Punjab News: ਪੰਜਾਬ 'ਚ ਅੱਜ ਫਿਰ ਭੱਖਦੀ ਗਰਮੀ ਵਿਚਾਲੇ ਲੋਕ ਹੋਣਗੇ ਪਰੇਸ਼ਾਨ, ਇਨ੍ਹਾਂ ਇਲਾਕਿਆਂ 'ਚ ਲੱਗੇਗਾ ਲੰਬਾ ਬਿਜਲੀ ਕੱਟ...
Punjab News: ਪੰਜਾਬ ਵਾਸੀਆਂ ਲਈ ਬਿਜਲੀ ਕੱਟ ਨੂੰ ਲੈ ਅਹਿਮ ਖਬਰ ਸਾਹਮਣੇ ਆਈ ਹੈ। ਦੱਸ ਦੇਈਏ ਕਿ ਪਾਵਰਕਾਮ ਅਰਬਨ ਸਬ ਡਿਵੀਜ਼ਨ ਅਫ਼ਸਰ ਦਸੂਹਾ ਨੇ ਦੱਸਿਆ ਕਿ 11 ਕੇ.ਵੀ. ਕੰਥਾ ਫੀਡਰ ਦੀ ਜ਼ਰੂਰੀ ਮੁਰੰਮਤ ਦੇ ਕਾਰਨ,
Punjab News: ਪੰਜਾਬ ਵਾਸੀਆਂ ਲਈ ਬਿਜਲੀ ਕੱਟ ਨੂੰ ਲੈ ਅਹਿਮ ਖਬਰ ਸਾਹਮਣੇ ਆਈ ਹੈ। ਦੱਸ ਦੇਈਏ ਕਿ ਪਾਵਰਕਾਮ ਅਰਬਨ ਸਬ ਡਿਵੀਜ਼ਨ ਅਫ਼ਸਰ ਦਸੂਹਾ ਨੇ ਦੱਸਿਆ ਕਿ 11 ਕੇ.ਵੀ. ਕੰਥਾ ਫੀਡਰ ਦੀ ਜ਼ਰੂਰੀ ਮੁਰੰਮਤ ਦੇ ਕਾਰਨ, ਬਿਜਲੀ ਸਪਲਾਈ ਅੱਜ ਯਾਨੀ 23 ਅਪ੍ਰੈਲ ਨੂੰ ਸਵੇਰੇ 10 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਬੰਦ ਰਹੇਗੀ।
ਇਸ ਕਾਰਨ, ਰੇਲਵੇ ਸਟੇਸ਼ਨ, ਐਸ.ਡੀ.ਐਮ. ਦਫ਼ਤਰ ਅਤੇ ਐਸ.ਡੀ.ਐਮ. ਚੌਕ, ਤਹਿਸੀਲ ਦਫ਼ਤਰ, ਧਰਮਪੁਰਾ, ਨਿਹਾਲਪੁਰਾ, ਦਾਣਾ ਮੰਡੀ, ਬੀ.ਐਸ.ਐਨ.ਐਲ. ਐਕਸਚੇਂਜ, ਦਸਮੇਸ਼ ਨਗਰ, ਕ੍ਰਿਪਾਲ ਕਲੋਨੀ, ਲੰਗਰਪੁਰ ਅਤੇ ਕੰਠਾ ਨੂੰ ਬਿਜਲੀ ਸਪਲਾਈ ਠੱਪ ਰਹੇਗੀ।
ਇਸ ਤੋਂ ਇਲਾਵਾ ਪੰਜਾਬ ਦੇ ਨੂਰਪੁਰਬੇਦੀ ਇਲਾਕੇ ਵਿੱਚ ਬੀਤੇ ਦਿਨੀਂ ਬਿਜਲੀ ਕੱਟ ਲੱਗਿਆ। ਦਰਅਸਲ, 66 ਕੇ.