Shahrukh Khan: ਸ਼ਾਹਰੁਖ ਖਾਨ ਦੇ ਬੰਗਲੇ `ਮੰਨਤ` ਦੀ ਕੀਮਤ 200 ਕਰੋੜ, ਦੇਖੋ ਆਲੀਸ਼ਾਨ ਘਰ ਦੀਆਂ ਅੰਦਰੂਨੀ ਤਸਵੀਰਾਂ

Shah Rukh Khan House Mannat Photos: ਸ਼ਾਹਰੁਖ ਖਾਨ ਦੇ ਆਲੀਸ਼ਾਨ ਬੰਗਲੇ 'ਮੰਨਤ' ਦੀ ਕੀਮਤ 200 ਕਰੋੜ ਰੁਪਏ ਹੈ। ਦੇਖੋ ਇਸ ਖੂਬਸੂਰਤ ਘਰ ਦੀਆਂ ਦੁਰਲੱਭ ਤਸਵੀਰਾਂ.

ਸ਼ਾਹਰੁਖ ਖਾਨ ਦੇ ਬੰਗਲੇ `ਮੰਨਤ` ਦੀ ਕੀਮਤ 200 ਕਰੋੜ, ਦੇਖੋ ਆਲੀਸ਼ਾਨ ਘਰ ਦੀਆਂ ਅੰਦਰੂਨੀ ਤਸਵੀਰਾਂ

Shah Rukh Khan House: ਬਾਲੀਵੁੱਡ ਦੇ ਬਾਦਸ਼ਾਹ ਸ਼ਾਹਰੁਖ ਖਾਨ 2 ਨਵੰਬਰ ਨੂੰ ਆਪਣਾ 57ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੇ ਹਨ। ਸ਼ਾਹਰੁਖ ਫਿਲਮੀ ਪਰਦੇ 'ਤੇ ਹੀ ਨਹੀਂ ਸਗੋਂ ਅਸਲ ਜ਼ਿੰਦਗੀ 'ਚ ਵੀ ਇਕ ਬਾਦਸ਼ਾਹ ਦੀ ਜ਼ਿੰਦਗੀ ਜਿਉਂਦੇ ਹਨ। ਉਨ੍ਹਾਂ ਦੇ ਜਨਮਦਿਨ ਦੇ ਮੌਕੇ 'ਤੇ ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਦੇ ਆਲੀਸ਼ਾਨ ਘਰ ਦੀਆਂ ਅੰਦਰੂਨੀ ਤਸਵੀਰਾਂ ਦਿਖਾਉਣ ਜਾ ਰਹੇ ਹਾਂ।

ਸ਼ਾਹਰੁਖ ਮੁੰਬਈ 'ਚ ਆਪਣੇ ਖੂਬਸੂਰਤ ਬੰਗਲੇ 'ਮੰਨਤ' 'ਚ ਰਹਿੰਦੇ ਹਨ। ਉਨ੍ਹਾਂ ਨੇ ਇਹ ਬੰਗਲਾ ਸਾਲ 2001 ਵਿੱਚ ਬਾਈ ਖੋਰਸੇਦ ਭਾਨੂ ਸੰਜਨਾ ਟਰੱਸਟ ਤੋਂ ਲੀਜ਼ 'ਤੇ ਖਰੀਦਿਆ ਸੀ। ਜਿਸ ਤੋਂ ਬਾਅਦ ਇਸ ਦਾ ਨਾਂ 'ਮੰਨਤ' ਰੱਖਿਆ ਗਿਆ।

ਸ਼ਾਹਰੁਖ ਦਾ ਇਹ ਬੰਗਲਾ 6 ਮੰਜ਼ਿਲਾ ਹੈ ਤੇ ਸਮੁੰਦਰ ਦੇ ਬਿਲਕੁਲ ਸਾਹਮਣੇ ਹੈ। ਜੋ ਕਿ ਮੁੰਬਈ ਦੇ ਬਾਂਦਰਾ ਦੇ ਬੈਂਡਸਟੈਂਡ ਵਿਖੇ ਸਥਿਤ ਹੈ।

ਇਹ ਖੂਬਸੂਰਤ ਅਤੇ ਆਲੀਸ਼ਾਨ ਬੰਗਲਾ 6000 ਵਰਗ ਫੁੱਟ 'ਚ ਫੈਲਿਆ ਹੋਇਆ ਹੈ। ਜਿਸ ਵਿੱਚ ਪੰਜ ਬੈੱਡਰੂਮ ਹਨ। ਘਰ ਦੇ ਹਰ ਕਮਰੇ ਨੂੰ ਵੱਖਰੀ ਦਿੱਖ ਦਿੱਤੀ ਗਈ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਸ਼ਾਹਰੁਖ ਖਾਨ ਦੀ ਪਤਨੀ ਗੌਰੀ ਖਾਨ ਨੇ ਖੁਦ ਘਰ ਨੂੰ ਸਜਾਉਣ ਦਾ ਕੰਮ ਕੀਤਾ ਹੈ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਸ ਬੰਗਲੇ ਨੂੰ ਸਜਾਉਣ 'ਚ ਉਨ੍ਹਾਂ ਨੂੰ ਚਾਰ ਸਾਲ ਲੱਗ ਗਏ।

ਇਸ ਤੋਂ ਇਲਾਵਾ ਇਸ ਬੰਗਲੇ 'ਚ ਕਈ ਲਿਵਿੰਗ ਏਰੀਆ ਹਨ। ਜਿਸ ਨੂੰ ਵੱਡੇ-ਵੱਡੇ ਸੋਫ਼ਿਆਂ ਨਾਲ ਸਜਾਇਆ ਗਿਆ ਹੈ।

ਸ਼ਾਹਰੁਖ ਦਾ ਪਰਿਵਾਰ ਇਸ ਬੰਗਲੇ ਦੀ ਦੂਜੀ ਮੰਜ਼ਿਲ 'ਤੇ ਰਹਿੰਦਾ ਹੈ। ਇਸ ਤੋਂ ਇਲਾਵਾ ਬੰਗਲੇ ਦਾ ਪੂਰਾ ਏਰੀਆ ਦਫ਼ਤਰ, ਪਾਰਕਿੰਗ, ਪਾਰਟੀ ਹਾਲ ਲਈ ਰੱਖਿਆ ਗਿਆ ਹੈ।

ਸ਼ਾਹਰੁਖ ਖਾਨ ਦੇ ਘਰ 'ਚ ਲੱਕੜ ਦੀਆਂ ਪੌੜੀਆਂ ਦੀ ਵਰਤੋਂ ਕੀਤੀ ਗਈ ਹੈ। ਇਹ ਪੌੜੀਆਂ ਘਰ ਨੂੰ ਕਲਾਸੀ ਲੁੱਕ ਦਿੰਦੀਆਂ ਹਨ। ਗੌਰੀ ਅਕਸਰ ਆਪਣੀ ਤਸਵੀਰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਦੀ ਰਹਿੰਦੀ ਹੈ।

ਇਸ ਦੇ ਨਾਲ ਹੀ ਇਸ ਬੰਗਲੇ ਵਿੱਚ ਇੱਕ ਲਾਇਬ੍ਰੇਰੀ ਵੀ ਬਣਾਈ ਗਈ ਹੈ। ਜਿੰਮ ਵਰਗੀਆਂ ਸਾਰੀਆਂ ਸਹੂਲਤਾਂ ਵੀ ਇੱਥੇ ਮੌਜੂਦ ਹਨ।