(Source: ECI/ABP News)
ਭਾਰਤ ਵਿੱਚ ਹੋ ਸਕਦੇ T20 World Cup, ਜਾਣੋ ਕਿੱਥੇ ਖੇਡੇ ਜਾਣਗੇ ਮੈੱਚ
ਆਈਪੀਐਲ ਦੇ ਮੁਲਤਵੀ ਹੋਣ ਤੋਂ ਬਾਅਦ ਇਸ ਸਾਲ ਭਾਰਤ ਵਿਚ ਹੋਣ ਵਾਲੇ ਟੀ -20 ਵਰਲਡ ਕੱਪ ਨੂੰ ਲੈ ਕੇ ਸਵਾਲ ਉੱਠ ਰਹੇ ਹਨ। ਬੀਸੀਸੀਆਈ ਦੀ ਕੋਸ਼ਿਸ਼ ਹੈ ਕਿ ਕਿਸੇ ਵੀ ਤਰੀਕੇ ਨਾਲ ਵਿਸ਼ਵ ਕੱਪ ਭਾਰਤ ਵਿਚ ਹੀ ਹੋਣ।
ਨਵੀਂ ਦਿੱਲੀ: ਭਾਰਤ ਵਿੱਚ ਕ੍ਰਿਕਟ ਕੰਟਰੋਲ ਬੋਰਡ (BCCI) ਦੀ ਅੱਜ ਇੱਕ ਬਹੁਤ ਹੀ ਅਹਿਮ ਬੈਠਕ ਹੋਣ ਜਾ ਰਹੀ ਹੈ। ਇਸ ਬੈਠਕ ਵਿਚ ਬੀਸੀਸੀਆਈ ਦੇ ਅਧਿਕਾਰੀ ਆਈਪੀਐਲ, T20 World Cup ਅਤੇ ਘਰੇਲੂ ਕ੍ਰਿਕਟ ਬਾਰੇ ਵਿਚਾਰ ਵਟਾਂਦਰੇ ਕਰਨਗੇ। ਦਰਅਸਲ, ਭਾਰਤ ਵਿੱਚ ਕੋਰੋਨਾਵਾਇਰਸ (Coronavirus) ਦੇ ਤਬਾਹੀ ਨੇ ਬੀਸੀਸੀਆਈ ਦੀਆਂ ਮੁਸ਼ਕਲਾਂ ਵਧਾ ਦਿੱਤੀਆਂ ਹਨ। ਬੀਸੀਸੀਆਈ ਅੱਜ ਹੋਣ ਵਾਲੀ ਬੈਠਕ ਵਿਚ ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਨੂੰ ਬਣਾਈ ਰੱਖਣ ਦਾ ਤਰੀਕਾ ਲੱਭਣ ਦੀ ਕੋਸ਼ਿਸ਼ ਕਰੇਗੀ।
ਹਾਸਲ ਜਾਣਕਾਰੀ ਮੁਤਾਬਕ ਬੀਸੀਸੀਆਈ ਅੰਤਰਰਾਸ਼ਟਰੀ ਕ੍ਰਿਕਟ ਕਾਉਂਸਲ ਸਾਹਮਣੇ ਸਿਰਫ ਤਿੰਨ ਸ਼ਹਿਰਾਂ ਵਿੱਚ ਵਰਲਡ ਕੱਪ ਕਰਵਾਉਣ ਦੀ ਪੇਸ਼ਕਸ਼ ਕਰ ਸਕਦੀ ਹੈ। ਮੁੰਬਈ, ਪੁਣੇ ਅਤੇ ਅਹਿਮਦਾਬਾਦ ਇਹ ਤਿੰਨ ਸਥਾਨ ਹਨ ਜਿੱਥੇ ਇਸ ਸਾਲ ਟੀ-20 ਵਿਸ਼ਵ ਕੱਪ ਖੇਡਿਆ ਜਾ ਸਕਦਾ ਹੈ।
