ਵਿਦੇਸ਼ 'ਚ ਭਾਰਤੀ ਪਰਿਵਾਰ ਦੇ ਤਿੰਨ ਮੈਂਬਰਾਂ ਦੀ ਭੇਤਭਰੇ ਹਾਲਤ 'ਚ ਮੌਤ

ਸੱਤ ਮਹੀਨੇ ਪਹਿਲਾਂ ਆਇਰਲੈਂਡ ਗਏ ਪਰਿਵਾਰ ਦੇ ਤਿੰਨ ਮੈਂਬਰਾਂ ਦੀਆਂ ਲਾਸ਼ਾਂ ਪਿਛਲੇ ਹਫ਼ਤੇ ਉਨ੍ਹਾਂ ਦੇ ਘਰ ਅੰਦਰੋਂ ਭੇਤਭਰੇ ਹਲਾਤਾਂ 'ਚ ਬਰਾਮਦ ਹੋਈਆਂ।

ਮੈਸੁਰੁ: ਸੱਤ ਮਹੀਨੇ ਪਹਿਲਾਂ ਆਇਰਲੈਂਡ ਗਏ ਪਰਿਵਾਰ ਦੇ ਤਿੰਨ ਮੈਂਬਰਾਂ ਦੀਆਂ ਲਾਸ਼ਾਂ ਪਿਛਲੇ ਹਫ਼ਤੇ ਉਨ੍ਹਾਂ ਦੇ ਘਰ ਅੰਦਰੋਂ ਭੇਤਭਰੇ ਹਲਾਤਾਂ 'ਚ ਬਰਾਮਦ ਹੋਈਆਂ। ਇਸ ਵਿੱਚ ਇੱਕ ਮਹਿਲਾ ਅਤੇ ਉਸਦੇ ਦੋ ਬੱਚੇ ਸ਼ਾਮਲ ਹਨ। ਮ੍ਰਿਤਕਾਂ ਦੀਆਂ ਲਾਸ਼ਾਂ ਡੱਬਲਿਨ ਵਿੱਚ ਉਨ੍ਹਾਂ ਦੇ ਘਰ ਅੰਦਰੋਂ ਬਰਾਮਦ ਹੋਈਆਂ। ਮਹਿਲਾ ਕਰਨਾਟਕ ਦੀ ਰਹਿਣ ਵਾਲੀ ਹੈ।

RIP🙏🙏🙏 pic.twitter.com/YTmwX6zPof

— India in Ireland (Embassy of India, Dublin) (@IndiainIreland) October 29, 2020

ਮ੍ਰਿਤਕਾਂ ਦੀ ਪਛਾਣ 37 ਸਾਲਾ ਸੀਮਾ ਬਾਨੂੰ, 11 ਸਾਲਾ ਅਸਫੀਰਾ ਤੇ 7 ਸਾਲਾ ਫੈਜ਼ਾਨ ਵਜੋਂ ਹੋਈ ਹੈ। ਇਹ ਤਿੰਨੋਂ 28 ਅਕਤੂਬਰ ਨੂੰ ਸਾਊਥ ਡਬਲਿਨ ਦੇ ਬਾਲਿਨਟੀਅਰ ਵਿੱਚ ਮ੍ਰਿਤਕ ਪਾਏ ਗਏ ਸੀ। ਬਾਨੂੰ ਦਾ ਪਤੀ ਡਬਲਿਨ ਵਿੱਚ ਇੱਕ ਸਾਫਟਵੇਅਰ ਕੰਪਨੀ 'ਚ ਕੰਮ ਕਰਦਾ ਹੈ ਅਤੇ ਸੱਤ ਮਹੀਨੇ ਪਹਿਲਾਂ ਹੀ ਆਇਰਲੈਂਡ ਗਿਆ ਸੀ। ਪੁਲਿਸ ਨੇ ਕਤਲ ਦੇ ਮਾਮਲੇ 'ਚ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਆਇਰਲੈਂਡ ਵਿੱਚ ਭਾਰਤੀ ਦੂਤਘਰ ਨੇ ਇੱਕ ਸੰਦੇਸ਼ ਜ਼ਰੀਏ ਤਿੰਨਾਂ ਦੀ ਮੌਤ ਦੁੱਖ ਪ੍ਰਗਟ ਕੀਤਾ ਹੈ।