![ABP Premium](https://cdn.abplive.com/imagebank/Premium-ad-Icon.png)
GT vs LSG: ਅੱਜ ਗੁਜਰਾਤ ਤੇ ਲਖਨਊ ਵਿਚਾਲੇ ਸਖ਼ਤ ਮੁਕਾਬਲਾ, ਇਹ ਖਿਡਾਰੀ ਸਾਬਤ ਹੋ ਸਕਦੇ ਹਨ ਗੇਮ ਚੇਂਜਰ
IPL 2022 ਦੇ ਚੌਥੇ ਮੈਚ ਵਿੱਚ ਗੁਜਰਾਤ ਅਤੇ ਲਖਨਊ ਦੀਆਂ ਟੀਮਾਂ ਪਹਿਲੀ ਵਾਰ ਇੱਕ ਦੂਜੇ ਨਾਲ ਭਿੜਨਗੀਆਂ। ਇਸ ਵਾਰ ਟੂਰਨਾਮੈਂਟ ਵਿੱਚ ਇਹ ਦੋ ਨਵੀਆਂ ਟੀਮਾਂ ਸ਼ਾਮਲ ਹੋਈਆਂ ਹਨ। ਦੋਵਾਂ ਟੀਮਾਂ 'ਚ ਕਈ ਸਟਾਰ ਖਿਡਾਰੀ ਹਨ
![GT vs LSG: ਅੱਜ ਗੁਜਰਾਤ ਤੇ ਲਖਨਊ ਵਿਚਾਲੇ ਸਖ਼ਤ ਮੁਕਾਬਲਾ, ਇਹ ਖਿਡਾਰੀ ਸਾਬਤ ਹੋ ਸਕਦੇ ਹਨ ਗੇਮ ਚੇਂਜਰ IPL 2022: Gujrat Titans and Lucknow super giants players who can be game changer in the match GT vs LSG: ਅੱਜ ਗੁਜਰਾਤ ਤੇ ਲਖਨਊ ਵਿਚਾਲੇ ਸਖ਼ਤ ਮੁਕਾਬਲਾ, ਇਹ ਖਿਡਾਰੀ ਸਾਬਤ ਹੋ ਸਕਦੇ ਹਨ ਗੇਮ ਚੇਂਜਰ](https://feeds.abplive.com/onecms/images/uploaded-images/2022/03/28/bdc33bfb2611fca23afe67cb729f2259_original.webp?impolicy=abp_cdn&imwidth=1200&height=675)
IPL 2022 ਦੇ ਚੌਥੇ ਮੈਚ ਵਿੱਚ ਗੁਜਰਾਤ ਅਤੇ ਲਖਨਊ ਦੀਆਂ ਟੀਮਾਂ ਪਹਿਲੀ ਵਾਰ ਇੱਕ ਦੂਜੇ ਨਾਲ ਭਿੜਨਗੀਆਂ। ਇਸ ਵਾਰ ਟੂਰਨਾਮੈਂਟ ਵਿੱਚ ਇਹ ਦੋ ਨਵੀਆਂ ਟੀਮਾਂ ਸ਼ਾਮਲ ਹੋਈਆਂ ਹਨ। ਦੋਵਾਂ ਟੀਮਾਂ 'ਚ ਕਈ ਸਟਾਰ ਖਿਡਾਰੀ ਹਨ, ਜੋ ਮੈਚ ਨੂੰ ਰੋਮਾਂਚਕ ਬਣਾਉਣਗੇ। ਗੁਜਰਾਤ ਟਾਈਟਨਸ ਦੀ ਕਮਾਨ ਹਾਰਦਿਕ ਪੰਡਯਾ ਨੂੰ ਦਿੱਤੀ ਗਈ ਹੈ, ਜਦਕਿ ਲਖਨਊ ਦੀ ਕਪਤਾਨੀ ਕੇ.