ਸੰਸਦ 'ਚ ਬੀਜੇਪੀ ਸਾਂਸਦ ਨਹੀਂ ਕਰ ਸਕਦੇ ਓਪਨ ਚਰਚਾ, ਰਾਹੁਲ ਗਾਂਧੀ ਨੇ ਕੀਤੇ ਖੁਲਾਸੇ!
ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਕਿਹਾ ਕਿ ਸੰਸਦ 'ਚ ਭਾਰਤੀ ਜਨਤਾ ਪਾਰਟੀ ਦੇ ਸੰਸਦ ਮੈਂਬਰ ਉਨ੍ਹਾਂ ਨੂੰ ਦੱਸਦੇ ਹਨ ਕਿ ਉਨ੍ਹਾਂ ਦੀ ਓਪਨ ਡਿਸਕਸ਼ਨ ਨਹੀਂ ਹੋ ਸਕਦੀ। ਰਾਹੁਲ ਨੇ ਕਿਹਾ ਕਿ ਭਾਜਪਾ ਦੇ ਸੰਸਦ ਮੈਂਬਰ ਉਨ੍ਹਾਂ ਨੂੰ ਦੱਸਦੇ ਹਨ ਕਿ ਉਨ੍ਹਾਂ ਨੂੰ ਕਿਹਾ ਜਾਂਦਾ ਹੈ ਕਿ ਕੀ ਬੋਲਣਾ ਹੈ।
ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਕਿਹਾ ਕਿ ਸੰਸਦ 'ਚ ਭਾਰਤੀ ਜਨਤਾ ਪਾਰਟੀ ਦੇ ਸੰਸਦ ਮੈਂਬਰ ਉਨ੍ਹਾਂ ਨੂੰ ਦੱਸਦੇ ਹਨ ਕਿ ਉਨ੍ਹਾਂ ਦੀ ਓਪਨ ਡਿਸਕਸ਼ਨ ਨਹੀਂ ਹੋ ਸਕਦੀ। ਰਾਹੁਲ ਨੇ ਕਿਹਾ ਕਿ ਭਾਜਪਾ ਦੇ ਸੰਸਦ ਮੈਂਬਰ ਉਨ੍ਹਾਂ ਨੂੰ ਦੱਸਦੇ ਹਨ ਕਿ ਉਨ੍ਹਾਂ ਨੂੰ ਕਿਹਾ ਜਾਂਦਾ ਹੈ ਕਿ ਕੀ ਬੋਲਣਾ ਹੈ। ਮੰਗਲਵਾਰ ਸ਼ਾਮ ਬਰਾਊਨ ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਆਸ਼ੂਤੋਸ਼ ਵਰਸ਼ਨੇ ਨਾਲ ਇੱਕ ਆਨਲਾਈਨ ਗੱਲਬਾਤ ਦੌਰਾਨ, ਰਾਹੁਲ ਨੇ ਕੇਂਦਰ ਸਰਕਾਰ 'ਤੇ ਜ਼ੋਰਦਾਰ ਹਮਲਾ ਕੀਤਾ।
ਰਾਹੁਲ ਗਾਂਧੀ ਨੇ ਇਕ ਵਾਰ ਫਿਰ ਨਿਆਂਪਾਲਿਕਾ ਅਤੇ ਪ੍ਰੈਸ ਵਰਗੀਆਂ ਸੰਸਥਾਵਾਂ 'ਤੇ ਕਮਜ਼ੋਰੀ ਦਾ ਦੋਸ਼ ਲਗਾਇਆ। ਉਨ੍ਹਾਂ ਨੇ ਕਿਹਾ- “ਇਸ ਤੋਂ ਬਿਨ੍ਹਾਂ ਕਿਸੇ ਚੀਜ਼ ਦੀ ਆਸ ਕਰਨਾ ਕਲਪਨਾ ਹੋਵੇਗੀ। ਮੇਰਾ ਮਾਈਕ ਸੰਸਦ 'ਚ ਬੰਦ ਕਰ ਦਿੱਤਾ ਜਾਂਦਾ ਹੈ, ਇਹ ਟੀਵੀ 'ਤੇ ਨਹੀਂ ਦਿਖਾਇਆ ਜਾਂਦਾ।"
