Maharashtra : ਅਜੀਤ ਪਵਾਰ ਨੇ ਸਾਫ਼ ਕੀਤੇ ਇਰਾਦੇ, ਕਿਹਾ- 'ਮੈਂ ਮਹਾਰਾਸ਼ਟਰ ਦਾ ਮੁੱਖ ਮੰਤਰੀ ਬਣਨਾ ਚਾਹੁੰਦਾ ਹਾਂ ਤਾਂ ਕਿ...'

Maharashtra News : ਮੁੱਖ ਮੰਤਰੀ ਏਕਨਾਥ ਸ਼ਿੰਦੇ (Eknath Shinde) ਦੀ ਅਗਵਾਈ ਵਾਲੀ ਮਹਾਰਾਸ਼ਟਰ ਸਰਕਾਰ ਵਿੱਚ ਸ਼ਾਮਲ ਹੋਣ ਤੋਂ ਬਾਅਦ ਆਖ਼ਿਰਕਾਰ ਉਪ ਮੁੱਖ ਮੰਤਰੀ ਅਜੀਤ ਪਵਾਰ  (Ajit Pawar) ਨੇ ਆਪਣੀਆਂ

Ajit Pawar

Maharashtra News : ਮੁੱਖ ਮੰਤਰੀ ਏਕਨਾਥ ਸ਼ਿੰਦੇ (Eknath Shinde) ਦੀ ਅਗਵਾਈ ਵਾਲੀ ਮਹਾਰਾਸ਼ਟਰ ਸਰਕਾਰ ਵਿੱਚ ਸ਼ਾਮਲ ਹੋਣ ਤੋਂ ਬਾਅਦ ਆਖ਼ਿਰਕਾਰ ਉਪ ਮੁੱਖ ਮੰਤਰੀ ਅਜੀਤ ਪਵਾਰ  (Ajit Pawar) ਨੇ ਆਪਣੀਆਂ ਸਿਆਸੀ ਇੱਛਾਵਾਂ ਦਾ ਖੁਲਾਸਾ ਕਰ ਦਿੱਤਾ ਹੈ। ਅਜੀਤ ਪਵਾਰ ਨੇ ਕਿਹਾ ਕਿ ਉਹ ਮਹਾਰਾਸ਼ਟਰ ਦਾ ਮੁੱਖ ਮੰਤਰੀ ਬਣਨਾ ਚਾਹੁੰਦੇ ਹਨ ਤਾਂ ਜੋ ਉਹ ਲੋਕਾਂ ਦੀ ਭਲਾਈ ਲਈ ਉਨ੍ਹਾਂ ਦੀਆਂ ਯੋਜਨਾਵਾਂ ਨੂੰ ਲਾਗੂ ਕਰ ਸਕਣ। ਇਸ ਦੌਰਾਨ ਅਜੀਤ ਪਵਾਰ ਨੇ ਆਪਣੇ ਚਾਚਾ ਸ਼ਰਦ ਪਵਾਰ ਦਾ ਵੀ ਜ਼ਿਕਰ ਕੀਤਾ। ਅਜੀਤ ਪਵਾਰ ਨੇ ਕਿਹਾ ਕਿ ਸ਼ਰਦ ਪਵਾਰ ਸਾਡੇ ਲਈ ਭਗਵਾਨ ਹਨ, ਅਸੀਂ ਉਨ੍ਹਾਂ ਦਾ ਆਸ਼ੀਰਵਾਦ ਮੰਗਦੇ ਹਾਂ।

 

ਮਹਾਰਾਸ਼ਟਰ ਵਿੱਚ ਐਨਡੀਏ ਸਰਕਾਰ ਦਾ ਹਿੱਸਾ ਬਣੇ ਅਜੀਤ ਪਵਾਰ ਨੇ 2014 ਵਿੱਚ ਭਾਜਪਾ ਦੀ ਜਿੱਤ ਦਾ ਸਿਹਰਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਦਿੱਤਾ। ਅਜੀਤ ਪਵਾਰ ਨੇ ਕਿਹਾ ਕਿ ਭਾਜਪਾ 2014 'ਚ ਨਰਿੰਦਰ ਮੋਦੀ ਦੇ ਕਰਿਸ਼ਮੇ ਕਾਰਨ ਹੀ ਸੱਤਾ 'ਚ ਆਈ ਸੀ।

 

