(Source: ECI/ABP News)
Deep Sidhu: ਪਾਕਿਸਤਾਨੀ ਵੈੱਬ ਸੀਰੀਜ਼ ਦਾ ਵਿਰੋਧ ਕਰ ਬੁਰੀ ਫਸੀ ਰੀਨਾ ਰਾਏ, ਲੋਕਾਂ ਨੇ ਕੀਤਾ ਟਰੋਲ, ਕਿਹਾ- ਤੂੰ ਮਾਰਿਆ ਦੀਪ ਨੂੰ
Deep SIdhju Reena Rai: ਸੀਰੀਜ਼ ਦਾ ਵਿਰੋਧ ਕਰਨ ‘ਤੇ ਰੀਨਾ ਰਾਏ ਨਫਰਤ ਕਰਨ ਵਾਲਿਆਂ ਦੇ ਨਿਸ਼ਾਨੇ ‘ਤੇ ਆ ਗਈ, ਦੀਪ ਸਿੱਧੂ ਦੇ ਫੈਨਜ਼ ਨੇ ਰੀਨਾ ਰਾਏ ‘ਤੇ ਗੰਭੀਰ ਇਲਜ਼ਾਮ ਲਗਾ ਦਿੱਤੇ। ਕਈਆਂ ਨੇ ਤਾਂ ਰੀਨਾ ਰਾਏ ਨੂੰ ਦੀਪ ਸਿੱਧੂ ਦੀ ਕਾਤਲ ਦੱਸਿਆ
Reena Rai Brutally Trolled: ਮਰਹੂਮ ਪੰਜਾਬੀ ਐਕਟਰ ਦੀਪ ਸਿੱਧੂ ਦਾ ਨਾਂ ਇੱਕ ਵਾਰ ਫਿਰ ਤੋਂ ਚਰਚਾ ‘ਚ ਹੈ। ਇਸ ਦੇ ਨਾਲ ਨਾਲ ਦੀਪ ਦੀ ਗਰਲਫਰੈਂਡ ਰੀਨਾ ਰਾਏ ਵੀ ਸੁਰਖੀਆਂ ‘ਚ ਆ ਗਈ ਹੈ। ਦਰਅਸਲ, ਪਾਕਿਸਤਾਨ ਦੀ ਵਿਵਾਦਤ ਵੈੱਬ ਸੀਰੀਜ਼ ‘ਸੇਵਕ: ਦ ਕਨਫੈਸ਼ਨਜ਼’ ‘ਚ ਦੀਪ ਸਿੱਧੂ ਦੀ ਜ਼ਿੰਦਗੀ ਦੀ ਕਹਾਣੀ ਦਿਖਾਈ ਗਈ ਹੈ। ਇਸ ਸੀਰੀਜ਼ ਦੇ ਐਪੀਸੋਡ ;ਚ ਦੀਪ ਸਿੱਧੂ ਤੇ ਰੀਨਾ ਰਾਏ ਦਾ ਪਿਆਰ ਦਿਖਾਇਆ ਗਿਆ ਹੈ। ਇਸ ਸੀਰੀਜ਼ ‘ਚ ਦੀਪ ਦਾ ਕਿਰਦਾਰ ਦੇਖ ਰੀਨਾ ਰਾਏ ਕਾਫੀ ਭੜਕ ਗਈ ਸੀ। ਪਰ ਉਸ ਨੂੰ ‘ਸੇਵਕ’ ਦਾ ਵਿਰੋਧ ਕਰਨਾ ਮਹਿੰਗਾ ਪੈ ਗਿਆ। ਵਿਰੋਧ ਕਰਨ ਤੋਂ ਬਾਅਦ ਰੀਨਾ ਰਾਏ ਖੁਦ ਬੁਰੀ ਤਰ੍ਹਾਂ ਟਰੋਲ ਹੋ ਗਈ।
ਸੀਰੀਜ਼ ਦਾ ਵਿਰੋਧ ਕਰਨ ‘ਤੇ ਰੀਨਾ ਰਾਏ ਨਫਰਤ ਕਰਨ ਵਾਲਿਆਂ ਦੇ ਨਿਸ਼ਾਨੇ ‘ਤੇ ਆ ਗਈ ਹੈ। ਇਹੀ ਨਹੀਂ ਦੀਪ ਸਿੱਧੂ ਦੇ ਫੈਨਜ਼ ਨੇ ਰੀਨਾ ਰਾਏ ‘ਤੇ ਗੰਭੀਰ ਇਲਜ਼ਾਮ ਲਗਾ ਦਿੱਤੇ। ਕਈਆਂ ਨੇ ਤਾਂ ਰੀਨਾ ਰਾਏ ਨੂੰ ਦੀਪ ਸਿੱਧੂ ਦੀ ਕਾਤਲ ਦੱਸਿਆ ਹੈ। ਦੱਸ ਦਈਏ ਕਿ ‘ਸੇਵਕ: ਦ ਕਨਫੈਸ਼ਨਜ਼’ ਸੀਰੀਜ਼ ‘ਚ ਦੀਪ ਸਿੱਧੂ ਦੀ ਮੌਤ ਨੂੰ ਐਕਸੀਡੈਂਟ ਨਹੀਂ, ਬਲਕਿ ਕਤਲ ਦੱਸਿਆ ਹੈ। ਪਹਿਲਾਂ ਤੁਸੀਂ ਦੇਖੋ ਰੀਨਾ ਰਾਏ ਦੀ ਇਹ ਪੋਸਟ:
View this post on Instagram
ਕਈ ਲੋਕਾਂ ਨੇ ਰੀਨਾ ਰਾਏ ‘ਤੇ ਸਵਾਲ ਖੜੇ ਕਰ ਦਿੱਤੇ ਹਨ। ਇੱਕ ਸ਼ਖਸ ਨੇ ਲਿਖਿਆ, ‘ਤੁਸੀਂ ਦੀਪ ਸਿੱਧੂ ਦੀ ਮੌਤ ਤੋਂ ਬਾਅਦ 15 ਫਰਵਰੀ ਨੂੰ ਹੀ ਪੰਜਾਬ ਛੱਡ ਦਿੱਤਾ ਸੀ? ਕਿਉਂ? ਕਿਉਂ ਤੁਸੀਂ ਦੀਪ ਦੇ ਅੰਤਮ ਸਸਕਾਰ ‘ਚ ਸ਼ਾਮਲ ਨਹੀਂ ਹੋਏ? ਕਿਉਂ ਤੁਸੀਂ ਐਕਸੀਡੈਂਟ ਤੋਂ ਪਹਿਲਾਂ ਦੀਆਂ ਘਟਨਾਵਾਂ ‘ਤੇ ਕਿਉਂ ਖੁੱਲ ਕੇ ਨਹੀਂ ਬੋਲੇ? ਪਹਿਲਾਂ ਤਾਂ ਇਸ ਗੱਲ ਦਾ ਜਵਾਬ ਦਿਓ ਕਿ ਜਦੋਂ ਦੀਪ ਐਕਸੀਡੈਂਟ ‘ਚ ਬੁਰੀ ਤਰ੍ਹਾਂ ਜ਼ਖਮੀ ਹੋਇਆ, ਤਾਂ ਇਹ ਕਿਵੇਂ ਹੋ ਸਕਦਾ ਹੈ ਕਿ ਇੰਨੇ ਭਿਆਨਕ ਐਕਸੀਡੈਂਟ ‘ਚ ਤੁਹਾਨੂੰ ਇੱਕ ਖਰੋਚ ਵੀ ਨਹੀਂ ਆਈ? ਬਾਹਰ ਲੋਕ ਇਹ ਗੱਲਾਂ ਕਰ ਰਹੇ ਹਨ ਕਿ ਤੁਸੀਂ ਤੇ ਦੀਪ ਟੋਲ ਪਲਾਜ਼ਾ ਦੀ ਸੀਸੀਟੀਵੀ ਫੁਟੇਜ ‘ਚ ਨਜ਼ਰ ਨਹੀਂ ਆਏ? ਤੁਸੀਂ ਹਾਲੇ ਤੱਕ ਇਸ ਐਕਸੀਡੈਂਟ ਬਾਰੇ ਇੱਕ ਵੀ ਸ਼ਬਦ ਨਹੀਂ ਬੋਲਿਆ, ਕਿਉਂ? ਜੇ ਦੀਪ ਨਾਲ ਇੰਨਾਂ ਪਿਆਰ ਸੀ ਤਾਂ ਪੁਲਿਸ ਦੀ ਮਦਦ ਕਿਉਂ ਨਹੀਂ ਕੀਤੀ ਜਾਂਚ ‘ਚ?’ ਦਸ ਦਈਏ ਕਿ ਇਹ ਦੀਪ ਸਿੱਧੂ ਦੇ ਫੈਨ ਵੱਲੋਂ ਲਗਾਏ ਗਏ ਗੰਭੀਰ ਇਲਜ਼ਾਮ ਸੀ।
ਰੀਨਾ ਰਾਏ ਨੇ ਇਸ ਕਮੈਂਟ ‘ਤੇ ਕੀਤਾ ਰਿਪਲਾਈ
