Kangana Ranaut: ਕੰਗਨਾ ਰਣੌਤ ਦਾ ਕਰਨ ਜੌਹਰ 'ਤੇ ਤਿੱਖਾ ਹਮਲਾ, ਬੋਲੀ- 'ਹਾਲੇ ਤਾਂ ਤੇਰੀ ਹਿੰਦੀ ਸੁਧਾਰੀ ਹੈ, ਅੱਗੇ ਦੇਖ ਕੀ ਹੁੰਦਾ...'

Karan Johar Kangana Ranaut: ਕੰਗਨਾ ਰਣੌਤ ਨੇ ਇੱਕ ਵਾਰ ਫਿਰ ਕਰਨ ਜੌਹਰ 'ਤੇ ਨਿਸ਼ਾਨਾ ਸਾਧਿਆ ਹੈ। ਅਦਾਕਾਰਾ ਨੇ ਇਕ ਪੋਸਟ ਪਾ ਕੇ ਕਰਨ ਜੌਹਰ 'ਤੇ ਉਸ ਦਾ ਅਪਮਾਨ ਕਰਨ ਦਾ ਦੋਸ਼ ਲਗਾਇਆ ਹੈ ਅਤੇ ਇਹ ਵੀ ਲਿਖਿਆ ਹੈ ਕਿ ਦੇਖੋ ਅੱਗੇ ਕੀ ਹੁੰਦਾ ਹੈ।

ਕੰਗਨਾ ਰਣੌਤ, ਕਰਨ ਜੌਹਰ

Kangana Ranaut Targeted Karan Johar: ਬਾਲੀਵੁੱਡ ਫਿਲਮਕਾਰ ਕਰਨ ਜੌਹਰ ਦੇ ਹਾਲ ਹੀ ਵਿੱਚ ਅਨੁਸ਼ਕਾ ਸ਼ਰਮਾ ਦੇ ਕਰੀਅਰ ਨੂੰ ਖਤਮ ਕਰਨ ਦੇ ਕਬੂਲਨਾਮੇ ਦਾ ਪੁਰਾਣਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ ਸੀ। ਇਸ ਦੇ ਲਈ ਕਰਨ ਨੂੰ ਕਾਫੀ ਟ੍ਰੋਲ ਕੀਤਾ ਗਿਆ ਸੀ। ਜਿਸ ਤੋਂ ਬਾਅਦ ਕਰਨ ਨੇ ਝੂਠੇ ਇਲਜ਼ਾਮ ਲੱਗਣ ਬਾਰੇ ਇੱਕ ਕ੍ਰਿਪਟਿਕ ਪੋਸਟ ਵੀ ਸ਼ੇਅਰ ਕੀਤੀ ਹੈ। ਅਤੇ ਹੁਣ ਕੰਗਨਾ ਰਣੌਤ ਨੇ ਕਰਨ ਜੌਹਰ ਦੀ ਪੋਸਟ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ।

ਕੰਗਨਾ ਨੇ ਕਰਨ ਜੌਹਰ ਨੂੰ ਕਿਹਾ ਚਾਚਾ ਚੌਧਰੀ
ਕੰਗਨਾ ਨੇ ਆਪਣੇ ਇੰਸਟਾਗ੍ਰਾਮ ਸਟੋਰੀਜ਼ 'ਤੇ ਪੋਸਟ ਸ਼ੇਅਰ ਕਰਕੇ ਕਰਨ ਜੌਹਰ 'ਤੇ ਨਿਸ਼ਾਨਾ ਸਾਧਿਆ ਹੈ। ਕੰਗਨਾ ਨੇ ਦਾਅਵਾ ਕੀਤਾ ਕਿ ਪਹਿਲਾਂ ਕਰਨ ਨੈਸ਼ਨਲ ਟੀਵੀ 'ਤੇ ਉਸ ਨੂੰ 'ਬੇਇੱਜ਼ਤ' ਕਰਦੇ ਸਨ ਅਤੇ 'ਧਮਕੀ' ਦਿੰਦੇ ਸਨ। ਕਰਨ ਜੌਹਰ ਦੀ ਪੋਸਟ ਦਾ ਸਕਰੀਨਸ਼ਾਟ ਸਾਂਝਾ ਕਰਦੇ ਹੋਏ ਕੰਗਨਾ ਨੇ ਲਿਖਿਆ, "ਇੱਕ ਸਮਾਂ ਸੀ ਜਦੋਂ ਚਾਚਾ ਚੌਧਰੀ ਨੇਪੋ ਮਾਫੀਆ ਦੇ ਨਾਲ-ਨਾਲ ਰਾਸ਼ਟਰੀ ਟੈਲੀਵਿਜ਼ਨ 'ਤੇ ਮੇਰਾ ਅਪਮਾਨ ਕੀਤਾ ਅਤੇ ਧੱਕੇਸ਼ਾਹੀ ਕੀਤੀ।" ਕੰਗਨਾ ਨੇ ਅੱਗੇ ਲਿਖਿਆ, "ਅੱਜ ਮੈਂ ਉਸ ਦੀ ਹਿੰਦੀ ਦੇਖ ਕੇ ਸੋਚਿਆ, ਹਾਲੇ ਤਾਂ ਸਿਰਫ ਤੁਹਾਡੀ ਹਿੰਦੀ ਹੀ ਸੁਧਰੀ ਹੈ, ਅੱਗੇ ਦੇਖ ਕੀ ਹੁੰਦਾ ਹੈ।"

