ਬਿਨ੍ਹਾਂ ਖੰਡ ਤੋਂ ਨਹੀਂ ਪੀ ਜਾਂਦੀ ਚਾਹ! ਤਾਂ ਘਬਰਾਓ ਨਾ ਇੰਝ ਕੁਦਰਤੀ ਢੰਗ ਨਾਲ ਬਣਾਓ ਮਿੱਠੀ

ਖੰਡ ਜੋ ਕਿ ਚਾਹ ਦੀ ਮਿਠਾਸ ਨੂੰ ਵਧਾ ਦਿੰਦੀ ਹੈ ਪਰ ਜ਼ਿਆਦਾ ਖੰਡ ਦੇ ਸੇਵਨ ਨਾਲ ਸਿਹਤ ਨੂੰ ਕਈ ਤਰ੍ਹਾਂ ਦੀਆਂ ਬਿਮਾਰੀਆਂ ਘੇਰ ਲੈਂਦੀਆਂ ਹਨ ਜਿਸ ਕਰਕੇ ਸਿਹਤ ਮਾਹਿਰ ਘੱਟ ਚੀਨੀ ਜਾਂ ਫਿੱਕੀ ਚਾਹ ਪੀਣ ਦੀ ਸਲਾਹ ਦਿੰਦੇ ਹਨ। ਆਓ ਜਾਣਦੇ ਹਾਂ ਕੁਦਰਤੀ..

( Image Source : Freepik )

ਚੀਨੀ ਤਾਂ ਛੱਡੀ ਜਾਂਦੀ ਹੈ, ਪਰ ਬਿਨਾ ਚੀਨੀ ਵਾਲੀ ਚਾਹ ਪੀਣ ਵਿੱਚ ਅਜਿਹਾ ਲੱਗਦਾ ਹੈ ਜਿਵੇਂ ਚਾਹ ਦੀ ਆਤਮਾ ਹੀ ਕੱਢ ਲਈ ਹੋਵੇ। ਜੇ ਤੁਸੀਂ ਵੀ ਮਜਬੂਰੀ ਵਿਚ ਬਿਨਾ ਚੀਨੀ ਵਾਲੀ ਚਾਹ ਪੀ ਰਹੇ ਹੋ, ਤਾਂ ਕੁਝ ਸਿਹਤਮੰਦ ਤਰੀਕਿਆਂ ਨਾਲ ਤੁਸੀਂ ਇਸਨੂੰ ਮਿੱਠਾ ਬਣਾ ਸਕਦੇ ਹੋ। ਇੱਥੇ ਅਸੀਂ ਤੁਹਾਨੂੰ ਕੁਝ ਅਜਿਹੇ ਹੀ ਸਿਹਤਮੰਦ ਤੇ ਆਸਾਨ ਤਰੀਕੇ ਦੱਸ ਰਹੇ ਹਾਂ।

ਚਾਹ ਨੂੰ ਮਿੱਠਾ ਬਣਾਉਣ ਦਾ ਸਭ ਤੋਂ ਸਿਹਤਮੰਦ ਅਤੇ ਵਧੀਆ ਤਰੀਕਾ ਹੈ ਸਟੀਵੀਆ ਦੀ ਵਰਤੋਂ ਕਰਨੀ। ਇਹ ਇੱਕ ਹਰਬਲ ਮਿੱਠਾਸ ਹੈ, ਜਿਸ ਵਿੱਚ ਕੈਲੋਰੀ ਨਾ ਦੇ ਬਰਾਬਰ ਹੁੰਦੀ ਹੈ, ਇਸ ਲਈ ਇਹ ਮੋਟਾਪੇ ਦਾ ਕਾਰਨ ਨਹੀਂ ਬਣਦੀ। ਇਹ ਸ਼ੂਗਰ ਦੇ ਮਰੀਜ਼ਾਂ ਲਈ ਵੀ ਸੁਰੱਖਿਅਤ ਮੰਨੀ ਜਾਂਦੀ ਹੈ।