![ABP Premium](https://cdn.abplive.com/imagebank/Premium-ad-Icon.png)
Team India Head Coach: ਜੈ ਸ਼ਾਹ ਦਾ ਕਰੀਬੀ ਦੋਸਤ ਬਣੇਗਾ ਟੀਮ ਇੰਡੀਆ ਦਾ ਨਵਾਂ ਕੋਚ, BCCI ਪ੍ਰਧਾਨ ਜਲਦ ਕਰੇਗਾ ਐਲਾਨ
Team India Head Coach: ਟੀਮ ਇੰਡੀਆ ਨੇ ਜੂਨ ਮਹੀਨੇ 'ਚ ਰੋਹਿਤ ਸ਼ਰਮਾ ਦੀ ਕਪਤਾਨੀ 'ਚ ਟੀ-20 ਵਿਸ਼ਵ ਕੱਪ ਦੇ ਸਭ ਤੋਂ ਵੱਡੇ ਟੂਰਨਾਮੈਂਟ 'ਚ ਹਿੱਸਾ ਲੈਣਗੇ। ਇਸ ਲਈ ਖਿਡਾਰੀ ਲਗਾਤਾਰ ਤਿਆਰੀਆਂ ਵਿੱਚ
![Team India Head Coach: ਜੈ ਸ਼ਾਹ ਦਾ ਕਰੀਬੀ ਦੋਸਤ ਬਣੇਗਾ ਟੀਮ ਇੰਡੀਆ ਦਾ ਨਵਾਂ ਕੋਚ, BCCI ਪ੍ਰਧਾਨ ਜਲਦ ਕਰੇਗਾ ਐਲਾਨ Jay Shah close friend will become the new coach of Team India, BCCI president will announce soon Team India Head Coach: ਜੈ ਸ਼ਾਹ ਦਾ ਕਰੀਬੀ ਦੋਸਤ ਬਣੇਗਾ ਟੀਮ ਇੰਡੀਆ ਦਾ ਨਵਾਂ ਕੋਚ, BCCI ਪ੍ਰਧਾਨ ਜਲਦ ਕਰੇਗਾ ਐਲਾਨ](https://feeds.abplive.com/onecms/images/uploaded-images/2024/05/23/1a5c8c31ebad077deeb963b2c821c2a21716452310822709_original.jpg?impolicy=abp_cdn&imwidth=1200&height=675)
Team India Head Coach: ਟੀਮ ਇੰਡੀਆ ਨੇ ਜੂਨ ਮਹੀਨੇ 'ਚ ਰੋਹਿਤ ਸ਼ਰਮਾ ਦੀ ਕਪਤਾਨੀ 'ਚ ਟੀ-20 ਵਿਸ਼ਵ ਕੱਪ ਦੇ ਸਭ ਤੋਂ ਵੱਡੇ ਟੂਰਨਾਮੈਂਟ 'ਚ ਹਿੱਸਾ ਲੈਣਗੇ। ਇਸ ਲਈ ਖਿਡਾਰੀ ਲਗਾਤਾਰ ਤਿਆਰੀਆਂ ਵਿੱਚ ਜੁੱਟੇ ਹੋਏ ਹਨ। ਦੱਸ ਦੇਈਏ ਕਿ ਇਹ ਮੈਗਾ ਈਵੈਂਟ ਭਾਰਤੀ ਟੀਮ ਲਈ ਬਹੁਤ ਮਹੱਤਵਪੂਰਨ ਹੈ ਕਿਉਂਕਿ ਇਸ ਟੂਰਨਾਮੈਂਟ ਨੂੰ ਜਿੱਤ ਕੇ ਭਾਰਤੀ ਟੀਮ ਪਿਛਲੇ ਇੱਕ ਦਹਾਕੇ ਤੋਂ ਚੱਲ ਰਹੇ ਆਈਸੀਸੀ ਈਵੈਂਟ ਦੇ ਸੋਕੇ ਨੂੰ ਖਤਮ ਕਰਨ ਦੀ ਕੋਸ਼ਿਸ਼ ਕਰੇਗੀ। ਹਾਲਾਂਕਿ ਟੀਮ ਨੂੰ ਲੈ ਕੇ 25 ਮਈ ਤੋਂ ਪਹਿਲਾਂ ਹੋਰ ਵੀ ਕਈ ਬਦਲਾਅ ਕੀਤੇ ਜਾ ਸਕਦੇ ਹਨ। ਇਸਦੇ ਨਾਲ ਹੀ ਬੀਸੀਸੀਆਈ ਪ੍ਰਧਾਨ ਜੈ ਸ਼ਾਹ ਜਲਦ ਹੀ ਟੀਮ ਇੰਡੀਆ ਦੇ ਨਵੇਂ ਕੋਚ ਦਾ ਐਲਾਨ ਕਰਦੇ ਨਜ਼ਰ ਆ ਸਕਦੇ ਹਨ।
