Antarctica Continent : ਆਹ ਹੈ ਦੁਨੀਆ ਦਾ ਸਭ ਤੋਂ ਖਤਰਨਾਕ ਸੈਰ-ਸਪਾਟਾ ਸਥਾਨ, ਕਿਹਾ ਜਾਂਦਾ ਦੁਨੀਆ ਦਾ ਆਖਰੀ ਸਿਰਾ
Antarctica Continent : ਕੀ ਤੁਸੀਂ ਜਾਣਦੇ ਹੋ ਕਿ ਦੁਨੀਆ ਦਾ ਸਭ ਤੋਂ ਖਤਰਨਾਕ ਸੈਲਾਨੀ ਸਥਾਨ ਕਿਹੜਾ ਹੈ ਅਤੇ ਇਸਨੂੰ ਸਭ ਤੋਂ ਖਤਰਨਾਕ ਸੈਰ-ਸਪਾਟਾ ਸਥਾਨ ਕਿਉਂ ਕਿਹਾ ਜਾਂਦਾ ਹੈ? ਅੱਜ ਅਸੀਂ ਤੁਹਾਨੂੰ ਇਸ ਦੇ ਪਿੱਛੇ ਦਾ ਕਾਰਨ ਦੱਸਾਂਗੇ।
ਕੌਣ ਸਫ਼ਰ ਕਰਨਾ ਪਸੰਦ ਨਹੀਂ ਕਰਦਾ? ਆਉਣ ਵਾਲੀਆਂ ਗਰਮੀਆਂ ਦੀਆਂ ਛੁੱਟੀਆਂ ਨੂੰ ਲੈ ਕੇ ਲੋਕਾਂ ਨੇ ਪਹਿਲਾਂ ਤੋਂ ਹੀ ਵਿਉਂਤਬੰਦੀ ਸ਼ੁਰੂ ਕਰ ਦਿੱਤੀ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਦੁਨੀਆ ਦਾ ਸਭ ਤੋਂ ਖਤਰਨਾਕ ਸੈਲਾਨੀ ਸਥਾਨ ਕਿਹੜਾ ਹੈ ਅਤੇ ਇਸਨੂੰ ਸਭ ਤੋਂ ਖਤਰਨਾਕ ਸੈਰ-ਸਪਾਟਾ ਸਥਾਨ ਕਿਉਂ ਕਿਹਾ ਜਾਂਦਾ ਹੈ? ਅੱਜ ਅਸੀਂ ਤੁਹਾਨੂੰ ਇਸ ਦੇ ਪਿੱਛੇ ਦਾ ਕਾਰਨ ਦੱਸਾਂਗੇ।
ਦੱਸ ਦਈਏ ਕਿ ਅੰਟਾਰਕਟਿਕਾ ਮਹਾਂਦੀਪ ਇਸ ਧਰਤੀ ਉੱਤੇ ਮੌਜੂਦ ਸਾਰੇ ਸੱਤ ਮਹਾਂਦੀਪਾਂ ਵਿੱਚੋਂ ਸਭ ਤੋਂ ਠੰਡਾ ਹੈ। ਇਸ ਦਾ 98 ਫੀਸਦੀ ਖੇਤਰ 12 ਮਹੀਨਿਆਂ ਤੱਕ ਬਰਫ ਦੀ ਮੋਟੀ ਚਾਦਰ ਨਾਲ ਢੱਕਿਆ ਰਹਿੰਦਾ ਹੈ। ਇਸ ਤੋਂ ਇਲਾਵਾ ਜ਼ਿਆਦਾਤਰ ਲੋਕ ਇਸ ਜਗ੍ਹਾ ਬਾਰੇ ਜਾਣਨਾ ਚਾਹੁੰਦੇ ਹਨ। ਹਾਲਾਂਕਿ, ਅੰਟਾਰਕਟਿਕਾ ਦੇ ਦੌਰੇ 'ਤੇ ਜਾਣਾ ਕੋਈ ਆਸਾਨ ਕੰਮ ਨਹੀਂ ਹੈ। ਕਿਉਂਕਿ ਅੰਟਾਰਕਟਿਕਾ ਮਹਾਂਦੀਪ ਨੂੰ ਦੁਨੀਆ ਦਾ ਸਭ ਤੋਂ ਖਤਰਨਾਕ ਸੈਲਾਨੀ ਸਥਾਨ ਕਿਹਾ ਜਾਂਦਾ ਹੈ।
ਦੱਖਣੀ ਧਰੁਵ 'ਤੇ ਸਥਿਤ ਇਸ ਮਹਾਂਦੀਪ ਵਿੱਚ ਤੇਜ਼ ਬਰਫੀਲੀਆਂ ਹਵਾਵਾਂ ਚੱਲਦੀਆਂ ਹਨ। ਅੰਟਾਰਕਟਿਕਾ ਉੱਤੇ ਲਗਭਗ 2 ਕਿਲੋਮੀਟਰ ਮੋਟੀ ਬਰਫ਼ ਦੀ ਚਾਦਰ ਫੈਲੀ ਹੋਈ ਹੈ। ਅੰਟਾਰਕਟਿਕਾ ਨੂੰ ਦੁਨੀਆ ਦਾ ਆਖਰੀ ਸਿਰਾ ਵੀ ਕਿਹਾ ਜਾਂਦਾ ਹੈ। ਖੂਨ ਜੰਮਣ ਵਾਲੀ ਠੰਡ ਦੇ ਬਾਵਜੂਦ, ਇਸ ਮਹਾਂਦੀਪ 'ਤੇ ਬਹੁਤ ਸਾਰੇ ਸੈਰ-ਸਪਾਟਾ ਸਥਾਨ ਹਨ।
ਇਸਤੋਂ ਇਲਾਵਾ ਅੰਟਾਰਕਟਿਕਾ ਦੁਨੀਆ ਦੀ ਇੱਕੋ ਇੱਕ ਅਜਿਹੀ ਜਗ੍ਹਾ ਹੈ ਜਿੱਥੇ ਛੇ ਮਹੀਨੇ ਦਿਨ ਅਤੇ ਛੇ ਮਹੀਨੇ ਰਾਤ ਹੁੰਦੀ ਹੈ। ਇੱਥੇ ਦੋ ਹੀ ਰੁੱਤਾਂ ਹਨ, ਸਰਦੀ ਅਤੇ ਗਰਮੀ।ਅੰਟਾਰਕਟਿਕਾ ਮਹਾਂਦੀਪ 'ਤੇ ਗਰਮੀਆਂ ਦੇ ਛੇ ਮਹੀਨੇ ਲਗਾਤਾਰ ਦਿਨ ਦਾ ਪ੍ਰਕਾਸ਼ ਹੁੰਦਾ ਹੈ। ਜਦੋਂ ਕਿ ਸਰਦੀਆਂ ਵਿੱਚ ਛੇ ਮਹੀਨੇ ਹਰ ਪਾਸੇ ਹਨੇਰਾ ਛਾ ਜਾਂਦਾ ਹੈ।
ਨਾਲ ਹੀ ਅੰਟਾਰਕਟਿਕਾ ਮਹਾਂਦੀਪ ਦੀ ਸਭ ਤੋਂ ਉੱਚੀ ਚੋਟੀ ਦਾ ਨਾਮ ਵਿਨਸਨ ਰੇਂਜ ਹੈ। ਲਗਭਗ 4,892 ਮੀਟਰ ਉੱਚੀ ਇਸ ਚੋਟੀ ਨੂੰ ਵਿਨਸਨ ਮੈਸਿਫ ਵੀ ਕਿਹਾ ਜਾਂਦਾ ਹੈ। ਪਦਮਸ਼੍ਰੀ ਡਾਕਟਰ ਅਰੁਣਿਮਾ ਸਿਨਹਾ ਨੇ ਇਸ ਪਹਾੜ ਦੀ ਚੋਟੀ 'ਤੇ ਭਾਰਤੀ ਝੰਡਾ ਲਹਿਰਾਇਆ ਹੈ। ਇਹ ਚੋਟੀ ਬਹੁਤ ਸਾਰੇ ਪਰਬਤਾਰੋਹੀਆਂ ਨੂੰ ਆਕਰਸ਼ਿਤ ਕਰਦੀ ਹੈ।ਅੰਟਾਰਕਟਿਕ ਪ੍ਰਾਇਦੀਪ ਦੱਖਣੀ ਧਰੁਵ 'ਤੇ ਸਥਿਤ ਅੰਟਾਰਕਟਿਕ ਮਹਾਂਦੀਪ ਦੇ ਉੱਤਰੀ ਹਿੱਸੇ ਵਿੱਚ ਸਥਿਤ ਹੈ। ਇਹ ਪ੍ਰਾਇਦੀਪ ਸੈਰ-ਸਪਾਟੇ ਦੇ ਲਿਹਾਜ਼ ਨਾਲ ਸਭ ਤੋਂ ਵਧੀਆ ਥਾਵਾਂ ਵਿੱਚੋਂ ਇੱਕ ਹੈ। ਇਸ ਜਗ੍ਹਾ ਨੂੰ 'ਬਰਫ਼ ਦੇ ਜੰਗਲਾਂ ਦਾ ਘਰ' ਵੀ ਕਿਹਾ ਜਾਂਦਾ ਹੈ। ਇੱਥੇ ਦੀਆਂ ਪਹਾੜੀ ਚੋਟੀਆਂ ਅਤੇ ਵਿਸ਼ਾਲ ਗਲੇਸ਼ੀਅਰ ਲੋਕਾਂ ਨੂੰ ਆਕਰਸ਼ਤ ਕਰਦੇ ਹਨ। ਤੁਸੀਂ ਇੱਥੇ ਵੱਡੀ ਗਿਣਤੀ ਵਿੱਚ ਪੈਂਗੁਇਨ ਦੇਖ ਸਕਦੇ ਹੋ।
