ਪੰਜਾਬ 'ਚ ਤੀਜੀ ਲਹਿਰ ਦਾ ਖ਼ਤਰਾ! ਮੁੜ ਵਧਣ ਲੱਗੇ ਕੇਸ
ਰਾਜ ਵਿੱਚ ਮੌਤ ਦਰ ਨੂੰ ਲੈ ਕੇ ਸਥਿਤੀ ਕੰਟਰੋਲ ਵਿੱਚ ਹੈ। ਨਵੇਂ ਮਾਮਲਿਆਂ ਵਿੱਚ ਵਾਧੇ ਨਾਲ, ਲਾਗ ਦੀ ਦਰ ਅਗਸਤ ਦੇ ਮਹੀਨੇ ਵਿੱਚ ਸਭ ਤੋਂ ਘੱਟ 0.10 ਤੋਂ 0.24 ਪ੍ਰਤੀਸ਼ਤ ਤੱਕ ਵਧ ਗਈ ਹੈ।
ਚੰਡੀਗੜ੍ਹ: ਕੋਰੋਨਾ ਦੀ ਲਾਗ ਨੇ ਇੱਕ ਵਾਰ ਫਿਰ ਪੰਜਾਬ ਵਿੱਚ ਫੈਲਣਾ ਸ਼ੁਰੂ ਕਰ ਦਿੱਤਾ ਹੈ। 17 ਜੁਲਾਈ ਤੋਂ ਬਾਅਦ, ਮਰੀਜ਼ਾਂ ਦੀ ਗਿਣਤੀ ਵਿੱਚ ਲਗਾਤਾਰ ਕਮੀ ਆਈ ਤੇ 9 ਅਗਸਤ ਨੂੰ ਘੱਟੋ-ਘੱਟ 31 ਕੇਸ ਸਾਹਮਣੇ ਆਏ, ਪਰ 11 ਅਗਸਤ ਨੂੰ, ਪਹਿਲੀ ਵਾਰ ਮਹਾਂਮਾਰੀ ਦੇ ਵਾਇਰਸ ਤੋਂ ਲਾਗਗ੍ਰਸਤ ਲੋਕਾਂ ਦੀ ਗਿਣਤੀ 100 ਤੋਂ 107 ਨੂੰ ਪਾਰ ਕਰ ਗਈ। ਚੰਗੀ ਗੱਲ ਇਹ ਹੈ ਕਿ ਰਾਜ ਵਿੱਚ ਮੌਤ ਦਰ ਨੂੰ ਲੈ ਕੇ ਸਥਿਤੀ ਕੰਟਰੋਲ ਵਿੱਚ ਹੈ। ਨਵੇਂ ਮਾਮਲਿਆਂ ਵਿੱਚ ਵਾਧੇ ਨਾਲ, ਲਾਗ ਦੀ ਦਰ ਅਗਸਤ ਦੇ ਮਹੀਨੇ ਵਿੱਚ ਸਭ ਤੋਂ ਘੱਟ 0.10 ਤੋਂ 0.24 ਪ੍ਰਤੀਸ਼ਤ ਤੱਕ ਵਧ ਗਈ ਹੈ।
ਰਾਜ ਵਿੱਚ ਕੋਰੋਨਾ ਦੀ ਲਾਗ ਕਾਰਨ ਹੁਣ ਤੱਕ 16,334 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਵੀਰਵਾਰ ਨੂੰ 81 ਨਵੇਂ ਮਾਮਲੇ ਸਾਹਮਣੇ ਆਏ। ਹੁਣ ਇਸ ਵੇਲੇ ਹਸਪਤਾਲਾਂ ’ਚ ਇਲਾਜ ਕਰਵਾਉਣ ਵਾਲੇ ਵਿਅਕਤੀਆਂ ਦੀ ਕੁੱਲ ਗਿਣਤੀ ਵਧ ਕੇ 59,9758 ਹੋ ਗਈ ਹੈ। ਰਾਜ ਵਿੱਚ ਹੁਣ 533 ਸਰਗਰਮ ਮਾਮਲੇ ਹਨ। ਦੋ ਮਰੀਜ਼ ਵੈਂਟੀਲੇਟਰ 'ਤੇ ਹਨ, ਜਦੋਂਕਿ 35 ਨੂੰ ਆਕਸੀਜਨ 'ਤੇ ਰੱਖਿਆ ਗਿਆ ਹੈ। ਸਭ ਤੋਂ ਵੱਧ 13 ਨਵੇਂ ਮਾਮਲੇ ਬਠਿੰਡਾ ਤੋਂ ਆਏ, ਇਸ ਤੋਂ ਬਾਅਦ ਲੁਧਿਆਣਾ (8), ਜਲੰਧਰ ਤੇ ਮੋਹਾਲੀ (6-6) ਆਏ। ਵੀਰਵਾਰ ਨੂੰ, ਰਾਜ ਵਿੱਚ 48,890 ਟੈਸਟ ਕੀਤੇ ਗਏ ਤੇ 0.16 ਪ੍ਰਤੀਸ਼ਤ ਦੀ ਪੌਜ਼ਿਟਿਵ ਦਰ ਦਰਜ ਕੀਤੀ ਗਈ ਹੈ।
ਬਠਿੰਡਾ ਵਿੱਚ ਵਾਇਰਸ ਫੈਲਣ ਦੀ ਸਭ ਤੋਂ ਵੱਧ ਦਰ 0.79 ਫੀ ਸਦੀ ਦਰਜ ਕੀਤੀ ਗਈ ਹੈ। ਬਰਨਾਲਾ ਅਤੇ ਫਾਜ਼ਿਲਕਾ ਵਿੱਚ ਛੂਤ ਦੀ ਦਰ ਕ੍ਰਮਵਾਰ 0.55 ਤੇ 0.49 ਪ੍ਰਤੀਸ਼ਤ ਸੀ। ਹੁਣ ਤੱਕ ਰਾਜ ਵਿੱਚ ਬਲੈਕ ਫ਼ੰਗਸ ਦੇ 684 ਮਰੀਜ਼ ਪਾਏ ਗਏ ਹਨ। ਇਨ੍ਹਾਂ ਵਿੱਚ ਪੰਜਾਬ ਦੇ 610 ਅਤੇ ਦੂਜੇ ਰਾਜਾਂ ਦੇ 74 ਮਰੀਜ਼ ਸ਼ਾਮਲ ਹਨ। ਚੰਗੀ ਗੱਲ ਇਹ ਹੈ ਕਿ ਬਲੈਕ ਫ਼ੰਗਸ ਤੋਂ ਪੀੜਤ 333 ਮਰੀਜ਼ ਹੁਣ ਤੱਕ ਸਿਹਤਮੰਦ ਹੋ ਗਏ ਹਨ ਪਰ ਇਸ ਲਾਗ ਕਾਰਨ 51 ਮਰੀਜ਼ਾਂ ਦੀ ਮੌਤ ਹੋ ਚੁੱਕੀ ਹੈ।
ਪਟਿਆਲਾ ਦੇ ਸਰਕਾਰੀ ਸਕੂਲ ਦੇ ਤਿੰਨ ਵਿਦਿਆਰਥੀ ਪਾਏ ਗਏ ਪੌਜ਼ੇਟਿਵ
ਬਨੂੜ ਨੇੜਲੇ ਪਿੰਡ ਧਰਮਗੜ੍ਹ ਦੇ ਇੱਕ ਸਰਕਾਰੀ ਸਕੂਲ ਦੇ ਤਿੰਨ ਵਿਦਿਆਰਥੀ ਵੀਰਵਾਰ ਨੂੰ ਕੋਰੋਨਾ ਪੌਜ਼ਿਟਿਵ ਪਾਏ ਗਏ। ਸਕੂਲ ਦੀ ਮੁੱਖ ਅਧਿਆਪਕਾ ਸ਼ੀਨਮ ਨੇ ਦੱਸਿਆ ਕਿ ਸਕੂਲ ਵਿੱਚ ਸਿਹਤ ਵਿਭਾਗ ਨੇ 90 ਵਿਦਿਆਰਥੀਆਂ ਤੇ 13 ਸਟਾਫ ਮੈਂਬਰਾਂ ਦੀ ਜਾਂਚ ਕੀਤੀ। ਇਨ੍ਹਾਂ ਵਿੱਚੋਂ ਤਿੰਨ ਦੇ ਕੋਰੋਨਾ ਪੌਜੇਟਿਵ ਦੀ ਪੁਸ਼ਟੀ ਹੋਈ ਹੈ।
ਇਸ ਤੋਂ ਪਹਿਲਾਂ ਮੰਗਲਵਾਰ ਨੂੰ ਲੁਧਿਆਣਾ ਦੇ ਦੋ ਸਰਕਾਰੀ ਸਕੂਲਾਂ ਵਿੱਚ 20 ਵਿਦਿਆਰਥੀ ਕੋਰੋਨਾ ਪਾਜ਼ੇਟਿਵ ਪਾਏ ਗਏ ਸਨ। ਜਦੋਂ ਕਿ ਬੁੱਧਵਾਰ ਨੂੰ ਨਾਭਾ, ਪਟਿਆਲਾ ਦੇ ਇੱਕ ਸਰਕਾਰੀ ਸਕੂਲ ਦੀ ਚੌਥੀ ਜਮਾਤ ਦਾ ਵਿਦਿਆਰਥੀ ਜਾਂਚ ਵਿੱਚ ਪੌਜ਼ੇਟਿਵ ਪਾਇਆ ਗਿਆ। ਇਸ ਤੋਂ ਬਾਅਦ ਇਹ ਸਕੂਲ 14 ਦਿਨਾਂ ਲਈ ਬੰਦ ਕਰ ਦਿੱਤੇ ਗਏ ਹਨ।
