Airtel ਨੇ Amazon ਨਾਲ ਮਿਲਾਇਆ ਹੱਥ, ਦੇਣਗੇ ਸਸਤੇ 4G ਸਮਾਰਟਫ਼ੋਨ

ਨਵੀਂ ਦਿੱਲੀ: ਭਾਰਤੀ ਏਅਰਟੈਲ ਨੇ ਅਮੇਜ਼ਨ ਇੰਡੀਆ ਨਾਲ ਭਾਈਵਾਲੀ ਕਰ ਕੇ ਦੇਸ਼ ਦੇ ਲੋਕਾਂ ਨੂੰ ਸਸਤੇ 4G ਸਮਾਰਟਫ਼ੋਨ ਦੇਣ ਦਾ ਐਲਾਨ ਕੀਤਾ ਹੈ। ਇਸ ਮੁਹਿੰਮ ਤਹਿਤ ਏਅਰਟੈਲ ਤੇ ਅਮੇਜ਼ਨ ਭਾਰਤੀਆਂ ਨੂੰ ਸਸਤੇ ਫ਼ੋਨ ਮੁਹੱਈਆ ਕਰਾਉਣਗੇ। ਇਸ ਵਿੱਚ ਉਨ੍ਹਾਂ ਲੋਕਾਂ ਨੂੰ ਟਾਰਗੇਟ ਕੀਤਾ ਜਾਏਗਾ ਜਿਨ੍ਹਾਂ ਹਾਲ਼ੇ ਤਕ ਸਮਾਰਟਫ਼ੋਨ ਦਾ ਇਸਤੇਮਾਲ ਨਹੀਂ ਕੀਤਾ ਤੇ ਜਿਨ੍ਹਾਂ ਕੋਲ ਸਮਾਰਟਫ਼ੋਨ ਹੈ ਪਰ ਉਹ ਘੱਟ ਕੀਮਤ ਵਿੱਚ ਇਸ ਨੂੰ ਅਪਗ੍ਰੇਡ ਕਰਨਾ ਚਾਹੁੰਦੇ ਹਨ। ਇਸ ਪਹਿਲ ਵਿੱਚ ਗਾਹਕ 3999 ਰੁਪਏ ਦੀ ਸ਼ੁਰੂਆਤੀ ਕੀਮਤ ਨਾਲ 4G ਸਮਾਰਟਫ਼ੋਨ ਖਰੀਦ ਸਕਣਗੇ।  

  ਕੀ ਹੈ ਆਫਰ ?

  ਏਅਰਟੈਲ ਤੇ ਅਮੇਜ਼ਨ ਇਸ ਸਾਂਝੇ ਆਫਰ ਵਿੱਚ ਸੈਮਸੰਗ, ਵਨਪਲੱਸ, ਸ਼ਿਓਮੀ, ਆਨਰ ਤੇ LG ਸਣੇ ਕਰੀਬ 65 4ਜੀ ਸਮਾਰਟਫੋਨਜ਼ ਤੇ 2600 ਰੁਪਏ ਦਾ ਕੈਸ਼ਬੈਕ ਦਿੱਤਾ ਜਾਏਗਾ। ਇਹ ਆਫਰ ਅਮੇਜ਼ਨ ਇੰਡੀਆ ’ਤੇ ਐਕਸਕਲਿਊਜ਼ਿਵ ਹੋਏਗਾ। ਏਅਰਟੈਲ ਵਰਤੋਂਕਾਰ ਇੱਥੋਂ ਫ਼ੋਨ ਖਰੀਦਣ ’ਤੇ 2 ਹਜ਼ਾਰ ਰੁਪਏ ਦੀ ਛੋਟ ਪਾ ਸਕਣਗੇ। ਇਹ ਕੈਸ਼ਬੈਕ 36 ਮਹੀਨਿਆਂ ਦੌਰਾਨ ਦਿੱਤਾ ਜਾਏਗਾ। ਇਸ ਦੇ ਇਲਾਵਾ ਏਅਰਟੈਲ ਦੇ 169 ਰੁਪਏ ਦੇ ਰਿਚਾਰਜ ’ਤੇ ਵੀ 600 ਰੁਪਏ ਦਾ ਕੈਸ਼ਬੈਕ ਮਿਲੇਗਾ।

• ਏਅਰਟੈਲ-ਅਮੇਜ਼ਨ ਦਾ ਇਹ ਆਫਰ ਲੈਣ ਲਈ ਪਹਿਲਾਂ ਗਾਹਕ ਨੂੰ ਅਮੇਜ਼ਨ’ਤੇ ਸਮੋਰਟਫ਼ੋਨ ਖਰੀਦਣ ਵੇਲੇ ਪੂਰਾ ਭੁਗਤਾਨ ਕਰਨਾ ਪਏਗਾ।
• ਇਸ ਦੇ ਬਾਅਦ ਗਾਹਕ ਨੂੰ 18 ਮਹੀਨਿਆਂ ਵਿੱਚ 3500 ਰੁਪਏ ਦਾ ਰਿਚਾਰਜ ਕਰਨਾ ਪਏਗਾ।
• ਇਸ ਪਿੱਛੋਂ ਗਾਹਕ ਨੂੰ ਪਹਿਲਾ 500 ਰੁਪਏ ਦਾ ਕੈਸ਼ਬੈਕ ਮਿਲੇਗਾ।
• ਅਗਲੇ 18 ਮਹੀਨਿਆਂ ਤਕ ਇੱਕ ਵਾਰ ਫਿਰ 3500 ਰੁਪਏ ਦਾ ਰਿਚਾਰਜ ਕਰਾਉਣ’ਤੇ 1500 ਰੁਪਏ ਦਾ ਕੈਸ਼ਬੈਕ ਮਿਲੇਗਾ। ਇਸ ਤਰ੍ਹਾਂ ਕੁੱਲ 2 ਹਜ਼ਾਰ ਰੁਪਏ ਦਾ ਕੈਸ਼ਬੈਕ ਮਿਲੇਗਾ।
• ਹੁਣ 600 ਰੁਪਏ ਦਾ ਬਚਿਆ ਕੈਸ਼ਬੈਕ ਪਾਊਣ ਲਈ ਗਾਹਕ ਨੂੰ 169 ਰੁਪਏ ਵਾਲੇ ਪਲਾਨ ਦਾ ਕੁੱਲ 24 ਵਾਰ ਰੀਚਾਰਜ ਕਰਨਾ ਪਏਗਾ।
• ਇਹ ਆਫਰ ਪ੍ਰੀਮੀਅਮ ਸਮਾਰਟਫ਼ੋਨ ਲਈ ਵੀ ਉਪਲੱਬਧ ਹੈ।