ਰੇਬੀਜ਼ ਨੂੰ ਲੈ ਕੇ WHO ਦੀ ਗਾਇਡਲਾਈਨ; ਕੁੱਤੇ ਦੇ ਕੱਟਣ ਤੋਂ ਬਾਅਦ ਤੁਰੰਤ ਕਰੋ ਇਹ ਕੰਮ, ਬਚੋਂਗੇ ਇਨਫੈਕਸ਼ਨ ਤੋਂ
ਕੁਝ ਰਿਪੋਰਟਾਂ ਅਨੁਸਾਰ ਭਾਰਤ ਵਿੱਚ ਹਰ ਸਾਲ 22 ਲੱਖ ਤੋਂ ਵੱਧ ਰੇਬੀਜ਼ ਦੇ ਮਾਮਲੇ ਸਾਹਮਣੇ ਆਉਂਦੇ ਹਨ, ਜੋ ਕਿ ਕਾਫੀ ਚਿੰਤਾਜਨਕ ਗੱਲ ਹੈ। ਹਾਲਾਂਕਿ ਕਈ ਵਾਰੀ ਇਨ੍ਹਾਂ ਵਿੱਚ ਪਾਲਤੂ ਜਾਨਵਰਾਂ ਵਾਲੇ ਮਾਮਲੇ ਵੀ ਹੁੰਦੇ ਹਨ। ਇਸ ਲਈ ਡਾਕਟਰੀ ਇਲਾਜ..
ਅੱਜਕੱਲ੍ਹ ਜਾਨਵਰਾਂ ਨਾਲ ਪਿਆਰ ਕਰਨ ਦੀ ਸਲਾਹ ਕਾਫੀ ਦਿੱਤੀ ਜਾਂਦੀ ਹੈ, ਪਰ ਕਈ ਵਾਰ ਇਹ ਜਾਨਵਰ ਇੰਨੇ ਖ਼ਤਰਨਾਕ ਸਾਬਤ ਹੁੰਦੇ ਹਨ ਕਿ ਉਹ ਇਨਸਾਨ ਦੀ ਜਾਨ ਵੀ ਲੈ ਸਕਦੇ ਹਨ। ਹਾਲ ਦੇ ਦਿਨਾਂ ਦੇ ਵਿੱਚ ਕੁੱਤਿਆਂ ਦੇ ਹਮਲਿਆਂ ਕਾਰਨ ਲੋਕ ਕਾਫ਼ੀ ਪਰੇਸ਼ਾਨ ਰਹੇ ਹਨ, ਪਰ ਹੁਣ ਲੋਕ ਕੁੱਤੇ ਦੇ ਕੱਟਣ ਨਾਲ ਹੋਣ ਵਾਲੀ ਬਿਮਾਰੀ "ਰੇਬੀਜ਼" ਤੋਂ ਵੀ ਖ਼ੌਫ਼ ਵਿੱਚ ਹਨ। ਹਾਲ ਹੀ ਵਿੱਚ ਨੈਸ਼ਨਲ ਕਬੱਡੀ ਖਿਡਾਰੀ ਬ੍ਰਿਜੇਸ਼ ਸੋਲੰਕੀ ਦੀ ਮੌਤ ਵੀ ਰੇਬੀਜ਼ ਕਾਰਨ ਹੋ ਗਈ ਸੀ।
ਉਹਨਾਂ ਵੱਲੋਂ ਗਲੀ ਦੇ ਇੱਕ ਕੁੱਤੇ ਨੂੰ ਬਚਾਇਆ ਸੀ, ਜਿਸ ਨੇ ਉਨ੍ਹਾਂ ਨੂੰ ਹੀ ਕੱਟ ਲਿਆ। ਇਹ ਮਾਮਲਾ ਦੱਸਦਾ ਹੈ ਕਿ ਲਾਪਰਵਾਹੀ ਕਿਵੇਂ ਤੁਹਾਡੀ ਜਾਨ ਲਈ ਖ਼ਤਰਾ ਬਣ ਸਕਦੀ ਹੈ। ਉਨ੍ਹਾਂ ਨੇ ਰੇਬੀਜ਼ ਵੈਕਸੀਨ ਨਹੀਂ ਲਗਵਾਈ ਸੀ, ਜਿਸ ਕਰਕੇ ਇਹ ਹਾਦਸਾ ਹੋਇਆ। ਆਓ ਜਾਣੀਏ ਇਸ ਮਾਮਲੇ 'ਤੇ WHO ਦੀਆਂ ਹਦਾਇਤਾਂ ਅਤੇ ਡਾਕਟਰਾਂ ਦੀ ਰਾਏ।
ਪਿਛਲੇ ਕੁਝ ਦਿਨਾਂ ਵਿੱਚ ਲਗਾਤਾਰ ਵਧੇ ਮਾਮਲੇ