ਬੀਸੀਸੀਆਈ ਨੇ ਵਿਸ਼ਵ ਕੱਪ ਲਈ ਪਹਿਲੇ 9 ਸਥਾਨਾਂ ਦਾ ਐਲਾਨ ਕੀਤਾ ਹੈ। ਪਰ ਜਿੰਨੇ ਜ਼ਿਆਦਾ ਯਾਤਰਾ ਖਿਡਾਰੀ ਕਰਦੇ ਹਨ, ਕੋਰੋਨਾਵਾਇਰਸ ਦਾ ਖ਼ਤਰਾ ਉਨਾ ਹੀ ਵੱਧ ਜਾਂਦਾ ਹੈ। ਖਿਡਾਰੀ ਜ਼ਿਆਦਾਤਰ ਸਮੇਂ ਬਾਇਓ ਬੱਬਲ ਵਿਚ ਸੁਰੱਖਿਅਤ ਰਹਿਣ ਅਤੇ ਉਨ੍ਹਾਂ ਨੂੰ ਜ਼ਿਆਦਾ ਯਾਤਰਾ ਨਾ ਕਰਨੀ ਪਵੇ, ਇਸੇ ਲਈ ਬੀਸੀਸੀਆਈ ਵਿਸ਼ਵ ਕੱਪ ਸਿਰਫ ਤਿੰਨ ਸਥਾਨਾਂ 'ਤੇ ਕਰਵਾਉਣ ਦੀ ਯੋਜਨਾ ਬਣਾ ਰਹੀ ਹੈ।
ਬੈਕਅਪ ਮੀਨੂੰ ਹੋ ਸਕਦਾ ਹੈ ਯੂਏਈ
ਹਾਲਾਂਕਿ, ਬੀਸੀਸੀਆਈ ਵਿਸ਼ਵ ਕੱਪ ਦੇ ਆਯੋਜਨ ਲਈ ਬੈਕਅਪ ਯੋਜਨਾ ਵੀ ਤਿਆਰ ਕਰੇਗੀ। ਜੇ ਵਿਸ਼ਵ ਕੱਪ ਭਾਰਤ ਵਿੱਚ ਆਯੋਜਿਤ ਨਹੀਂ ਕੀਤਾ ਜਾਂਦਾ ਹੈ, ਤਾਂ ਬੀਸੀਸੀਆਈ ਯੂਏਈ ਨੂੰ ਬੈਕਅਪ ਵਜੋਂ ਪੇਸ਼ ਕਰ ਸਕਦੀ ਹੈ।
ਆਈਪੀਐਲ ਦੇ ਮੁਲਤਵੀ ਹੋਣ ਕਾਰਨ ਬੀਸੀਸੀਆਈ ਦੀਆਂ ਮੁਸੀਬਤਾਂ ਦਰਅਸਲ ਵਧੀਆਂ ਹਨ। ਬੀਸੀਸੀਆਈ ਨੇ ਆਈਪੀਐਲ ਦੇ 14ਵੇਂ ਸੀਜ਼ਨ ਦੀ ਬਹੁਤ ਸਫਲ ਸ਼ੁਰੂਆਤ ਕੀਤੀ ਸੀ। ਮੁੰਬਈ ਅਤੇ ਚੇਨਈ ਵਿਚ ਟੂਰਨਾਮੈਂਟ 20 ਦਿਨ ਬਿਨਾਂ ਕਿਸੇ ਪ੍ਰੇਸ਼ਾਨੀ ਦੇ ਚਲਦਾ ਰਿਹਾ। ਪਰ ਜਿਵੇਂ ਹੀ ਇਹ ਖਿਡਾਰੀ ਦਿੱਲੀ ਅਤੇ ਅਹਿਮਦਾਬਾਦ ਪਹੁੰਚੇ ਤਾਂ ਮਾਮਲਾ ਗੜਬੜ ਗਿਆ। ਦੋਵਾਂ ਥਾਂਵਾਂ 'ਤੇ ਕਈ ਖਿਡਾਰੀ ਕੋਰੋਨਾ ਪੌਜ਼ੇਟਿਵ ਹੋਏ ਅਤੇ ਇਸ ਤੋਂ ਬਾਅਦ ਆਈਪੀਐਲ ਦਾ 14ਵਾਂ ਸੀਜ਼ਨ ਮੁਲਤਵੀ ਕਰ ਦਿੱਤਾ ਗਿਆ।
ਇਹ ਵੀ ਪੜ੍ਹੋ: C Voter Survey: ਮੋਦੀ ਸਰਕਾਰ-2 ਤੋਂ ਵੱਡੀ ਨਾਰਾਜ਼ਗੀ? ਜਾਣੋ ਕੀ ਕਹਿੰਦਾ ਸਰਵੇਖਣ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
