Punjab News: ਪਠਾਨਕੋਟ 'ਚ 30 ਮਿੰਟ ਤੋਂ ਲਗਾਤਾਰ ਧਮਾਕੇ, ਬਠਿੰਡਾ ਸਮੇਤ 3 ਜ਼ਿਲ੍ਹਿਆਂ 'ਚ ਰੈਡ ਅਲਰਟ; ਕਪੂਰਥਲਾ-ਫਿਰੋਜ਼ਪੁਰ 'ਚ ਬਾਜ਼ਾਰ ਬੰਦ
ਪਾਕਿਸਤਾਨ ਵੱਲੋਂ ਲਗਾਤਾਰ ਚੌਥੇ ਦਿਨ ਅੱਜ 10 ਮਈ ਪੰਜਾਬ 'ਤੇ ਹਮਲਾ ਕੀਤਾ ਗਿਆ। ਪਠਾਨਕੋਟ 'ਚ ਲਗਾਤਾਰ 30 ਮਿੰਟ ਤੋਂ ਧਮਾਕੇ ਹੋ ਰਹੇ ਹਨ। ਪਾਕਿ ਵੱਲੋਂ ਮਿਸਾਈਲਾਂ ਅਤੇ ਬੰਬ ਦਾਗੇ ਜਾ ਰਹੇ ਹਨ।
ਪਾਕਿਸਤਾਨ ਵੱਲੋਂ ਲਗਾਤਾਰ ਚੌਥੇ ਦਿਨ ਅੱਜ 10 ਮਈ ਪੰਜਾਬ 'ਤੇ ਹਮਲਾ ਕੀਤਾ ਗਿਆ। ਪਠਾਨਕੋਟ 'ਚ ਲਗਾਤਾਰ 30 ਮਿੰਟ ਤੋਂ ਧਮਾਕੇ ਹੋ ਰਹੇ ਹਨ। ਪਾਕਿ ਵੱਲੋਂ ਮਿਸਾਈਲਾਂ ਅਤੇ ਬੰਬ ਦਾਗੇ ਜਾ ਰਹੇ ਹਨ। ਫਾਇਰਿੰਗ ਵੀ ਹੋ ਰਹੀ ਹੈ। ਦੁਕਾਨਾਂ ਬੰਦ ਕਰਵਾ ਦਿੱਤੀਆਂ ਗਈਆਂ ਹਨ। ਲਗਾਤਾਰ ਸਾਇਰਨ ਵੱਜ ਰਹੇ ਹਨ। ਪਹਿਲਾਂ ਸਵੇਰੇ 5 ਵਜੇ ਤੇਜ਼ ਧਮਾਕਿਆਂ ਦੀ ਆਵਾਜ਼ ਆਈ ਸੀ।
ਬਠਿੰਡਾ, ਅੰਮ੍ਰਿਤਸਰ ਅਤੇ ਫਿਰੋਜ਼ਪੁਰ ਵਿੱਚ ਵੀ ਸਾਇਰਨ ਵੱਜ ਰਹੇ ਹਨ। ਫਿਰੋਜ਼ਪੁਰ ਦੀ ਡੀਸੀ ਦੀਪਸ਼ਿਖਾ ਸ਼ਰਮਾ ਨੇ ਕਿਹਾ ਕਿ ਲੋਕ ਆਪਣੇ-ਆਪਣੇ ਘਰਾਂ ਵਿੱਚ ਹੀ ਰਹਿਣ। ਖਿੜਕੀਆਂ ਤੋਂ ਦੂਰ ਰਹਿਣ। ਪ੍ਰਸ਼ਾਸਨ ਵੱਲੋਂ ਹਰੀ ਝੰਡੀ ਦੇਣ ਦੀ ਉਡੀਕ ਕਰੋ।
ਜਲੰਧਰ ਵਿੱਚ ਸਵੇਰੇ 8 ਵਜੇ ਧਮਾਕੇ ਹੋਏ। ਨਾਹਲਾ ਪਿੰਡ 'ਚ ਮਿਜ਼ਾਈਲ ਡਿੱਗੀ, ਪਰ ਕਿਸੇ ਤਰ੍ਹਾਂ ਦਾ ਨੁਕਸਾਨ ਨਹੀਂ ਹੋਇਆ। ਇੱਥੇ ਕੈਂਟ ਅਤੇ ਆਦਮਪੁਰ ਵਿੱਚ ਬਾਜ਼ਾਰ ਬੰਦ ਕਰਵਾਏ ਗਏ ਹਨ। ਫਿਰੋਜ਼ਪੁਰ ਅਤੇ ਕਪੂਰਥਲਾ ਵਿੱਚ ਵੀ ਬਾਜ਼ਾਰ ਬੰਦ ਹਨ। ਸਿਰਫ਼ ਮੈਡੀਕਲ ਸਟੋਰ ਖੁਲੇ ਰਹਿਣਗੇ।
