Health Tips: 24 ਘੰਟਿਆਂ 'ਚ ਖਰਾਬ ਹੋ ਜਾਂਦੀਆਂ ਆਹ ਚੀਜ਼ਾਂ, ਭੁੱਲ ਕੇ ਵੀ ਨਾ ਖਾਓ, ਨਹੀਂ ਤਾਂ ਲੱਗ ਜਾਵੇਗੀ ਆਹ ਬਿਮਾਰੀ

ਕੁਝ ਚੀਜ਼ਾਂ ਬਹੁਤ ਜਲਦੀ ਖਰਾਬ ਹੋ ਜਾਂਦੀਆਂ ਹਨ। ਇਨ੍ਹਾਂ ਦੀ ਮਿਆਦ ਐਕਸਪਾਇਰੀ ਡੇਟ ਤੋਂ ਇੱਕ ਜਾਂ ਦੋ ਦਿਨਾਂ ਤੋਂ ਵੱਧ ਨਹੀਂ ਹੁੰਦੀ। ਅਜਿਹੇ 'ਚ ਤੁਸੀਂ ਇਨ੍ਹਾਂ ਨੂੰ ਖਾਣ ਨਾਲ ਫੂਡ ਪੋਇਜ਼ਨਿੰਗ ਦਾ ਸ਼ਿਕਾਰ ਹੋ ਸਕਦੇ ਹੋ।

food poisioning

ਬਾਸੀ ਭੋਜਨ ਸਿਹਤ ਲਈ ਹਾਨੀਕਾਰਕ ਮੰਨਿਆ ਜਾਂਦਾ ਹੈ। ਕੁਝ ਅਜਿਹੇ ਭੋਜਨ ਹਨ ਜੋ ਬਣਨ ਤੋਂ 1 ਦਿਨ ਦੇ ਅੰਦਰ ਖਰਾਬ ਹੋ ਜਾਂਦੇ ਹਨ। ਇਨ੍ਹਾਂ ਵਿੱਚ ਬੈਕਟੀਰੀਆ ਬਹੁਤ ਤੇਜ਼ੀ ਨਾਲ ਵਧਦਾ ਹੈ, ਜੋ ਫੂਡ ਪਾਇਜ਼ਨਿੰਗ ਦਾ ਕਾਰਨ ਬਣ ਸਕਦੇ ਹਨ। ਦਰਅਸਲ, ਰਸੋਈ ਵਿੱਚ ਬਹੁਤ ਜ਼ਿਆਦਾ ਗਰਮੀ ਹੁੰਦੀ ਹੈ ਜਾਂ ਹਵਾ ਚੰਗੀ ਤਰ੍ਹਾਂ ਨਹੀਂ ਆਉਂਦੀ, ਜਿਸ ਕਾਰਨ ਉੱਥੇ ਰੱਖਿਆ ਭੋਜਨ ਜਲਦੀ ਖਰਾਬ ਹੋ ਸਕਦਾ ਹੈ। ਇਹ ਦੂਸ਼ਿਤ ਹੋ ਜਾਂਦੇ ਹਨ। ਇਨ੍ਹਾਂ ਨੂੰ ਖਾਣ ਨਾਲ ਭੋਜਨ ਨਾਲ ਹੋਣ ਵਾਲੀਆਂ ਬਿਮਾਰੀਆਂ ਦਾ ਖਤਰਾ ਵੱਧ ਜਾਂਦਾ ਹੈ। WHO ਦੇ ਅਨੁਸਾਰ ਦੁਨੀਆ ਭਰ ਵਿੱਚ 1.6 ਮਿਲੀਅਨ ਲੋਕ ਦੂਸ਼ਿਤ ਭੋਜਨ ਤੋਂ ਬਿਮਾਰ ਹੋ ਜਾਂਦੇ ਹਨ। ਅਜਿਹੀ ਸਥਿਤੀ ਵਿੱਚ ਇੱਥੇ ਜਾਣੋ ਉਨ੍ਹਾਂ 5 ਭੋਜਨਾਂ ਬਾਰੇ ਜੋ 1 ਦਿਨ ਬਾਅਦ ਖਾਣ ਯੋਗ ਨਹੀਂ ਰਹਿੰਦੇ ਹਨ...