ਰੀਨਾ ਰਾਏ ਨੂੰ ਦੀਪ ਸਿੱਧੂ ਦੇ ਫੈਨ ਦਾ ਇਹ ਕਮੈਂਟ ਪਸੰਦ ਨਹੀਂ ਆਇਆ। ਉਸ ਰਿਪਲਾਈ ‘ਚ ਲਿਖਿਆ, ‘ਜਿਸ ਸ਼ਖਸ ਨੂੰ ਮੈਂ ਇੰਨਾਂ ਪਿਆਰ ਕਰਦੀ ਸੀ ਅਤੇ ਜਲਦ ਹੀ ਉਸ ਨਾਲ ਵਿਆਹ ਕਰਨ ਜਾ ਰਹੀ ਸੀ। ਮੇਰੇ ਦਿਲ ‘ਤੇ ਇਸ ਘਟਨਾ ਦਾ ਡੂੰਘਾ ਅਸਰ ਹੋਇਆ ਹੈ। ਪਰ ਥੋੜਾ ਇੰਤਜ਼ਾਰ ਕਰੋ। ਕਿਉਂਕਿ ਜਲਦ ਹੀ ਮੈਂ ਦੀਪ ਸਿੱਧੂ ਤੇ ਉਸ ਐਕਸੀਡੈਂਟ ਬਾਰੇ ਗੱਲ ਕਰਾਂਗੀ।’
ਲੋਕ ਰੀਨਾ ਰਾਏ ਨੂੰ ਬੁਰੀ ਤਰ੍ਹਾਂ ਕਰ ਰਹੇ ਟਰੋਲ
‘ਸੇਵਕ: ਦ ਕਨਫੈਸ਼ਨਜ਼’ ਸੀਰੀਜ਼ ‘ਚ ਦੀਪ ਦੇ ਕਿਰਦਾਰ ਦਾ ਵਿਰੋਧ ਕਰਨ ‘ਤੇ ਲੋਕ ਰੀਨਾ ਰਾਏ ਨੂੰ ਲਗਾਤਾਰ ਟਰੋਲ ਕਰ ਰਹੇ ਹਨ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ‘ਬਸ ਕੁੜੀਏ ਇਹੀ ਗੱਲਾਂ ਕਰਕੇ ਸ਼ੱਕ ਹੁੰਦਾ ਤੇਰੇ ‘ਤੇ’। ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ‘ਤੂੰ ਸਾਹਮਣੇ ਆ ਕੇ ਕਿਉਂ ਨਹੀਂ ਬੋਲਦੀ?’ ਪੜ੍ਹੋ ਇਹ ਕਮੈਂਟਸ:
ਲੋਕਾਂ ਨੇ ਕੀਤੀ ਰੀਨਾ ਰਾਏ ਨੂੰ ਖੁੱਲ੍ਹ ਕੇ ਬੋਲਣ ਦੀ ਮੰਗ
ਜਦੋਂ ਤੋਂ ਦੀਪ ਸਿੱਧੂ ਦੀ ਮੌਤ ਹੋਈ ਹੈ, ਉਦੋਂ ਤੋਂ ਰੀਨਾ ਰਾਏ ਦਾ ਕੋਈ ਬਿਆਨ ਸਾਹਮਣੇ ਨਹੀਂ ਆਇਆ ਹੈ। ਹੁਣ ਜਦੋਂ ਰੀਨਾ ਰਾਏ ਨੇ ਵੈੱਬ ਸੀਰੀਜ਼ ਦਾ ਵਿਰੋਧ ਕੀਤਾ ਤਾਂ ਲੋਕ ਉਸ ਤੋਂ ਮੰਗ ਕਰ ਰਹੇ ਹਨ ਕਿ ਉਹ ਦੀਪ ਸਿੱਧੂ ਦੇ ਆਖਰੀ ਪਲਾਂ ਤੇ ਉਸ ਐਕਸੀਡੈਂਟ ਬਾਰੇ ਗੱਲ ਕਰੇ। ਖੈਰ ਰੀਨਾ ਦੇ ਹਾਲੀਆ ਬਿਆਨ ਤੋਂ ਇਹੀ ਲੱਗਦਾ ਹੈ ਕਿ ਉਹ ਜਲਦ ਹੀ ਸਾਹਮਣੇ ਆਉਣ ਵਾਲੀ ਹੈ। ਕਿਉਂਕਿ ਦੀਪ ਸਿੱਧੂ ਦੇ ਆਖਰੀ ਪਲਾਂ ‘ਚ ਸਿਰਫ ਰੀਨਾ ਰਾਏ ਉਸ ਦੇ ਨਾਲ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