ਇੱਕ ਰਿਪੋਰਟ ਮੁਤਾਬਕ, ਕਰਨਾਟਕ ਵਿੱਚ ਪਿਛਲੇ 6 ਮਹੀਨਿਆਂ ਦੌਰਾਨ ਕੁੱਤੇ ਦੇ ਕੱਟਣ ਦੇ 2.5 ਲੱਖ ਮਾਮਲੇ ਸਾਹਮਣੇ ਆਏ ਹਨ ਅਤੇ 19 ਲੋਕਾਂ ਦੀ ਮੌਤ ਰੇਬੀਜ਼ ਕਾਰਨ ਹੋਈ ਹੈ। ਇਸ ਹਫਤੇ ਹੁਬਲੀ ਜੰਕਸ਼ਨ 'ਤੇ ਇੱਕ ਛੋਟੀ ਬੱਚੀ ਨੂੰ ਵੀ ਕੁੱਤੇ ਨੇ ਕੱਟ ਲਿਆ। ਗਾਜੀਪੁਰ ਵਿੱਚ ਵੀ ਇੱਕ ਨੌਜਵਾਨ ਨੂੰ ਕੁੱਤੇ ਨੇ ਕੱਟਿਆ ਸੀ, ਜਿਸ ਨੇ ਡਾਕਟਰੀ ਇਲਾਜ ਲੈਣ ਦੀ ਥਾਂ ਝਾੜ-ਫੂਕ ਦਾ ਸਹਾਰਾ ਲਿਆ, ਜਿਸ ਨਾਲ ਉਸਦੀ ਜਾਨ ਚਲੀ ਗਈ। ਕੁਝ ਰਿਪੋਰਟਾਂ ਅਨੁਸਾਰ ਭਾਰਤ ਵਿੱਚ ਹਰ ਸਾਲ 22 ਲੱਖ ਤੋਂ ਵੱਧ ਰੇਬੀਜ਼ ਦੇ ਮਾਮਲੇ ਸਾਹਮਣੇ ਆਉਂਦੇ ਹਨ, ਜੋ ਕਿ ਕਾਫੀ ਚਿੰਤਾਜਨਕ ਗੱਲ ਹੈ। ਹਾਲਾਂਕਿ ਕਈ ਵਾਰੀ ਇਨ੍ਹਾਂ ਵਿੱਚ ਪਾਲਤੂ ਜਾਨਵਰਾਂ ਵਾਲੇ ਮਾਮਲੇ ਵੀ ਹੁੰਦੇ ਹਨ।
ਪਾਲਤੂ ਕੁੱਤੇ ਅਤੇ ਬਿੱਲੀ ਲਈ ਰੇਬੀਜ਼ ਟੀਕਾਕਰਨ ਦਾ ਸ਼ੈਡਿਊਲ ਕਿਹੋ ਜਿਹਾ ਹੋਣਾ ਚਾਹੀਦਾ ਹੈ?
ਰੇਬੀਜ਼ ਦਾ ਪਹਿਲਾ ਟੀਕਾ ਛੋਟੇ ਕੁੱਤੇ ਜਾਂ ਬਿੱਲੀ ਦੇ ਬੱਚੇ ਨੂੰ 3 ਮਹੀਨੇ ਦੀ ਉਮਰ ਵਿੱਚ ਲਗਾਉਣਾ ਚਾਹੀਦਾ ਹੈ। ਇਸ ਤੋਂ ਬਾਅਦ 1 ਸਾਲ ਦੇ ਅੰਦਰ ਉਨ੍ਹਾਂ ਨੂੰ ਬੂਸਟਰ ਡੋਜ਼ ਦੇਣਾ ਜ਼ਰੂਰੀ ਹੁੰਦਾ ਹੈ। WHO ਅਤੇ ਭਾਰਤੀ ਪਸ਼ੂ ਚਿਕਿਤਸਾ ਪਰਿਸਦ (VCI) ਦੀਆਂ ਹਦਾਇਤਾਂ ਮੁਤਾਬਕ, ਰੇਬੀਜ਼ ਵੈਕਸੀਨ ਦੀ ਮਿਆਦ ਇੱਕ ਸਾਲ ਤੱਕ ਮੰਨੀ ਜਾਂਦੀ ਹੈ। ਇਸ ਤੋਂ ਬਾਅਦ ਪਾਲਤੂ ਜਾਨਵਰ ਨੂੰ ਨਵਾਂ ਡੋਜ਼ ਦੇਣਾ ਲਾਜ਼ਮੀ ਹੁੰਦਾ ਹੈ। ਜੇ ਤੁਸੀਂ ਇਹ ਗੱਲਾਂ ਧਿਆਨ ਵਿੱਚ ਰੱਖੋਗੇ ਤਾਂ ਆਪਣੇ ਪਾਲਤੂ ਜਾਨਵਰਾਂ ਨੂੰ ਸੁਰੱਖਿਅਤ ਰੱਖ ਸਕਦੇ ਹੋ।
ਕੀ ਬਚਾਅ ਕੀਤਾ ਜਾ ਸਕਦਾ ਹੈ?
