Women IPL: BCCI ਨੇ ਮਹਿਲਾ IPL ਨੂੰ ਦਿੱਤੀ ਹਰੀ ਝੰਡੀ, 2023 ਤੋਂ 6 ਟੀਮਾਂ ਵਿਚਾਲੇ ਖੇਡਿਆ ਜਾਵੇਗਾ ਟੂਰਨਾਮੈਂਟ
ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀਸੀਸੀਆਈ) ਅਗਲੇ ਸਾਲ ਤੋਂ ਛੇ ਟੀਮਾਂ ਦੀ ਮਹਿਲਾ ਆਈਪੀਐਲ ਦਾ ਆਯੋਜਨ ਕਰਨ ਦੀ ਤਿਆਰੀ ਕਰ ਰਿਹਾ ਹੈ।
Women IPL: BCCI gives green signal to women IPL, tournament will be played between 6 teams from 2023
Women IPL: ਮਹਿਲਾ IPL ਨੂੰ ਲੈ ਕੇ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਦਰਅਸਲ, ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਅਗਲੇ ਸਾਲ ਤੋਂ ਛੇ ਟੀਮਾਂ ਦੀ ਮਹਿਲਾ ਆਈਪੀਐਲ ਆਯੋਜਿਤ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਸ਼ੁੱਕਰਵਾਰ ਨੂੰ ਮੁੰਬਈ ਵਿੱਚ ਆਈਪੀਐਲ ਗਵਰਨਿੰਗ ਕੌਂਸਲ ਦੀ ਮੀਟਿੰਗ ਵਿੱਚ 2023 ਤੋਂ 6 ਟੀਮਾਂ ਦੀ ਮਹਿਲਾ ਆਈਪੀਐਲ ਦੇ ਆਯੋਜਨ ਲਈ ਯਤਨ ਕਰਨ ਦਾ ਫੈਸਲਾ ਕੀਤਾ ਗਿਆ।
ਬੀਸੀਸੀਆਈ ਦੇ ਪ੍ਰਧਾਨ ਸੌਰਵ ਗਾਂਗੁਲੀ ਨੇ ਕਿਹਾ, "ਏਜੀਐਮ ਨੇ ਆਪਣੀ ਮਨਜ਼ੂਰੀ ਦੇ ਦਿੱਤੀ ਹੈ। ਅਸੀਂ ਅਗਲੇ ਸਾਲ ਤੋਂ ਇਸ ਨੂੰ ਸ਼ੁਰੂ ਕਰਨ ਦੀ ਉਮੀਦ ਕਰ ਰਹੇ ਹਾਂ।" ਮਹੱਤਵਪੂਰਨ ਗੱਲ ਇਹ ਹੈ ਕਿ ਬੀਸੀਸੀਆਈ 'ਤੇ ਲੰਬੇ ਸਮੇਂ ਤੋਂ ਮਹਿਲਾ ਆਈਪੀਐਲ ਸ਼ੁਰੂ ਕਰਨ ਦਾ ਦਬਾਅ ਸੀ। ਵੈਸਟਇੰਡੀਜ਼ ਅਤੇ ਪਾਕਿਸਤਾਨ ਪਹਿਲਾਂ ਹੀ ਮਹਿਲਾ ਘਰੇਲੂ ਟੀ-20 ਲੀਗ ਦੇ ਆਯੋਜਨ ਦੀ ਗੱਲ ਕਰ ਚੁੱਕੇ ਹਨ। ਉਦੋਂ ਤੋਂ ਬੀਸੀਸੀਆਈ 'ਤੇ ਮਹਿਲਾ ਆਈਪੀਐਲ ਸ਼ੁਰੂ ਕਰਨ ਦਾ ਦਬਾਅ ਵਧ ਗਿਆ ਹੈ।
ਮਹਿਲਾ ਟੀ-20 ਚੁਣੌਤੀ ਦੀ ਮਈ ਵਿੱਚ ਵਾਪਸੀ
ਇਸ ਦੇ ਨਾਲ ਹੀ ਬੋਰਡ ਨੇ ਫੈਸਲਾ ਕੀਤਾ ਕਿ ਮਹਿਲਾ ਟੀ-20 ਚੈਲੇਂਜ ਟੂਰਨਾਮੈਂਟ ਇਸ ਸਾਲ ਫਿਰ ਤੋਂ ਵਾਪਸੀ ਕਰੇਗਾ। ਇਹ ਤਿੰਨ ਟੀਮਾਂ ਵਾਲਾ ਟੂਰਨਾਮੈਂਟ 2019 ਵਿੱਚ ਸ਼ੁਰੂ ਹੋਇਆ ਸੀ, ਜੋ ਕਿ ਆਈਪੀਐਲ ਦੇ ਪਲੇਆਫ ਮੈਚਾਂ ਦੌਰਾਨ ਖੇਡਿਆ ਗਿਆ ਸੀ। ਸਿਰਫ਼ 4 ਮੈਚਾਂ ਦਾ ਇਹ ਟੂਰਨਾਮੈਂਟ ਪਿਛਲੇ ਸਾਲ ਨਹੀਂ ਹੋ ਸਕਿਆ ਸੀ। ਹੁਣ ਇਸ ਸੀਜ਼ਨ ਦਾ ਸੰਭਾਵਤ ਤੌਰ 'ਤੇ ਮਈ ਮਹੀਨੇ ਵਿੱਚ ਪਲੇਆਫ ਮੈਚਾਂ ਦੇ ਆਲੇ-ਦੁਆਲੇ ਆਯੋਜਨ ਕੀਤਾ ਜਾਵੇਗਾ। ਬੋਰਡ ਦਾ ਮੰਨਣਾ ਹੈ ਕਿ ਇਸ ਟੂਰਨਾਮੈਂਟ ਨੂੰ ਲੈ ਕੇ ਸਪਾਂਸਰਾਂ ਵੱਲੋਂ ਜਿਸ ਤਰ੍ਹਾਂ ਦਾ ਸਮਰਥਨ ਦਿਖਾਇਆ ਗਿਆ ਹੈ, ਉਸ ਨੇ ਵੀ ਵੱਖਰਾ ਅਤੇ ਵੱਡਾ ਮਹਿਲਾ ਆਈ.ਪੀ.ਐੱਲ. ਸ਼ੁਰੂ ਕਰਨ ਨੂੰ ਹੁਲਾਰਾ ਦਿੱਤਾ ਹੈ।
ਇਹ ਵੀ ਪੜ੍ਹੋ: ਹਰ ਵਿਧਾਇਕ ਨੂੰ ਇੱਕ ਪੈਨਸ਼ਨ ਲੈਣ ਦੇ ਫ਼ੈਸਲੇ ਦਾ ਕੈਬਨਿਟ ਮੰਤਰੀ ਡਾ ਬਲਜੀਤ ਕੌਰ ਨੇ ਕੀਤਾ ਸੁਆਗਤ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
