ਮਸ਼ਹੂਰ ਬਣਾਉਣਾ ਚਾਹੁੰਦਾ ਹੈ। ਖਾਸ ਕਰਕੇ ਲੋਕ ਇੰਸਟਾਗ੍ਰਾਮ ਲਈ ਤਾਂ ਪਾਗਲ ਹੀ ਹੋ ਗਏ ਹਨ। ਕਿਤੇ ਵੀ ਰੀਲਾਂ ਬਣਾਉਣਾ ਸ਼ੁਰੂ ਕਰ ਦਿੰਦੇ ਹਨ।
ਉਹ ਇਹ ਵੀ ਨਹੀਂ ਦੇਖਦੇ ਕਿ ਉਹ ਥਾਂ ਕਿੱਥੇ ਹਨ, ਸਾਹਮਣੇ ਕੋਈ ਖ਼ਤਰਾ ਹੈ ਜਾਂ ਨਹੀਂ। ਇਸ ਦੌਰਾਨ ਕਈ ਵਾਰ ਲੋਕ ਹਾਦਸਿਆਂ ਦਾ ਸ਼ਿਕਾਰ ਵੀ ਹੋ ਜਾਂਦੇ ਹਨ। ਹੁਣ ਤੁਸੀਂ ਇਹ ਵੀਡੀਓ ਹੀ ਦੇਖ ਲਓ, ਜਿਸ ‘ਚ ਰੀਲ ਬਣਾਉਂਦੇ ਹੋਏ ਇਕ ਨੌਜਵਾਨ ਦੀ ਜਾਨ ਚਲੀ ਗਈ।
View this post on Instagram
ਵਾਇਰਲ ਹੋ ਰਹੀ ਇਹ ਘਟਨਾ ਮਹਾਰਾਸ਼ਟਰ ਦੇ ਧੂਲੇ-ਸੋਲਾਪੁਰ ਹਾਈਵੇਅ ਦੀ ਹੈ, ਹਾਈਵੇ ‘ਤੇ ਦੋ ਲੋਕ ਬਾਈਕ ‘ਤੇ ਸਫਰ ਕਰਦੇ ਦਿਖਾਈ ਦੇ ਰਹੇ ਹਨ। ਇਸ ਦੌਰਾਨ ਉਨ੍ਹਾਂ ਵਿੱਚੋਂ ਇੱਕ ਨੇ ਵੀਡੀਓ ਰਿਕਾਰਡ ਕਰਨਾ ਸ਼ੁਰੂ ਕੀਤਾ। ਇਸ ਰਿਕਾਰਡਿੰਗ ਦੌਰਾਨ ਬਾਈਕ ਚਲਾ ਰਿਹਾ ਵਿਅਕਤੀ ਵੀ ਕੈਮਰੇ ‘ਚ ਦੇਖਣ ਲੱਗ ਜਾਂਦਾ ਹੈ। ਉਦੋਂ ਹੀ ਬਾਈਕ ਹਾਈਵੇਅ ਦੇ ਕਿਨਾਰੇ ਲੱਗੀ ਲੋਹੇ ਦੀ ਰੇਲਿੰਗ ਨਾਲ ਟਕਰਾ ਜਾਂਦੀ ਹੈ। ਬਾਈਕ ਸਵਾਰ ਇਕ ਵਿਅਕਤੀ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ ਅਤੇ ਦੂਜਾ ਗੰਭੀਰ ਜ਼ਖਮੀ ਹੋ ਗਿਆ।
ਇਸ ਵੀਡੀਓ ਨੂੰ @purvanchal51 ਨਾਮ ਦੇ ਇਕ ਅਕਾਊਂਟ ਵਲੋਂ ਇੰਸਟਾ ‘ਤੇ ਸ਼ੇਅਰ ਕੀਤਾ ਗਿਆ ਹੈ, ਜਿਸ ਨੂੰ ਖਬਰ ਲਿਖੇ ਜਾਣ ਤੱਕ ਹਜ਼ਾਰਾਂ ਲੋਕ ਦੇਖ ਚੁੱਕੇ ਹਨ। ਵੀਡੀਓ ਦੇਖਣ ਤੋਂ ਬਾਅਦ ਇੱਕ ਸੋਸ਼ਲ ਮੀਡੀਆ ਯੂਜ਼ਰ ਨੇ ਲਿਖਿਆ ਕਿ ਇਸ ਦੇਸ਼ ਵਿੱਚ ਲੋਕ ਰੀਲ ਬਣਾਉਣ ਲਈ ਆਪਣੀ ਜਾਨ ਖਤਰੇ ਵਿੱਚ ਪਾਉਣ ਤੋਂ ਪਿੱਛੇ ਨਹੀਂ ਹਟਦੇ। ਇੱਕ ਹੋਰ ਨੇ ਲਿਖਿਆ ਕਿ ਜਦੋਂ ਇਹ ਲੋਕ ਖ਼ਤਰਨਾਕ ਸਟੰਟ ਕਰ ਰਹੇ ਹੁੰਦੇ ਹਨ ਤਾਂ ਉਨ੍ਹਾਂ ਨੂੰ ਕੋਈ ਰੋਕ ਨਹੀਂ ਹੁੰਦੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