ਬੈਰੀਜ਼: ਜੇਕਰ ਤੁਸੀਂ ਬਾਜ਼ਾਰ ਤੋਂ ਬੈਰੀਜ਼ ਲਿਆਉਂਦੇ ਹੋ ਅਤੇ ਉਨ੍ਹਾਂ ਨੂੰ ਇਦਾਂ ਹੀ ਛੱਡ ਦਿੰਦੇ ਹੋ ਤਾਂ ਅਜਿਹੀ ਗਲਤੀ ਨਾ ਕਰੋ। ਜੇਕਰ ਬੈਰੀਜ਼ ਨੂੰ ਸਹੀ ਢੰਗ ਨਾਲ ਸਟੋਰ ਨਾ ਕੀਤਾ ਜਾਵੇ, ਤਾਂ ਉਹ ਬਹੁਤ ਜਲਦੀ ਖਰਾਬ ਹੋ ਸਕਦੀਆਂ ਹਨ। ਜੇਕਰ ਤੁਸੀਂ ਇਨ੍ਹਾਂ ਨੂੰ ਇੱਕ ਜਾਂ ਦੋ ਦਿਨ ਬਾਅਦ ਖਾਂਦੇ ਹੋ ਤਾਂ ਫੂਡ ਪਾਇਜ਼ਨਿੰਗ ਦਾ ਕਾਰਨ ਬਣ ਸਕਦੀ ਹੈ।

ਕੇਲਾ : ਕੇਲਾ ਇੱਕ ਅਜਿਹਾ ਫਲ ਹੈ ਜੋ ਬਹੁਤ ਜਲਦੀ ਖਰਾਬ ਹੋ ਜਾਂਦਾ ਹੈ। ਕੇਲਾ ਫਰਿੱਜ ਵਿਚ ਨਹੀਂ ਰੱਖਿਆ ਜਾਂਦਾ, ਇਸ ਲਈ ਜ਼ਿਆਦਾਤਰ ਲੋਕ ਇਸ ਨੂੰ ਬਾਹਰ ਹੀ ਰੱਖਦੇ ਹਨ। ਕੇਲੇ ਨੂੰ 24 ਘੰਟੇ ਤੋਂ ਜ਼ਿਆਦਾ ਰੱਖਣ ਨਾਲ ਖਰਾਬ ਹੋ ਜਾਂਦਾ ਹੈ। ਇਸ ਨੂੰ ਅਗਲੇ ਦਿਨ ਖਾਣ ਨਾਲ ਕਈ ਬਿਮਾਰੀਆਂ ਲੱਗ ਸਕਦੀਆਂ ਹਨ। ਦਰਅਸਲ, ਪੱਕੇ ਹੋਏ ਕੇਲੇ ਤੋਂ ਐਥੀਲੀਨ ਗੈਸ ਨਿਕਲਦੀ ਹੈ, ਜੋ ਕਿ ਰਸੋਈ ਦੇ ਤਾਪਮਾਨ 'ਤੇ ਮਿਲ ਕੇ ਉਸ ਨੂੰ ਸਾੜ ਦਿੰਦੀ ਹੈ ਅਤੇ ਫੂਡ ਪਾਇਜ਼ਨਿੰਗ ਦਾ ਕਾਰਨ ਬਣ ਸਕਦੀ ਹੈ।