ਇਸਤੋਂ ਇਲਾਵਾ ਅੰਟਾਰਕਟਿਕਾ ਵਿਚ ਸੈਰ-ਸਪਾਟੇ ਦੇ ਲਿਹਾਜ਼ ਨਾਲ ਦੱਖਣੀ ਸ਼ੈਟਲੈਂਡ ਆਈਲੈਂਡ ਵੀ ਬਹੁਤ ਸ਼ਾਨਦਾਰ ਮੰਨਿਆ ਜਾਂਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਪੂਰੀ ਤਰ੍ਹਾਂ ਬਰਫ਼ ਨਾਲ ਢੱਕਿਆ ਇਹ ਟਾਪੂ ਅੰਟਾਰਕਟਿਕ ਪ੍ਰਾਇਦੀਪ ਦੇ ਉੱਤਰ ਵਿੱਚ 160 ਕਿਲੋਮੀਟਰ ਦੂਰ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਵਿਗਿਆਨੀ ਹਮੇਸ਼ਾ ਇਸ ਮਹਾਦੀਪ 'ਤੇ ਨਜ਼ਰ ਰੱਖਦੇ ਹਨ। ਨੈਸ਼ਨਲ ਸਨੋ ਐਂਡ ਆਈਸ ਡੇਟਾ ਸੈਂਟਰ ਦੇ ਅਨੁਸਾਰ, ਫਰਵਰੀ 2023 ਵਿੱਚ ਅੰਟਾਰਕਟਿਕਾ ਦੀ 19.1 ਲੱਖ ਵਰਗ ਕਿਲੋਮੀਟਰ ਬਰਫ਼ ਪਿਘਲ ਗਈ ਹੈ। ਅੰਕੜਿਆਂ ਮੁਤਾਬਕ ਫਰਵਰੀ 2022 'ਚ 19.2 ਲੱਖ ਵਰਗ ਕਿਲੋਮੀਟਰ ਬਰਫ ਪਿਘਲ ਗਈ ਸੀ। ਵਿਗਿਆਨੀਆਂ ਮੁਤਾਬਕ ਅੰਟਾਰਕਟਿਕਾ ਦੀ ਬਰਫ਼ ਹੁਣ ਤੇਜ਼ੀ ਨਾਲ ਪਿਘਲ ਰਹੀ ਹੈ।
1979 ਤੋਂ ਸੈਟੇਲਾਈਟ ਰਾਹੀਂ ਅੰਟਾਰਕਟਿਕਾ ਦੀ ਸਥਿਤੀ 'ਤੇ ਨਜ਼ਰ ਰੱਖੀ ਜਾ ਰਹੀ ਹੈ।ਪਿਛਲੇ ਕੁਝ ਸਾਲਾਂ 'ਚ ਗਰਮੀ ਦੇ ਮੌਸਮ 'ਚ ਤੇਜ਼ੀ ਨਾਲ ਵਧਣ ਕਾਰਨ ਇੱਥੇ ਕਾਫੀ ਬਰਫ ਪਿਘਲਦੀ ਨਜ਼ਰ ਆ ਰਹੀ ਹੈ। ਡੇਟਾ ਸੈਂਟਰ ਦੇ ਵਿਗਿਆਨੀਆਂ ਦੇ ਅਨੁਸਾਰ, ਅੰਟਾਰਕਟਿਕਾ ਵਿੱਚ ਬਰਫ਼ ਪਿਘਲਣ ਦਾ ਇੱਕੋ ਇੱਕ ਕਾਰਨ ਜਲਵਾਯੂ ਵਿੱਚ ਵੱਡੇ ਬਦਲਾਅ ਨਹੀਂ ਹਨ। ਉਨ੍ਹਾਂ ਮੁਤਾਬਕ ਗਲੋਬਲ ਵਾਰਮਿੰਗ ਵੀ ਇਸ ਦਾ ਵੱਡਾ ਕਾਰਨ ਹੋ ਸਕਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