26 ਦਿਨਾਂ ਬਾਅਦ ਵਧਣ ਲੱਗੀ ਲਾਗ
ਪੰਜਾਬ ਵਿੱਚ, 17 ਜੁਲਾਈ ਦੇ 26 ਦਿਨਾਂ ਬਾਅਦ, ਛੂਤਗ੍ਰਸਤ ਲੋਕਾਂ ਦੀ ਗਿਣਤੀ 100 ਨੂੰ ਪਾਰ ਕਰ ਗਈ। 9 ਅਗਸਤ ਨੂੰ ਲਾਗ ਦੇ 31 ਨਵੇਂ ਮਾਮਲੇ ਆਏ, ਲਾਗ ਦੀ ਦਰ 0.12 ਪ੍ਰਤੀਸ਼ਤ ਦਰਜ ਕੀਤੀ ਗਈ। ਇਸ ਤੋਂ ਬਾਅਦ, ਲਾਗ ਦੇ ਮਾਮਲਿਆਂ ਵਿੱਚ ਨਿਰੰਤਰ ਵਾਧਾ ਹੁੰਦਾ ਜਾ ਰਿਹਾ ਹੈ। 10 ਅਗਸਤ ਨੂੰ ਲਾਗ ਦੇ 74 ਨਵੇਂ ਮਾਮਲੇ ਸਾਹਮਣੇ ਆਏ ਅਤੇ ਲਾਗ ਦੀ ਦਰ 0.24 ਫੀਸਦੀ ਦਰਜ ਕੀਤੀ ਗਈ। 11 ਅਗਸਤ ਨੂੰ 107 ਤੇ ਲਾਗ ਦੀ ਦਰ 0.24 ਫੀਸਦੀ ਸੀ, 12 ਅਗਸਤ ਨੂੰ ਲਾਗ ਦੇ 81 ਨਵੇਂ ਮਾਮਲੇ ਸਾਹਮਣੇ ਆਏ, ਜਦੋਂ ਕਿ ਲਾਗ ਦੀ ਦਰ 0.16 ਫੀਸਦੀ ਸੀ।
ਪੰਜਾਬ ਦੇ ਮੁੱਖ ਸਕੱਤਰ ਵਿੰਨੀ ਮਹਾਜਨ ਨੇ ਕਿਹਾ ਕਿ ਪੰਜਾਬ ਵਿੱਚ ਵੱਧ ਰਹੇ ਛੂਤ ਦੇ ਤਾਜ਼ਾ ਮਾਮਲਿਆਂ ਦੇ ਮੱਦੇਨਜ਼ਰ ਟੈਸਟਿੰਗ ਵਧਾਉਣ ਦੀਆਂ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਹਨ। ਹੁਣ ਹਰ ਰੋਜ਼ ਟੈਸਟਾਂ ਦੀ ਗਿਣਤੀ 40 ਹਜ਼ਾਰ ਹੋਵੇਗੀ। ਫਿਲਹਾਲ, ਸਕੂਲਾਂ ਵਿੱਚ ਵਿਦਿਆਰਥੀਆਂ ਦੇ ਪੌਜ਼ਿਟਿਵ ਪਾਏ ਜਾਣ ਤੋਂ ਬਾਅਦ, ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਗਏ ਹਨ ਕਿ ਉਹ ਹਰ ਰੋਜ਼ ਸਕੂਲਾਂ ਵਿੱਚ 10 ਆਰਟੀਪੀਸੀਆਰ ਟੈਸਟ ਕਰਵਾਉਣ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
