ਦੁਨੀਆਂ ਦੀ ਚੌਥੀ ਸਭ ਤੋਂ ਤਾਕਤਵਰ ਫੌਜ ਭਾਰਤ ਕੋਲ, ਆਪਣੀ ਜਗ੍ਹਾ ਤੋਂ ਖਿਸਕਿਆ ਪਾਕਿਸਤਾਨ, ਚੀਨ ਤੇ ਰੂਸ ਦਾ ਕੀ ਹੈ ਸਥਾਨ ?
Global Firepower Ranking 2025: ਗਲੋਬਲ ਫਾਇਰਪਾਵਰ ਨੇ 2025 ਦੀ ਫੌਜੀ ਸ਼ਕਤੀਆਂ ਦੀ ਰੈਂਕਿੰਗ ਜਾਰੀ ਕੀਤੀ ਹੈ। ਅਮਰੀਕਾ ਸਭ ਤੋਂ ਪਹਿਲੇ ਨੰਬਰ 'ਤੇ ਹੈ, ਦੂਜੇ ਨੰਬਰ 'ਤੇ ਰੂਸ ਅਤੇ ਚੀਨ ਤੀਜਾ ਸਭ ਤੋਂ ਸ਼ਕਤੀਸ਼ਾਲੀ ਦੇਸ਼ ਹੈ।
Global Firepower Ranking 2025: ਗਲੋਬਲ ਫਾਇਰਪਾਵਰ 2025 ਦੀ ਰੈਂਕਿੰਗ ਵਿੱਚ ਅਮਰੀਕਾ 0.744 ਦੇ ਪਾਵਰ ਇੰਡੈਕਸ ਦੇ ਨਾਲ ਪਹਿਲੇ ਸਥਾਨ 'ਤੇ ਹੈ। ਰੂਸ ਅਤੇ ਚੀਨ ਕ੍ਰਮਵਾਰ ਦੂਜੇ ਅਤੇ ਤੀਜੇ ਸਥਾਨ 'ਤੇ ਹਨ। ਦੋਵਾਂ ਦਾ ਪਾਵਰ ਇੰਡੈਕਸ 0.788 ਹੈ। ਅਮਰੀਕਾ ਦੀਆਂ ਅਤਿ-ਆਧੁਨਿਕ ਫੌਜੀ ਸਮਰੱਥਾਵਾਂ, ਵਿੱਤੀ ਸਰੋਤ ਅਤੇ ਵਿਸ਼ਵਵਿਆਪੀ ਪਹੁੰਚ ਇਸ ਨੂੰ ਸਭ ਤੋਂ ਸ਼ਕਤੀਸ਼ਾਲੀ ਦੇਸ਼ ਬਣਾਉਂਦੀ ਹੈ। ਰੂਸ ਅਤੇ ਚੀਨ ਵੀ ਆਪਣੀ ਵਿਸ਼ਾਲ ਫੌਜੀ ਸ਼ਕਤੀ ਅਤੇ ਰਾਜਨੀਤਿਕ ਸਥਿਤੀ ਦੇ ਕਾਰਨ ਟਾਪ ਦੀ ਪੌਜੀਸ਼ਨ 'ਤੇ ਕਾਬਜ਼ ਹੈ।
ਭਾਰਤ ਫੌਜੀ ਸ਼ਕਤੀ ਦੇ ਮਾਮਲੇ ਵਿੱਚ ਚੌਥੇ ਸਥਾਨ 'ਤੇ ਹੈ, ਜਿਸ ਦਾ ਪਾਵਰ ਇੰਡੈਕਸ 0.1184 ਹੈ। ਇਹ ਦਰਜਾਬੰਦੀ ਭਾਰਤ ਦੀਆਂ ਵਧਦੀਆਂ ਫੌਜੀ ਸਮਰੱਥਾਵਾਂ, ਆਧੁਨਿਕ ਹਥਿਆਰਾਂ ਅਤੇ ਰਣਨੀਤਕ ਤੌਰ 'ਤੇ ਮਹੱਤਵਪੂਰਨ ਭੂਗੋਲਿਕ ਸਥਿਤੀ ਨੂੰ ਦਰਸਾਉਂਦੀ ਹੈ। ਭਾਰਤ ਦੇ ਫੌਜ ਬਜਟ ਅਤੇ ਰੱਖਿਆ ਪ੍ਰਣਾਲੀ ਵਿੱਚ ਨਿਰੰਤਰ ਸੁਧਾਰਾਂ ਨੇ ਇਸ ਨੂੰ ਟਾਪ-5 ਵਿੱਚ ਬਣਾਏ ਰੱਖਣ ਵਿੱਚ ਮਦਦ ਕੀਤੀ ਹੈ।
ਦੱਖਣੀ ਕੋਰੀਆ ਅਤੇ ਹੋਰ ਦੇਸ਼ਾਂ ਦਾ ਪ੍ਰਦਰਸ਼ਨ
ਦੱਖਣੀ ਕੋਰੀਆ 0.1656 ਦੇ ਪਾਵਰ ਇੰਡੈਕਸ ਨਾਲ ਪੰਜਵੇਂ ਸਥਾਨ 'ਤੇ ਬਰਕਰਾਰ ਹੈ। ਬ੍ਰਿਟੇਨ, ਫਰਾਂਸ, ਜਾਪਾਨ, ਤੁਰਕੀ ਅਤੇ ਇਟਲੀ ਕ੍ਰਮਵਾਰ ਛੇਵੇਂ ਤੋਂ ਦਸਵੇਂ ਸਥਾਨ 'ਤੇ ਹਨ। ਪਾਕਿਸਤਾਨ, ਜੋ ਪਿਛਲੇ ਸਾਲ ਟਾਪ-10 ਵਿੱਚ ਸੀ। ਇਸ ਸਾਲ ਇਹ ਤਿੰਨ ਸਥਾਨ ਖਿਸਕ ਕੇ 12ਵੇਂ ਸਥਾਨ 'ਤੇ ਆ ਗਿਆ ਹੈ।
ਰੈਂਕਿੰਗ ਦੇ ਮਾਪਦੰਡ
ਗਲੋਬਲ ਫਾਇਰਪਾਵਰ ਰੈਂਕਿੰਗ 60 ਤੋਂ ਵੱਧ ਚੀਜ਼ਾਂ ਦੇ ਆਧਾਰ 'ਤੇ ਤੈਅ ਕੀਤੀ ਜਾਂਦੀ ਹੈ। ਇਨ੍ਹਾਂ ਵਿੱਚ ਫੌਜੀ ਯੂਨਿਟਾਂ ਦੀ ਗਿਣਤੀ, ਵਿੱਤੀ ਸਥਿਤੀ, ਲੌਜਿਸਟਿਕਸ ਸਮਰੱਥਾਵਾਂ ਅਤੇ ਜਿਊਗ੍ਰਾਫਿਕਲ ਚੀਜ਼ਾਂ ਸ਼ਾਮਲ ਹਨ। ਪਾਵਰ ਇੰਡੈਕਸ ਸਕੋਰ ਜਿੰਨਾ ਘੱਟ ਹੋਵੇਗਾ, ਦੇਸ਼ ਦੀ ਫੌਜੀ ਸ਼ਕਤੀ ਓਨੀ ਹੀ ਵੱਡੀ ਮੰਨੀ ਜਾਂਦੀ ਹੈ। ਇਸ ਸਾਲ ਦੀ ਰੈਂਕਿੰਗ ਵਿੱਚ ਅਮਰੀਕਾ ਦਾ ਪਾਵਰ ਇੰਡੈਕਸ ਸਕੋਰ ਸਭ ਤੋਂ ਘੱਟ ਹੈ, ਜਦੋਂ ਕਿ ਭੂਟਾਨ 6.3934 ਦੇ ਨਾਲ ਸਭ ਤੋਂ ਹੇਠਾਂ ਹੈ।
ਏਸ਼ੀਆ ਦੇ ਟਾਪ-10 ਦੇਸ਼ਾਂ ਦੀ ਸਥਿਤੀ