ਕਰਨ ਜੌਹਰ ਨੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਇਹ ਪੋਸਟ
ਤੁਹਾਨੂੰ ਦੱਸ ਦੇਈਏ ਕਿ ਹਾਲ ਹੀ 'ਚ ਕਰਨ ਨੇ ਆਪਣੇ ਇੰਸਟਾਗ੍ਰਾਮ ਸਟੋਰੀਜ਼ 'ਤੇ ਲਿਖਿਆ, ''ਲਗਾ ਲਓ ਇਲਜ਼ਾਮ, ਹਮ ਝੁਕਨੇ ਵਾਲੋਂ ਮੇ ਸੇ ਨਹੀਂ ਹੈ.....ਝੂਠ ਕਾ ਬਨ ਜਾਓ ਗੁਲਾਮ......ਹਮ ਬੋਲਨੇ ਵਾਲੋ ਮੇ ਸੇ ਨਹੀਂ ਹੈ......ਜਿਤਨਾ ਨੀਚਾ ਦਿਖਾਓਗੇ......ਜਿਤਨੇ ਆਰੋਪ ਲਗਾਓਗੇ....ਹਮ ਗਿਰਨੇ ਵਾਲੋ ਮੇ ਸੇ ਨਹੀਂ ਹੈ....ਹਮਾਰਾ ਕਰਮ ਹਮਾਰੀ ਵਿਜੈ ਹੈ.....ਆਪ ਉਠਾ ਲੋ ਤਲਵਾਰ....ਹਮ ਮਰਨੇ ਵਾਲੋ ਮੇ ਸੇ ਨਹੀਂ ਹੈ..."

ਕੰਗਨਾ ਨੇ ਕਰਨ ਨੂੰ ਪ੍ਰਿਯੰਕਾ ਦੇ ਦੇਸ਼ ਛੱਡਣ ਦਾ ਕਾਰਨ ਦੱਸਿਆ
ਦੱਸ ਦੇਈਏ ਕਿ ਕੰਗਨਾ ਕਈ ਵਾਰ ਕਰਨ ਜੌਹਰ 'ਤੇ ਭਾਈ-ਭਤੀਜਾਵਾਦ ਨੂੰ ਲੈ ਕੇ ਨਿਸ਼ਾਨਾ ਬਣਾ ਚੁੱਕੀ ਹੈ। ਹਾਲ ਹੀ 'ਚ ਪ੍ਰਿਯੰਕਾ ਚੋਪੜਾ ਦੇ ਬਾਲੀਵੁੱਡ 'ਚ ਖੂੰਜੇ ਲਗਾਉਣ ਵਾਲੇ ਖੁਲਾਸੇ ਤੋਂ ਬਾਅਦ ਵੀ ਕੰਗਨਾ ਨੇ ਕਰਨ ਜੌਹਰ 'ਤੇ ਦੋਸ਼ ਲਗਾਇਆ ਸੀ। ਕੰਗਨਾ ਨੇ ਦਾਅਵਾ ਕੀਤਾ ਸੀ ਕਿ ਕਰਨ ਦੇ ਕਾਰਨ ਹੀ ਪ੍ਰਿਯੰਕਾ ਨੂੰ ਦੇਸ਼ ਛੱਡਣਾ ਪਿਆ ਸੀ।