Air Pollution: 69% ਪਰਿਵਾਰ ਪ੍ਰਦੂਸ਼ਣ ਤੋਂ ਪ੍ਰਭਾਵਿਤ, 62% ਪਰਿਵਾਰਾਂ ‘ਚ ਇੱਕ ਮੈਂਬਰ ਦੀਆਂ ਅੱਖਾਂ ‘ਚ ਜਲਨ, 31% ਪਰਿਵਾਰਾਂ ’ਚ 1 ਮੈਂਬਰ ਨੂੰ ਦਮਾ, ਪੜ੍ਹੋ ਪੂਰਾ ਸਰਵੇ
ਇਸ ਸਰਵੇਖਣ ਰਿਪੋਰਟ 'ਤੇ 21 ਹਜ਼ਾਰ ਲੋਕਾਂ ਦੇ ਪ੍ਰਤੀਕਿਰਿਆਵਾਂ ਆਈਆਂ। ਇਹ ਸਾਹਮਣੇ ਆਇਆ ਕਿ ਦਿੱਲੀ-ਐਨਸੀਆਰ ਵਿੱਚ 62% ਪਰਿਵਾਰਾਂ ਵਿੱਚ, ਘੱਟੋ-ਘੱਟ 1 ਮੈਂਬਰ ਦੀਆਂ ਅੱਖਾਂ ਵਿੱਚ ਜਲਨ ਹੈ।
Air Pollution: ਦਿੱਲੀ ਵਿੱਚ ਪ੍ਰਦੂਸ਼ਣ ਨੂੰ ਲੈ ਕੇ ਇੱਕ ਸਰਵੇਖਣ ਕੀਤਾ ਗਿਆ ਹੈ, ਜਿਸ ਵਿੱਚ ਹੈਰਾਨ ਕਰਨ ਵਾਲੇ ਅੰਕੜੇ ਸਾਹਮਣੇ ਆਏ ਹਨ। NDTV ਦੇ ਅਨੁਸਾਰ, ਨਿੱਜੀ ਏਜੰਸੀ ਲੋਕਲ ਸਰਕਲ ਦੇ ਇੱਕ ਸਰਵੇਖਣ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਦਿੱਲੀ-ਐਨਸੀਆਰ ਵਿੱਚ 69% ਪਰਿਵਾਰ ਪ੍ਰਦੂਸ਼ਣ ਤੋਂ ਪ੍ਰਭਾਵਿਤ ਹਨ।
ਸ਼ੁੱਕਰਵਾਰ ਨੂੰ ਜਾਰੀ ਕੀਤੀ ਗਈ ਇਸ ਸਰਵੇਖਣ ਰਿਪੋਰਟ 'ਤੇ 21 ਹਜ਼ਾਰ ਲੋਕਾਂ ਦੇ ਪ੍ਰਤੀਕਿਰਿਆਵਾਂ ਆਈਆਂ। ਇਹ ਸਾਹਮਣੇ ਆਇਆ ਕਿ ਦਿੱਲੀ-ਐਨਸੀਆਰ ਵਿੱਚ 62% ਪਰਿਵਾਰਾਂ ਵਿੱਚ, ਘੱਟੋ-ਘੱਟ 1 ਮੈਂਬਰ ਦੀਆਂ ਅੱਖਾਂ ਵਿੱਚ ਜਲਨ ਹੈ। ਇਸ ਦੇ ਨਾਲ ਹੀ, 46% ਪਰਿਵਾਰਾਂ ਵਿੱਚ, ਕੋਈ ਮੈਂਬਰ ਸਾਹ ਲੈਣ ਵਿੱਚ ਮੁਸ਼ਕਲ (ਨੱਕ ਬੰਦ ਹੋਣਾ) ਤੋਂ ਪੀੜਤ ਹੈ ਤੇ 31% ਪਰਿਵਾਰਾਂ ਵਿੱਚ, ਇੱਕ ਮੈਂਬਰ ਦਮੇ ਤੋਂ ਪੀੜਤ ਹੈ।
ਸਰਵੇਖਣ ਵਿੱਚ ਹੋਰ ਕੀ ਹੋਏ ਖ਼ੁਲਾਸੇ
31% ਨੇ ਕਿਹਾ ਕਿ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਸਿਰ ਦਰਦ ਤੋਂ ਪੀੜਤ ਹਨ।
23% ਪਰਿਵਾਰਾਂ ਵਿੱਚ ਇੱਕ ਮੈਂਬਰ ਨੂੰ ਪ੍ਰਦੂਸ਼ਣ ਕਾਰਨ ਧਿਆਨ ਕੇਂਦਰਿਤ ਕਰਨ ਵਿੱਚ ਮੁਸ਼ਕਲ ਆਉਂਦੀ ਹੈ।
15% ਨੇ ਕਿਹਾ ਕਿ ਉਨ੍ਹਾਂ ਦੇ ਪਰਿਵਾਰ ਦੇ ਇੱਕ ਮੈਂਬਰ ਨੂੰ ਸੌਣ ਵਿੱਚ ਮੁਸ਼ਕਲ ਆਉਂਦੀ ਹੈ।
31% ਨੇ ਕਿਹਾ ਕਿ ਉਨ੍ਹਾਂ ਦੇ ਪਰਿਵਾਰ ਵਿੱਚ ਕਿਸੇ ਨੂੰ ਵੀ ਪ੍ਰਦੂਸ਼ਣ ਕਾਰਨ ਕੋਈ ਸਮੱਸਿਆ ਨਹੀਂ ਹੈ।
23% ਨੇ ਕਿਹਾ ਕਿ ਉਹ ਏਅਰ ਪਿਊਰੀਫਾਇਰ ਦੀ ਵਰਤੋਂ ਕਰਦੇ ਹਨ।
15% ਨੇ ਕਿਹਾ ਕਿ ਉਹ ਜਲਦੀ ਹੀ ਬਾਹਰ ਜਾਣ ਵੇਲੇ ਮਾਸਕ ਪਹਿਨਣਗੇ।
15% ਨੇ ਕਿਹਾ ਕਿ ਉਹ ਪ੍ਰਦੂਸ਼ਣ ਦੇ ਮਹੀਨੇ ਵਿੱਚ ਦਿੱਲੀ ਤੋਂ ਬਾਹਰ ਜਾਣ ਦੀ ਯੋਜਨਾ ਬਣਾ ਰਹੇ ਹਨ।
ਇਸੇ ਤਰ੍ਹਾਂ ਦਾ ਪਿਛਲਾ ਸਰਵੇਖਣ 19 ਅਕਤੂਬਰ ਨੂੰ ਕੀਤਾ ਗਿਆ ਸੀ, ਜਦੋਂ ਦਿੱਲੀ ਵਿੱਚ GRAP-1 (ਗਰੇਡਡ ਰਿਸਪਾਂਸ ਐਕਸ਼ਨ ਪਲਾਨ) ਲਾਗੂ ਕੀਤਾ ਗਿਆ ਸੀ। ਇਸ ਦੇ ਅਨੁਸਾਰ ਦੋ ਹਫ਼ਤਿਆਂ ਵਿੱਚ ਗਲੇ ਵਿੱਚ ਖਰਾਸ਼ ਅਤੇ ਖੰਘ ਤੋਂ ਪੀੜਤ ਲੋਕਾਂ ਦੀ ਗਿਣਤੀ 36% ਤੋਂ ਵੱਧ ਕੇ 69% ਹੋ ਗਈ ਹੈ। 2 ਹਫ਼ਤਿਆਂ ਵਿੱਚ ਏਅਰ ਪਿਊਰੀਫਾਇਰ ਦੀ ਵਰਤੋਂ ਕਰਨ ਵਾਲੇ ਪਰਿਵਾਰਾਂ ਦੀ ਗਿਣਤੀ 18% ਤੋਂ ਵਧ ਕੇ 23% ਹੋ ਗਈ ਹੈ।
AQI ਕੀ ਹੈ ?
AQI ਇੱਕ ਕਿਸਮ ਦਾ ਥਰਮਾਮੀਟਰ ਹੈ। ਇਹ ਤਾਪਮਾਨ ਦੀ ਬਜਾਏ ਪ੍ਰਦੂਸ਼ਣ ਨੂੰ ਮਾਪਣ ਦਾ ਕੰਮ ਕਰਦਾ ਹੈ। ਇਸ ਪੈਮਾਨੇ ਰਾਹੀਂ, ਹਵਾ ਵਿੱਚ ਮੌਜੂਦ CO (ਕਾਰਬਨ ਡਾਈਆਕਸਾਈਡ), ਓਜ਼ੋਨ, NO2 (ਨਾਈਟ੍ਰੋਜਨ ਡਾਈਆਕਸਾਈਡ), ਪੀਐਮ 2.5 (ਪਾਰਟੀਕੁਲੇਟ ਮੈਟਰ) ਤੇ ਪੀਐਮ 10 ਪ੍ਰਦੂਸ਼ਕਾਂ ਦੀ ਮਾਤਰਾ ਦੀ ਜਾਂਚ ਕੀਤੀ ਜਾਂਦੀ ਹੈ ਅਤੇ ਜ਼ੀਰੋ ਤੋਂ 500 ਤੱਕ ਰੀਡਿੰਗ ਵਿੱਚ ਦਿਖਾਇਆ ਜਾਂਦਾ ਹੈ।
ਹਵਾ ਵਿੱਚ ਪ੍ਰਦੂਸ਼ਕਾਂ ਦੀ ਮਾਤਰਾ ਜਿੰਨੀ ਜ਼ਿਆਦਾ ਹੋਵੇਗੀ, AQI ਪੱਧਰ ਓਨਾ ਹੀ ਉੱਚਾ ਹੋਵੇਗਾ ਅਤੇ AQI ਜਿੰਨਾ ਉੱਚਾ ਹੋਵੇਗਾ, ਹਵਾ ਓਨੀ ਹੀ ਖਤਰਨਾਕ ਹੋਵੇਗੀ। ਹਾਲਾਂਕਿ 200 ਤੋਂ 300 ਦੇ ਵਿਚਕਾਰ AQI ਨੂੰ ਵੀ ਮਾੜਾ ਮੰਨਿਆ ਜਾਂਦਾ ਹੈ, ਪਰ ਸਥਿਤੀ ਅਜਿਹੀ ਹੈ ਕਿ ਰਾਜਸਥਾਨ, ਹਰਿਆਣਾ, ਦਿੱਲੀ ਅਤੇ ਉੱਤਰ ਪ੍ਰਦੇਸ਼ ਦੇ ਕਈ ਸ਼ਹਿਰਾਂ ਵਿੱਚ ਇਹ 300 ਤੋਂ ਉੱਪਰ ਚਲਾ ਗਿਆ ਹੈ। ਇਹ ਵਧਦਾ AQI ਸਿਰਫ਼ ਇੱਕ ਨੰਬਰ ਨਹੀਂ ਹੈ। ਇਹ ਆਉਣ ਵਾਲੀਆਂ ਬਿਮਾਰੀਆਂ ਦੇ ਖਤਰੇ ਦਾ ਵੀ ਸੰਕੇਤ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
