ਲੋੜ ਤੋਂ ਵੱਧ ਫੋਨ ਚਲਾਉਂਦੇ ਹੋ ਤਾਂ ਹੋ ਜਾਓ ਸਾਵਧਾਨ, ਵੱਧ ਸਕਦਾ 6 ਤਰ੍ਹਾਂ ਦਾ ਦਰਦ, ਅੱਜ ਹੀ ਸੈਟ ਕਰੋ ਲਿਮਿਟ

ਮੋਬਾਈਲ ਫ਼ੋਨ ਦੀ ਜ਼ਿਆਦਾ ਵਰਤੋਂ ਕਰਨਾ ਖ਼ਤਰਨਾਕ ਹੋ ਸਕਦਾ ਹੈ। ਇਸ ਨਾਲ ਦਿਮਾਗ ਨੂੰ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਨੀਂਦ ਦੀ ਕਮੀ ਤੇ ਡਿਪਰੈਸ਼ਨ ਵੱਧ ਸਕਦਾ ਹੈ। ਇਸ ਦੇ ਨਾਲ ਹੀ ਕਈ ਤਰ੍ਹਾਂ ਦੇ ਦਰਦ ਵੀ ਹੋ ਸਕਦੇ ਹਨ।

mobile addiction

ਕੁਝ ਦਿਨ ਪਹਿਲਾਂ ਡਾਕਟਰਾਂ ਦੀ ਟੀਮ ਨੇ ਇਕ ਸਰਵੇ ਕੀਤਾ ਸੀ, ਜਿਸ 'ਚ ਹੈਰਾਨ ਕਰਨ ਵਾਲਾ ਖੁਲਾਸਾ ਹੋਇਆ ਸੀ। ਰਿਪੋਰਟ ਮੁਤਾਬਕ ਫੋਨ ਕਾਰਨ ਹੋਣ ਵਾਲੀਆਂ ਬਿਮਾਰੀਆਂ 'ਚੋਂ 74% ਬ੍ਰੇਨ ਟਿਊਮਰ, 80% ਬੋਲਾਪਣ ਅਤੇ 37% ਮੇਲ ਇਨਫਰਟੀਲਿਟੀ ਜਾਂ ਮਰਦ ਬਾਂਝਪਨ ਦਾ ਸ਼ਿਕਾਰ ਸਨ। ਜਦੋਂ ਕਿ ਫੋਨ ਕਾਰਨ 45% ਦਿਲ ਦੀ ਬਿਮਾਰੀ ਤੋਂ ਪੀੜਤ ਸਨ। ਗਰਦਨ ਅਤੇ ਮੋਢੇ: ਅਸੀਂ ਸਾਰੇ ਫ਼ੋਨ ਦੇਖਣ ਲਈ ਆਪਣਾ ਸਿਰ ਝੁਕਾਉਂਦੇ ਹਾਂ। ਇਸ ਕਾਰਨ ਗਰਦਨ ਅਤੇ ਮੋਢੇ ਦਾ ਦਰਦ ਵੱਧ ਸਕਦਾ ਹੈ। ਇਸ ਆਦਤ ਕਾਰਨ ਗਰਦਨ 'ਚ ਅਕੜਾਅ ਅਤੇ ਮੋਢਿਆਂ 'ਚ ਭਾਰੀਪਨ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਜੇਕਰ ਨਜ਼ਰਅੰਦਾਜ਼ ਕੀਤਾ ਜਾਵੇ ਤਾਂ ਇਹ ਦਰਦ ਕਾਫ਼ੀ ਵੱਧ ਸਕਦਾ ਹੈ।

ਕਮਰ ਦਰਦ: ਜ਼ਿਆਦਾਤਰ ਲੋਕ ਕਈ ਘੰਟੇ ਫੋਨ ਚਲਾਉਣ ਵੇਲੇ ਗਲਤ ਤਰੀਕੇ ਨਾਲ ਬੈਠਦੇ ਹਨ, ਜਿਸ ਨਾਲ ਰੀੜ੍ਹ ਦੀ ਹੱਡੀ 'ਤੇ ਜ਼ੋਰ ਪੈਂਦਾ ਹੈ। ਇਸ ਕਾਰਨ ਪਿੱਠ ਦੇ ਹੇਠਲੇ ਹਿੱਸੇ ਵਿੱਚ ਤੇਜ਼ ਦਰਦ ਹੋ ਸਕਦਾ ਹੈ। ਕਈ ਵਾਰ ਇਹ ਦਰਦ ਉੱਠਣ-ਬੈਠਣ ਤੱਕ ਨਹੀਂ ਦਿੰਦਾ ਹੈ।