ਪੰਜਾਬ 'ਚ ਅਸਲੀ ਪੁਲਿਸਕਰਮੀਆਂ ਦੀ ਨਕਲੀ ਰੇਡ, ਨੋਇਡਾ ਕਾਲ ਸੈਂਟਰ ਤੋਂ 3 ਵਪਾਰੀ ਕਿਡਨੈਪ, ਛੱਡਣ ਲਈ ਮੰਗੇ 10 ਕਰੋੜ, ਜਾਣੋ ਪੂਰਾ ਮਾਮਲਾ
ਲੁਧਿਆਣਾ ਤੋਂ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ASI ਕੁਲਦੀਪ ਸਿੰਘ ਅਤੇ ਹੈੱਡ ਕਾਂਸਟੇਬਲ ਬਲਵਿੰਦਰ ਸਿੰਘ ਸਮੇਤ 6 ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਇਸ ਗ੍ਰਿਫਤਾਰੀ 'ਚ ਇੱਕ ਮੁਲਜ਼ਮ ਦਾ ਨਾਂ ਗਗਨ ਐਪਲ ਵੀ ਸ਼ਾਮਲ ਹੈ।
ਲੁਧਿਆਣਾ, ਪੰਜਾਬ ਵਿੱਚ ਅਸਲੀ ਪੁਲਿਸ ਵਾਲਿਆਂ ਦੀ ਨਕਲੀ ਰੇਡ ਦਾ ਵੱਡਾ ਮਾਮਲਾ ਸਾਹਮਣੇ ਆਇਆ ਹੈ। ASI, ਹੈਡ ਕਾਂਸਟੇਬਲ ਅਤੇ ਇੱਕ ਨੇਤਾ ਨੇ ਆਪਣੇ 4 ਸਾਥੀਆਂ ਦੇ ਨਾਲ ਮਿਲ ਕੇ ਨੋਇਡਾ ਦੇ ਕੋਲ ਸੈਂਟਰ ਵਿੱਚ ਨਕਲੀ ਰੇਡ ਕੀਤੀ। ਇਸ ਵਿੱਚ ਪ੍ਰਾਈਵੇਟ ਵਿਅਕਤੀ ਨੂੰ DIG ਬਣਾਇਆ ਗਿਆ। ASI ਨੇ ਆਪਣੇ ਆਪ SP ਅਤੇ ਹੈਡ ਕਾਂਸਟੇਬਲ ਨੂੰ DSP ਬਣਾਇਆ। ਫਿਰ ਗੁਜਰਾਤ ਅਤੇ ਅਹਿਮਦਾਬਾਦ ਦੇ 3 ਵਪਾਰੀਆਂ ਨੂੰ ਉਠਾ ਕੇ ਪੰਜਾਬ ਲਿਆ ਗਿਆ। ਇੱਥੇ ਉਨ੍ਹਾਂ ਨੂੰ ਢਾਬੇ ਵਿੱਚ ਬੰਦ ਰੱਖਿਆ ਗਿਆ।
ਫਿਰ ਸਮਝੌਤੇ ਦੇ ਨਾਂ 'ਤੇ ਉਨ੍ਹਾਂ ਨੇ 10 ਕਰੋੜ ਰੁਪਏ ਦੀ ਮੰਗ ਕੀਤੀ। ਜਦੋਂ ਉਨ੍ਹਾਂ ਦੀ ਮੰਗ ਪੂਰੀ ਨਾ ਹੋਈ ਤਾਂ ਉਹ ਵਪਾਰੀਆਂ ਨੂੰ ਕੇਸ ਦਰਜ ਕਰਵਾਉਣ ਲਈ ਥਾਣੇ ਲੈ ਗਏ। ਪਰ ਥਾਣੇ 'ਚ ਗਲਤ ਢੰਗ ਨਾਲ ਫੜੇ ਗਏ ਵਪਾਰੀ ਨੇ ਦੋਸ਼ੀਆਂ ਦੀ ਸਾਰੀ ਕਹਾਣੀ ਦੀ ਪੋਲ ਖੋਲ੍ਹ ਦਿੱਤੀ।