ਵਿਦੇਸ਼ੀ ਸੰਸਥਾ ਦੀ ਤਰਫੋਂ ਭਾਰਤ ਨੂੰ ਇਲੈਕਟ੍ਰੋਲ ਆਟੋਕਰੇਸੀ ਕਹਿਣ ਬਾਰੇ ਪੁੱਛੇ ਗਏ ਸਵਾਲ 'ਤੇ ਰਾਹੁਲ ਨੇ ਕਿਹਾ ਕਿ ਅਸੀਂ ਉਸ ਤੋਂ ਸਟੈਂਪ ਨਹੀਂ ਚਾਹੁੰਦੇ ਪਰ ਗੱਲ ਸਹੀ ਹੈ। ਸਥਿਤੀ ਇਸ ਤੋਂ ਵੀ ਭੈੜੀ ਹੈ।
ਰਾਹੁਲ ਨੇ ਦਾਅਵਾ ਕੀਤਾ ਕਿ ਆਧੁਨਿਕ ਟੈਕਨਾਲੌਜੀ ਨਾਲ, ਜੇ ਤੁਸੀਂ ਵਟਸਐਪ, ਫੇਸਬੁੱਕ ਨੂੰ ਨਿਯੰਤਰਿਤ ਕਰਦੇ ਹੋ, ਤਾਂ ਵੋਟਾਂ ਨੂੰ ਕੰਟਰੋਲ ਕਰਨ ਦੀ ਜ਼ਰੂਰਤ ਨਹੀਂ ਹੈ, ਤੁਸੀਂ ਉਸੇ ਤਰੀਕੇ ਨਾਲ ਨਿਯੰਤਰਣ ਕਰੋਗੇ। ਭਾਰਤ ਵਿੱਚ, ਫੇਸਬੁੱਕ ਦੀ ਅਗਵਾਈ ਭਾਜਪਾ ਕਰ ਰਹੀ ਹੈ। ਜਦੋਂ ਇਕ ਕਾਂਗਰਸੀ ਲੜਕੀ ਫੇਸਬੁੱਕ 'ਚ ਗਈ ਤਾਂ ਉਸ ਦੀ ਛੁੱਟੀ ਕਰ ਦਿੱਤੀ ਗਈ।
ਰਾਹੁਲ ਨੇ ਮੁਸਲਿਮ ਬ੍ਰਦਰਹੁੱਡ ਦੀ ਤੁਲਨਾ ਆਰਐਸਐਸ ਨਾਲ ਕੀਤੀ। ਉਨ੍ਹਾਂ ਕਿਹਾ - ਚੋਣਾਂ ਤਾਂ ਗੱਦਾਫੀ ਅਤੇ ਸੱਦਾਮ ਹੁਸੈਨ ਵੀ ਕਰਵਾਉਂਦੇ ਸੀ। ਰਾਹੁਲ ਨੂੰ ਪੁੱਛਿਆ ਗਿਆ ਕਿ ਰਾਜਸਥਾਨ, ਛੱਤੀਸਗੜ, ਮੱਧ ਪ੍ਰਦੇਸ਼ ਵਿੱਚ 2018 ਦੇ ਅੰਤ ਵਿੱਚ ਬਹੁਮਤ ਹਾਸਲ ਕਰਨ ਦੇ ਬਾਵਜੂਦ, ਕਾਂਗਰਸ ਨੇ ਲੋਕ ਸਭਾ ਵਿੱਚ ਅਜਿਹਾ ਪ੍ਰਦਰਸ਼ਨ ਕਿਉਂ ਨਹੀਂ ਕੀਤਾ?
ਰਾਹੁਲ ਨੇ ਕਿਹਾ- “ਮੈਨੂੰ ਸਮਝ ਨਹੀਂ ਆ ਰਿਹਾ ਕਿ ਛੱਤੀਸਗੜ੍ਹ ਵਿਧਾਨ ਸਭਾ ਚੋਣਾਂ 'ਚ ਦੋ ਤਿਹਾਈ ਬਹੁਮਤ ਤੋਂ ਬਾਅਦ ਲੋਕ ਸਭਾ ਚੋਣਾਂ 'ਚ ਸਿਰਫ ਦੋ ਸੀਟਾਂ ਮਿਲੀਆਂ, ਰਾਜਸਥਾਨ 'ਚ ਬਹੁਮਤ ਤੋਂ ਬਾਅਦ ਜ਼ੀਰੋ ਸੀਟਾਂ ਕਿਵੇਂ ਆਈਆਂ! ਅਸਲ 'ਚ ਉੱਤਰੀ ਭਾਰਤ 'ਚ ਜ਼ਬਰਦਸਤ ਧਰੁਵੀਕਰਨ ਹੋਇਆ ਸੀ। ਭਾਜਪਾ ਨੇ ਜੰਮ ਕੇ ਪੈਸਾ ਵਹਾਇਆ। ਫੇਸਬੁੱਕ ਉਨ੍ਹਾਂ ਦੇ ਨਿਯੰਤਰਣ 'ਚ ਹੈ। ਮੀਡੀਆ 24 * 7 ਪ੍ਰਧਾਨ ਮੰਤਰੀ ਨੂੰ ਦਿਖਾਉਂਦਾ ਹੈ, ਕਿਸੇ ਹੋਰ ਨੇਤਾ ਨੂੰ ਨਹੀਂ। ਇਹ ਕਾਰਨ ਰਹੇ।”
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
