ਪੰਜ ਸਾਲ ਦੀ ਬੱਚੀ ਦੀ ਡਰਾਇੰਗ ਨੇ ਖੋਲੀ ਪਾਦਰੀ ਦੀ ਪੋਲ

ਚੰਡੀਗੜ੍ਹ : ਬੱਚੀ ਵੱਲੋਂ ਬਣਾਈ ਗਈ ਪੇਂਟਿੰਗ ਤੋਂ ਉਸ ਦਾ ਸਰੀਰਕ ਸ਼ੋਸ਼ਣ ਕਰਨ ਵਾਲੇ ਪਾਦਰੀ ਦਾ ਅਪਰਾਧ ਸਾਹਮਣੇ ਆਇਆ ਤੇ ਉਹ ਫੜਿਆ ਗਿਆ। ਇਹ ਘਟਨਾ ਬਰਾਜ਼ੀਲ ਦੇ ਮਾਨਟੇਸ ਕਲਾਰੇਸ ਸ਼ਹਿਰ ਦੀ ਹੈ। ਆਪਣੀ ਪੰਜ ਸਾਲ ਦੀ ਬੇਟੀ ਵੱਲੋਂ ਬਣਾਈ ਗਈ ਦਿਲ ਦਹਿਲਾਉਣ ਵਾਲੀ ਡਰਾਇੰਗ ਨੂੰ ਦੇਖ ਕੇ ਮਾਤਾ ਪਿਤਾ ਨੂੰ ਪਤਾ ਚੱਲਿਆ ਕਿ ਬੱਚੀ ਨਾਲ ਸਰੀਰਕ ਸ਼ੋਸ਼ਣ ਕੀਤਾ ਗਿਆ ਹੈ। ਪੀੜਤ ਬੱਚੀ ਦੇ ਪਿਤਾ ਨੇ ਜਦੋਂ ਗ਼ੁੱਸੇ ਵਿੱਚ ਪਾਦਰੀ ਤੋਂ ਪੱਛਿਆ ਤਾਂ ਉਸ ਦੇ ਆਪਣਾ ਅਪਰਾਧ ਕਬੂਲ ਕਰ ਲਿਆ। ਆਰੋਪੀ ਪਾਦਰੀ ਦੀ ਉਮਰ 54 ਸਾਲ ਦੀ ਹੈ। ਸਥਾਨਕ ਮੀਡੀਆ ਦੀਆਂ ਖ਼ਬਰਾਂ ਦੇ ਮੁਤਾਬਿਕ ਇਹ ਪਾਦਰੀ ਬੱਚੀ ਨੂੰ ਅੰਗਰੇਜ਼ੀ ਪੜਾਉਂਦਾ ਸੀ। ਬੱਚ ਕਾਫ਼ੀ ਪਰੇਸ਼ਾਨ ਸੀ। ਜਦੋਂ ਬੱਚੀ ਨੇ ਇਕਦਮ ਉਸ ਦੀ ਕਲਾਸ ਵਿੱਚ ਜਾਣ ਤੋਂ ਇਨਕਾਰ ਕੀਤਾ ਤੇ ਉਸ ਦੇ ਬਦਲੇ ਵਿਵਹਾਰ ਨੂੰ ਦੇਖ ਕੇ ਉਸ ਦੇ ਮਾਪਿਆਂ ਨੇ ਇੱਕ ਬਾਲ ਮਨੋਵਿਗਿਆਨੀ ਨੂੰ ਦਿਖਾਇਆ ਤਾਂ ਉਸ ਨੂੰ ਸ਼ੱਕ ਹੋਇਆ ਕਿ ਬੱਚੀ ਸਰੀਰਕ ਸ਼ੋਸ਼ਣ ਦਾ ਸ਼ਿਕਾਰ ਹੈ। ਮੋਨੋਵਿਗਿਆਨੀ ਨੇ ਮਾਪਿਆਂ ਨੂੰ ਬੱਚੀ ਦੇ ਕਮਰੇ ਦੀ ਚੰਗੀ ਤਰ੍ਹਾਂ ਤਲਾਸ਼ੀ ਲੈਣ ਲਈ ਕਿਹਾ। ਕਮਰੇ ਦੀ ਤਲਾਸ਼ੀ ਦੌਰਾਨ ਮਾਤਾ-ਪਿਤਾ ਨੂੰ ਆਪਣੀ ਬੇਟੀ ਵੱਲੋਂ ਬਣਾਈ ਗਈ 6 ਡਰਾਇੰਗ ਮਿਲੀਆਂ। ਇਹ ਡਰਾਇੰਗ ਬੁੱਕ ਬੱਚੀ ਨੇ ਆਪਣੀ ਕਿਤਾਬਾਂ ਦੇ ਵਿੱਚ ਛੁਪਾ ਕੇ ਰੱਖੀਆਂ ਸਨ। ਇੰਨਾ ਡਰਾਇੰਗ ਵਿੱਚ ਬੱਚੀ ਨੇ ਆਪਣੇ ਨਾਲ ਹੋਏ ਅਪਰਾਧ ਦੀ ਕਹਾਣੀ ਦੱਸੀ ਸੀ। ਇੱਕ ਸਕੈੱਚ ਵਿੱਚ ਇੱਕ ਸਹਿਮੀ ਹੋਈ ਬੱਚੀ ਸੀ ਅਤੇ ਇੱਕ ਆਦਮੀ ਉਸ ਵੱਲ ਵੱਧ ਰਿਹਾ ਸੀ। ਇੱਕ ਦੂਸਰੀ ਤਸਵੀਰ ਵਿੱਚ ਇੱਕ ਲੜਕੀ ਬਿਸਤਰ ਉੱਤੇ ਲੇਟੀ ਹੋਈ ਸੀ ਅਤੇ ਇੱਕ ਆਦਮੀ ਜ਼ਬਰਦਸਤੀ ਉਸ ਦੀਆਂ ਲੱਤਾਂ ਦੇ ਵਿੱਚ ਹਰਕਤ ਕਰ ਰਿਹਾ ਸੀ। ਇਸ ਤਸਵੀਰ ਵਿੱਚ ਉਸ ਦੀ ਉਕੇਰੀ ਗਈ ਲੜਕੀ ਜਾਂ ਤਾਂ ਜਾਂ ਤਾਂ ਦਰਦ ਨਾਲ ਰੋ ਰਹੀ ਸੀ ਜਾਂ ਫਿਰ ਚਿਹਰੇ ਉੱਤੇ ਬਹੁਤ ਖ਼ੌਫ਼ ਸੀ। ਇਸ ਦੇ ਬਾਦ ਬੱਚੀ ਦੇ ਪਿਤਾ ਨੇ ਪਾਦਰੀ ਨੂੰ ਫ਼ੋਨ ਕਰਕੇ ਉਸ ਉੱਤੇ ਬੇਟੀ ਨਾਲ ਯੌਨ ਸ਼ੋਸ਼ਣ ਦਾ ਆਰੋਪ ਲਗਾਇਆ। ਉਸ ਨੇ ਇਸ ਗੱਲ ਦੀ ਸ਼ਿਕਾਇਤ ਪੁਲਿਸ ਨੂੰ ਵੀ ਕੀਤੀ। ਸਥਾਨਕ ਮੀਡੀਆ ਮੁਤਾਬਿਕ ਪਾਦਰੀ ਨੇ ਆਪਣਾ ਅਪਰਾਧ ਕਬੂਲ ਕਰ ਲਿਆ ਹੈ। ਮਹਿਲਾਵਾਂ ਉੱਤੇ ਹੋਣ ਵਾਲੇ ਅਪਰਾਧ ਨੂੰ ਖ਼ਤਮ ਕਰਨ ਦੇ ਲਈ ਬਣੇ ਵਿਭਿੰਨ ਪ੍ਰੈਸ਼ਰ ਗਰੁੱਪ ਦੀ ਕਰੀਨ ਮਾਈਆ ਨੇ ਦੱਸਿਆ ਕਿ ਅਸੀਂ ਪੀੜਿਤ ਬੱਚੀ ਦੇ ਸਮਾਨ ਵਿੱਚੋਂ 6 ਡਰਾਇੰਗ ਮਿਲੀ ਹਨ। ਪੁਲਿਸ ਦੇ ਮੁਤਾਬਿਕ ਅਪਰਾਧੀ ਨੂੰ ਹਿਰਾਸਤ ਵਿੱਚ ਲੈ ਕੇ ਪੁੱਛ-ਗਿੱਛ ਕੀਤੀ ਜਾ ਰਹੀ ਹੈ।