Home Remedies: ਘਰ 'ਚੋਂ ਛਿਪਕਲੀਆਂ ਨੂੰ ਭਜਾਉਣ ਲਈ ਅਪਣਾਓ ਇਹ ਤਰੀਕੇ, ਕੰਧਾਂ 'ਤੇ ਵੀ ਨਹੀਂ ਆਵੇਗੀ ਨਜ਼ਰ
Get Rid Of Lizards: ਅਕਸਰ ਘਰ ਦੇ ਕਿਸੇ ਕੋਨੇ ਵਿੱਚ ਕਿਰਲੀ ਜਾਂ ਛਿਪਕਲੀ ਨਜ਼ਰ ਆਉਂਦੀ ਹੈ। ਬਹੁਤ ਸਾਰੇ ਲੋਕਾਂ ਨੂੰ ਛਿਪਕਲੀ ਤੋਂ ਡਰ ਲੱਗਦਾ ਹੈ। ਅੱਜ ਤੁਹਾਨੂੰ ਦੱਸਾਂਗੇ ਕਿਵੇਂ ਤੁਸੀਂ ਘਰ ਤੋਂ ਛਿਪਕਲੀਆਂ ਨੂੰ ਭਜਾ ਸਕਦੇ ਹੋ।
Monsoon Tips To Get Rid Of Lizards: ਅਕਸਰ ਘਰ ਦੇ ਕਿਸੇ ਕੋਨੇ ਵਿੱਚ ਕਿਰਲੀ ਜਾਂ ਛਿਪਕਲੀ ਨਜ਼ਰ ਆਉਂਦੀ ਹੈ। ਬਰਸਾਤ ਦੇ ਮੌਸਮ ਵਿੱਚ ਕਿਰਲੀਆਂ ਦੀ ਗਿਣਤੀ ਵੱਧ ਜਾਂਦੀ ਹੈ। ਉਹ ਕੰਧ ਤੋਂ ਜ਼ਮੀਨ ਤੱਕ ਰੇਂਗਣਾ ਸ਼ੁਰੂ ਕਰ ਦਿੰਦੀਆਂ ਹੈ ਅਤੇ ਹਰ ਪਾਸੇ ਦਿਖਾਈ ਦਿੰਦੀਆਂ ਹਨ।
ਬਾਰਸ਼ ਵਿੱਚ ਛਿਪਕਲੀਆਂ ਦੇ ਵਧਣ ਦਾ ਕਾਰਨ ਇਹ ਹੈ ਕਿ ਉਹ ਠੰਡੀਆਂ ਅਤੇ ਗਿੱਲੀਆਂ ਥਾਵਾਂ ਨੂੰ ਪਸੰਦ ਕਰਦੀਆਂ ਹਨ, ਇਸ ਲਈ ਉਹ ਇਸ ਮੌਸਮ ਵਿੱਚ ਬਾਹਰ ਨਿਕਲਦੀਆਂ ਹਨ। ਛਿਪਕਲੀਆਂ ਨਾ ਸਿਰਫ ਦੇਖਣ 'ਚ ਗੰਦੀਆਂ ਹੁੰਦੀਆਂ ਹਨ, ਸਗੋਂ ਇਹ ਸਿਹਤ ਲਈ ਖ਼ਤਰਾ ਵੀ ਹੋ ਸਕਦੀਆਂ ਹਨ। ਕਿਰਲੀ ਦੇ ਮਲ ਅਤੇ ਲਾਰ ਵਿੱਚ ਪਾਏ ਜਾਣ ਵਾਲੇ ਬੈਕਟੀਰੀਆ ਭੋਜਨ ਦੇ ਜ਼ਹਿਰ ਦਾ ਕਾਰਨ ਬਣ ਸਕਦੇ ਹਨ।
ਜੇਕਰ ਤੁਸੀਂ ਆਪਣੇ ਘਰ 'ਚ ਇਕ ਵੀ ਛਿਪਕਲੀ ਨਹੀਂ ਦੇਖਣਾ ਚਾਹੁੰਦੇ ਹੋ ਤਾਂ ਤੁਸੀਂ ਕੁਝ ਆਸਾਨ ਤਰੀਕੇ ਅਪਣਾ ਸਕਦੇ ਹੋ। ਇਨ੍ਹਾਂ ਤਰੀਕਿਆਂ ਨਾਲ ਛਿਪਕਲੀ ਘਰ ਤੋਂ ਦੂਰ ਹੋ ਜਾਵੇਗੀ ਅਤੇ ਦੁਬਾਰਾ ਨਹੀਂ ਦਿਖਾਈ ਦੇਵੇਗੀ। ਇਸ ਆਰਟੀਕਲ ਵਿਚ ਜਾਣੋ ਬਰਸਾਤ ਦੇ ਮੌਸਮ ਵਿਚ ਕਿਰਲੀਆਂ ਨੂੰ ਘਰੋਂ ਕੱਢਣ ਦੇ ਤਰੀਕੇ।