ਐੱਲ ਰਾਹੁਲ ਕਰਨਗੇ। ਆਈਪੀਐਲ ਦੀ ਮੈਗਾ ਨਿਲਾਮੀ ਵਿੱਚ ਦੋਵਾਂ ਟੀਮਾਂ ਨੇ ਕਈ ਵੱਡੇ ਖਿਡਾਰੀਆਂ 'ਤੇ ਕਾਫੀ ਪੈਸਾ ਲਗਾਇਆ ਸੀ। ਅਸੀਂ ਤੁਹਾਨੂੰ ਅਜਿਹੇ ਖਿਡਾਰੀਆਂ ਬਾਰੇ ਦੱਸ ਰਹੇ ਹਾਂ ਜੋ ਇਸ ਮੈਚ ਦਾ ਰੁਖ ਬਦਲ ਸਕਦੇ ਹਨ।
1. ਗੁਜਰਾਤ ਟਾਈਟਨਸ ਦੇ ਕਪਤਾਨ ਹਾਰਦਿਕ ਪੰਡਯਾ ਲੰਬੇ ਸਮੇਂ ਬਾਅਦ ਕ੍ਰਿਕਟ ਦੇ ਮੈਦਾਨ 'ਚ ਵਾਪਸੀ ਕਰਨਗੇ। ਪਿਛਲੇ ਸਾਲ ਦੇ ਟੀ-20 ਵਿਸ਼ਵ ਕੱਪ ਤੋਂ ਬਾਅਦ ਉਹ ਫਿਟਨੈੱਸ ਦੀ ਸਮੱਸਿਆ ਕਾਰਨ ਕਈ ਮਹੀਨਿਆਂ ਤੱਕ ਮੈਦਾਨ ਤੋਂ ਬਾਹਰ ਹਨ। ਇਸ ਵਾਰ ਉਹ ਨਵੇਂ ਅਵਤਾਰ ਵਿੱਚ ਆਈਪੀਐਲ ਵਿੱਚ ਵਾਪਸੀ ਕਰਨਗੇ। ਪਿਛਲੇ ਸੀਜ਼ਨ 'ਚ ਉਹ 12 ਮੈਚਾਂ 'ਚ ਸਿਰਫ 127 ਦੌੜਾਂ ਹੀ ਬਣਾ ਸਕੇ ਸਨ, ਜਦਕਿ ਫਿਟਨੈੱਸ ਕਾਰਨ ਉਹ ਗੇਂਦਬਾਜ਼ੀ ਨਹੀਂ ਕਰ ਸਕੇ ਸਨ।
2. ਸਟਾਰ ਸਪਿਨਰ ਰਾਸ਼ਿਦ ਖਾਨ ਇਸ ਵਾਰ IPL 'ਚ ਗੁਜਰਾਤ ਲਈ ਖੇਡਦੇ ਨਜ਼ਰ ਆਉਣਗੇ। ਰਾਸ਼ਿਦ ਆਈਪੀਐਲ ਦੇ ਸਰਵੋਤਮ ਸਪਿਨਰਾਂ ਵਿੱਚੋਂ ਇੱਕ ਹੈ ਅਤੇ ਕਈ ਸਾਲਾਂ ਤੋਂ ਹੈਦਰਾਬਾਦ ਦਾ ਵੀ ਹਿੱਸਾ ਰਿਹਾ ਹੈ। ਉਸ ਨੇ ਪਿਛਲੇ ਸੀਜ਼ਨ 'ਚ 14 ਮੈਚਾਂ 'ਚ 18 ਵਿਕਟਾਂ ਲਈਆਂ ਸਨ। ਰਾਸ਼ਿਦ ਵੀ ਮੁਸ਼ਕਿਲ ਹਾਲਾਤਾਂ 'ਚ ਬੱਲੇਬਾਜ਼ੀ ਕਰਕੇ ਟੀਮ ਨੂੰ ਮੁਸ਼ਕਲ 'ਚੋਂ ਕੱਢਣ 'ਚ ਸਮਰੱਥ ਹੈ।
