(Source: ECI/ABP News/ABP Majha)
Parenting Tips: ਜੇਕਰ ਤੁਹਾਡਾ ਬੱਚਾ ਦੇਰ ਰਾਤ ਤੱਕ ਮੋਬਾਈਲ ਦੀ ਵਰਤੋਂ ਕਰਨ ਤੋਂ ਬਾਅਦ ਸਵੇਰੇ ਦੇਰ ਨਾਲ ਉੱਠਦਾ, ਤਾਂ ਰੌਲਾ ਪਾਉਣ ਦੀ ਬਜਾਏ ਕਰੋ ਇਹ ਕੰਮ
Child Wakes up late in morning: ਅੱਜ ਕੱਲ੍ਹ ਵੱਡਿਆਂ ਤੋਂ ਲੈ ਕੇ ਬੱਚਿਆਂ ਤੱਕ ਹਰ ਕਿਸੇ ਦੇ ਹੱਥ ਦੇ ਵਿੱਚ Mobile ਫੋਨ ਹੈ। ਬੱਚਿਆਂ ਲਈ ਇਹ ਬਹੁਤ ਜ਼ਰੂਰੀ ਹੈ ਕਿ ਉਹ ਸਮੇਂ ਸਿਰ ਸੋ ਜਾਣ। ਪਰ ਅੱਜ ਕੱਲ੍ਹ ਬੱਚਿਆਂ ਦੀ ਆਦਤਾਂ ਖਰਾਬ ਹੋ ਗਈਆਂ
Parenting Tips: ਅੱਜਕੱਲ੍ਹ ਮੋਬਾਈਲ ਅਤੇ ਇਲੈਕਟ੍ਰਾਨਿਕ ਯੰਤਰਾਂ ਕਾਰਨ ਬਹੁਤੇ ਬੱਚਿਆਂ ਦੀ ਰੋਜ਼ਾਨਾ ਦੀ ਰੁਟੀਨ ਵਿੱਚ ਬਹੁਤ ਤਬਦੀਲੀ ਆ ਗਈ ਹੈ। ਬੱਚੇ ਹੁਣ ਮੋਬਾਈਲ ਫੋਨ ਕਾਰਨ ਦੇਰ ਰਾਤ ਤੱਕ ਜਾਗਦੇ ਹਨ ਅਤੇ ਅਗਲੀ ਸਵੇਰ ਜਾਂ ਦੁਪਹਿਰ ਨੂੰ ਜਾ ਕੇ ਉੱਠਦੇ ਹਨ। ਇਸ ਕਾਰਨ ਜ਼ਿਆਦਾਤਰ ਮਾਪੇ ਚਿੰਤਤ ਰਹਿੰਦੇ ਹਨ। ਜਿਸ ਕਰਕੇ ਮਾਪੇ ਗੁੱਸੇ ਦੇ ਵਿੱਚ ਆ ਕੇ ਆਪਣੇ ਬੱਚਿਆਂ ਉਤੇ ਚਿਲਾਉਂਦੇ ਹਨ। ਜੋ ਕਿ ਬੱਚਿਆਂ ਅਤੇ ਮਾਪਿਆਂ ਦੇ ਆਪਸੀ ਰਿਸ਼ਤੇ ਦੇ ਲਈ ਸਹੀ ਨਹੀਂ ਹੈ। ਆਓ ਜਾਣਦੇ ਹਾਂ ਤੁਸੀਂ ਆਪਣੇ ਬੱਚਿਆਂ ਦੀ ਇਹ ਆਦਤ ਕਿਵੇਂ ਸੁਧਾਰ ਸਕਦੇ ਹੋ।
ਸਵੇਰੇ ਬੱਚਿਆਂ ਨੂੰ ਜਗਾਉਣ ਦੇ ਤਰੀਕੇ
