Suhani Bhatnagar: ਸੁਹਾਨੀ ਭਟਨਾਗਰ ਦੇ ਦੇਹਾਂਤ ਨਾਲ ਆਨਸਕ੍ਰੀਨ ਭੈਣ ਜ਼ਾਇਰਾ ਵਸੀਮ ਨੂੰ ਲੱਗਾ ਸਦਮਾ, ਭਰੇ ਮਨ ਨਾਲ ਕਹੀਆਂ ਇਹ ਗੱਲਾਂ

Zaira Wasim on Suhani Bhatnagar Demise: ਦੰਗਲ ਗਰਲ ਸੁਹਾਨੀ ਭਟਨਾਗਰ ਦੇ ਅਚਾਨਕ ਦੇਹਾਂਤ ਨੇ ਪ੍ਰਸ਼ੰਸਕਾਂ ਨੂੰ ਡੂੰਘਾ ਸਦਮਾ ਦਿੱਤਾ ਹੈ। 19 ਸਾਲ ਦੀ ਉਮਰ ਵਿੱਚ ਉਹ ਇਸ ਦੁਨੀਆਂ ਨੂੰ ਸਦਾ ਲਈ ਅਲਵਿਦਾ ਕਹਿ ਗਈ।

Zaira Wasim on Suhani Bhatnagar Demise

ਸੁਹਾਨੀ ਨੇ ਆਮਿਰ ਖਾਨ ਦੀ ਫਿਲਮ 'ਦੰਗਲ' 'ਚ ਜੂਨੀਅਰ ਬਬੀਤਾ ਫੋਗਾਟ ਦਾ ਕਿਰਦਾਰ ਨਿਭਾਇਆ ਸੀ। ਅਜਿਹੇ 'ਚ ਦੰਗਲ ਦੀ ਸਟਾਰ ਕਾਸਟ ਸਦਮੇ 'ਚ ਹੈ।

ਫਿਲਮ 'ਚ ਸੁਹਾਨੀ ਦੀ ਭੈਣ ਦਾ ਕਿਰਦਾਰ ਨਿਭਾਉਣ ਵਾਲੀ ਜ਼ਾਇਰਾ ਵਸੀਮ ਨੇ ਵੀ ਕੋ-ਸਟਾਰ ਸੁਹਾਨੀ ਦੇ ਦੇਹਾਂਤ 'ਤੇ ਦੁੱਖ ਜ਼ਾਹਰ ਕੀਤਾ ਹੈ।

ਇੰਸਟਾ ਸਟੋਰੀ 'ਤੇ ਇਕ ਪੋਸਟ ਸ਼ੇਅਰ ਕਰਦੇ ਹੋਏ ਜ਼ਾਇਰਾ ਨੇ ਲਿਖਿਆ, "ਸੁਹਾਨੀ ਭਟਨਾਗਰ ਦੇ ਦੇਹਾਂਤ ਦੀ ਖਬਰ ਸੁਣ ਕੇ ਮੈਂ ਸਦਮੇ 'ਚ ਹਾਂ। ਮੇਰੇ ਕੋਲ ਇਸ ਦਰਦ ਨੂੰ ਬਿਆਨ ਕਰਨ ਲਈ ਕੋਈ ਸ਼ਬਦ ਨਹੀਂ ਹਨ। ਮੈਂ ਇਸ ਔਖੇ ਸਮੇਂ 'ਚ ਉਨ੍ਹਾਂ ਦੇ ਪਰਿਵਾਰ ਨਾਲ ਹਮਦਰਦੀ ਪ੍ਰਗਟ ਕਰਦੀ ਹਾਂ। ਮੇਰਾ ਇਹ ਸੋਚ ਕੇ ਦਿਲ ਦੁੁੱਖ ਨਾਲ ਭਰ ਗਿਆ ਹੈ। ਮੈਂ ਸਪੀਚਲੈਸ ਹਾਂ।