ਇਹ ਦਿੱਗਜ ਟੀਮ ਇੰਡੀਆ ਦਾ ਕੋਚ ਬਣ ਸਕਦਾ
ਬੀਸੀਸੀਆਈ ਦੇ ਪ੍ਰਬੰਧਨ ਨੇ ਟੀਮ ਇੰਡੀਆ ਦੇ ਕੋਚ ਦੇ ਅਹੁਦੇ ਲਈ ਇਸ਼ਤਿਹਾਰ ਦਿੱਤਾ ਸੀ ਅਤੇ ਕਈ ਦਿੱਗਜ ਖਿਡਾਰੀਆਂ ਨੇ ਇਸ ਅਹੁਦੇ ਲਈ ਆਪਣੀ ਦਿਲਚਸਪੀ ਦਿਖਾਈ ਸੀ। ਕ੍ਰਿਕਟ ਮਾਹਿਰਾਂ ਮੁਤਾਬਕ ਪ੍ਰਬੰਧਨ ਨੇ ਇਸ ਦੇ ਲਈ ਕਈ ਦਿੱਗਜ ਖਿਡਾਰੀਆਂ ਨੂੰ ਸ਼ਾਰਟਲਿਸਟ ਕੀਤਾ ਹੈ। ਕਈ ਗੁਪਤ ਸੂਤਰਾਂ ਦੇ ਜ਼ਰੀਏ ਇਹ ਖੁਲਾਸਾ ਹੋਇਆ ਹੈ ਕਿ ਪ੍ਰਬੰਧਨ ਅਨੁਭਵੀ ਭਾਰਤੀ ਖਿਡਾਰੀ ਗੌਤਮ ਗੰਭੀਰ ਨੂੰ ਭਾਰਤੀ ਟੀਮ ਦਾ ਕੋਚ ਨਿਯੁਕਤ ਕਰ ਸਕਦਾ ਹੈ। ਮਾਹਿਰਾਂ ਮੁਤਾਬਕ ਬੀਸੀਸੀਆਈ ਹਾਈਕਮਾਂਡ ਨਾਲ ਉਨ੍ਹਾਂ ਦੇ ਸਬੰਧ ਸ਼ਾਨਦਾਰ ਹਨ ਅਤੇ ਇਸੇ ਲਈ ਗੌਤਮ ਗੰਭੀਰ ਨੂੰ ਮੌਕਾ ਦਿੱਤਾ ਜਾ ਸਕਦਾ ਹੈ।
ਕੋਚਿੰਗ ਵਿੱਚ ਸ਼ਾਨਦਾਰ ਅਨੁਭਵ
ਸਾਬਕਾ ਸਲਾਮੀ ਬੱਲੇਬਾਜ਼ ਗੌਤਮ ਗੰਭੀਰ ਬਾਰੇ ਕਿਹਾ ਜਾ ਰਿਹਾ ਹੈ ਕਿ ਉਨ੍ਹਾਂ ਨੇ ਟੀਮ ਇੰਡੀਆ ਦੇ ਕੋਚਿੰਗ ਅਹੁਦੇ ਲਈ ਵੀ ਅਪਲਾਈ ਕੀਤਾ ਹੈ। ਗੌਤਮ ਗੰਭੀਰ ਕੋਲ ਕੋਚਿੰਗ ਦਾ ਕਾਫੀ ਤਜਰਬਾ ਹੈ ਅਤੇ ਉਸ ਕੋਲ ਪਿਛਲੇ 3 ਸਾਲਾਂ 'ਚ 2 ਆਈਪੀਐੱਲ ਟੀਮਾਂ ਨਾਲ ਕੰਮ ਕੀਤਾ ਹੈ ਅਤੇ ਉਨ੍ਹਾਂ ਦੀ ਕੋਚਿੰਗ 'ਚ ਟੀਮ ਦਾ ਪ੍ਰਦਰਸ਼ਨ ਸ਼ਾਨਦਾਰ ਰਿਹਾ ਹੈ ਅਤੇ ਹਰ ਵਾਰ ਟੀਮ ਨੇ ਪਲੇਆਫ ਲਈ ਕੁਆਲੀਫਾਈ ਕੀਤਾ ਹੈ। ਗੌਤਮ ਗੰਭੀਰ ਦੇ ਇਸ ਤਜ਼ਰਬੇ ਨੂੰ ਦੇਖ ਕੇ ਹੀ ਕੋਈ ਉਨ੍ਹਾਂ ਨੂੰ ਮੌਕਾ ਦੇਣ ਬਾਰੇ ਸੋਚ ਸਕਦਾ ਹੈ।
ਦ੍ਰਾਵਿੜ ਦਾ ਕਾਰਜਕਾਲ 30 ਜੂਨ ਨੂੰ ਖਤਮ ਹੋ ਰਿਹਾ
ਟੀਮ ਇੰਡੀਆ ਨੇ ਰਾਹੁਲ ਦ੍ਰਾਵਿੜ ਦੀ ਕੋਚਿੰਗ 'ਚ ਟੀ-20 ਵਿਸ਼ਵ ਕੱਪ 2024 'ਚ ਹਿੱਸਾ ਲੈਣਾ ਹੈ ਅਤੇ ਇਸ ਮੈਗਾ ਈਵੈਂਟ ਤੋਂ ਬਾਅਦ ਟੀਮ ਇੰਡੀਆ ਦੇ ਕੋਚ ਰਾਹੁਲ ਦ੍ਰਾਵਿੜ ਦਾ ਕਾਰਜਕਾਲ ਖਤਮ ਹੋ ਰਿਹਾ ਹੈ। ਇਸ ਤੋਂ ਬਾਅਦ ਮੈਨੇਜਮੈਂਟ ਜਿਸ ਨੂੰ ਵੀ ਟੀਮ ਇੰਡੀਆ ਦਾ ਕੋਚ ਨਿਯੁਕਤ ਕਰਦਾ ਹੈ, ਉਸ ਦਾ ਕਾਰਜਕਾਲ 1 ਜੁਲਾਈ ਤੋਂ ਸ਼ੁਰੂ ਹੋਵੇਗਾ ਅਤੇ ਉਹ 6 ਜੁਲਾਈ ਤੋਂ ਜ਼ਿੰਬਾਬਵੇ ਖਿਲਾਫ ਹੋਣ ਵਾਲੀ ਸੀਰੀਜ਼ ਲਈ ਟੀਮ ਇੰਡੀਆ ਨਾਲ ਜੁੜਦੇ ਨਜ਼ਰ ਆ ਸਕਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)