ਜੇਕਰ ਤੁਸੀਂ ਵੀ ਆਪਣੇ ਬੱਚਿਆਂ ਦੀ ਦੇਰ ਨਾਲ ਉੱਠਣ ਦੀ ਆਦਤ ਤੋਂ ਪਰੇਸ਼ਾਨ ਹੋ ਤਾਂ ਇਹ ਖਬਰ ਤੁਹਾਡੇ ਲਈ ਹੈ। ਅੱਜ ਅਸੀਂ ਤੁਹਾਨੂੰ ਕੁਝ ਆਸਾਨ ਟਿਪਸ ਦੱਸਾਂਗੇ, ਜਿਨ੍ਹਾਂ ਦੀ ਮਦਦ ਨਾਲ ਤੁਸੀਂ ਆਪਣੇ ਬੱਚਿਆਂ ਨੂੰ ਹਰ ਰੋਜ਼ ਸਵੇਰੇ ਜਲਦੀ ਉਠਾ ਸਕਦੇ ਹੋ। ਅਕਸਰ ਬੱਚੇ ਦੇਰ ਰਾਤ ਤੱਕ ਆਪਣੇ ਫੋਨ ਦੀ ਵਰਤੋਂ ਕਰਦੇ ਹਨ। ਇਸ ਕਾਰਨ ਉਹ ਹਰ ਰੋਜ਼ ਸਵੇਰੇ ਦੇਰ ਨਾਲ ਉੱਠਦਾ ਹੈ।
ਬੱਚਿਆਂ ਨੂੰ ਪਿਆਰ ਨਾਲ ਜਗਾਓ
ਤੁਸੀਂ ਬੱਚਿਆਂ ਦੇ ਕਮਰੇ ਵਿੱਚ ਜਾ ਕੇ ਖਿੜਕੀ ਖੋਲ੍ਹ ਸਕਦੇ ਹੋ। ਤੁਸੀਂ ਲਾਈਟਾਂ ਨੂੰ ਚਾਲੂ ਕਰ ਸਕਦੇ ਹੋ ਅਤੇ ਪੱਖਾ ਬੰਦ ਕਰ ਸਕਦੇ ਹੋ। ਤਾਂ ਕਿ ਬੱਚਾ ਆਪਣੇ ਆਪ ਹੀ ਉੱਠ ਜਾਵੇ, ਇਸ ਤੋਂ ਇਲਾਵਾ, ਆਪਣੇ ਬੱਚੇ ਦੇ ਸਿਰ ਉੱਤੇ ਪਿਆਰ ਦੇ ਨਾਲ ਹੱਥ ਫੇਰ ਕੇ ਜਗਾਉਣ ਦੀ ਕੋਸ਼ਿਸ਼ ਕਰੋ। ਤੁਹਾਨੂੰ ਆਪਣੇ ਬੱਚਿਆਂ ਲਈ ਸਵੇਰੇ-ਸਵੇਰੇ ਸਵਾਦਿਸ਼ਟ ਨਾਸ਼ਤਾ ਤਿਆਰ ਕਰਨਾ ਚਾਹੀਦਾ ਹੈ, ਤਾਂ ਜੋ ਬੱਚਾ ਨਾਸ਼ਤੇ ਦੇ ਨਾਂ 'ਤੇ ਵੀ ਜਲਦੀ ਜਾਗ ਜਾਵੇ।
ਇੱਕ ਚਾਰਟ ਬਣਾਓ
ਇਸ ਤੋਂ ਇਲਾਵਾ ਤੁਸੀਂ ਆਪਣੇ ਬੱਚਿਆਂ ਦੇ ਨਾਲ ਬੈਠ ਕੇ ਇੱਕ ਚਾਰਟ ਜ਼ਰੂਰ ਬਣਾਓ ਜਿਸ ਵਿੱਚ ਤੁਸੀਂ ਉਸ ਚਾਰਟ ਵਿੱਚ ਬੱਚਿਆਂ ਦੇ ਸਵੇਰੇ ਉੱਠਣ ਦਾ ਸਮਾਂ, ਰਾਤ ਨੂੰ ਸੌਣ ਦਾ ਸਮਾਂ, ਪੜ੍ਹਨ ਦਾ ਸਮਾਂ, ਖੇਡਣ ਦਾ ਸਮਾਂ ਆਦਿ ਹਰ ਚੀਜ਼ ਦਾ ਜ਼ਿਕਰ ਕਰੋ। ਤੁਸੀਂ ਰਾਤ 9 ਜਾਂ 10 ਵਜੇ ਤੋਂ ਬਾਅਦ ਆਪਣੇ ਬੱਚਿਆਂ ਤੋਂ ਫੋਨ ਲੈ ਸਕਦੇ ਹੋ। ਤਾਂ ਜੋ ਬੱਚਾ ਆਸਾਨੀ ਨਾਲ ਅਤੇ ਜਲਦੀ ਸੌਂ ਜਾਵੇ। ਤੁਸੀਂ ਹਰ ਰੋਜ਼ ਸਵੇਰੇ ਆਪਣੇ ਬੱਚਿਆਂ ਨੂੰ ਸਵੇਰ ਦੀ ਸੈਰ 'ਤੇ ਜ਼ਰੂਰ ਲੈ ਜਾਓ, ਇਸ ਨਾਲ ਉਨ੍ਹਾਂ ਦਾ ਦਿਮਾਗ ਤਰੋਤਾਜ਼ਾ ਹੋ ਜਾਵੇਗਾ। ਤੁਸੀਂ ਸਵੇਰੇ ਘਰ ਵਿੱਚ ਮੱਧਮ ਆਵਾਜ਼ ਵਿੱਚ ਸੁਰੀਲਾ ਸੰਗੀਤ ਵੀ ਸ਼ੁਰੂ ਕਰ ਸਕਦੇ ਹੋ।
ਗਿਫਟ ਦੇਣ ਦਾ ਲਾਲਚ ਦੇਵੋ
ਤੁਸੀਂ ਆਪਣੇ ਬੱਚਿਆਂ ਨਾਲ ਚੈਲੇਂਜ ਵਰਗੀ ਖੇਡ ਖੇਡ ਸਕਦੇ ਹੋ। ਇਸ ਨਾਲ ਤੁਹਾਡਾ ਬੱਚਾ ਸਵੇਰੇ ਜਲਦੀ ਉੱਠ ਕੇ ਖੇਡਣ ਲੱਗ ਜਾਵੇਗਾ। ਤੁਸੀਂ ਉਸਨੂੰ ਦੱਸੋ ਕਿ ਜੇ ਉਹ ਹਰ ਰੋਜ਼ ਜਲਦੀ ਉੱਠਦਾ ਹੈ ਅਤੇ ਸੈਰ ਕਰਨ ਜਾਂਦਾ ਹੈ, ਤਾਂ ਉਸਨੂੰ ਹਰ ਹਫ਼ਤੇ ਇੱਕ ਤੋਹਫ਼ਾ ਮਿਲੇਗਾ। ਇਹ ਸੁਣ ਕੇ ਬੱਚੇ ਆਪਣੇ ਮਾਤਾ-ਪਿਤਾ ਦੀ ਗੱਲ ਸੁਣਨ ਲੱਗਦੇ ਹਨ ਅਤੇ ਆਪਣੀ ਰੋਜ਼ਾਨਾ ਦੀ ਰੁਟੀਨ ਨੂੰ ਬਦਲਦੇ ਹਨ। ਇਨ੍ਹਾਂ ਸਾਰੇ ਟਿਪਸ ਨੂੰ ਅਪਣਾ ਕੇ ਤੁਸੀਂ ਆਪਣੇ ਬੱਚਿਆਂ ਨੂੰ ਸਵੇਰੇ ਜਲਦੀ ਉਠਾ ਸਕਦੇ ਹੋ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
