Health Tips: ਸਾਵਧਾਨ! ਤੁਸੀਂ ਵੀ ਖਾਂਦੇ ਹੋ ਇਸ ਆਟੇ ਦੀ ਰੋਟੀ ਤਾਂ ਹੋ ਸਕਦੈ ਖ਼ਤਰਨਾਕ

Wheat Flour - ਬਚਿਆ ਹੋਇਆ ਜਾਂ ਫਿਰ ਗੁੰਨ੍ਹ ਕੇ ਆਟਾ ਫਰਿੱਜ 'ਚ ਰੱਖਣਾ ਇਕ ਗਲਤ ਆਦਤ ਹੈ, ਜਿਸ ਤੋਂ ਸਾਨੂੰ ਬਚਣਾ ਚਾਹੀਦਾ ਹੈ। ਫਰਿੱਜ 'ਚ ਰੱਖਣ ਨਾਲ ਆਟੇ 'ਚ ਬੈਕਟੀਰੀਆ ਪੈਦਾ ਹੋ ਸਕਦੇ ਹਨ, ਜੋ ਸਿਹਤ ਲਈ ਹਾਨੀਕਾਰਕ ਹੋ ਸਕਦੇ ਹਨ..

Wheat Flour

ਆਟੇ ਨੂੰ ਫਰਿੱਜ 'ਚ ਰੱਖਣ ਨਾਲ ਆਟੇ 'ਚ ਮੌਜੂਦ ਵਿਟਾਮਿਨ ਅਤੇ ਮਿਨਰਲਸ ਖਰਾਬ ਹੋ ਸਕਦੇ ਹਨ, ਜਿਸ ਨਾਲ ਆਟੇ ਦਾ ਪੋਸ਼ਣ ਮੁੱਲ ਘੱਟ ਹੋ ਜਾਂਦਾ ਹੈ। ਜੇਕਰ ਤੁਸੀਂ ਫਰਿੱਜ 'ਚ ਆਟਾ ਰੱਖਣਾ ਹੈ ਤਾਂ ਇਸ ਨੂੰ 6-7 ਘੰਟੇ ਤੋਂ ਜ਼ਿਆਦਾ ਨਾ ਰੱਖੋ।

ਆਟੇ ਵਿਚ ਮੌਜੂਦ ਗਲੂਟਨ ਨੂੰ ਫਰਿੱਜ ਵਿਚ ਰੱਖਣ ਨਾਲ ਖਰਾਬ ਹੋ ਸਕਦਾ ਹੈ, ਜਿਸ ਕਾਰਨ ਰੋਟੀਆਂ ਸਖ਼ਤ ਬਣਦੀਆਂ ਹਨ। ਫਰਿੱਜ 'ਚ ਰੱਖੇ ਆਟੇ ਤੋਂ ਬਣੀਆਂ ਰੋਟੀਆਂ ਜਲਦੀ ਖੱਟੀਆਂ ਹੋ ਜਾਂਦੀਆਂ ਹਨ ਅਤੇ ਸਵਾਦ 'ਚ ਵੀ ਫਰਕ ਆ ਸਕਦਾ ਹੈ।

ਆਟੇ ਨੂੰ ਫਰਿੱਜ 'ਚ ਰੱਖਣ ਨਾਲ ਆਟੇ 'ਚ ਬੈਕਟੀਰੀਆ ਅਤੇ ਫੰਗਸ ਪੈਦਾ ਹੋ ਸਕਦੇ ਹਨ, ਜੋ ਫੂਡ ਪੋਇਜ਼ਨਿੰਗ ਦਾ ਕਾਰਨ ਬਣਦੇ ਹਨ। ਇਸ ਨਾਲ ਪੇਟ ਦਰਦ, ਉਲਟੀ ਅਤੇ ਦਸਤ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਫਰਿੱਜ 'ਚ ਰੱਖੇ ਆਟੇ ਦੇ ਗੁਣ ਖਰਾਬ ਹੋ ਜਾਂਦੇ ਹਨ, ਜਿਸ ਨਾਲ ਪਾਚਨ ਤੰਤਰ 'ਤੇ ਬੁਰਾ ਪ੍ਰਭਾਵ ਪੈਂਦਾ ਹੈ। ਕਬਜ਼, ਐਸੀਡਿਟੀ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।