ਪਨੀਰ : ਜੇਕਰ ਤੁਸੀਂ ਸਵੇਰੇ ਘਰੋਂ ਪਨੀਰ ਖਰੀਦ ਕੇ ਸ਼ਾਮ ਤੱਕ ਰਸੋਈ ਵਿੱਚ ਰੱਖ ਦਿੰਦੇ ਹੋ ਤਾਂ ਇਹ ਖ਼ਰਾਬ ਹੋ ਸਕਦਾ ਹੈ। ਜਦੋਂ ਮੌਸਮ ਠੰਡਾ ਹੁੰਦਾ ਹੈ, ਤਾਂ ਤੁਸੀਂ ਪਨੀਰ ਨੂੰ 5 ਘੰਟੇ ਬਾਹਰ ਰੱਖ ਸਕਦੇ ਹੋ, ਪਰ ਗਰਮੀਆਂ ਵਿੱਚ, ਪਨੀਰ ਦੋ ਘੰਟੇ ਬਾਅਦ ਵੀ ਤਾਜ਼ਾ ਨਹੀਂ ਰਹਿੰਦਾ। ਪਨੀਰ ਦੀ ਸ਼ੈਲਫ ਲਾਈਫ ਸਿਰਫ 1 ਜਾਂ 2 ਦਿਨ ਹੈ।

ਚਾਵਲ: ਪਕਾਉਣ ਤੋਂ ਬਾਅਦ ਚੌਲਾਂ ਦੀ ਮਿਆਦ ਸਿਰਫ 24 ਘੰਟੇ ਹੁੰਦੀ ਹੈ। ਜੇਕਰ ਤੁਸੀਂ ਇਨ੍ਹਾਂ ਨੂੰ ਗਰਮ ਕਰਕੇ ਇਕ ਦਿਨ ਬਾਅਦ ਖਾਂਦੇ ਹੋ ਤਾਂ ਤੁਸੀਂ ਫੂਡ ਪੋਇਜ਼ਨਿੰਗ ਦਾ ਸ਼ਿਕਾਰ ਹੋ ਸਕਦੇ ਹੋ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਜੇਕਰ ਉਬਲੇ ਹੋਏ ਚੌਲਾਂ ਨੂੰ 24 ਘੰਟਿਆਂ ਤੋਂ ਜ਼ਿਆਦਾ ਸਮੇਂ ਤੱਕ ਫਰਿੱਜ 'ਚ ਰੱਖਿਆ ਜਾਵੇ ਤਾਂ ਇਹ ਖਰਾਬ ਹੋ ਸਕਦੇ ਹਨ। ਇਸ ਨੂੰ ਤਾਜ਼ਾ ਖਾਣਾ ਬਿਹਤਰ ਮੰਨਿਆ ਜਾਂਦਾ ਹੈ।

ਪਾਸਤਾ: ਗਰਮੀਆਂ ਵਿੱਚ ਘਰ ਵਿੱਚ ਬਣਾਏ ਗਏ ਪਾਸਤੇ ਨੂੰ 24 ਘੰਟਿਆਂ ਦੇ ਅੰਦਰ ਖਾਓ। ਅਗਲੇ ਦਿਨ ਤੱਕ ਇਸ ਭੋਜਨ ਵਿੱਚੋਂ ਬਦਬੂ ਆਉਣੀ ਸ਼ੁਰੂ ਹੋ ਜਾਂਦੀ ਹੈ। ਖਾਣ 'ਤੇ ਇਹ ਚਿਪਚਿਪਾ ਹੋ ਜਾਂਦਾ ਹੈ ਅਤੇ ਇਸ ਦਾ ਰੰਗ ਬਦਲਣਾ ਸ਼ੁਰੂ ਹੋ ਜਾਂਦਾ ਹੈ। ਇਸ ਦੇ ਬਾਵਜੂਦ ਜੇਕਰ ਇਸ ਨੂੰ ਖਾਧਾ ਜਾਵੇ ਤਾਂ ਤੁਸੀਂ ਫੂਡ ਪੋਇਜ਼ਨਿੰਗ ਦਾ ਸ਼ਿਕਾਰ ਹੋ ਸਕਦੇ ਹੋ।