Diabetes : ਦੇਸੀ ਨੁਸਖਿਆਂ ਨਾਲ ਸ਼ੂਗਰ ਕਿਵੇਂ ਘਟਾਈਏ – ਜਾਣੋ ਅਸਾਨ ਤਰੀਕੇ

ਡਾਇਬੀਟੀਜ਼ ਜਾਂ "ਸ਼ੂਗਰ ਦੀ ਬਿਮਾਰੀ" ਇਕ ਅਜਿਹੀ ਸਥਿਤੀ ਹੈ ਜਿਸ ਵਿੱਚ ਸਰੀਰ ਇੰਸੁਲਿਨ ਨਹੀਂ ਬਣਾਉਂਦਾ ਜਾਂ ਠੀਕ ਤਰੀਕੇ ਨਾਲ ਇਸ ਦੀ ਵਰਤੋਂ ਨਹੀਂ ਕਰਦਾ। ਇਸ ਕਾਰਨ ਖੂਨ ਵਿੱਚ ਚੀਨੀ ਦੀ ਮਾਤਰਾ ਵਧ ਜਾਂਦੀ ਹੈ...

( Image Source : Freepik )

ਡਾਇਬੀਟੀਜ਼ ਜਾਂ "ਸ਼ੂਗਰ ਦੀ ਬਿਮਾਰੀ" ਇਕ ਅਜਿਹੀ ਸਥਿਤੀ ਹੈ ਜਿਸ ਵਿੱਚ ਸਰੀਰ ਇੰਸੁਲਿਨ ਨਹੀਂ ਬਣਾਉਂਦਾ ਜਾਂ ਠੀਕ ਤਰੀਕੇ ਨਾਲ ਇਸ ਦੀ ਵਰਤੋਂ ਨਹੀਂ ਕਰਦਾ। ਇਸ ਕਾਰਨ ਖੂਨ ਵਿੱਚ ਚੀਨੀ ਦੀ ਮਾਤਰਾ ਵਧ ਜਾਂਦੀ ਹੈ ਜੋ ਦਿਲ, ਗੁਰਦੇ, ਅੱਖਾਂ ਅਤੇ ਹੋਰ ਅੰਗਾਂ ਨੂੰ ਨੁਕਸਾਨ ਪਹੁੰਚਾ ਸਕਦੀ ਹੈ। ਅੱਜਕੱਲ੍ਹ ਦੀ ਤਣਾਅਪੂਰਨ ਜੀਵਨਸ਼ੈਲੀ ਕਾਰਨ ਇਹ ਬਿਮਾਰੀ ਤੇਜ਼ੀ ਨਾਲ ਵਧ ਰਹੀ ਹੈ।

ਡਾਇਬੀਟੀਜ਼ ਇੱਕ ਲਾਈਫਸਟਾਈਲ ਬਿਮਾਰੀ ਹੈ, ਪਰ ਕੁਝ ਦੇਸੀ ਨੁਸਖਿਆਂ ਦੀ ਮਦਦ ਨਾਲ ਇਸਨੂੰ ਕੁਦਰਤੀ ਤਰੀਕੇ ਨਾਲ ਕੰਟਰੋਲ ਕੀਤਾ ਜਾ ਸਕਦਾ ਹੈ। ਜੇ ਅਸੀਂ ਸਹੀ ਖੁਰਾਕ, ਯੋਗ ਅਭਿਆਸ ਅਤੇ ਨਿਯਮਤ ਤਰੀਕੇ ਨਾਲ ਸਰੀਰ ਦੀ ਸੰਭਾਲ ਕਰੀਏ ਤਾਂ ਸ਼ੂਗਰ ਲੈਵਲ ਨੂੰ ਬਿਨਾਂ ਦਵਾਈਆਂ ਦੇ ਵੀ ਕਾਬੂ 'ਚ ਰੱਖਿਆ ਜਾ ਸਕਦਾ ਹੈ।