ਇੱਕ ਵਾਰ ਤਾਜ਼ੇ ਆਟੇ ਦੀ ਰੋਟੀ ਖਾਓ ਅਤੇ ਇੱਕ ਵਾਰ ਬਾਸੀ ਆਟੇ ਦੀ ਰੋਟੀ ਖਾਓ। ਤੁਸੀਂ ਸਵਾਦ ਵਿਚਲੇ ਫਰਕ ਨੂੰ ਚੰਗੀ ਤਰ੍ਹਾਂ ਸਮਝ ਸਕੋਗੇ। ਇਹ ਫ਼ਰਕ ਸਿਰਫ਼ ਸਵਾਦ ਵਿੱਚ ਹੀ ਨਹੀਂ, ਪੌਸ਼ਟਿਕ ਤੱਤਾਂ ਵਿੱਚ ਵੀ ਹੈ। ਫਰਿੱਜ 'ਚ ਰੱਖੇ ਆਟੇ ਦੇ ਪੋਸ਼ਕ ਤੱਤ ਘੱਟ ਹੋ ਜਾਂਦੇ ਹਨ। ਆਟੇ ਤੋਂ ਪੋਸ਼ਣ ਦੀ ਕਮੀ ਕਾਰਨ ਸਰੀਰ ਕਈ ਬਿਮਾਰੀਆਂ ਦਾ ਘਰ ਬਣ ਜਾਂਦਾ ਹੈ।

ਆਟੇ ਨੂੰ ਫਰਿੱਜ 'ਚ ਰੱਖਣ ਨਾਲ ਆਟੇ 'ਚ ਨਮੀ ਜਮ੍ਹਾ ਹੋ ਜਾਂਦੀ ਹੈ, ਜਿਸ ਨਾਲ ਰੋਟੀਆਂ ਸਟਿੱਕੀ ਅਤੇ ਭਾਰੀ ਹੋ ਜਾਂਦੀਆਂ ਹਨ।

ਆਟੇ ਵਿੱਚ ਕਈ ਤਰ੍ਹਾਂ ਦੇ ਕੈਮੀਕਲ ਪਾਏ ਜਾਂਦੇ ਹਨ। ਆਟੇ ਨੂੰ ਜ਼ਿਆਦਾ ਦੇਰ ਤੱਕ ਫਰਿੱਜ 'ਚ ਰੱਖਣ ਨਾਲ ਇਹ ਕੈਮੀਕਲ ਸਿਹਤ ਲਈ ਹਾਨੀਕਾਰਕ ਹੋ ਸਕਦੇ ਹਨ। ਨਾਲ ਹੀ, ਫਰਿੱਜ ਦੀਆਂ ਹਾਨੀਕਾਰਕ ਕਿਰਨਾਂ ਅਤੇ ਗੈਸਾਂ ਆਟੇ ਵਿੱਚ ਜਜ਼ਬ ਹੋ ਜਾਂਦੀਆਂ ਹਨ, ਜੋ ਕਿ ਆਟੇ ਦੇ ਸੁਆਦ ਅਤੇ ਸਿਹਤ ਦੋਵਾਂ ਲਈ ਠੀਕ ਨਹੀਂ ਹੈ।

ਆਟੇ ਦੀ ਰੋਟੀ ਬਣਾਉਣ ਸਮੇਂ ਹੀ ਆਟੇ ਨੂੰ ਗੁੰਨ੍ਹਣਾ ਬਿਹਤਰ ਰਹਿੰਦਾ ਹੈ। ਤੁਸੀਂ ਰੋਟੀ ਤੋਂ 10 – 15 ਮਿੰਟ ਪਹਿਲਾਂ ਆਟਾ ਗੁੰਨ੍ਹ ਸਕਦੇ ਹੋ, ਜਿਸ ਨਾਲ ਰੋਟੀ ਨਰਮ ਤੇ ਸਵਾਦ ਬਣਦੀ ਹੈ। ਹਜ਼ਮ ਵੀ ਆਸਾਨੀ ਨਾਲ ਹੋ ਜਾਂਦੀ ਹੈ।