ਚੀਨ, ਭਾਰਤ, ਦੱਖਣੀ ਕੋਰੀਆ ਅਤੇ ਜਾਪਾਨ ਨੇ ਏਸ਼ੀਆ ਦੇ ਟਾਪ-10 ਦੇਸ਼ਾਂ ਵਿੱਚ ਆਪਣੀ ਜਗ੍ਹਾ ਬਣਾਈ ਹੈ। ਪਾਕਿਸਤਾਨ ਦਾ ਟਾਪ-10 ਵਿੱਚੋਂ ਬਾਹਰ ਹੋਣਾ ਇਸ ਖੇਤਰ ਵਿੱਚ ਇੱਕ ਮਹੱਤਵਪੂਰਨ ਬਦਲਾਅ ਹੈ। ਮਿਸਰ ਅਤੇ ਨਾਈਜੀਰੀਆ ਅਫਰੀਕਾ ਵਿੱਚ ਟਾਪ ਦੀਆਂ ਫੌਜੀ ਸ਼ਕਤੀਆਂ ਵਜੋਂ ਉੱਭਰੇ ਹਨ। ਬ੍ਰਿਟੇਨ, ਫਰਾਂਸ ਅਤੇ ਜਰਮਨੀ ਨੇ ਯੂਰਪ ਵਿੱਚ ਆਪਣੀ ਮਜ਼ਬੂਤ ਸਥਿਤੀ ਬਣਾਈ ਰੱਖੀ ਹੈ। ਇਜ਼ਰਾਈਲ ਅਤੇ ਈਰਾਨ ਕ੍ਰਮਵਾਰ 15ਵੇਂ ਅਤੇ 16ਵੇਂ ਸਥਾਨ 'ਤੇ ਹਨ, ਜੋ ਕਿ ਖੇਤਰ ਵਿੱਚ ਉਨ੍ਹਾਂ ਦੀ ਮਹੱਤਵਪੂਰਨ ਫੌਜੀ ਤਾਕਤ ਨੂੰ ਦਰਸਾਉਂਦੇ ਹਨ।
ਗਲੋਬਲ ਫਾਇਰਪਾਵਰ ਰੈਂਕਿੰਗ 2025
ਗਲੋਬਲ ਫਾਇਰਪਾਵਰ ਰੈਂਕਿੰਗ 2025 ਦੁਨੀਆ ਭਰ ਦੇ ਦੇਸ਼ਾਂ ਦੀ ਫੌਜ ਸ਼ਕਤੀ ਨੂੰ ਦਰਸਾਉਂਦੀ ਹੈ। ਅਮਰੀਕਾ, ਰੂਸ ਅਤੇ ਚੀਨ ਨੇ ਆਪਣੇ ਸਿਖਰਲੇ ਸਥਾਨਾਂ ਨੂੰ ਬਰਕਰਾਰ ਰੱਖਿਆ, ਜਦੋਂ ਕਿ ਭਾਰਤ ਨੇ ਵੀ ਮਜ਼ਬੂਤ ਮੌਜੂਦਗੀ ਬਣਾਈ। ਇਹ ਦਰਜਾਬੰਦੀ ਵਿਸ਼ਵ ਸ਼ਕਤੀ ਸੰਤੁਲਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀ ਹੈ ਅਤੇ ਆਉਣ ਵਾਲੇ ਸਾਲਾਂ ਵਿੱਚ ਦੇਸ਼ਾਂ ਦੀਆਂ ਰਾਜਨੀਤਿਕ ਅਤੇ ਰੱਖਿਆ ਨੀਤੀਆਂ ਵਿੱਚ ਤਬਦੀਲੀਆਂ ਨੂੰ ਦਰਸਾਉਂਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