ਕਰੇਲੇ ਦਾ ਰਸ ਅਤੇ ਜਾਮੁਨ ਦੇ ਬੀਜ ਡਾਇਬੀਟੀਜ਼ ਦੇ ਇਲਾਜ ਲਈ ਬਹੁਤ ਲਾਭਦਾਇਕ ਮੰਨੇ ਜਾਂਦੇ ਹਨ। ਰੋਜ਼ ਸਵੇਰੇ ਖਾਲੀ ਪੇਟ ਇੱਕ ਗਿਲਾਸ ਤਾਜ਼ਾ ਕਰੇਲੇ ਦਾ ਰਸ ਪੀਣ ਨਾਲ ਇੰਸੁਲਿਨ ਦੀ ਕਾਰਗੁਜ਼ਾਰੀ ਵਧਦੀ ਹੈ। ਇਸੇ ਤਰ੍ਹਾਂ, ਜਾਮੁਨ ਦੇ ਬੀਜ ਸੁੱਕਾ ਕੇ ਪੀਸ ਕੇ ਉਸਦਾ ਪਾਊਡਰ ਬਣਾ ਲਓ ਅਤੇ ਹਰ ਸਵੇਰੇ ਇੱਕ ਚਮਚ ਇਹ ਪਾਊਡਰ ਗਰਮ ਪਾਣੀ ਨਾਲ ਲੈਣ ਨਾਲ ਵੀ ਸ਼ੂਗਰ ਕੰਟਰੋਲ ਵਿਚ ਰਹਿੰਦੀ ਹੈ।

ਮੇਥੀ ਦੇ ਦਾਣੇ ਅਤੇ ਅਦਰਕ-ਅਜਵਾਈਨ ਦੀ ਚਾਹ ਵੀ ਸ਼ੂਗਰ ਕੰਟਰੋਲ ਕਰਨ ਵਿੱਚ ਲਾਭਦਾਇਕ ਹਨ। ਰਾਤ ਨੂੰ ਇੱਕ ਚਮਚ ਮੇਥੀ ਦੇ ਦਾਣੇ ਪਾਣੀ ਵਿੱਚ ਭਿਉਂ ਕੇ ਰੱਖੋ ਅਤੇ ਸਵੇਰੇ ਉਹ ਪਾਣੀ ਪੀ ਲਵੋ, ਫਿਰ ਦਾਣੇ ਚਬਾ ਕੇ ਖਾਓ। ਇਸਦੇ ਨਾਲ, ਅਦਰਕ, ਅਜਵਾਈਨ ਅਤੇ ਤੁਲਸੀ ਦੇ ਪੱਤਿਆਂ ਨੂੰ ਉਬਾਲ ਕੇ ਚਾਹ ਵਾਂਗ ਪੀਣ ਨਾਲ ਹਾਜਮਾ ਮਜ਼ਬੂਤ ਹੁੰਦਾ ਹੈ ਅਤੇ ਸ਼ੂਗਰ ਲੈਵਲ ਵੀ ਨਿਯੰਤਰਿਤ ਰਹਿੰਦਾ ਹੈ।

ਗਿਲੋਅ ਦਾ ਰਸ ਰੋਜ਼ ਪੀਣ ਨਾਲ ਖੂਨ ਵਿੱਚ ਸ਼ੂਗਰ ਦੀ ਮਾਤਰਾ ਨਿਯੰਤਰਿਤ ਰਹਿੰਦੀ ਹੈ। ਇਹ ਕੁਦਰਤੀ ਢੰਗ ਨਾਲ ਡਾਇਬੀਟੀਜ਼ ਨੂੰ ਕੰਟਰੋਲ ਕਰਨ ਵਿੱਚ ਮਦਦਗਾਰ ਹੈ।

ਇਸਦੇ ਨਾਲ-ਨਾਲ, ਹਫਤੇ ਵਿੱਚ 2–3 ਵਾਰੀ ਨਾਰੀਅਲ ਪਾਣੀ ਪੀਣਾ ਵੀ ਫਾਇਦੇਮੰਦ ਹੁੰਦਾ ਹੈ। ਨਾਰੀਅਲ ਪਾਣੀ ਇਲੈਕਟ੍ਰੋਲਾਈਟਸ ਨਾਲ ਭਰਪੂਰ ਹੁੰਦਾ ਹੈ ਅਤੇ ਸਰੀਰ ਨੂੰ ਹਾਈਡ੍ਰੇਟ ਰੱਖਣ ਦੇ ਨਾਲ ਨਾਲ ਸ਼ੂਗਰ ਲੈਵਲ ਨੂੰ ਵੀ ਕਾਬੂ 'ਚ ਰੱਖਦਾ ਹੈ।