WTO ’ਚ ਭਾਰਤ ਦੀ ਵੱਡੀ ਕਾਰਵਾਈ! ਅਮਰੀਕੀ ਸਟੀਲ ਤੇ ਐਲਮੀਨੀਅਮ ’ਤੇ ਟੈਕਸ ਲਾਉਣ ਦੀ ਤਿਆਰੀ?
ਭਾਰਤ ਨੇ ਸੋਮਵਾਰ, 12 ਮਈ ਨੂੰ ਵਿਸ਼ਵ ਵਪਾਰ ਸੰਸਥਾ (WTO) 'ਚ ਅਮਰੀਕੀ ਐਲਮੀਨੀਅਮ ਅਤੇ ਸਟੀਲ 'ਤੇ ਲਾਗੂ ਟੈਰੀਫ਼ ਨੂੰ ਲੈ ਕੇ ਅਮਰੀਕਾ ਦੇ ਖ਼ਿਲਾਫ਼ ਜਵਾਬੀ ਸ਼ੁਲਕ ਲਗਾਉਣ ਦਾ ਪ੍ਰਸਤਾਵ ਰੱਖਿਆ। ਇਹ ਕਦਮ ਭਾਰਤ ਵੱਲੋਂ ਸੁਰੱਖਿਆ ਉਪਾਅ...
ਭਾਰਤ ਨੇ ਸੋਮਵਾਰ, 12 ਮਈ ਨੂੰ ਵਿਸ਼ਵ ਵਪਾਰ ਸੰਸਥਾ (WTO) 'ਚ ਅਮਰੀਕੀ ਐਲਮੀਨੀਅਮ ਅਤੇ ਸਟੀਲ 'ਤੇ ਲਾਗੂ ਟੈਰੀਫ਼ ਨੂੰ ਲੈ ਕੇ ਅਮਰੀਕਾ ਦੇ ਖ਼ਿਲਾਫ਼ ਜਵਾਬੀ ਸ਼ੁਲਕ ਲਗਾਉਣ ਦਾ ਪ੍ਰਸਤਾਵ ਰੱਖਿਆ। ਇਹ ਕਦਮ ਭਾਰਤ ਵੱਲੋਂ ਸੁਰੱਖਿਆ ਉਪਾਅ ਦੇ ਤਹਿਤ ਚੁੱਕਿਆ ਗਿਆ ਹੈ।
PTI ਦੀ ਰਿਪੋਰਟ ਮੁਤਾਬਕ, ਭਾਰਤ ਨੇ WTO ਦੇ ਨਿਯਮਾਂ ਅਨੁਸਾਰ ਅਮਰੀਕਾ ਵੱਲੋਂ ਸਟੀਲ ਅਤੇ ਐਲਮੀਨੀਅਮ 'ਤੇ ਲਾਏ ਗਏ ਟੈਰੀਫ਼ ਦੇ ਜਵਾਬ 'ਚ ਇਹ ਜਵਾਬੀ ਕਾਰਵਾਈ ਕਰਨ ਦੀ ਯੋਜਨਾ ਬਣਾਈ ਹੈ।
WTO ਨੇ ਆਪਣੇ ਬਿਆਨ ਵਿੱਚ ਕਿਹਾ ਹੈ ਕਿ ਅਮਰੀਕਾ ਵੱਲੋਂ ਲਾਗੂ ਕੀਤੇ ਗਏ ਸੁਰੱਖਿਆ ਕਦਮਾਂ ਕਾਰਨ ਭਾਰਤ ਵਿੱਚ ਬਣਨ ਵਾਲੇ ਉਤਪਾਦਾਂ ਦੇ 7.6 ਬਿਲੀਅਨ ਡਾਲਰ ਦੇ ਆਯਾਤ 'ਤੇ ਅਸਰ ਪਵੇਗਾ। ਇਸ ਉੱਤੇ 1.91 ਬਿਲੀਅਨ ਡਾਲਰ ਦੀ ਡਿਊਟੀ ਲਾਗੂ ਹੋਵੇਗੀ।
ਵਿਸ਼ਵ ਵਪਾਰ ਸੰਸਥਾ ਨੇ ਕਿਹਾ ਕਿ ਭਾਰਤ ਵੱਲੋਂ ਛੋਟਾਂ ਨੂੰ ਰੱਦ ਕਰਨ ਤੋਂ ਬਾਅਦ ਅਮਰੀਕਾ ਵਿੱਚ ਬਣ ਰਹੇ ਉਤਪਾਦਾਂ 'ਤੇ ਵੀ ਇਤਨੀ ਹੀ ਰਕਮ ਦਾ ਟੈਕਸ ਲਾਇਆ ਜਾਵੇਗਾ। ਇਸ ਕਾਰਵਾਈ ਨਾਲ ਭਾਰਤ ਅਤੇ ਅਮਰੀਕਾ ਵਿੱਚ ਬਣ ਰਹੇ ਉਤਪਾਦਾਂ 'ਤੇ ਇੱਕੋ ਜਿਹੀ ਟੈਰੀਫ ਲਾਗੂ ਹੋ ਜਾਵੇਗੀ।