ਵੀ. ਸਬ-ਸਟੇਸ਼ਨ ਬਜਰੂਦ ਅਧੀਨ ਆਉਣ ਵਾਲੇ ਟਿੱਬਾ ਟੱਪਰੀਆਂ ਫੀਡਰ ਦੀ ਬਿਜਲੀ ਸਪਲਾਈ 22 ਅਪ੍ਰੈਲ ਨੂੰ ਸਵੇਰੇ 9 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਜ਼ਰੂਰੀ ਮੁਰੰਮਤ ਦੇ ਚਲਦਿਆਂ ਬੰਦ ਰਹੀ। ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ, ਪੰਜਾਬ ਸਟੇਟ ਪਾਵਰਕਾਮ ਲਿਮਟਿਡ, ਸਬ ਆਫਿਸ, ਤਖ਼ਤਗੜ੍ਹ ਦੇ ਵਧੀਕ ਸਹਾਇਕ ਇੰਜੀਨੀਅਰ ਕੁਲਵਿੰਦਰ ਸਿੰਘ ਨੇ ਦੱਸਿਆ ਕਿ ਟਿੱਬਾ ਟੱਪਰੀਆਂ ਫੀਡਰ ਅਧੀਨ ਆਉਂਦੇ ਖੇਤਰਾਂ, ਜਿਵੇਂ ਕਿ ਅਬੀਆਣਾ, ਨੰਗਲ, ਮਾਧੋਪੁਰ, ਦਹਿਰਪੁਰ, ਬਟਰਾਲਾ, ਹਰੀਪੁਰ ਫੂਲਦੇ, ਖਟਾਣਾ, ਟਿੱਬਾ ਟੱਪਰੀਆਂ ਅਤੇ ਖੱਡ ਰਾਜਗਿਰੀ ਆਦਿ ਪਿੰਡਾਂ ਦੇ ਖੇਤੀਬਾੜੀ ਮੋਟਰਾਂ ਨੂੰ ਬਿਜਲੀ ਸਪਲਾਈ ਬੰਦ ਰਹੇਗੀ।
ਇਸ ਦੇ ਨਾਲ ਹੀ ਪੰਜਾਬ ਦੇ ਮਾਨਸਾ ਸ਼ਹਿਰ ਵਿੱਚ ਵੀ ਬਿਜਲੀ ਕੱਟ ਲੱਗਿਆ। ਇੱਥੇ 220 ਕੇਵੀ ਸਬ ਸਟੇਸ਼ਨ ਮਾਨਸਾ ਕਛਿਆਣ ਗਰਿੱਡ ਤੋਂ 11 ਕੇਵੀ ਜ਼ਿਲ੍ਹਾ ਜੇਲ੍ਹ, 11 ਕੇਵੀ ਖਿਆਲਾ ਯੂਪੀਐਸ, 11 ਕੇਵੀ ਮਾਨਸਾ ਕਛਿਆਣ ਸੀਏਟੀ, 1, 11 ਕੇਵੀ ਪੁੱਡਾ ਕਲੋਨੀ ਅਤੇ 11 ਕੇਵੀ ਪੀਐਲ ਰੋਡ ਯੂਪੀਐਸ ਫੀਡਰਾਂ ਰਾਹੀਂ ਚੱਲਣ ਵਾਲੀ ਖੇਤਰ ਦੀ ਬਿਜਲੀ ਸਪਲਾਈ ਮੰਗਲਵਾਰ, 22 ਅਪ੍ਰੈਲ ਨੂੰ ਸਵੇਰੇ 9 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਬੰਦ ਰਹੇਗੀ। ਉਪਰੋਕਤ ਜਾਣਕਾਰੀ ਇੰਜੀਨੀਅਰ ਅੰਮ੍ਰਿਤ ਪਾਲ, ਸਹਾਇਕ ਕਾਰਜਕਾਰੀ ਇੰਜੀਨੀਅਰ, ਅਰਬਨ ਮਾਨਸਾ ਨੇ ਦਿੱਤੀ ਸੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
