ਮਨੋਰੰਜਨ ਜਗਤ ਤੋਂ ਮਾੜੀ ਖਬਰ! Karisma Kapoor ਦੇ ਐਕਸ ਪਤੀ ਦਾ ਦਿਹਾਂਤ, ਦਿਲ ਦੇ ਦੌਰੇ ਕਾਰਨ ਹੋਈ ਮੌਤ
ਬਾਲੀਵੁੱਡ ਅਦਾਕਾਰਾ ਕਰਿਸ਼ਮਾ ਕਪੂਰ ਦੇ ਐਕਸ ਹਸਬੈਂਡ ਸੰਜੇ ਕਪੂਰ ਦਾ ਯੂਕੇ ਵਿੱਚ ਦਿਹਾਂਤ ਹੋ ਗਿਆ ਹੈ। ਫਿਲਮਫੇਅਰ ਦੀ ਰਿਪੋਰਟ ਮੁਤਾਬਕ, 53 ਸਾਲਾ ਇਹ ਬਿਜ਼ਨਸਮੈਨ ਪੋਲੋ ਖੇਡਦੇ ਸਮੇਂ ਦਿਲ ਦੇ ਦੌਰੇ ਦੀ ਚਪੇਟ 'ਚ ਆ ਗਿਆ...
Karisma Kapoor's Ex-Husband Passes Away Due to Heart Attack: ਬਾਲੀਵੁੱਡ ਅਦਾਕਾਰਾ ਕਰਿਸ਼ਮਾ ਕਪੂਰ ਦੇ ਐਕਸ ਹਸਬੈਂਡ ਸੰਜੇ ਕਪੂਰ ਦਾ ਯੂਕੇ ਵਿੱਚ ਦਿਹਾਂਤ ਹੋ ਗਿਆ ਹੈ। ਫਿਲਮਫੇਅਰ ਦੀ ਰਿਪੋਰਟ ਮੁਤਾਬਕ, 53 ਸਾਲਾ ਇਹ ਬਿਜ਼ਨਸਮੈਨ ਪੋਲੋ ਖੇਡਦੇ ਸਮੇਂ ਦਿਲ ਦੇ ਦੌਰੇ ਦੀ ਚਪੇਟ 'ਚ ਆ ਗਿਆ। ਫਿਲਮਫੇਅਰ ਅਨੁਸਾਰ, "ਬਿਜ਼ਨਸਮੈਨ ਸੰਜੇ ਕਪੂਰ ਦੀ ਮੌਤ 53 ਸਾਲ ਦੀ ਉਮਰ 'ਚ ਹੋਈ ਹੈ। ਉਹ ਯੂਕੇ ਵਿੱਚ ਪੋਲੋ ਖੇਡ ਰਹੇ ਸਨ ਜਦੋਂ ਉਨ੍ਹਾਂ ਨੂੰ ਦਿਲ ਦਾ ਦੌਰਾ ਪਿਆ।"
ਸੰਜੇ ਕਪੂਰ ਨੇ ਅਹਿਮਦਾਬਾਦ ਹਵਾਈ ਹਾਦਸੇ 'ਤੇ ਕੀਤਾ ਸੀ ਆਖਰੀ ਪੋਸਟ
ਸੰਜੇ ਕਪੂਰ ਨੇ ਆਪਣੀ ਆਖਰੀ ਪੋਸਟ 12 ਜੂਨ ਨੂੰ ਅਹਿਮਦਾਬਾਦ ਹਵਾਈ ਜਹਾਜ਼ ਹਾਦਸੇ 'ਤੇ ਕੀਤੀ ਸੀ। ਦੱਸਣਯੋਗ ਹੈ ਕਿ ਅਹਿਮਦਾਬਾਦ 'ਚ ਹੋਏ ਇਸ ਦਰਦਨਾਕ ਹਾਦਸੇ 'ਚ ਹਵਾਈ ਜਹਾਜ਼ 'ਚ ਸਫ਼ਰ ਕਰ ਰਹੇ ਸਿਰਫ਼ ਇਕ ਵਿਅਕਤੀ ਨੂੰ ਛੱਡ ਕੇ ਬਾਕੀ ਸਾਰੇ ਯਾਤਰੀਆਂ ਦੀ ਮੌਤ ਹੋ ਗਈ। ਇਤਨਾ ਹੀ ਨਹੀਂ, ਜਿੱਥੇ ਇਹ ਜਹਾਜ਼ ਡਿੱਗਿਆ, ਉੱਥੇ ਦੇ ਕਈ ਸਥਾਨਕ ਲੋਕਾਂ ਦੀ ਵੀ ਜਾਨ ਚਲੀ ਗਈ। ਇਸ ਹਾਦਸੇ 'ਚ ਗੁਜਰਾਤ ਦੇ ਸਾਬਕਾ ਮੁੱਖ ਮੰਤਰੀ ਵਿਜੈ ਰੂਪਾਣੀ ਦੀ ਵੀ ਮੌਤ ਹੋ ਗਈ ਹੈ।