ਝਾਰਖੰਡ ਦੇ ਪਬਲਿਕ ਹੈਲਥ ਸੈਕਟਰ ਦੇ ਡਾਕਟਰ ਅਨੁਜ ਕੁਮਾਰ ਦੱਸਦੇ ਹਨ ਕਿ ਜੇ ਕਿਸੇ ਨੂੰ ਜਾਨਵਰ ਕੱਟ ਲਵੇ, ਤਾਂ ਤੁਰੰਤ ਇਲਾਜ ਕਰਵਾਉਣਾ ਬਹੁਤ ਜ਼ਰੂਰੀ ਹੈ। ਜੇਕਰ ਤੁਹਾਨੂੰ ਕੱਟਣ ਦੇ ਤੁਰੰਤ ਬਾਅਦ ਕੋਈ ਸਮੱਸਿਆ ਮਹਿਸੂਸ ਨਹੀਂ ਹੋ ਰਹੀ, ਤਾਂ ਵੀ ਉਸ ਜਾਨਵਰ ਨੂੰ ਘੱਟੋ-ਘੱਟ 10 ਦਿਨ ਤੱਕ ਨਿਗਰਾਨੀ ਵਿੱਚ ਰੱਖੋ। ਜੇਕਰ ਉਹ ਇਸ ਦੌਰਾਨ ਸਧਾਰਣ ਰਹੇ ਤਾਂ ਰੇਬੀਜ਼ ਦੇ ਫੈਲਣ ਦੀ ਸੰਭਾਵਨਾ ਬਹੁਤ ਘੱਟ ਹੁੰਦੀ ਹੈ। ਪਰ ਜੇਕਰ ਜਾਨਵਰ ਦੀ ਮੌਤ ਹੋ ਜਾਵੇ, ਕੋਈ ਲੱਛਣ ਦਿਖਣ ਜਾਂ ਉਹ ਗਾਇਬ ਹੋ ਜਾਏ, ਤਾਂ ਵਿਅਕਤੀ ਨੂੰ ਪੂਰਾ ਵੈਕਸੀਨੇਸ਼ਨ ਕੋਰਸ ਲੈ ਲੈਣਾ ਚਾਹੀਦਾ ਹੈ।
ਆਵਾਰਾ ਜਾਨਵਰ ਦੇ ਕੱਟਣ 'ਤੇ ਕੀ ਕਰਨਾ ਚਾਹੀਦਾ ਹੈ?
ਜੇਕਰ ਤੁਹਾਨੂੰ ਗਲੀ ਦੇ ਕੁੱਤੇ ਜਾਂ ਬਿੱਲੀ ਨੇ ਕੱਟ ਲਿਆ ਹੈ, ਤਾਂ ਸਭ ਤੋਂ ਪਹਿਲਾਂ ਆਪਣੇ ਨਜ਼ਦੀਕੀ ਹਸਪਤਾਲ ਵਿੱਚ ਜਾਓ। ਜੇਕਰ ਜਾਨਵਰ ਦੀ ਮਲ ਜਾਂ ਥੂਕ ਤੁਹਾਡੀ ਚਮੜੀ 'ਤੇ ਲੱਗ ਗਈ ਹੋਵੇ, ਤਾਂ ਉਸ ਥਾਂ ਨੂੰ ਤੁਰੰਤ ਸਾਫ਼ ਪਾਣੀ ਅਤੇ ਸਾਬਣ ਨਾਲ ਚੰਗੀ ਤਰ੍ਹਾਂ ਧੋ ਲਵੋ। ਜੇਕਰ ਉਸ ਆਵਾਰਾ ਜਾਨਵਰ ਨੂੰ ਰੇਬੀਜ਼ ਹੈ, ਤਾਂ 2 ਤੋਂ 10 ਦਿਨਾਂ ਦੇ ਅੰਦਰ-ਅੰਦਰ ਲੱਛਣ ਸਾਹਮਣੇ ਆ ਸਕਦੇ ਹਨ। ਇਸਦੇ ਲੱਛਣਾਂ ਵਿੱਚ ਹੱਥ-ਪੈਰ ਸੁੰਨ ਹੋਣਾ, ਦਰਦ, ਕੰਪਕੰਪੀ, ਬੁਖਾਰ ਜਾਂ ਵਿਹਾਰ ਵਿੱਚ ਤਬਦੀਲੀ ਆਉਣੀ ਸ਼ਾਮਲ ਹੁੰਦੀ ਹੈ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