ਅਪ੍ਰੈਲ ਮਹੀਨੇ ਵਿੱਚ ਭਾਰਤ ਨੇ WTO ਦੇ ਸੁਰੱਖਿਆ ਸਮਝੌਤੇ ਦੇ ਤਹਿਤ ਪਰਾਮਰਸ਼ ਦੀ ਮੰਗ ਕੀਤੀ ਸੀ, ਜੋ ਕਿ ਅਮਰੀਕੀ ਸਰਕਾਰ ਵੱਲੋਂ ਸਟੀਲ ਅਤੇ ਐਲਮੀਨੀਅਮ 'ਤੇ ਟੈਰੀਫ਼ ਲਗਾਉਣ ਦੇ ਫੈਸਲੇ ਤੋਂ ਬਾਅਦ ਕੀਤਾ ਗਿਆ।
ਦੂਜੇ ਪਾਸੇ, ਅਮਰੀਕਾ ਨੇ WTO ਨੂੰ ਜਾਣਕਾਰੀ ਦਿੱਤੀ ਕਿ ਸਟੀਲ ਅਤੇ ਐਲਮੀਨੀਅਮ 'ਤੇ ਟੈਰੀਫ਼ ਲਗਾਉਣ ਦਾ ਇਹ ਫੈਸਲਾ ਕੌਮੀ ਹਿਤਾਂ ਦੇ ਆਧਾਰ 'ਤੇ ਲਿਆ ਗਿਆ ਸੀ ਅਤੇ ਇਸਨੂੰ ਸੁਰੱਖਿਆ ਕਦਮਾਂ ਵਜੋਂ ਨਹੀਂ ਵੇਖਿਆ ਜਾਣਾ ਚਾਹੀਦਾ।
ਅਮਰੀਕਾ ਵੱਲੋਂ ਸਟੀਲ ਅਤੇ ਐਲਮੀਨੀਅਮ 'ਤੇ ਟੈਰੀਫ਼
ਮਾਰਚ 2018 ਵਿੱਚ, ਅਮਰੀਕਾ ਨੇ ਸਟੀਲ ਅਤੇ ਐਲਮੀਨੀਅਮ ਉਤਪਾਦਾਂ 'ਤੇ ਕਰਮਵਾਰ 25% ਅਤੇ 10% ਟੈਰੀਫ਼ ਲਗਾ ਕੇ ਸੁਰੱਖਿਆ ਕਦਮ ਲਾਗੂ ਕੀਤੇ। ਇਹ ਨਿਯਮ 23 ਮਾਰਚ 2018 ਤੋਂ ਲਾਗੂ ਹੋਏ ਅਤੇ ਜਨਵਰੀ 2020 ਵਿੱਚ ਇਨ੍ਹਾਂ ਨੂੰ ਵਧਾ ਦਿੱਤਾ ਗਿਆ।
ਇਸ ਸਾਲ 10 ਫਰਵਰੀ ਨੂੰ, ਅਮਰੀਕਾ ਨੇ ਸਟੀਲ ਅਤੇ ਐਲਮੀਨੀਅਮ ਸਮਾਨਾਂ ਦੇ ਆਯਾਤ 'ਤੇ ਸੁਰੱਖਿਆ ਉਪਾਇਆ ਵਿੱਚ ਫਿਰ ਬਦਲਾਅ ਕੀਤਾ। ਇਹ ਨਵੇਂ ਨਿਯਮ 12 ਮਾਰਚ 2025 ਤੋਂ ਲਾਗੂ ਹੋ ਗਏ ਹਨ। ਹੁਣ ਅਮਰੀਕਾ ਨੇ 25% ਟੈਰੀਫ਼ ਲਗਾ ਦਿੱਤਾ ਹੈ।
BREAKING: Modi’s India hits back.
— The Analyzer (News Updates🗞️) (@Indian_Analyzer) May 13, 2025
India SUSPENDS Trade Concessions on $7.5 BILLION worth of US steel & aluminium imports under WTO norms.
~ A direct retaliation to US tariffs on Indian metal exports. pic.twitter.com/QPMO43T0aq
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