ਉਪਨਗਰ ਬਾਂਦ੍ਰਾ ਵਿੱਚ ਆਪਣੇ ਧੜੇ ਵੱਲੋਂ ਬੁਲਾਈ ਗਈ ਮੀਟਿੰਗ ਵਿੱਚ ਅਜੀਤ ਪਵਾਰ ਨੇ ਇਹ ਗੱਲਾਂ ਕਹੀਆਂ। ਅਜੀਤ ਪਵਾਰ ਨੇ ਕਿਹਾ ਕਿ 2004 ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਐਨਸੀਪੀ ਕੋਲ ਕਾਂਗਰਸ ਨਾਲੋਂ ਜ਼ਿਆਦਾ ਵਿਧਾਇਕ ਸਨ, ਜੇਕਰ ਅਸੀਂ ਉਸ ਸਮੇਂ ਕਾਂਗਰਸ ਨੂੰ ਮੁੱਖ ਮੰਤਰੀ ਦਾ ਅਹੁਦਾ ਨਾ ਦਿੱਤਾ ਹੁੰਦਾ ਤਾਂ ਅੱਜ ਤੱਕ ਮਹਾਰਾਸ਼ਟਰ ਵਿੱਚ ਸਿਰਫ਼ ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ ਹੀ ਮੁੱਖ ਮੰਤਰੀ ਹੁੰਦਾ। ਅਜੀਤ ਪਵਾਰ ਧੜੇ ਦੇ ਆਗੂ ਛਗਨ ਭੁਜਬਲ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਨੂੰ 40 ਤੋਂ ਵੱਧ ਵਿਧਾਇਕਾਂ ਦਾ ਸਮਰਥਨ ਹਾਸਲ ਹੈ।

 

ਸ਼ਰਦ ਪਵਾਰ ਨੂੰ ਦੇਵਤਾ ਵੀ ਦੱਸਿਆ ਤੰਜ ਵੀ ਕਸਿਆ 

ਇੱਕ ਪਾਸੇ ਅਜੀਤ ਪਵਾਰ ਨੇ ਆਪਣੇ ਚਾਚਾ ਸ਼ਰਦ ਪਵਾਰ ਨੂੰ ਦੇਵਤਾ ਕਿਹਾ ਅਤੇ ਦੂਜੇ ਪਾਸੇ ਉਨ੍ਹਾਂ 'ਤੇ ਤੰਜ ਵੀ ਕਸਿਆ। ਉਨ੍ਹਾਂ ਭਾਜਪਾ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਉੱਥੇ ਨੇਤਾ 75 ਸਾਲਾਂ 'ਚ ਰਿਟਾਇਰ ਹੋ ਜਾਂਦੇ ਹਨ। ਅਜੀਤ ਨੇ ਆਪਣੇ ਚਾਚੇ ਦੀ ਉਮਰ ਅਤੇ ਸਿਆਸੀ ਸਰਗਰਮੀ 'ਤੇ ਵਿਅੰਗ ਕੱਸਿਆ।

 

ਅਜੀਤ ਪਵਾਰ ਨੇ ਕਿਹਾ, ''ਤੁਸੀਂ ਮੈਨੂੰ ਸਾਰਿਆਂ ਦੇ ਸਾਹਮਣੇ ਖਲਨਾਇਕ ਦੇ ਰੂਪ 'ਚ ਦਿਖਾਇਆ। ਮੇਰੇ ਮਨ 'ਚ ਉਨ੍ਹਾਂ (ਸ਼ਰਦ ਪਵਾਰ) ਲਈ ਅੱਜ ਵੀ ਸਨਮਾਨ ਹੈ... ਤੁਸੀਂ ਮੈਨੂੰ ਦੱਸੋ, IAS ਅਫਸਰ 60 ਸਾਲ ਦੀ ਉਮਰ 'ਚ ਰਿਟਾਇਰ ਹੋ ਜਾਂਦੇ ਹਨ... ਰਾਜਨੀਤੀ 'ਚ ਵੀ ਭਾਜਪਾ ਨੇਤਾ 75 ਸਾਲ ਦੀ ਉਮਰ ਵਿੱਚ ਰਿਟਾਇਰ ਹੋ ਜਾਂਦੇ ਹਨ। ਤੁਸੀਂ ਲਾਲ ਕ੍ਰਿਸ਼ਨ ਅਡਵਾਨੀ ਅਤੇ ਮੁਰਲੀ ​​ਮਨੋਹਰ ਜੋਸ਼ੀ ਦੀ ਉਦਾਹਰਣ ਦੇਖ ਸਕਦੇ ਹੋ... ਇਸ ਨਾਲ ਨਵੀਂ ਪੀੜ੍ਹੀ ਨੂੰ ਅੱਗੇ ਵਧਣ ਦਾ ਮੌਕਾ ਮਿਲਦਾ ਹੈ... ਤੁਸੀਂ (ਸ਼ਰਦ ਪਵਾਰ) ਸਾਨੂੰ ਆਸ਼ੀਰਵਾਦ ਦਿਓ... ਪਰ ਤੁਸੀਂ 83 ਸਾਲ ਦੇ ਹੋ, ਕੀ ਤੁਸੀਂ ਰੁਕਣ ਵਾਲੇ ਨਹੀਂ ਹੋ?... ਸਾਨੂੰ ਆਪਣਾ ਆਸ਼ੀਰਵਾਦ ਦਿਓ ਅਤੇ ਅਸੀਂ ਪ੍ਰਾਰਥਨਾ ਕਰਾਂਗੇ ਕਿ ਤੁਹਾਡੀ ਲੰਬੀ ਉਮਰ ਹੋਵੇ।"