ਲਸਣ-ਪਿਆਜ਼
ਲਸਣ ਅਤੇ ਪਿਆਜ਼ ਵਿੱਚ ਇੱਕ ਤੇਜ਼ ਗੰਧ ਹੁੰਦੀ ਹੈ, ਜੋ ਕਿਰਲੀਆਂ ਨੂੰ ਡਰਾਉਣ ਵਿੱਚ ਮਦਦ ਕਰ ਸਕਦੀ ਹੈ। ਛਿਪਕਲੀਆਂ ਨੂੰ ਭਜਾਉਣ ਲਈ ਆਪਣੇ ਘਰ ਦੀਆਂ ਉਨ੍ਹਾਂ ਥਾਵਾਂ 'ਤੇ ਪਿਆਜ਼ ਦੇ ਕੁਝ ਟੁਕੜੇ ਅਤੇ ਕੱਚੇ ਲਸਣ ਦੀਆਂ ਕਲੀਆਂ ਰੱਖੋ ਜਿੱਥੇ ਕਿਰਲੀਆਂ ਜ਼ਿਆਦਾ ਨਜ਼ਰ ਆਉਂਦੀਆਂ ਹਨ। ਜੇਕਰ ਤੁਸੀਂ ਚਾਹੋ ਤਾਂ ਪਲਾਸਟਿਕ ਦੀ ਬੋਤਲ 'ਚ ਲਸਣ ਅਤੇ ਪਿਆਜ਼ ਨੂੰ ਪਾਣੀ ਨਾਲ ਭਰ ਕੇ ਸਪਰੇਅ ਕਰੋ।
ਨੈਫਥਲੀਨ ਦੀਆਂ ਗੋਲੀਆਂ
ਮਾਨਸੂਨ ਦੌਰਾਨ ਨੈਫਥਲੀਨ ਦੀਆਂ ਗੋਲੀਆਂ ਘਰ ਲਿਆਓ। ਇਸ ਨੂੰ ਘਰ 'ਚ ਰੱਖਣ ਨਾਲ ਕਿਰਲੀਆਂ ਤੋਂ ਛੁਟਕਾਰਾ ਮਿਲ ਸਕਦਾ ਹੈ। ਕਿਰਲੀਆਂ ਨੈਫਥਲੀਨ ਦੀ ਗੰਧ ਨੂੰ ਬਰਦਾਸ਼ਤ ਨਹੀਂ ਕਰ ਸਕਦੀਆਂ ਅਤੇ ਭੱਜ ਜਾਂਦੀਆਂ ਹਨ। ਇਨ੍ਹਾਂ ਗੋਲੀਆਂ ਨੂੰ ਰਸੋਈ ਦੀ ਅਲਮਾਰੀ ਜਾਂ ਸਿੰਕ ਦੇ ਹੇਠਾਂ ਰੱਖੋ। ਧਿਆਨ ਰਹੇ ਕਿ ਨੈਫਥਲਿਨ ਨੂੰ ਖਾਣ-ਪੀਣ ਦੀਆਂ ਵਸਤੂਆਂ ਦੇ ਨੇੜੇ ਨਹੀਂ ਰੱਖਣਾ ਚਾਹੀਦਾ। ਨਾਲ ਹੀ, ਜਿਨ੍ਹਾਂ ਘਰਾਂ ਵਿੱਚ ਛੋਟੇ ਬੱਚੇ ਜਾਂ ਪਾਲਤੂ ਜਾਨਵਰ ਹਨ, ਉੱਥੇ ਨੈਫਥਲੀਨ ਦੀ ਵਰਤੋਂ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ।
ਪੇਪਰ ਸਪਰੇਅ
ਪੇਪਰ ਸਪਰੇਅ ਵੀ ਕਿਰਲੀਆਂ ਤੋਂ ਛੁਟਕਾਰਾ ਪਾਉਣ ਲਈ ਕਾਰਗਰ ਹੈ। ਕਾਲੀ ਮਿਰਚ ਦੇ ਪਾਊਡਰ ਨੂੰ ਪਾਣੀ 'ਚ ਮਿਲਾ ਕੇ ਸਪਰੇਅ ਬੋਤਲ 'ਚ ਛਿਪਕਲੀ 'ਤੇ ਪਾਓ ਜਾਂ ਛਿਪਕਲੀ ਦੇ ਜਾਣ ਵਾਲੇ ਸਥਾਨਾਂ 'ਤੇ ਛਿੜਕ ਦਿਓ। ਇਸ ਨਾਲ ਉਸ ਨੂੰ ਜਲਨ ਮਹਿਸੂਸ ਹੋਵੇਗੀ ਅਤੇ ਉਹ ਘਰੋਂ ਭੱਜ ਜਾਵੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