ਅੰਮ੍ਰਿਤਸਰ ਦੇ ਖਾਸਾ ਅਤੇ ਪਿੰਡ ਵਡਾਲਾ ਵਿੱਚ ਸਵੇਰੇ ਫੌਜ ਵੱਲੋਂ ਡਰੋਨ ਸਾਫ਼ ਕੀਤੇ ਗਏ। ਵਡਾਲਾ ਵਿੱਚ ਇੱਕ ਘਰ 'ਚ ਅੱਗ ਲੱਗ ਗਈ। ਮਾਨਸਾ ਦੇ ਪਿੰਡ ਮਲ ਸਿੰਘ ਵਾਲਾ ਵਿੱਚ ਵੀ ਰਾਤ ਦੇਰ ਮਿਜ਼ਾਈਲ ਡਿੱਗੀ। ਹੁਸ਼ਿਆਰਪੁਰ ਦੇ ਟਾਂਡਾ ਉਡਮੁੜ ਦੇ ਪਿੰਡ ਸੁੰਦਰਾ ਪੁੱਤਾਂ ਅਤੇ ਜਲੰਧਰ ਦੇ ਕਰਤਾਰਪੁਰ 'ਚ ਮਿਜ਼ਾਈਲ ਦੇ ਟੁਕੜੇ ਮਿਲੇ ਹਨ। ਅੰਮ੍ਰਿਤਸਰ ਦੇ ਰਾਜਾਸਾਂਸੀ ਖੇਤਰ ਦੇ ਮੁਗਲਾਣੀ ਕੋਟ ਪਿੰਡ, ਤਰਨਤਾਰਨ ਅਤੇ ਫਿਰੋਜ਼ਪੁਰ ਵਿੱਚ ਵੀ ਡਰੋਨ ਦੇ ਟੁਕੜੇ ਮਿਲੇ ਹਨ।
ਉੱਥੇ, ਪਾਕਿਸਤਾਨੀ ਫੌਜ ਨੇ ਦਾਅਵਾ ਕੀਤਾ ਹੈ ਕਿ ਉਸਨੇ ਪਠਾਨਕੋਟ ਵਿੱਚ ਏਅਰਫੀਲਡ ਨੂੰ ਨਿਸ਼ਾਨਾ ਬਣਾਇਆ ਹੈ। ਇਸਦੇ ਇਲਾਵਾ, ਅੰਮ੍ਰਿਤਸਰ ਦੇ ਬਿਆਸ 'ਚ ਸਥਿਤ ਬ੍ਰਾਹਮੋਸ ਮਿਜ਼ਾਈਲ ਦੀ ਸਟੋਰੇਜ ਸਾਈਟ 'ਤੇ ਵੀ ਹਮਲੇ ਕਰਨ ਦਾ ਦਾਅਵਾ ਕੀਤਾ ਗਿਆ ਹੈ।
ਇਸ ਤੋਂ ਪਹਿਲਾਂ ਸ਼ੁੱਕਰਵਾਰ ਦੀ ਰਾਤ 8:30 ਵਜੇ ਤੋਂ ਬਾਅਦ ਪਾਕਿਸਤਾਨ ਵੱਲੋਂ ਪੰਜਾਬ 'ਤੇ ਡਰੋਨ ਹਮਲੇ ਕੀਤੇ ਗਏ। ਫਿਰੋਜ਼ਪੁਰ, ਫਾਜ਼ਿਲਕਾ, ਅੰਮ੍ਰਿਤਸਰ, ਤਰਨਤਾਰਨ, ਹੁਸ਼ਿਆਰਪੁਰ, ਗੁਰਦਾਸਪੁਰ, ਜਲੰਧਰ ਅਤੇ ਪਠਾਨਕੋਟ ਵਿੱਚ ਡਰੋਨ ਹਮਲੇ ਹੋਏ। ਲਗਭਗ ਰਾਤ 9 ਵਜੇ ਫਿਰੋਜ਼ਪੁਰ ਦੇ ਖਾਈ ਸੈਮੇ ਪਿੰਡ 'ਚ ਡਰੋਨ ਡਿਗਣ ਤੋਂ ਬਾਅਦ ਇੱਕ ਘਰ ਵਿੱਚ ਅੱਗ ਲੱਗ ਗਈ। ਇੱਥੇ 3 ਲੋਕ ਗੰਭੀਰ ਜ਼ਖਮੀ ਹੋ ਗਏ। ਰਾਤ 2 ਵਜੇ ਜਲੰਧਰ ਦੇ ਕੰਗਨੀਵਾਲ ਇਲਾਕੇ 'ਚ ਇੱਕ ਕਾਰ 'ਤੇ ਰਾਕਟ ਵਰਗੀ ਚੀਜ਼ ਆ ਕੇ ਡਿੱਗੀ। ਜੰਡੂ ਸਿੰਘਾ ਪਿੰਡ ਵਿੱਚ ਸੋ ਰਹੇ ਇੱਕ ਵਿਅਕਤੀ 'ਤੇ ਡਰੋਨ ਦੇ ਹਿੱਸੇ ਆ ਡਿੱਗੇ, ਜਿਸ ਨਾਲ ਉਹ ਜ਼ਖਮੀ ਹੋ ਗਿਆ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