ਟਾਈਮਜ਼ ਆਫ ਇੰਡੀਆ ਨਾਲ ਗੱਲ ਕਰਦੇ ਹੋਏ ਜ਼ਾਇਰਾ ਨੇ ਕਿਹਾ ਕਿ ਮੈਂ ਇਸ 'ਤੇ ਵਿਸ਼ਵਾਸ ਨਹੀਂ ਕਰ ਪਾ ਰਹੀ ਹਾਂ। ਖਾਸ ਕਰਕੇ ਇਹ ਖਬਰ ਝੂਠ ਹੋਵੇਗੀ। ਜਦੋਂ ਤੋਂ ਮੈਂ ਇਹ ਖ਼ਬਰ ਸੁਣੀ ਹੈ। ਮੈਨੂੰ ਸੁਹਾਨੀ ਨਾਲ ਬਿਤਾਏ ਹਰ ਪਲ ਯਾਦ ਹਨ। ਉਹ ਬਹੁਤ ਵਧੀਆ ਇਨਸਾਨ ਸੀ। ਉਹ ਵੀ ਬਹੁਤ ਪ੍ਰਤਿਭਾਸ਼ਾਲੀ ਸੀ। ਮੈਂ ਪ੍ਰਾਰਥਨਾ ਕਰਦੀ ਹਾਂ ਕਿ ਉਸ ਦੇ ਮਾਤਾ-ਪਿਤਾ ਨੂੰ ਇਸ ਮੁਸ਼ਕਲ ਸਮੇਂ ਵਿੱਚ ਤਾਕਤ ਮਿਲੇ।

ਆਮਿਰ ਖਾਨ ਦੀ ਟੀਮ ਨੇ ਵੀ ਸੋਸ਼ਲ ਮੀਡੀਆ 'ਤੇ ਅਦਾਕਾਰਾ ਨੂੰ ਸ਼ਰਧਾਂਜਲੀ ਦਿੱਤੀ ਹੈ। ਉਨ੍ਹਾਂ ਲਿਖਿਆ ਹੈ ਕਿ 'ਅਸੀਂ ਆਪਣੀ ਸੁਹਾਨੀ ਦੇ ਜਾਣ ਤੋਂ ਬਹੁਤ ਦੁੱਖੀ ਹਾਂ। ਉਨ੍ਹਾਂ ਦੀ ਮਾਂ ਪੂਜਾ ਜੀ ਅਤੇ ਪੂਰੇ ਪਰਿਵਾਰ ਨਾਲ ਸਾਡੀ ਸੰਵੇਦਨਾ। ਉਹ ਬਹੁਤ ਹੋਣਹਾਰ ਕੁੜੀ ਸੀ। ਟੀਮ ਦੇ ਅਜਿਹੇ ਖਿਡਾਰੀ ਦਾ ਵਿਛੋੜਾ ਸਾਰਿਆਂ ਲਈ ਦੁਖਦ ਹੈ। ਸੁਹਾਨੀ ਦੇ ਬਿਨਾਂ ਦੰਗਲ ਹਮੇਸ਼ਾ ਅਧੂਰੀ ਰਹੇਗੀ। ਸੁਹਾਨੀ, ਤੁਸੀਂ ਸਾਡੇ ਦਿਲਾਂ ਵਿੱਚ ਇੱਕ ਸਿਤਾਰੇ ਦੀ ਤਰ੍ਹਾਂ ਹਮੇਸ਼ਾ ਰਹੋਗੇ। ਤੁਹਾਨੂੰ ਸ਼ਾਂਤੀ ਮਿਲੇ।

ਤੁਹਾਨੂੰ ਦੱਸ ਦੇਈਏ ਕਿ ਸੁਹਾਨੀ ਡਰਮਾਟੋਮਾਇਓਸਾਈਟਿਸ ਤੋਂ ਪੀੜਤ ਸੀ। ਉਸ ਦੇ ਪਿਤਾ ਨੇ ਪੀਟੀਆਈ ਨਾਲ ਗੱਲਬਾਤ ਦੌਰਾਨ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਇਹ ਇੱਕ ਅਜਿਹੀ ਬਿਮਾਰੀ ਹੈ ਜਿਸ ਵਿੱਚ ਚਮੜੀ 'ਤੇ ਧੱਫੜ ਨਜ਼ਰ ਆਉਣ ਲੱਗ ਪੈਂਦੇ ਹਨ ਅਤੇ ਮਾਸਪੇਸ਼ੀਆਂ ਵਿੱਚ ਕਮਜ਼ੋਰੀ ਆ ਜਾਂਦੀ ਹੈ।