3. ਨੌਜਵਾਨ ਖਿਡਾਰੀ ਸ਼ੁਭਮਨ ਗਿੱਲ ਨੂੰ ਗੁਜਰਾਤ ਟੀਮ ਨੇ ਡਰਾਫਟ ਵਿੱਚੋਂ ਚੁਣਿਆ। ਗਿੱਲ ਨੇ ਕੋਲਕਾਤਾ ਟੀਮ ਲਈ ਕਈ ਸਾਲਾਂ ਤੋਂ ਓਪਨਿੰਗ ਕੀਤੀ ਹੈ। ਇਸ ਸਮੇਂ ਉਹ ਗੁਜਰਾਤ ਦੀ ਤਰਫੋਂ ਪਾਰੀ ਦੀ ਸ਼ੁਰੂਆਤ ਕਰਦੇ ਨਜ਼ਰ ਆ ਸਕਦੇ ਹਨ। ਪਿਛਲੇ ਸੀਜ਼ਨ 'ਚ ਉਸ ਨੇ 17 ਮੈਚਾਂ 'ਚ 478 ਦੌੜਾਂ ਬਣਾ ਕੇ ਕਾਫੀ ਸੁਰਖੀਆਂ ਬਟੋਰੀਆਂ ਸਨ।
4. ਲਖਨਊ ਸੁਪਰ ਜਾਇੰਟਸ ਦੇ ਕਪਤਾਨ ਕੇ.ਐੱਲ ਰਾਹੁਲ ਆਈਪੀਐੱਲ 'ਚ ਬਿਹਤਰੀਨ ਕਪਤਾਨੀ ਦੇ ਨਾਲ ਬੱਲੇ ਨਾਲ ਵੀ ਖੂਬ ਤਹਿਲਕਾ ਮਚਾਉਂਦੇ ਹਨ। ਉਹਨਾਂ ਨੇ ਕਈ ਸੀਜ਼ਨਾਂ ਵਿੱਚ ਲਗਾਤਾਰ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਇਸ ਲਈ ਲਖਨਊ ਦੀ ਟੀਮ ਨੂੰ ਮਜ਼ਬੂਤ ਬਣਾਉਣ ਦੀ ਜ਼ਿੰਮੇਵਾਰੀ ਕੇਐੱਲ ਰਾਹੁਲ 'ਤੇ ਹੋਵੇਗੀ। ਰਾਹੁਲ ਨੇ ਪਿਛਲੇ ਸੀਜ਼ਨ 'ਚ 13 ਮੈਚਾਂ 'ਚ 626 ਦੌੜਾਂ ਬਣਾਈਆਂ ਸਨ।
5. ਸਰਵੋਤਮ ਖਿਡਾਰੀ ਕਵਿੰਟਨ ਡੀ ਕਾਕ ਇਸ ਵਾਰ ਲਖਨਊ ਨਾਲ ਜੁੜੇ ਹੋਏ ਹਨ। ਡੇਕਾਕ ਨੇ ਆਪਣੀ ਸ਼ਾਨਦਾਰ ਬੱਲੇਬਾਜ਼ੀ ਨਾਲ ਆਈ.ਪੀ.ਐੱਲ. 'ਚ ਕਾਫੀ ਨਾਂ ਕਮਾਇਆ ਹੈ। ਉਹ ਮੈਗਾ ਨਿਲਾਮੀ ਵਿੱਚ ਸਭ ਤੋਂ ਮਹਿੰਗੇ ਖਿਡਾਰੀਆਂ ਵਿੱਚੋਂ ਇੱਕ ਸੀ। ਆਈਪੀਐਲ ਦੇ ਪਿਛਲੇ ਸੀਜ਼ਨ ਵਿੱਚ ਉਨ੍ਹਾਂ ਨੇ 11 ਮੈਚਾਂ ਵਿੱਚ 297 ਦੌੜਾਂ ਬਣਾਈਆਂ ਸਨ। ਉਹ ਮਜ਼ਬੂਤ ਓਪਨਰ ਵੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)