IND vs AUS Test Stats : ਅਨਿਲ ਕੁੰਬਲੇ ਨੇ ਸਭ ਤੋਂ ਵੱਧ ਲਈਆਂ ਵਿਕਟਾਂ, ਚਾਰ ਸਪਿਨਰ ਟਾਪ-5 ਗੇਂਦਬਾਜ਼ਾਂ 'ਚ

IND vs AUS : ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਟੈਸਟ ਸੀਰੀਜ਼ 9 ਫਰਵਰੀ ਤੋਂ ਸ਼ੁਰੂ ਹੋ ਰਹੀ ਹੈ। ਇਸ ਤੋਂ ਪਹਿਲਾਂ ਜਾਣੋ ਇਨ੍ਹਾਂ ਦੋਵਾਂ ਟੀਮਾਂ ਵਿਚਾਲੇ ਹੁਣ ਤੱਕ ਦੇ ਮੈਚਾਂ 'ਚ ਕਿਹੜੇ ਗੇਂਦਬਾਜ਼ਾਂ ਨੇ ਸਭ ਤੋਂ ਵੱਧ ਵਿਕਟਾਂ ਲਈਆਂ ਹਨ।

IND vs AUS

ਭਾਰਤ ਅਤੇ ਆਸਟਰੇਲੀਆ ਵਿਚਾਲੇ ਸਭ ਤੋਂ ਵੱਧ ਵਿਕਟਾਂ ਲੈਣ ਦਾ ਰਿਕਾਰਡ ਅਨਿਲ ਕੁੰਬਲੇ ਦੇ ਨਾਂ ਦਰਜ ਹੈ। ਇਸ ਸਾਬਕਾ ਭਾਰਤੀ ਸਪਿਨਰ ਨੇ 20 ਮੈਚਾਂ ਦੀਆਂ 38 ਪਾਰੀਆਂ 'ਚ 111 ਵਿਕਟਾਂ ਲਈਆਂ। ਕੁੰਬਲੇ ਨੇ ਆਸਟ੍ਰੇਲੀਆ ਖਿਲਾਫ 30.32 ਦੀ ਔਸਤ ਨਾਲ ਵਿਕਟਾਂ ਲਈਆਂ।

ਹਰਭਜਨ ਸਿੰਘ ਭਾਰਤ ਅਤੇ ਆਸਟਰੇਲੀਆ ਵਿਚਾਲੇ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਦੂਜੇ ਗੇਂਦਬਾਜ਼ ਹਨ। ਹਰਭਜਨ ਨੇ ਆਸਟ੍ਰੇਲੀਆ ਖਿਲਾਫ 18 ਮੈਚਾਂ ਦੀਆਂ 35 ਪਾਰੀਆਂ 'ਚ 95 ਵਿਕਟਾਂ ਲਈਆਂ ਸਨ। ਇਸ ਦੌਰਾਨ ਉਨ੍ਹਾਂ ਦੀ ਗੇਂਦਬਾਜ਼ੀ ਔਸਤ 29.95 ਰਹੀ।

ਇਸ ਸੂਚੀ 'ਚ ਤੀਜਾ ਨਾਂ ਆਸਟ੍ਰੇਲੀਆਈ ਸਪਿਨਰ ਨਾਥਨ ਲਿਓਨ ਦਾ ਹੈ। ਲਿਓਨ ਨੇ ਹੁਣ ਤੱਕ 22 ਮੈਚਾਂ ਦੀਆਂ 41 ਪਾਰੀਆਂ 'ਚ 94 ਵਿਕਟਾਂ ਲਈਆਂ ਹਨ। ਉਸ ਦੀ ਗੇਂਦਬਾਜ਼ੀ ਔਸਤ 34.75 ਰਹੀ ਹੈ। ਲਿਓਨ ਇਸ ਵਾਰ ਵੀ ਆਸਟਰੇਲੀਆ ਦੀ ਟੀਮ ਵਿੱਚ ਸ਼ਾਮਲ ਹੈ। ਉਹ ਇਸ ਸੂਚੀ ਦੇ ਸਿਖਰ 'ਤੇ ਪਹੁੰਚ ਸਕਦਾ ਹੈ।

ਮੌਜੂਦਾ ਭਾਰਤੀ ਟੀਮ ਵਿੱਚ ਸ਼ਾਮਲ ਆਰ ਅਸ਼ਵਿਨ ਵੀ ਟਾਪ-5 ਦੀ ਇਸ ਸੂਚੀ ਵਿੱਚ ਸ਼ਾਮਲ ਹੈ। ਅਸ਼ਵਿਨ ਨੇ 18 ਮੈਚਾਂ ਦੀਆਂ 34 ਪਾਰੀਆਂ 'ਚ 31.48 ਦੀ ਗੇਂਦਬਾਜ਼ੀ ਔਸਤ ਨਾਲ 89 ਵਿਕਟਾਂ ਲਈਆਂ ਹਨ। ਅਸ਼ਵਿਨ ਵੀ ਇਸ ਵਾਰ ਇਸ ਸੂਚੀ ਵਿੱਚ ਅੱਗੇ ਜਾ ਸਕਦੇ ਹਨ।

ਸਾਬਕਾ ਭਾਰਤੀ ਆਲਰਾਊਂਡਰ ਕਪਿਲ ਦੇਵ ਇੱਥੇ ਪੰਜਵੇਂ ਸਥਾਨ 'ਤੇ ਹਨ। ਕਪਿਲ ਦੇਵ ਨੇ ਆਸਟ੍ਰੇਲੀਆ ਖਿਲਾਫ 20 ਮੈਚਾਂ ਦੀਆਂ 38 ਪਾਰੀਆਂ 'ਚ 79 ਵਿਕਟਾਂ ਲਈਆਂ ਹਨ। ਕਪਿਲ ਦੇਵ ਨੇ ਕੰਗਾਰੂ ਟੀਮ ਖਿਲਾਫ਼ 25.35 ਦੀ ਸ਼ਾਨਦਾਰ ਗੇਂਦਬਾਜ਼ੀ ਔਸਤ ਨਾਲ ਗੇਂਦਬਾਜ਼ੀ ਕੀਤੀ ਹੈ।