ਇਸ ਦਰਦਨਾਕ ਹਾਦਸੇ 'ਤੇ ਸੰਵੇਦਨਾਵਾਂ ਜਤਾਉਂਦੇ ਹੋਏ ਸੰਜੇ ਕਪੂਰ ਨੇ ਲਿਖਿਆ ਸੀ, "ਅਹਿਮਦਾਬਾਦ 'ਚ ਏਅਰ ਇੰਡੀਆ ਵਿਮਾਨ ਹਾਦਸੇ ਦੀ ਦੁਖਦਾਈ ਖ਼ਬਰ। ਮੇਰੀਆਂ ਸੰਵੇਦਨਾਵਾਂ ਅਤੇ ਅਰਦਾਸਾਂ ਸਾਰੇ ਪ੍ਰਭਾਵਿਤ ਪਰਿਵਾਰਾਂ ਦੇ ਨਾਲ ਹਨ। ਪ੍ਰਭੂ ਉਨ੍ਹਾਂ ਨੂੰ ਇਸ ਮੁਸ਼ਕਲ ਸਮੇਂ 'ਚ ਹੌਂਸਲਾ ਅਤੇ ਤਾਕਤ ਬਖ਼ਸ਼ੇ।"
ਕਰਿਸ਼ਮਾ ਕਪੂਰ ਨਾਲ ਹੋਈ ਸੀ ਸ਼ਾਦੀ, ਫਿਰ ਹੋਇਆ ਤਲਾਕ
ਬਾਲੀਵੁੱਡ ਅਭਿਨੇਤਰੀ ਕਰਿਸ਼ਮਾ ਕਪੂਰ ਅਤੇ ਸੰਜੇ ਕਪੂਰ ਦੀ ਸ਼ਾਦੀ 2003 ਵਿੱਚ ਹੋਈ ਸੀ। ਦੋਹਾਂ ਦਾ ਰਿਸ਼ਤਾ ਲਗਭਗ 13 ਸਾਲ ਹੀ ਚੱਲ ਸਕਿਆ। 2016 ਵਿੱਚ ਦੋਹਾਂ ਨੇ ਤਲਾਕ ਲੈ ਲਿਆ। ਕਰਿਸ਼ਮਾ ਨਾਲ ਤਲਾਕ ਤੋਂ ਬਾਅਦ ਸੰਜੇ ਕਪੂਰ ਨੇ ਪ੍ਰੀਆ ਸਚਦੇਵ ਨਾਲ ਵਿਆਹ ਕੀਤਾ।
ਦੱਸ ਦਈਏ ਕਿ ਸੰਜੇ ਅਤੇ ਕਰਿਸ਼ਮਾ ਦੇ ਦੋ ਬੱਚੇ ਹਨ – ਵੱਡੀ ਧੀ ਸਮਾਇਰਾ ਅਤੇ ਛੋਟਾ ਪੁੱਤਰ ਕਿਆਨ। ਧੀ ਹੁਣ 19 ਸਾਲ ਦੀ ਹੋ ਚੁੱਕੀ ਹੈ। ਤਲਾਕ ਤੋਂ ਬਾਅਦ ਦੋਹਾਂ ਬੱਚਿਆਂ ਦੀ ਕਸਟੱਡੀ ਕਰਿਸ਼ਮਾ ਕਪੂਰ ਕੋਲ ਹੈ। ਦੋਹਾਂ ਦਾ ਤਲਾਕ ਘਰੇਲੂ ਹਿੰਸਾ ਦੇ ਦੋਸ਼ਾਂ ਤੋਂ ਬਾਅਦ ਹੋਇਆ ਸੀ।
ਸੰਜੇ ਕਪੂਰ ਦਾ ਪੁੱਤਰ ਸਿਰਫ਼ 7 ਸਾਲ ਦਾ ਹੈ
ਪ੍ਰੀਆ ਸਚਦੇਵ ਅਤੇ ਸੰਜੇ ਕਪੂਰ ਪਿਛਲੇ 8 ਸਾਲਾਂ ਤੋਂ ਇਕੱਠੇ ਰਹਿ ਰਹੇ ਸਨ। ਹੁਣ ਸੰਜੇ ਹਮੇਸ਼ਾ ਲਈ ਉਨ੍ਹਾਂ ਨੂੰ ਛੱਡ ਕੇ ਜਾ ਚੁੱਕੇ ਹਨ। ਦੱਸਣਯੋਗ ਗੱਲ ਹੈ ਕਿ ਸੰਜੇ ਕਪੂਰ ਅਤੇ ਪ੍ਰੀਆ ਸਚਦੇਵ ਦਾ ਇਕ ਪੁੱਤਰ ਵੀ ਹੈ, ਜਿਸ ਦਾ ਨਾਮ ਅਜ਼ਾਰਿਅਸ ਹੈ। ਉਨ੍ਹਾਂ ਦੇ ਪੁੱਤਰ ਦਾ ਜਨਮ 2018 ਵਿੱਚ ਹੋਇਆ ਸੀ, ਅਰਥਾਤ ਉਹ ਇਸ ਵੇਲੇ ਸਿਰਫ਼ 7 ਸਾਲ ਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