ਸਾਈਬਰ ਕਰਾਈਮ ਥਾਣਾ ਖੰਨਾ ਦੇ ਸਬ ਇੰਸਪੈਕਟਰ ਨਰਪਿੰਦਰ ਪਾਲ ਸਿੰਘ ਨੇ ਦੱਸਿਆ ਕਿ ਹੈਡ ਕੰਸਟੇਬਲ ਬਲਵਿੰਦਰ ਸਿੰਘ ਮੈਨੂੰ ਵਿਭਾਗ ਦੇ ਤੌਰ 'ਤੇ ਥੋੜ੍ਹਾ ਬਹੁਤ ਜਾਣਦਾ ਹੈ। ਉਸ ਨੇ ਪਹਿਲਾਂ ਕਈ ਵਾਰੀ ਕਿਹਾ ਸੀ ਕਿ ਉਹ ਮੈਨੂੰ ਇੱਕ ਵੱਡੀ ਸਾਈਬਰ ਫਰੌਡ ਰੇਡ ਬਾਰੇ ਜਾਣਕਾਰੀ ਦੇਵੇਗਾ। ਉਸ ਨੇ ਦੱਸਿਆ ਕਿ ਦਿੱਲੀ ਵਿੱਚ ਇੱਕ ਕੋਲ ਸੈਂਟਰ ਚਲਦਾ ਹੈ ਜੋ ਪੰਜਾਬ ਦੇ ਵੱਖ-ਵੱਖ ਸ਼ਹਿਰਾਂ ਦੇ ਲੋਕਾਂ ਨਾਲ ਧੋਖਾਧੜੀ ਕਰਦਾ ਹੈ। ਉਸ 'ਤੇ ਰੇਡ ਪਾਉਣ ਨਾਲ ਵੱਡਾ ਖੁਲਾਸਾ ਹੋ ਸਕਦਾ ਹੈ। ਮੈਂ SI ਵਜੋਂ ਕਿਹਾ ਕਿ ਪਹਿਲਾਂ ਇਹਨਾਂ ਦੇ ਪ੍ਰੂਫ਼ ਲੈ ਕੇ ਆਓ, ਫਿਰ ਸੀਨੀਅਰ ਅਧਿਕਾਰੀਆਂ ਨੂੰ ਸੂਚਿਤ ਕਰ ਕੇ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਇਸ ਲਈ HC ਬਲਵਿੰਦਰ ਸਿੰਘ 2-3 ਵਾਰੀ ਥਾਣੇ ਆ ਕੇ ਮਿਲਿਆ, ਪਰ ਕਿਸੇ ਠੋਸ ਜਾਣਕਾਰੀ ਨਹੀਂ ਦਿੱਤੀ।
ਖੰਨਾ ਦੇ SI ਸਾਈਬਰ ਕ੍ਰਾਈਮ ਨੇ ਆਪਣੇ ਪੱਧਰ ‘ਤੇ ਜਾਂਚ ਕਰਦਿਆਂ ਖੁਲਾਸਾ ਕੀਤਾ ਕਿ ਇਹ ਸਾਰੀ ਰੇਡ ਫਰਜ਼ੀ ਸੀ ਅਤੇ ਮੁਲਜ਼ਮਾਂ ਨੇ ਖੰਨਾ ਪੁਲਿਸ ਕੋਲੋਂ ਝੂਠਾ ਪਰਚਾ ਦਰਜ ਕਰਵਾਉਣ ਦੀ ਕੋਸ਼ਿਸ਼ ਕੀਤੀ।
ਇਸ ਮਾਮਲੇ ਵਿੱਚ ਗ੍ਰਿਫਤਾਰ ਕੀਤੇ ਮੁਲਜ਼ਮਾਂ ਵਿੱਚ ASI ਕੁਲਦੀਪ ਸਿੰਘ, ਹੈੱਡ ਕਾਂਸਟੇਬਲ ਬਲਵਿੰਦਰ ਸਿੰਘ ਅਤੇ ਗਗਨ ਐਪਲ ਸਹਿਤ ਕੁੱਲ 6 ਲੋਕ ਸ਼ਾਮਲ ਹਨ। ਪੁਲਿਸ ਇਸ ਘਟਨਾ ਦੀ ਅੱਗੇ ਵੀ ਗੰਭੀਰ ਜਾਂਚ ਕਰ ਰਹੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
